Флебавен (1000 Миллиграмм)

Флебавен®

Жоқ

Дәрілік түрі, дозасы

Үлбірлі қабықпен қапталған таблеткалар, 1000 мг

Жүрек-қантамыр жүйесі. Вазопротекторлар. Капиллярларды тұрақтандыратын дәрілер. Биофлавоноидтар. Диосмин, біріктірілімдер.

АТХ коды С05СА53

Ересектерде қолдануға арналған

- вена-лимфа жеткіліксіздігін (аяқтағы ауырлық сезімі, ауыру, ісіну және құрысулар) симптоматикалық емдеу

- геморройдың жедел ұстамаларымен байланысты функционалдық симптомдарда

Қолдануды бастағанға дейін қажетті мәліметтер тізбесі

• әсер етуші заттарға немесе қосымша заттардың кез келгеніне аса жоғары сезімталдық

• лактация кезеңі

• 18 жасқа дейінгі балалар және жасөспірімдер

Қолдану кезінде қажетті сақтық шаралары

Флебавен® препаратын қабылдауды бастамас бұрын дәрігерден кеңес алу ұсынылады.

Геморройдың асқынуы кезінде Флебавен® препаратын қолдану басқа анальді бұзылуларды спецификалық емдеуді алмастырмайды. Емдеу ұзақтығы «Дозалау режимі» бөлімінде көрсетілген мерзімнен аспауы тиіс. Егер симптомдар ұсынылған ем курсынан кейін жоғалмаса, проктологтың тексеруінен өту керек, ол одан әрі емді таңдайды.

Веноздық қан айналымының бұзылуы болған кезде емдеудің ең жоғары әсері емнің салауатты (теңдестірілген) өмір салтымен бірге қамтамасыз етіледі: күн сәулесінің ұзақ әсерінен, ұзақ уақыт аяқта тік тұрудан аулақ болған жөн, сонымен қатар артық салмақты азайту ұсынылады. Жаяу серуендеу және кейбір жағдайларда арнайы шұлық кию қан айналымын жақсартуға көмектеседі.

Егер емдеу барысында Сіздің жағдайыңыз нашарласа немесе жақсару басталмаса, дереу дәрігерге қаралыңыз.

Басқа дәрілік препараттармен өзара әрекеттесуі

Қазіргі уақытта тіркеуден кейінгі кезеңде клиникалық маңызды дәрілік өзара әрекеттесулер туралы хабарланған жоқ.

Арнайы ескертулер

Қосымша заттар туралы ақпарат

Флебавен® дозасының құрамында натрий 1 ммоль-ден аз (23 мг), яғни, құрамында натрий жоқ дерлік.

Пропиленгликольді пероральді қабылдағанда алкогольге ұқсас әсерлер тудырады.

Педиатрияда қолданылуы

18 жасқа дейінгі балаларда және жасөспірімдерде қауіпсіздігі мен тиімділігі анықталмаған.

Жүктілік немесе лактация кезінде

Микрондалған тазартылған флавоноидты фракцияны жүкті әйелдерде қолдану туралы деректер шектеулі немесе жоқ.

Сақтық мақсатында Флебавен® жүктілік кезінде қабылдамаған дұрыс.

Белсенді зат немесе оның метаболиттері емшек сүтіне енетіні белгісіз.

Жаңа туылған нәрестелер мен сәбилер үшін қауіпті жоққа шығаруға болмайды.

Бала емізуді тоқтату немесе Флебавенмен емдеуді тоқтату/бастамау туралы шешімді бала үшін емшек емізудің пайдасы мен әйел үшін емнің пайдасы негізінде қабылдаған жөн.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Флебавен® көлік құралын және қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Созылмалы веналық жеткіліксіздік: ұсынылатын доза тәулігіне 1 таблетканы құрайды, дұрысы таңертең қабылдаған жөн.

Жедел геморрой кезінде ұсынылатын доза - 4 күн бойы тәулігіне 3 таблетка (тәулігіне 3 рет 1 таблеткадан), содан кейін - келесі 3 күн бойы тәулігіне 2 таблеткадан (тәулігіне 2 рет 1 таблеткадан).

Созылмалы геморрой кезінде ұсынылатын доза тәулігіне 1 таблетканы құрайды.

Енгізу әдісі және жолы

Ішке қабылдауға арналған.

Таблеткаларды судың жеткілікті мөлшерімен ішіп, жұту керек.

Таблеткаларды тамақ ішу кезінде қабылдау керек.

Емдеу ұзақтығы

Емдеу курсының ұзақтығы бірнеше айды (12 айға дейін) құрауы мүмкін. Симптомдар қайта пайда болған жағдайда емдеу курсы қайталануы мүмкін.

Емдеу курсының ұзақтығын дәрігер белгілейді.

Артық дозаланған жағдайда қолдану қажет шаралар

Симптомдары: артық дозаланғанда асқазан-ішек жолдары (диарея, жүрек айну, іштің ауыруы) және тері жабындысы (қышыну, бөртпе) тарапынан жағымсыз құбылыстар жиі байқалды.

Емі: симптоматикалық.

Дәрілік препараттың бір немесе бірнеше дозасын жіберіп алғанда қажетті шаралар

Қабылдауды өткізіп алған препараттың орнын толтыру үшін дозаны екі еселеп қабылдауға болмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Осы дәрілік препаратты қолдану бойынша қосымша сұрақтар туындаған кезде дәрігерге немесе фармацевтке жүгіну керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар

Жиі

- диарея, диспепсия, жүрек айнуы, құсу

Жиі емес

- колит

Сирек

- бас айналуы, бас ауыруы, жалпы дімкәстік

- тері бөртпесі, қышыну, есекжем

Белгісіз

- іштің ауыруы

- беттің, еріннің, қабақтың ісінуі жекелеген жағдайларда ангионевроздық ісіну

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - тазартылған микрондалған флавоноидты фракция 1000 мг (90% (900 мг) диосмин және гесперидинге шаққанда 10% (100 мг) басқа флавоноидтар)

қосымша заттар: микрокристалды целлюлоза, повидон К-30, натрий крахмалы гликоляты, тальк, магний стеараты

үлбірлі қабығы: қабық қоспасы (құрамы: гипромеллоза, титанның қостотығы (Е171), тальк, пропиленгликоль), темірдің сары тотығы (Е172), темірдің қызыл тотығы (Е172)

Сыртқы түрінің, иісінің, дәмінің сипаттамасы

Сопақша пішінді, екі беті дөңес, қызғылт сары-қызғылт түсті үлбірлі қабықпен қапталған, бір жағында сызығы бар таблеткалар.

Шығарылу түрі және қаптамасы

8 немесе 10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

4 немесе 8 пішінді ұяшықты қаптамадан (8 таблеткадан) немесе 3 немесе 6 пішінді ұяшықты қаптамадан (10 таблеткадан) медициналық қолдану жөніндегі қазақ және орыс тілдерінде нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

Түпнұсқалық қаптамасында, 25 °С-ден аспайтын температурада, ылғалдан қорғалған жерде сақтау керек.

Балалардың қолы жетпейтін жерде сақтау керек.

Рецептісіз

Өндіруші туралы мәлімет

«КРКА-РУС» ЖШҚ, Ресей

143500, Ресей, Мәскеу обл., Истра қ., Московская көш., 50 үй

тел.: +7 495 994 70 70

факс: +7 495 994 70 78

info.ru@krka.biz

Тіркеу куәлігінің ұстаушысы

«КРКА-РУС» ЖШҚ, Ресей

143500, Ресей, Мәскеу обл., Истра қ., Московская көш., 50 үй

тел.: +7 495 994 70 70

факс: +7 495 994 70 78

info.ru@krka.biz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«КРКА Қазақстан» ЖШС

Қазақстан Республикасы, 050040, Алматы қ., Шағын ауданы КОКТЕМ-1,

үй 15А, офис 601

тел.: +7 (727) 311 08 09

info.kz@krka.biz