ХЕДЕНЗА

ХЕДЕНЗА

Жоқ

Дәрілік түрі, дозалануы

Ректальді суппозиторийлер

Жүрек-қантамыр жүйесі. Вазопротекторлар. Геморрой және анальді сызаттарды емдеу үшін жергілікті қолдануға арналған дәрілер. Геморрой және анальді сызаттарды емдеу үшін жергілікті қолдануға арналған басқа дәрілер. Басқа да препараттар және олардың біріктірілімдері.

АТХ коды С05АХ03

Ересектердегі ішкі геморройды, анальді сызаттарды және анальді қышынуды емдеу.

Қолдануды бастағанға дейін қажетті мәліметтер тізбесі

• белсенді заттарға немесе «Дәрілік препараттың құрамы» бөлімінде аталған кез келген басқа қосымша заттарға жоғары сезімталдық;

• қолдану тәжірибесінің болмауына байланысты 12 жасқа дейінгі балалар.

Қолдану кезіндегі қажетті сақтандыру шаралары

ХЕДЕНЗА суппозиторийлерінде майсана майы бар. Бұл терінің жергілікті реакциясын тудыруы мүмкін.

ХЕДЕНЗА суппозиторийлерінде арахис майы бар. Арахис немесе сояға аллергиялық реакциясы бар адамдарға қолдануға болмайды.

ХЕДЕНЗА суппозиторийлерін анустың аймағында терінің қатты зақымдануы болған кезде енгізуге болмайды.

Жағымсыз реакциялардың жоғарылау қаупі мен артық дозалану жағдайларына байланысты ұсынылған дозадан жоғары дозаларды қолданбаңыз.

Басқа дәрілік препараттармен өзара әрекеттесуі

Басқа препараттармен өзара әрекеттесу саласында зерттеулер жүргізілмеген.

Арнайы ескертулер

Жүктілік немесе лактация кезінде

Жүкті әйелдерде ХЕДЕНЗА препаратын қолдану туралы клиникалық деректер жоқ. Жануарларға жүргізілген зерттеулер жүктілікке, эмбриональді/шарананың дамуына, босануға немесе босанғаннан кейінгі дамуға тікелей немесе жанама жағымсыз әсерлерді көрсетпейді. ХЕДЕНЗА суппозиторийлерін жүктілік және бала емізу кезінде сақтықпен қолдану керек.

Фертильділік

Жануарларға жүргізілген зерттеулер ұрпақ өрбітуге уытты әсердің болуын көрсетпейді.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бұл дәрілік препарат көлік құралдарын басқару және механизмдермен жұмыс істеу қабілетіне ешқандай әсер етпейді.

Қолдану жөніндегі нұсқаулар

Дозалау режимі

Ересектер

Ректальді қолдану үшін.

ХЕДЕНЗА суппозиторийлері күніне бір немесе екі рет (яғни, таңертең және кешке) ректальді енгізіледі.

Балалар

Дәрілік препаратты 12 жасқа дейінгі балалар мен жасөспірімдерге қолдануға болмайды.

Енгізу әдісі мен жолы

Суппозиторийді анустық өзектің шырышты қабығына жақсы әсер ету үшін оны тереңірек енгізбес бұрын, анустық өзекте 1-2 минут ұстау керек.

Суппозиторийді қолданар алдында салқындату ұсынылады (тоңазытқышта).

Емдеу ұзақтығы

Геморройды жергілікті емдеу әдетте ұзақ мерзімді терапия болып табылады. Егер симптомдар 5 күннен кейін жақсармаса, емдеудің басқа әдістерін қарастыру керек.

Артық дозаланған жағдайда қабылдануы тиіс шаралар

Артық дозалану жағдайлары жөнінде хабарланбаған.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Дәрілік препаратты қолдану тәсілін түсіндіру үшін дәрігермен кеңесу ұсынылады.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жағымсыз реакциялардың жиілігі мынадай критерийлерге сәйкес айқындалады: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес).

1-кесте. Жағымсыз реакциялар тізбесі

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 суппозиторийдің құрамында:

белсенді заттар: монохлоркарвакрол 1 мг, левоментол 50 мг, ихтиол 4 мг

қосымша заттар: майсана майы; арахис майы; зығыр майы; түймедақ майы; пропилгаллат; лимон қышқылы, моногидрат; тазартылған су; қатты май.

Сыртқы түрінің, иісінің, дәмінің сипаттамасы

Ментол иісі бар, тегіс, қара дақтары жоқ біркелкі беткейі бар ашық сары түсті торпеда пішінді суппозиторийлер.

Шығарылу түрі және қаптамасы

5 суппозиторийден ПВХ/ПВДХ/ПЭ үлбірден жасалған пішінді ұяшықты қаптамада.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл

Жарамдылық мерзімі өткеннен кейін қолдануға болмайды!

25 ºС-деп аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Өндіруші туралы мәліметтер

Мерц Фарма ГмбХ және Ко. КГаА

Людвигштрассе 22, 64354 Райнхайм, Германия

Тел.: +49 (0) 6162-8009-724

E-mail: carmen.gonzales-RHM@merz.com

ТІРКЕУ КУӘЛІГІНІҢ ҰСТАУШЫСЫ

Альпен Фарма АГ

Финкенхубельвег 16,

3012 Берн, Швейцария

Тел./факс: +41 (0) 31 313 33 66/+41 (0) 31 313 33 67

E-mail: info@alpenpharma.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Альпен Фарма» ЖШС, Қазақстан Республикасы,

Алматы облысы, Қарасай ауданы, Елтай ауылдық округі,

Көкөзек а., 1044 құрылыс

Тел.: + 7 727 232-34-73

Факс: + 7 727 232-34-74

E-mail: info.kazakhstan@alpenpharma.com

Моб. +7 701 035 70 69

E-mail: pv.kz@alpenpharma.com