Хайкювиа

Хайкювиа

Жоқ

Дәрілік түрі, дозасы

Тері астына енгізуге арналған ерітінді, 100 мг/мл + 160 ӘБ/мл

Иммундық сарысу және иммуноглобулиндер, иммуноглобулиндер, адамның қалыпты иммуноглобулині

ATХ коды: J06BA01

Хайкювиа дәрілік препараты төмендегілерді емдеуге арналған рекомбинантты адам гиалуронидазасы бар иммуноглобулин болып табылады:

• антиденелер өндірісі бұзылған ересектер мен екі жастан асқан балалардағы бастапқы иммун тапшылығы (БИТ) синдромы.

• ауыр немесе қайталанатын инфекциялары бар, микробқа қарсы емі тиімсіз және спецификалық антиденелердің (PSAF)* жеткіліксіздігі дәлелденген немесе сарысудағы IgG деңгейі <4 г/л ересектер мен екі жастағы және одан үлкен балаларда салдарлы иммун тапшылығы (СИТ).

• ересектердегі созылмалы қабынушы демиелинизациялаушы полиневропатия (СҚДП) жүйке-бұлшықет мүгедектігі мен бұзылуларының қайталануын болдырмау үшін демеуші ем ретінде.

* PSAF = пневмококкты полисахаридті және полипептидті антигендік вакциналарға IgG антиденелері титрінің кем дегенде екі есе жоғарылауының болмауы

Хайкювиа препараты келесі жағдайларда қарсы көрсетілген:

• әсер етуші заттарға немесе қосымша заттардың кез келгеніне аса жоғары сезімталдық;

• анамнезінде IgG енгізуге анафилаксиялық немесе ауыр жүйелі реакциялар бар пациенттер;

• анамнезінде IgA тапшылығы, IgA антиденелерінің болуы және аса жоғары сезімталдық бар пациенттер;

• гиалуронидазаға белгілі жүйелі жоғары сезімталдығы, оған қоса Хайкювианың рекомбинантты адам гиалуронидазасы бар пациенттер;

• адам альбуминіне (гиалуронидаза ерітіндісінде) жүйелі аса жоғары сезімталдығы бар пациенттер.

Қадағалануы

Биологиялық препараттардың қадағалануын жақсарту үшін енгізілетін препараттың атауы мен партия нөмірін нақты жазу керек.

Хайкювианы қан тамырына кездейсоқ енгізгенде, пациенттерде шок пайда болуы мүмкін.

«Дозалау режимі» бөл. көрсетілген инфузияның ұсынылған жылдамдығын ұстану керек. Пациенттер инфузия кезеңінде, әсіресе емдеуді жаңадан бастаған пациенттерде мұқият бақылауда болуы керек.

Белгілі бір жағымсыз реакциялар адамның қалыпты иммуноглобулинін алғаш рет қабылдаған пациенттерде немесе сирек жағдайларда адамның қалыпты иммуноглобулиніне ауысқанда немесе алдыңғы инфузиядан кейін ұзақ уақыт өткен кезде жиі пайда болуы мүмкін.

Ықтимал асқынулардың алдын алуға болады:

• бастапқыда препаратты баяу енгізіңіз («Дозалау режимі» бөл. қараңыз).

• инфузия кезеңінде кез-келген симптомдар үшін пациенттерді мұқият бақылауды қамтамасыз етіңіз. Атап айтқанда, бұрын адам иммуноглобулинін қабылдамаған пациенттер қалыпты, баламалы иммуноглобулин препаратынан ауысқан пациенттер немесе алдыңғы инфузиядан кейін ұзақ уақыт аралығы өткен пациенттер ықтимал қолайсыз белгілерді анықтау үшін бірінші инфузия кезінде және бірінші инфузиядан кейінгі бірінші сағат ішінде бақылауда болуы тиіс.

Барлық басқа пациенттер енгізілгеннен кейін кем дегенде 20 минут бақылауда болуы керек.

• Емдеу үйде жүргізілгенде, жағымсыз реакцияларды емдеу немесе ауыр жағымсыз реакциялар туындаған жағдайда көмекке шақыру үшін басқа жауапты адамның болуын қамтамасыз ету қажет. Үйде өз бетімен ем жасайтын пациенттер және/немесе олардың қамқоршысы да аса жоғары сезімталдық реакцияларының ерте белгілерін анықтауға үйретілуі керек.

Жағымсыз реакция пайда болған жағдайда енгізу жылдамдығын азайту немесе инфузияны тоқтату керек. Қажетті емдеу жағымсыз реакциялардың сипаты мен ауырлығына байланысты. Шок болған жағдайда инфузияны дереу тоқтатып, пациентті шоктан тиісті емдеуді бастаңыз.

Пациенттер инфузия орнында пайда болатын және бірнеше күннен астам уақытқа созылатын кез келген созылмалы қабыну, түйіндер немесе қабыну туралы хабарлау қажеттілігін еске салуы керек.

IG 10%-ға аса жоғары сезімталдық

Шынайы аса жоғары сезімталдық реакциялары сирек кездеседі. Атап айтқанда, олар анти-IgA-антиденелері бар пациенттерде пайда болуы мүмкін, оларды емдеу өте сақтықпен жүргізілуі керек. Тері астына IgG препараттарымен емдеу жалғыз нұсқа болып қалатын анти-IgA-антиденелері бар пациенттерге Хайкювиа препаратымен емдеу тек мұқият медициналық бақылаумен жүргізілуі керек.

Сирек жағдайларда адамның қалыпты иммуноглобулині, тіпті адамның қалыпты иммуноглобулинімен алдыңғы емді көтере алған пациенттерде де анафилаксиялық реакциямен жүретін артериялық қысымның төмендеуіне әкелуі мүмкін.

• Егер пациент кез-келген аллергиялық реакциялардың жоғары қаупіне ұшыраса, өнімді өмірге қауіп төндіретін реакциялар үшін демеуші терапия болған жағдайда ғана енгізу керек.

• Пациенттерге анафилаксия/аса жоғары сезімталдықтың (есекжем, қышу, жайылған есекжем, кеуденің қысылуы, ышқынып тыныс алу және артериялық гипотензия) ерте белгілері туралы хабарлау керек.

• Ілеспе реакцияның ауырлығына және медициналық тәжірибеге байланысты премедикация осы типтегі реакцияның алдын алады.

• Егер адамның иммуноглобулиніне белгілі анафилаксиялық немесе ауыр аса жоғары сезімталдық болса, бұл пациенттің медициналық тарихында атап өтілуі керек.

Рекомбинантты адам гиалуронидазасына аса жоғары сезімталдық

Рекомбинантты адам гиалуронидазасын енгізгеннен кейін аллергиялық немесе анафилаксиялық реакцияларға кез келген күдік инфузияны дереу тоқтатуды талап етеді және қажет болғанда стандартты ем тағайындалуы керек.

Тромбоз

Иммуноглобулин препараттарымен, соның ішінде Хайкювиамен емдеуден кейін тромбоздың дамуы туралы хабарланды. Қауіп факторларына егде жас, ұзақ иммобилизация, гиперкоагуляция, анамнездегі веналық немесе артериялық тромбоз, эстрогендер қолдану, тұрақты орталық тамыр катетерлері, тұтқырлықтың жоғарылауы және жүрек-қантамыр ауруларының қауіп факторлары кіруі мүмкін. Тромбоз белгілі қауіп факторлары болмаған кезде пайда болуы мүмкін.

Тұтқырлық қаупі жоғары пациенттерде, мысалы, криоглобулиндер, аш қарынға хиломикронемия/триацилглицериндер (триглицеридтердің) деңгейі едәуір жоғары немесе моноклоналды гаммапатия бар пациенттерде қанның бастапқы тұтқырлығын бағалаңыз. Тромбоз қаупі бар пациенттерге Хайкювианы ең төменгі дозада және ең төменгі жылдамдықпен енгізу керек. Енгізер алдында пациенттердің талапқа сай гидратациясын қамтамасыз ету қажет. Тромбоз белгілері мен симптомдарын үнемі бақылау және тұтқырлық қаупі жоғары пациенттерде қанның тұтқырлығын бағалау қажет.

Рекомбинантты адам гиалуронидазасының иммуногенділігі (PH20)

Бейтараптаушы антиденелердің эндогендік PH20-мен өзара әрекеттесу мүмкіндігі бар, ол ересек еркектердің аталық безінде, аналық без қосалқысында және сперматозоидтарында экспрессияланады. Бұл антиденелер адамның ұрықтануына кедергі келтіруі мүмкін бе, белгісіз. Бұл антиденелердің клиникалық маңызы белгісіз.

Асептикалық менингит синдромы (АМС)

АМС венаішілік иммуноглобулин (IGIV) енгізгенде немесе теріастылық иммуноглобулин (IGSC) енгізгенде, оған қоса ішінде Хайкювиа енгізген кезде пайда болады деп хабарланды. АМС көбінесе әйел пациенттерде кездеседі. IgG емдеуді тоқтату бірнеше күн ішінде ешқандай салдарсыз ремиссияға әкелді. Синдром иммуноглобулинмен емдеуден кейін бірнеше сағаттан екі күнге дейін созылады.

АМС үшін келесі белгілер мен симптомдар тән: қатты бас ауыруы, желке бұлшықетінің сіресуі, ұйқышылдық, қызба, көз қарығуы, көздің қозғалғанда ауыруы, жүрек айнуы және құсу. Жұлын сұйықтығын (ЖС) зерттеу көбінесе мм3-не бірнеше мың жасушаға дейін негізінен гранулоциттер қатарындағы плеоцитозды және ақуыз деңгейінің бірнеше жүз мг/дл-ге дейін жоғарылауын анықтайды, алайда өсірінділік зерттеу нәтижелері теріс. Менингиттің басқа себептерін анықтау үшін осындай белгілері мен симптомдары бар пациенттерді, оған қоса ЖС зерттеулерін мұқият неврологиялық тексеруден өткізіңіз.

Гемолиз

Хайкювианы қоса, IgG өнімдерінде гемолизин ретінде әсер ете алатын және in vivo IgG эритроциттер жабындысын (RBC) индукциялай алатын қан тобының антиденелері бар. Бұл антиденелер оң тікелей антиглобулин реакциясын және гемолизді тудыруы мүмкін. Вена ішіне енгізілетін 10% иммуноглобулинді (адамның) қоса, IgG вена ішіне енгізгеннен кейін жедел венаішілік гемолиз туралы хабарланды, кешеуілдеген гемолиздік анемия эритроциттер секвестрациясының күшеюіне байланысты дамуы мүмкін.

Гемолиздің клиникалық белгілері мен симптомдарын анықтау үшін пациенттерді үнемі мониторингілеу қажет. Егер Хайкювиа инфузиясынан кейін гемолиз белгілері және/немесе симптомдары болса, тиісті растайтын зертханалық зерттеулер жүргізіңіз.

Бүйрек дисфункциясы/жеткіліксіздігі

Жедел бүйрек дисфункциясы/жеткіліксіздігі, жедел тубулярлық некроз, проксимальді тубулярлық нефропатия, осмостық нефроз және өлім IgG препараттарын, әсіресе құрамында сахароза бар препараттарды вена ішіне енгізгенде пайда болуы мүмкін.

Хайкювиада сахароза жоқ. 10% иммуноглобулинді (адамның) вена ішіне енгізгенде жедел бүйрек дисфункциясы /жеткіліксіздігі туралы хабарланды. Хайкювиа инфузиясын бастар алдында пациенттерде сұйықтық көлемінің тапшылығы жоқ екеніне көз жеткізіңіз. Алдыңғы бүйрек жеткіліксіздігіне немесе жедел бүйрек жеткіліксіздігіне бейімділікке байланысты бүйрек дисфункциясының даму қаупі (мысалы, қант диабеті, 65 жастан асқандар, гиповолемия, сепсис, парапротеинемия немесе белгілі нефроуытты препараттарды қабылдау) бар пациенттерде бүйрек функциясын бақылап, анағұрлым төмен және жиі дозаларды қарастыру керек.

Бүйрек функциясын және диурезді мезгіл-мезгіл бақылау жедел бүйрек жеткіліксіздігінің даму қаупі жоғары пациенттерде ерекше маңызды. Бүйрек функциясын бағалаңыз, оған қоса қандағы азот мочевинасы (ҚАМ) және сарысулық креатининді бастапқы Хайкювиа инфузиясына дейін және одан кейін тиісті аралықтарда қайтадан өлшеңіз. Егер бүйрек функциясы нашарласа, Хайкювианы тоқтату туралы мәселені қарау керек.

Оқшауланған инфекцияның таралуы

Зақымданған аймақты немесе оның айналасын инфузиялау оқшауланған инфекцияға әкелуі мүмкін. Оқшауланған инфекцияның таралу қаупіне байланысты бұл жерлерге Хайкувианы енгізбеңіз.

Трансфузияға байланысты жедел өкпе зақымдануы (TRALI)

Кардиогенді емес өкпе ісінуі (TRALI) IgG вена ішіне енгізгенде пайда болуы мүмкін және 10% иммуноглобулинді (адамның) вена ішіне енгізгенде пайда болатыны хабарланды. TRALI ауыр респираторлық дистресс-синдроммен, өкпе ісінуімен, гипоксемиямен, сол жақ қарыншаның қалыпты функциясымен және қызбамен сипатталады. Симптомдар әдетте емдеуден кейін 1-6 сағат ішінде пайда болады.

Өкпенің жағымсыз реакцияларын анықтау үшін пациенттерді үнемі мониторингілеу қажет. Егер TRALI-ге күдік болса, өнімде де, пациенттің сарысуында да антинейтрофильді және анти-HLA антиденелеріне тиісті тексерулерді қоса, бағалау жүргізіңіз. TRALI-ді талапқа сай желдету жүйесімен оксигенотерапиямен емдеуге болады.

Трансмиссиялық инфекциялық агенттер

Хайкювианың 10% иммуноглобулині (адамның) адам плазмасынан жасалғандықтан, ол инфекциялық агенттердің, мысалы, вирустардың, БКЯ (вБКЯ) нұсқасы қоздырғышының және теориялық тұрғыдан классикалық Крейцфельдт-Якоб ауруы қоздырғышының таралу қаупін тудыруы мүмкін. Бұл сондай-ақ белгісіз немесе жаңа вирустар мен басқа қоздырғыштарға қатысты.

Хайкювиамен астасқан вирустық аурулардың немесе вБКЯ берілу жағдайлары анықталған жоқ.

Зертханалық нәтижелерге араласу

IgG инфузиясынан кейін пациенттің қанындағы әртүрлі пассивті тасымалданатын антиденелер деңгейінің уақытша жоғарылауы қате интерпретация ықтималдығымен серологиялық тесттердің жалған оң нәтижелеріне әкелуі мүмкін. Эритроциттердің антигендеріне антиденелердің пассивті берілуі (мысалы, А, В және D) оң тікелей немесе тікелей емес антиглобулин тестін (Кумбс) тудыруы мүмкін.

Иммуноглобулин препараттарының инфузиясы зеңдік инфекцияларды диагностикалау үшін β-D-глюкандарды анықтауға тәуелді жалған оң талдауларға әкелуі мүмкін; бұл препаратты енгізгеннен кейін бірнеше апта бойы сақталуы мүмкін.

Антиденелердің пассивті тасымалдануы эпидемиялық паротитке, қызамыққа және желшешекке қарсы вакциналар сияқты тірі әлсіретілген вирустық вакциналарға 6 айға дейін және бір жыл немесе одан да көп уақытқа қызылшаға қарсы вакциналарға иммундық жауапты уақытша әлсіретуі мүмкін. Қызылшаға қарсы вакцина қабылдаған пациенттерде антиденелердің статусын тексеру керек.

Хайкювианың басқа дәрілік заттардың ерітінділерімен қоспалары зерттелмеген. Хайкювиа компоненттерін басқа препараттармен араластырмаңыз немесе қолданбаңыз.

Емшек емізу

Адамның рекомбинантты гиалуронидазасының (rHuPH20) ұсынылатын дозасы 80 ӘБ/г иммуноглобулинді (IgG) құрайды, бұл бастапқы иммун тапшылығы (БИТ) және созылмалы қабынушы демиелинизациялаушы полиневропатия (СҚДП) көрсетілімдері үшін 0,5 мл адамның рекомбинантты гиалуронидазасының (rHuPH20) ерітіндісіне және инфузияға арналған 10 мл 10% иммуноглобулин (адам) ерітіндісіне сәйкес келеді.

Иммуноглобулин (адам) инфузиясының 10% ұсынылатын дозасы төменде келтірілген.

Бастапқы иммун тапшылығы (БИТ)

Хайкювиа препаратымен емдеуді бастау

• бұрын басқа IgG емдеу курсын қабылдаған пациенттерге алдыңғы препараттың соңғы инфузиясынан кейін шамамен бір аптадан соң бірінші доза беріледі;

• дозаны және жиілікті 1 апталық дозадан 3 немесе 4 апталық дозаға дейін арттырыңыз (1-кестені қараңыз);

• емдеуді толық айлық дозадан бастау клиникалық зерттеулерде бағаланбаған.

1-кесте. Емдеудің бастапқы кезең аралығы/дозаны арттыру кестесі

Венаішілік иммуноглобулинмен (адам) емдеуден ауысатын пациенттер үшін [IGIV]:

• бастапқы дозаны жоғарылатқаннан кейін Хайкювиа препаратын алдыңғы вена ішіне енгізумен бірдей дозада және жиілікте енгізіңіз.

Қызылшаны жұқтыру қаупі бар пациенттер үшін:

• егер пациент қызылшаны жұқтырған болса, Хайкювиа дозасын мүмкіндігінше тезірек және инфекциядан кейін 6 күн ішінде енгізген жөн. 400 мг/кг доза кем дегенде екі апта бойы сарысудағы қызылша антиденелерінің > 240 мм/мл деңгейін қамтамасыз етуі тиіс;

• егер пациент болашақта қызылшаны жұқтыру қаупіне ұшыраса және 3-4 апта сайын 530 мг/кг аз дозаны қабылдаса, дозаны кем дегенде 530 мг/кг дейін арттыру керек. Бұл инфузиядан кейін кем дегенде 22 күн ішінде қан сарысуындағы қызылша антиденелерінің 240 мм/мл деңгейін қамтамасыз етуі тиіс.

Бұрын тері астылық иммуноглобулинмен ем алған (адам) [IGSC] немесе IGSC-тен өткен пациенттер үшін:

• Хайкювианы дозаны бастапқы көтергеннен кейін 3-4 апта аралығымен 300-ден 600 мг/кг-ға дейін енгізу керек.

Дозаны жекелей таңдау

• егер Хайкювиа сол дозада және сол жиілікте енгізілсе, Хайкювианы енгізгеннен кейін сарысудағы IgG деңгейлері вена ішіне енгізген кезде сарысудағы IgG деңгейлерімен салыстырмалы болуы тиіс.

Дозаны түзету үшін:

• Хайкювиамен емдеу кезінде пациенттің сарысуындағы ең төменгі IgG деңгейі мен алдыңғы венаішілік емдеу кезінде ең төменгі IgG деңгейі арасындағы айырмашылықты есептеңіз;

• бұл айырмашылықты (мг/дл-де) 2-кестенің бағандарынан және пациенттің дене салмағына және IgG минималды деңгейінің қажетті өзгеруіне байланысты дозаны жоғарылату немесе азайту үшін сәйкес шаманы (мл-де) табыңыз.

2-кесте. IgG а минималды деңгейінің болжамды өзгеруі үшін дозалау аралығына енгізілетін көлемді жекелей таңдау (IgG минималды деңгейлеріндегі айырмашылық)

a 3,3 кг/дл көлбеуді пайдаланумен алынған

1-мысал: Дене салмағы 80 кг пациентте өлшенген ең төменгі IgG деңгейі 800 мг/дл, ал анықтамалық ең төменгі деңгей 1000 мг/дл. Деңгейлердің минималды айырмашылығы 200 мг/дл (1000 мг/дл минус 800 мг/дл). Хайкювиа дозасы дозалау аралығында 48 мл (4,8 г) арттырылуы тиіс.

2-мысал: Дене салмағы 60 кг пациентте өлшенген ең төменгі IgG деңгейі 1000 мг/дл, ал анықтамалық ең төменгі деңгей 900 мг/дл. Деңгейлердің минималды айырмашылығы 100 мг/дл (900 мг/дл минус 1000 мг/дл). Хайкювиа дозасы дозалау аралығында 18 мл (1,8 г) төмендетілуі тиіс.

Хайкювианы төрт апта сайын бір аймаққа толық терапиялық дозаны енгізу үшін қолдануға болады. Көлемді, жалпы инфузия уақытын және жағымдылықты ескере отырып, инфузия аймақтарының жиілігі мен санын реттеңіз. Қажет болса, пациент бірдей апталық баламалы дозаны алуы үшін жиілікті реттеңіз.

3-мысал: 3 апта сайын берілетін 30 г дозаны түзету кезінде Хайкювиа 4 апта сайын 40 г тағайындалады. Егер 3 немесе 4 апта аралықпен вена ішіне енгізумен салыстырғанда жоғары минималды деңгей қажет болса, дозаны көбейтіңіз немесе дозалау аралығын азайтыңыз. Хайкювиа көлемі 600 мл-ден асқан кезде екінші орынға енгізу немесе қысқа аралықпен инфузия жасау мүмкіндігін бағалаңыз.

Егер пациент дозаны өткізіп алса, өткізіп алған дозаны мүмкіндігінше тезірек енгізіңіз, содан кейін мүмкін болса жоспарланған емдеуді жалғастырыңыз.

Егер Хайкювиа вена ішіне немесе тері астына енгізілсе, бірақ алдыңғы емдеуден басқа аралықпен енгізілсе, онда 2-кестеге қатысты емес және қажет болғанда Хайкювиа дозасын клиникалық жауапқа сәйкес түзету керек.

Екіншілік иммун тапшылығы (ЕИТ)

Ұсынылатын доза үш-төрт апта сайын 0,2-0,4 г/кг құрайды.

IgG ең төменгі деңгейлері инфекция жиілігіне байланысты өлшеніп, бағалануы керек. Инфекциялардан оңтайлы қорғанысқа қол жеткізу үшін дозаны қажетінше түзету керек, тұрақты инфекциясы бар пациенттерде дозаны ұлғайту қажет болуы мүмкін; пациентте инфекция болмаған кезде дозаны төмендетуді қарастыруға болады.

Созылмалы қабынбалы демиелинизациялық полиневропатия (СҚДП)

Жалпы нұсқаулық:

• Хайкювиа препаратымен емді бастар алдында, дозаны арттыру кестесін жоспарлау үшін апталық баламалы дозаны есептеңіз. Дозаны және қабылдау жиілігін жеке клиникалық жауапқа байланысты реттеуге болады.

• пациенттердің төзімділігін қамтамасыз ету үшін толық дозаға жеткенше тері астындағы инфузия көлемін біртіндеп ұлғайту арқылы дозаны арттыру кестесі ұсынылады.

• емдеуші дәрігердің қалауы бойынша алғашқы екі инфузияға жақсы көтере алатын пациенттерде кейінгі инфузияларды инфузияның көлемі мен жалпы уақытын ескере отырып, дозаларды біртіндеп ұлғайту және енгізу аралықтарын азайту арқылы жүргізуге болады.

• 0,4 г/кг-нан аз немесе оған тең дозаларды пациент қолайлы көтере алатын жағдайда дозаны арттырмай енгізуге болады.

Иммуноглобулинді (адам) вена ішіне енгізумен емдеуден өтетін пациенттер үшін [IGIV]:

• иммуноглобулинді вена ішіне енгізуден ауысатын пациенттер IGIV тұрақты* дозаларын алуы тиіс.

• Хайкювиа препаратымен емдеуді бастамас бұрын, соңғы IGIV дозасын апта сайынғы IGIV аралығына бөлу арқылы апталық баламалы дозаны есептеңіз.

• Хайкювианы қабылдаудың бастапқы дозасы мен жиілігі пациенттің IGIV алдыңғы емімен бірдей. Хайкювианың әдеттегі дозалау аралығы 4 апта. IGIV жиілігі аз пациенттер үшін (4 аптадан астам) дозалау аралығын IgG ай сайынғы баламалы дозасын сақтай отырып, 3 немесе 4 аптаға дейін арттыруға болады.

• соңғы IGIV инфузиясынан кейін екі аптадан соң есептелген апталық дозаны (1-ші инфузия) «Дайындау және пайдалану тәсілдері» бөлімінде көрсетілгендей енгізіңіз. Хайкювианың бірінші дозасынан бір апта өткен соң, аптаның басқа баламалы дозасын енгізіңіз (2-ші инфузия).

• күшейту кезеңі дозалау аралығы мен жағымдылыққа байланысты 9 аптаға дейін созылуы мүмкін (3-кесте).

* Субъектінің IgG инфузиялары арасындағы ±7 күнге дейінгі дозалау аралығындағы немесе ±20% дейінгі ай сайынғы баламалы дозадағы вариациялар тұрақты доза болып саналады.

3-кесте. IGIV және Хайкювианың инфузиялық дозасын жоғарылату кестесі

* Санақ IGIV соңғы дозасын енгізгеннен кейін бір аптадан соң басталады. 1-апта — IGIV соңғы дозасынан бір аптадан кейін басталатын апта.

Пациенттердің ерекше топтары

Егде пациенттер

Егде жастағы пациенттерде Хайкювианы қолдану қауіпсіздігі шектеулі.

Созылмалы қабынбалы демиелинизациялық полиневропатия (СҚДП)

Тромбоздың және жедел бүйрек жеткіліксіздігінің даму қаупі жоғары 65 жастан асқан пациенттерге Хайкювианы тағайындағанда сақ болыңыз. Ұсынылған дозалардан асырмаңыз және Хайкювианы минималды дозада және инфузияның минималды жылдамдығымен енгізіңіз.

Балалар

Бастапқы иммун тапшылығын емдеуге арналған Хайкювианың қауіпсіздігі мен тиімділігі 2 жастан асқан балаларда анықталды.

2 жасқа толмаған пациенттерде Хайкювианың қауіпсіздігі мен тиімділігі бағаланбаған.

Созылмалы қабынбалы демиелинизациялық полиневропатия (СҚДП)

Хайкювианың 18 жасқа дейінгі пациенттерде СҚДП емдеуге арналған қауіпсіздігі мен тиімділігі анықталмаған.

Хайкювиа препаратын медицина қызметкері, тиісті дайындықтан кейін күтім жасайтын адам немесе пациенттің өзі енгізуі тиіс.

• иммуноглобулиннің (адамның) 10% инфузиясы бір аймаққа инфузия жылдамдығы сағатына 300 мл-ге дейін пациентке емдік дозаны енгізуге қабілетті инфузиялық сорғыны қолдануды талап етеді. Сорғының жағымдылықты жақсарту үшін қажет болса, ағынның жылдамдығын жоғары немесе төмен титрлеу мүмкіндігі болуы болуы тиіс. Ең жоғары ағын жылдамдығын қамтамасыз ету үшін «жоғары ағын жылдамдығы үшін» деп белгіленген 24 калибрлі теріастылық инелер жинағын пайдаланыңыз;

• инфузия орнынан ағып кету иммуноглобулинді, соның ішінде Хайкювианы тері астына енгізу кезінде немесе одан кейін пайда болуы мүмкін. Ұзынырақ инелерді (9 мм емес, 14 немесе 12 мм) және/немесе инфузия үшін бірден артық аймақты қолдануды қарастырыңыз.

• Хайкювианың екі компонентін рекомбинантты адам гиалуронидазасынан (rHuPH20) бастап ретімен енгізу керек. Инфузия үшін екі немесе үш орынды пайдаланған кезде rHuPH20-ны барлық орындар арасында тең бөліңіз.

• адамның рекомбинантты гиалуронидаза инфузиясынан кейін шамамен 10 минут ішінде теріастылық инелердің сол жинағы арқылы иммуноглобулиннің 10% (адам) толық дозасына инфузия жүргізіңіз. Әрбір толық немесе ішінара пайдаланылған 10% иммуноглобулин (адамның) құтысы үшін рекомбинантты адам гиалуронидазасы құтысының барлық ішіндегісін енгізіңіз.

Инфузия аймағын (аймақтарын) таңдау

Хайкювианы енгізудің ұсынылатын орындары – іш және жамбас. Егер екі аймақ қолданылса, екі аймақ та дененің қарама-қарсы жақтарында болуы тиіс. Инфузия үшін үш орынды пайдаланған кезде олар бір-бірінен кемінде 10 см қашықтықта болуы керек. Шығыңқы сүйекті немесе тыртығы, қабынуы немесе инфекциясы бар жерлерді абайлаңыз.

Аймақтардағы көлемі

Бастапқы иммун тапшылығы (БИТ) және салдарлы иммун тапшылығы (СИТ)

Дене салмағы 40 кг асатын немесе оған тең пациенттер үшін бір орынға 600 мл дейін және дене салмағы 40 кг аз пациенттер үшін бір орынға 300 мл дейін енгізу керек.

Екінші аумақты жағымдылық пен жалпы көлемге байланысты дәрігер мен пациенттің қалауы бойынша пайдалануға болады. Егер екінші аймақ қолданылса, әр аймаққа рекомбинантты адам гиалуронидазасы Хайкювианың жалпы көлемінің жартысын енгізіңіз.

Созылмалы қабынбалы демиелинизациялық полирадикулоневропатия (СҚДП)

Инфузияның нақты күнінде инфузияның ең жоғары көлемі дене салмағы ≥40 кг пациенттер үшін 1200 мл-ден немесе дене салмағы <40 кг пациенттер үшін 600 мл-ден аспауы тиіс. Егер ең жоғары тәуліктік дозаның шегі асып кетсе немесе пациент инфузия көлеміне шыдай алмаса, инфузия орнында инфузиялық сұйықтықтың сіңуін қамтамасыз ету үшін дозаны дозалар арасында 48-ден 72 сағатқа дейінгі аралықпен бөлінген дозалармен бірнеше күн ішінде енгізуге болады. Дозаны 1, 2 немесе 3 инфузия орнына енгізуге болады, бір жерге ең жоғары инфузия көлемі 600 мл (немесе жағымдылыққа байланысты). Үш инфузиялық орынды пайдаланған кезде ең жоғары көлемі бір орынға 400 мл құрайды.

Инфузия жылдамдығы

Бастапқы иммун тапшылығы (БИТ) және салдарлы иммун тапшылығы (СИТ)

Рекомбинантты адам гиалуронидазасы Хайкювианы бастапқы жылдамдықпен минутына шамамен 1-ден 2 мл-ге дейін немесе жағымдылыққа байланысты енгізу керек.

Хайкювианың 10% иммуноглобулинін (адам) бастапқы инфузия үшін 4-кестеде көрсетілген жылдамдықпен енгізу керек. Егер пациент бұл инфузияларға толық дозада және ең жоғары жылдамдықпен шыдаса, дәрігер мен пациенттің қалауы бойынша уақыт аралықтарын және тізбекті инфузиялар үшін қолданылатын жылдамдық өзгерістерінің санын реттеңіз.

4-кесте. 10% иммуноглобулиннің (адамның) инфузия жылдамдығы

Созылмалы қабынбалы демиелинизациялық полирадикулоневропатия (СҚДП)

rHuPH20 ерітіндісінің толық дозасы бір инфузия орнына немесе жағымдылығына байланысты минутына 1-2 мл (60-120 мл/сағ) жылдамдықпен енгізіледі. Иммуноглобулин инфузиясы, 10% (адам) rHuPH20 инфузиясы аяқталғаннан кейін шамамен 10 минут ішінде тері астына инелер жиынтығымен енгізілуі мүмкін.

Дене салмағы 40 кг және одан ауыр пациенттер.

Иммуноглобулиннің 10% (адам) инфузиясын инфузия орнына сағатына 10 мл бастапқы жылдамдықпен енгізу керек. Көтере алатын жағдайда енгізу жылдамдығын 5-тен 15 минутқа дейінгі аралықпен және алғашқы бір немесе екі инфузия үшін инфузия орнына сағатына 240 мл инфузияның ең жоғары жылдамдығына дейін арттыруға болады. Келесі инфузиялар үшін жылдамдықты инфузия орнына сағатына 300 мл-ге дейін жеткізуге болады.

Дене салмағы 40 кг-нан кем пациенттер.

Иммуноглобулиннің 10% (адам) инфузиясын инфузия орнына сағатына 5 мл бастапқы жылдамдықпен енгізу керек. Жақсы көтере алатын жағдайда енгізу жылдамдығын 5-тен 15 минутқа дейінгі аралықпен және алғашқы бір немесе екі инфузия үшін инфузия орнына сағатына 80 мл инфузияның ең жоғары жылдамдығына дейін арттыруға болады. Келесі инфузиялар үшін жылдамдықты инфузия орнына сағатына 160 мл-ге дейін жеткізуге болады.

Дайындау және пайдалану әдістері

• Хайкювиа 10% иммуноглобулинінің (адамның) сыртқы түрі мөлдірден немесе сәл бозаңнан түссіз немесе бозғылт сары түске дейін ауытқуы мүмкін;

• Хайкювианың рекомбинантты адам гиалуронидазасы мөлдір және түссіз болуы тиіс;

• егер ерітінділердің кез келгені бұлыңғыр немесе құрамында қатты бөлшектер болса, Хайкювиа компоненттерінің ешқайсысын қолданбаңыз.

Енгізу жөніндегі нұсқаулық

Инфузияға арналған Хайкювианы дайындау және енгізу кезінде асептикалық техниканы сақтау керек.

• шығын материалдарын дайындаңыз: екі құтысымен Хайкювиа жинағы(тары), қосалқы шығын материалдары, үшкір заттарға арналған контейнер және инфузиялық сорғы (сорғыны дәрігердің ұсынысы бойынша және өндірушінің нұсқауларына сәйкес реттеңіз);

• таза жұмыс аймағын дайындаңыз;

• қолыңызды жуыңыз;

• егер 10% иммуноглобулин (адамның) және рекомбинантты адам гиалуронидазасы бөлек контейнерде біріктірілсе, 5-қадамға өтіңіз.

• күлгін қорғағыш қалпақшаны шығарыңыз және көк қалпақшалардың құтылардан алынғанына көз жеткізіңіз;

• әр тығынды стерильді спиртті сүрткімен сүртіңіз және оны құрғатыңыз;

• шприцті инелі/инесіз құрылғыға жалғаңыз. Стерильді ине немесе инесіз құрылғы [стерильді иненің өлшемі (18-22)] барлық өлшемдегі құтылар үшін пайдаланылуы мүмкін. Инелі/ инесіз құрылғының өткір ұшын құты тығынының ортасына орналастырып, оны 90 градус бұрышқа қойыңыз. Ауаны енгізіңіз, содан кейін мүмкіндігінше әр «HY» жазулы әр құтының бүкіл ішіндегісін бір шприцке жинаңыз;

• құрамында рекомбинантты адам гиалуронидазасы бар шприцті тері астына инелер жинағына қосып, оларды ине төлкесіне бағыттаңыз.

• әр тығынды стерильді спиртті сүрткімен сүртіңіз және оны құрғатыңыз;

• «IG» деп белгіленген құты(лар)ның ішіндегісін келесі әдістердің бірімен тасымалдаңыз:

• Ерітіндіні өндірушінің нұсқауларына сәйкес тасымалдау құрылғысын пайдаланып инфузиялық пакетке енгізіңіз. Сорғыны жалғанған түтікпен жалғаңыз және толтырыңыз; немесе

• Сорғыны қосу үшін желдетілетін түтікті пайдаланып құтыға тікелей енгізіңіз және нұсқауларға сәйкес ерітіндіні енгізіңіз.

Шприцті қолданған кезде, дұрысы желдетілетін ұшы бар шприцке (шприцтерге) құйыңыз.

• инфузияның ықтимал орнына іштің ортаңғы және жоғарғы жағы және жамбас жатады;

• аулақ болыңыз: шығыңқы сүйектер, қан тамырлары, тыртықтар немесе қабынған немесе инфекцияланған жерлер;

• егер екі аймақты бірдей қолданған жөн болса, дененің қарама-қарсы жағында айыр инелер жинағын қолдануға болады;

• дененің қарама-қарсы жақтарын тізбекті инфузиялар арасында таңдау арқылы орындарды ауыстырыңыз;

• инфузия аймағын(тарын) әр аймақтың ортасынан бастап, айналмалы қимылдармен сыртқа қарай стерильді спиртті сүтркімен тазалаңыз. Инфузия аймағын(тарын) құрғатыңыз.

• теріні кем дегенде бір дюймге екі саусақпен қысыңыз. Инені теріастылық тінге 90 градус бұрышпен енгізіп инені стерильді лентамен бекітіңіз және орналасуын тексеріңіз;

Push әдісін қолданған кезде:

• енгізудің дұрыстығын тексеріңіз: бекітілген шприцтің поршенін абайлап тартыңыз және қанның түтікке қайта оралғанын тексеріңіз;

• егер түтікте қан көрінсе, инені шығарыңыз және тастаңыз және 3, 5 және 6-қадамдарды жаңа теріастылық инемен және жаңа инфузия аймағында қайталаңыз;

Сорғы әдісін қолданған кезде:

• сорғы түтігінің төменгі портының үстіндегі қысқышты жабыңыз.

• төменгі портты спирттік тампонмен тазалап, кем дегенде 30 секунд құрғатыңыз.

• 5 мл шприцті сорғы түтігінің төменгі тесігіне қосыңыз.

• шприц поршенін ақырын артқа тартыңыз. Егер қан болмаса, шприцті шығарып, төменгі порттың қысқышын ашыңыз

• инені стерильді қорғаныс таңғышымен бекітіңіз.

Егер push әдісі қолданылса:

• рекомбинантты адам гиалуронидазасын инфузияның бір аймағына минутына шамамен 1-2 мл бастапқы жылдамдықпен қолмен басқарылып енгізіңіз және жағымдылығына қарай жылдамдықты арттырыңыз.

Егер сорғы әдісі қолданылса:

• инфузия орнында бастапқы жылдамдықтан 60-тан 120 мл/сағатқа дейін бастаңыз және жағымдылық кезінде сағатына 300 мл-ге дейін арттыруға болады.

Егер бірден артық аумақ пайдаланылса, ішіндегіні аумақтар арасында тең бөліңіз. Инфузия аяқталғаннан кейін бос шприцті ажыратып, Хайкювианың 10% иммуноглобулині (адамның) бар сорғы/шприц түтігін тері астына енгізуге арналған инелер жинағына қосыңыз.

Хайкювианың рекомбинантты адам гиалуронидазасы инфузиясы аяқталғаннан кейін шамамен 10 минуттан соң Хайкювиа 10% иммуноглобулинінің (адамның) толық емдік дозасын инфузиялауды бастау үшін инфузиялық сорғыны айнымалы жылдамдықпен қосыңыз. Инфузияның соңында инфузиялық түтікті инеге дейін тұзды ерітіндімен немесе қажет болса судағы 5% декстроза ерітіндісімен (D5W) шайыңыз.

Инфузия аяқталғаннан кейін инелер жинағын алып тастаңыз және инфузия аймағын қорғаныш таңғышпен жабыңыз. Барлық жартылай пайдаланылған құтылар мен бір реттік шығын материалдарын жергілікті талаптарға сәйкес утилизациялаңыз.

Хайкювианың әрбір қолданылған 10% иммуноглобулин (адамның) құтысынан жұлынбалы заттаңбаны алып тастаңыз және пациенттің ауру тарихына немесе инфузия журналына жапсырыңыз. Одан өзге, инфузия уақытын, күнін, дозасын, аймағын және әрбір инфузиядан кейінгі кез келген реакцияларды жазыңыз.

Өзін-өзі енгізу үшін дәрігер немесе медицина қызметкері пациентке нұсқаулар бере алады және үйде немесе басқа қолайлы жағдайларда инфузия бойынша тренинг өткізе алады.

Егер сіз Хайкювиа дәрілік препаратының тым көп мөлшерін енгізген болсаңыз, емдеуші дәрігерге, дәріхана қызметкеріне немесе медицина қызметкеріне хабарлаңыз.

• жергілікті реакциялар: енгізу орнындағы ауырсыну (жайсыздықты қоса)

• жергілікті реакциялар: эритема, домбығу/ісіну, қышыну
• пирексия,
• шаршау
• құсу,
• жүрек айнуы,
• іштің ауыруы
• бас ауыруы

• арқаның ауыруы
• аяқ-қолдың ауыруы
• липазаның ұлғаюы

Адамның қалыпты иммуноглобулинінің 1 құтыдағы құрамы:

Белсенді зат: адамның 98% кем емес қалыпты IgG иммуноглобулині 1 адам ақуызына шаққанда - тиісінше 2,5 г, 5 г, 10 г, 20 г, 30 г

Қосымша заттар: глицин, инъекцияға арналған су

1 Препараттағы IgG қосалқы кластарының таралуы олардың адамның нативті плазмасында таралуына жақын.

IgG қосалқы кластарының таралуы:

IgG1 > 56.9% IgG3 > 3.4%

IgG2 > 26.6% IgG4 > 1.7%

Адамның рекомбинантты гиалуронидазасының 1 құтыдағы құрамы:

Белсенді зат: адамның рекомбинантты гиалуронидазасы - 160 ӘБ/мл.

Қосымша заттар: екі негізді натрий фосфат дигидраты (динатрий гидрофосфат дигидраты), натрий гидроксиді, адамның сарысулық альбумині 25%, кальций хлорид дигидраты, натрий хлориді, динатрий эдетат дигидраты (ЭДТА), 25% хлорсутек қышқылы, инъекцияға арналған су.

Адамның қалыпты 10% IG иммуноглобулині мөлдір немесе сәл бозаңданатын түссіз немесе бозғылт сары ерітінді түрінде келеді. Ерітіндінің рН 4,6-5,1 және осмолярлығы 240-300 мОсмоль/кг.

Адамның рекомбинантты гиалуронидазасы іс жүзінде бөлшектерсіз, мөлдір, түссіз ерітінді түрінде келеді. Ерітіндінің рН шамамен 6.5-тен 8.0-ге дейін және осмолярлығы 290-350 мОсмоль/кг құрайды.

Адамның қалыпты иммуноглобулині (IG 10%), құты

25, 50, 100, 200 немесе 300 мл препараттан резеңке тығынмен (фторланған полимерлі жабыны бар бромбутилді резеңке тығын) тығындалған және flip off (полипропилен қалпақша) типті қалпақшасы бар алюминий сынамасымен қаусырылған I гидролитикалық класты түссіз боросиликатты шыны құтыда. Құтыға өздігінен жабысатын қағаз заттаңба жапсырылады.

Адамның рекомбинантты гиалуронидазасы (rHuPH20), құты

1.25, 2.5, 5, 10 немесе 15 мл препараттан бойынша резеңке тығынмен (фторотек ламинатталған хлорбутилді резеңке тығын) тығындалған және flip off (полипропилен қалпақша) типті қалпақшасы бар алюминий сынамасымен қаусырылған I гидролитикалық класты түссіз боросиликатты шыны құтыда. Құтыға өздігінен жабысатын қағаз заттаңба жапсырылады.

1 құты 25 мл IgG иммуноглобулиннен және 1 құты 1.25 мл гиалуронидазадан пластик ұстағышта (жинақ).

1 құты 50 мл IgG иммуноглобулиннен және 1 құты 2.5 мл гиалуронидазадан пластик ұстағышта (жинақ).

1 құты 100 мл IgG иммуноглобулиннен және 1 құты 5 мл гиалуронидазадан пластик ұстағышта (жинақ).

1 құты 200 мл IgG иммуноглобулиннен және 1 құты 10 мл гиалуронидазадан пластик ұстағышта (жинақ).

1 құты 300 мл IgG иммуноглобулиннен және 1 құты 15 мл гиалуронидазадан пластик ұстағышта (жинақ).

1 жинақтан қазақ және орыс тілдерінде қолдану жөніндегі нұсқаулықпен (қосымша парақ) бірге картон қорапта.

Тоңазытқышта 2-ден 8 ºС-ге дейінгі температурада сақтау керек. Мұздатып қатыруға болмайды. Жарықтан қорғау үшін түпнұсқалық қаптамада сақтау керек.

Такеда Фармасьютикалс АҚШ Инк., Лексингтон, АҚШ/

Takeda Pharmaceuticals USA Inc., US

95 Hayden Avenue Lexington, MA 02421, US