Фесго®

Фесго®

Жоқ

Дәрілік түрі, дозасы

Тері астына енгізуге арналған ерітінді, 1200 мг + 600 мг/15 мл, 600 мг + 600 мг/10 мл

Антинеопластикалық және иммуномодуляциялайтын препараттар. Антинеопластикалық препараттар. Басқа антинеопластикалық препараттар. Антинеопластикалық препараттардың біріктірілімі. Пертузумаб және трастузумаб.

АТХ коды L01XY02

Сүт безінің ерте анықталған обыры

Химиотерапиямен біріктірілімдегі Фесго® препараты:

• қайталану қаупі жоғары HER2-оң жергілікті-таралған, ісінген-инфильтрацияланған немесе ерте сүт безі обырына шалдыққан ересек пациенттерді емдеуге арналған неоадъювантты режимде

• қайталану қаупі жоғары HER2-оң сүт безінің ерте анықталған обырына шалдыққан ересек пациенттерді емдеуге арналған адъювантты режимде қолдануға көрсетілген.

Сүт безінің метастаздық обыры

Доцетакселмен біріктірілімдегі Фесго® препараты бұрын анти-HER2 емін немесе метастаздық ауру бойынша химиотерапия алмаған, HER2-оң метастаздық немесе жергілікті-қайталанатын операция жасауға болмайтын сүт безінің обырына шалдыққан ересек пациенттерде қолдануға арналған.

Қолдануды бастағанға дейінгі қажетті мәліметтер тізбесі

• әсер етуші затқа немесе препараттың қосымша заттарының кез келгеніне аса жоғары сезімталдық

Қолдану кезіндегі қажетті сақтандыру шаралары

Жүрек функциясының бұзылуы

Фесго® препаратымен емдеу жүрек функциясына әсер етуі мүмкін. Препаратпен емдеуді бастар алдында емдеуші дәрігерге ескерту керек, егер:

• сізде жүрек кінәраттары бұрын-соңды байқалса (мысалы, жүрек жеткіліксіздігі, жүрек ырғағының айқын бұзылуын емдеу, бақыланбайтын жоғары артериялық қысым, жақында болған инфаркт). Дәрігер Фесго® препаратымен емдеуді бастағанға дейін және емделу кезінде жүрек жұмысын тексереді.

• сізде құрамында трастузумаб бар препаратпен алдыңғы емделу кезінде жүрек кінәраттары бұрын-соңды байқалса.

• сіз бір кезде антрациклиндер класының химиотерапия препараттарын қабылдасаңыз, мысалы доксорубицинді немесе эпирубицинді - бұл препараттар жүрек бұлшықетіне теріс әсер етеді және Фесго® препаратын қолданған кезде жүрек функциясының бұзылу қаупін арттырады.

• сіз қашан болса да кеуде қуысының аймағын сәулемен емдесеңіз, себебі бұл жүрек функциясының бұзылу қаупін арттыруы мүмкін.

Егер жоғарыда аталғандардың кез-келгені сізге қатысты болса (немесе сіз сенімді болмасаңыз) Фесго® препаратымен емдеуді бастар алдында өзіңіздің емдеуші дәрігеріңізбен кеңесіңіз.

Препаратты енгізуге байқалатын реакциялар

Препаратты енгізуге реакция дамуы мүмкін. Бұл аллергиялық реакциялар, олар ауыр болуы мүмкін.

Егер сізде ауыр реакция дамитын болса, емдеуші дәрігер Фесго® препаратымен емдеуді тоқтата алады. Инъекция кезінде және одан кейін назар аудару керек препаратты енгізумен байланысты ықтимал реакциялар туралы толығырақ ақпарат алу үшін «Жағымсыз реакциялардың сипаттамасы» бөліміне жүгініңіз.

Емдеуші дәрігер инъекция кезінде жағымсыз реакциялардың даму тұрғысынан сізді бақылайды, сондай-ақ:

• Фесго® препаратының алғашқы инъекциясынан кейін 30 минуттан соң

• Фесго® препаратының алғашқы инъекциясынан 15 минуттан соң.

Егер сізде ауыр реакция дамитын болса, емдеуші дәрігер Фесго® препаратымен емдеуді тоқтата алады.

Лейкоциттердің төмен деңгейі және қызба (фебрильді нейтропения)

Фесго® препаратын химиотерапиялық препараттармен бірге енгізу лейкоциттер деңгейінің төмендеуіне және қызбаның дамуына әкеп соғуы мүмкін. Ас қорыту жолында қабыну процестері болған кезде (мысалы, стоматит немесе диарея) сіз осы жағымсыз әсердің даму қаупіне анағұрлым көбірек ұшырайсыз. Егер қызба бірнеше күн бойы сақталса, бұл сіздің жағдайыңыздың нашарлауының белгісі болуы мүмкін және емдеуші дәрігеріңізге қаралғаныңыз жөн.

Диарея

Фесго® препаратымен емдеу ауыр диареяны туындатуы мүмкін. 65 жастан асқан пациенттерде 65 жасқа дейінгі пациенттермен салыстырғанда диареяның даму қаупі жоғары. Емдеу кезінде ауыр диарея дамыған кезде емдеуші дәрігер диареяға қарсы препараттарды тағайындауы мүмкін. Сіздің емдеуші дәрігеріңіз диарея тоқтағанға дейін Фесго® препаратымен емдеуді тоқтата тұруы мүмкін.

Контрацепция

Бала туу әлеуеті сақталған әйелдерге Фесго® препаратымен емдеу кезінде және соңғы дозаны енгізгеннен кейін 7 ай ішінде контрацепцияның тиімді әдістерін пайдалану қажет.

Қосымша заттар

Бұл дәрілік препараттың құрамында бір дозаға 1 ммольден аз (23 мг) натрий бар, яғни құрамында іс жүзінде натрий жоқ.

Басқа дәрілік препараттармен өзара әрекеттесуі

Дәрілік препараттармен өзара әрекеттесуіне арнайы зерттеулер жүргізілген жоқ.

Пертузумаб

Пертузумаб пен трастузумаб арасындағы немесе пертузумаб пен доцетаксел арасындағы фармакокинетикалық өзара әрекеттесу белгілері анықталған жоқ. Популяцияны талдау нәтижелері пертузумаб пен трастузумаб арасындағы немесе пертузумаб пен доцетаксел арасындағы дәрілік өзара әрекеттесуді анықтаған жоқ.

Пертузумаб пен доцетаксел, паклитаксел, гемцитабин, капецитабин, карбоплатин және эрлотиниб арасындағы фармакокинетикалық өзара әрекеттесу куәліктері табылған жоқ.

Трастузумаб

Дәрілік препараттармен өзара әрекеттесуіне арнайы зерттеулер жүргізілген жоқ. Трастузумаб мен бірге тағайындалған препараттар арасындағы клиникалық маңызды өзара әрекеттесулер зерттеулерде білінбеген.

Басқа антинеопластикалық препараттардың фармакокинетикасына трастузумабтың әсері

Паклитаксел мен доксорубициннің (сондай-ақ олардың 6-α-гидроксил-паклитаксел мен доксорубицинолдың негізгі метаболиттерінің) трастузумаб қатысуымен әсері өзгермейді.

Алайда трастузумаб доксорубицин метаболиттерінің бірінің (7-дезокси-13-дигидродоксорубицинон, D7D) жиынтық концентрациясын арттыруы мүмкін. D7D биологиялық белсенділігі және оның концентрациясының жоғарылауының клиникалық маңызы белгісіз.

Трастузумабты бірге енгізу бір рет енгізгеннен кейін доцетакселдің фармакокинетикасына әсер етпейді.

Цисплатинді немесе трастузумабпен цисплатинді біріктіріп қолдану капецитабин метаболиттерінің биологиялық белсенділігіне (мысалы, 5-ФУ) әсер етпейді. Алайда трастузумабпен біріктіріп қолдану капецитабин концентрациясының жоғарылауына және оның жартылай шығарылу кезеңінің ұлғаюына әкелді. Капецитабинді немесе трастузумабпен капецитабинді біріктіріп қолдану цисплатиннің фармакокинетикасына әсер етпейді.

Трастузумаб карбоплатиннің фармакокинетикасына әсер етпейді.

Трастузумабтың фармакокинетикасына антинеопластикалық препараттардың әсері

Доцетакселмен бірге қолданғанда трастузумабтың фармакокинетикасына әсері туралы дәлелдер табылған жоқ.

Паклитакселмен бірге қолданудан трастузумабтың фармакокинетикасына айқын әсер анықталған жоқ. Доксорубицин мен паклитакселдің трастузумаб фармакокинетикасына әсері көрсетілмеген.

Карбоплатин трастузумабтың фармакокинетикасына әсер етпейді.

Анастрозолды бірге қолдану трастузумабтың фармакокинетикасына әсер етпейді.

Арнайы сақтандырулар

Педиатрияда қолданылуы

Балалар мен 18 жасқа дейінгі жасөспірімдерде Фесго® препаратының қауіпсіздігі мен тиімділігі анықталмаған. Фесго® препаратын балалар популяциясында сүт безі обырының көрсеткіші бойынша тиісті қолдану қарастырылмаған.

Егде жастағы пациенттер

≥65 жастағы пациенттерде препарат дозасын түзету талап етілмейді. >75 жастағы пациенттерге қатысты деректер шектеулі.

Бүйрек функциясы бұзылған пациенттер

Жеңіл және орташа ауырлықта бүйрек функциясы бұзылған пациенттерде Фесго® препаратының дозасын түзету талап етілмейді.

Бауыр функциясы бұзылған пациенттер

Бауыр функциясы бұзылған пациенттерде Фесго® препаратының дозасын түзету талап етілмейді. Дозаны түзету бойынша арнайы ұсынымдар жоқ.

Жүктілік немесе лактация кезінде

Егер ана үшін ықтимал пайда шаранаға төнетін ықтимал қауіптен асып кетсе, жүктілік кезінде Фесго® препаратын қолданудан аулақ болған жөн.

Әйелдерге Фесго® препаратымен емдеу кезінде және препараттың соңғы дозасын қабылдағаннан кейін кемінде 7 ай бойы бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Фесго® препараты көлік құралдарын және механизмдерді басқару қабілетіне елеусіз әсер етеді. Енгізу орнында реакциялар дамыған жағдайда немесе бас айналу кезінде, пациенттерге симптомдар толық басылғанға дейін көлік құралдары мен механизмдерді басқару ұсынылмайды.

Қолдану жөніндегі ұсынымдар

Фесго® препараты стационар жағдайында тері астына инъекция (тері астына инъекция) түрінде енгізіледі.

• Инъекциялар әрбір үш апта сайын жасалады.

• Инъекция алдымен бір жамбасқа, содан кейін екіншісіне жасалады. Кейінгі инъекциялар кезінде енгізу бір жамбасқа, содан кейін екіншісіне ауысады.

• Медицина қызметкері әрбір инъекцияны жаңа жерде (алдыңғы инъекция енгізілген жерден кемінде 2.5 см қашықтықта), терінің қызаруы, көгеруі, ауыруы және тығыздануы жоқ аймақтарында орындайды.

• Басқа препараттарды енгізу үшін басқа аймақтарды пайдалану керек.

Дозалау режимі

Емдеуді бастау (жүктеме доза)

• Фесго® препаратын 1200 мг + 600 мг дозада тері астына ұзақтығы 8 минут инъекция түрінде енгізеді. Емдеуші дәрігер инъекция кезінде және инъекциядан кейін 30 минут ішінде жағымсыз реакциялардың дамуын бақылайды.

• Сізге сондай-ақ химиотерапия препараттары енгізілуі мүмкін.

Егер алғашқы инъекция ауыр жағымсыз әсерлерді туындатпаса, енгізілетін кейінгі инъекциялар (демеуші дозалар):

• Фесго® препаратын 600 мг + 600 мг дозада тері астына ұзақтығы 5 минут инъекция түрінде енгізеді. Емдеуші дәрігер инъекция кезінде және инъекциядан кейін 15 минут ішінде жағымсыз реакциялардың дамуын бақылайды.

• Сондай-ақ, дәрігердің тағайындауына байланысты сізге химиотерапия препараттары енгізілуі мүмкін.

• Инъекция саны:

• сіз операциядан бұрын немесе операциядан кейін ем

• қабылдағаныңызға немесе аурудың сатысына қарай емнің жауабына байланысты.

Жүктеме және демеуші дозалар туралы толық ақпарат алу үшін «Шығарылу түрі және қаптама» бөлімін қараңыз.

Химиотерапиялық препараттарды (сонымен қатар жағымсыз әсерлерді туындатуы мүмкін) дозалау туралы қосымша ақпарат алу үшін тиісті препараттарды қолдану жөніндегі нұсқаулықпен танысыңыз. Химиотерапиялық препараттар туралы сұрақтар туындаған жағдайда емдеуші дәрігерге қаралыңыз.

Енгізу әдісі мен жолы

Фесго® препаратын тек тері астына инъекция ретінде енгізу керек. Препаратты вена ішіне енгізуге болмайды.

Инъекцияларды кезек-кезек тек сол және оң жамбасқа жасаған жөн. Жаңа инъекцияларды алдыңғы инъекция енгізілген жерден кемінде 2.5 см қашықтықта, терінің қызаруы, көгеруі, ауыруы және тығыздануы жоқ сау жерлеріне жасау керек. Препараттың дозасын оны екі түрлі шприцке жинап бөлуге немесе әртүрлі учаскелерге енгізуге болмайды. Фесго® препаратымен емдеу курсы кезінде тері астына енгізуге арналған басқа дәрілік заттарды дененің басқа бөліктеріне енгізу керек.

Жүктеме және демеуші дозаларды тиісінше 8 және 5 минут ішінде енгізу керек.

Фесго® препаратының жүктеме дозасын енгізгеннен кейін 30 минут ішінде және енгізу орнында реакцияларды анықтау үшін демеуші дозасын енгізгеннен кейін 15 минут ішінде пациенттің жай-күйін бақылау ұсынылады.

Енгізер алдында препаратты механикалық қоспалардың бар-жоғын немесе түсінің өзгеруін көзбен қарап тексеру керек. Механикалық қосылыстар бар болғанда немесе ерітіндінің түсі өзгерген жағдайда, құтыны утилизациялау жөніндегі жергілікті ұсынымдарға сәйкес утилизациялау керек.

Препараты бар құтыны сілкуге болмайды!

Фесго® препаратының ерітіндісін құтыдан алу және тері астына енгізу үшін шприц, тасымалдауға арналған ине және инъекцияға арналған ине қажет. Фесго® препаратын 25G -ден 25G -ге дейін және ұзындығы 10 мм (3/8’’) - ден 16 мм-ге дейін (5/8’’) тері астына инъекцияға арналған гиподермиялық инелермен енгізуге болады. Фесго® препараты тот баспайтын болаттан, полипропиленнен, поликарбонаттан, полиэтиленнен, полиуретаннан, поливинилхлоридтен және фторланған этилен- полипропиленнен тұрады.

Фесго® препаратының құрамында микробқа қарсы консерванттар болмағандықтан, микробиологиялық тұрғыдан алғанда, препаратты дереу қолдану керек. Егер препарат дереу пайдаланылмаса, онда енгізуге дайындықты бақыланатын және валидацияланған асептикалық жағдайларда жүзеге асырған жөн. Егер препарат дереу енгізілмесе, қолдануға дайын препаратты сақтау және енгізгенге дейін жағдайларды қамтамасыз ету пайдаланушының жауапкершілігі болып табылады. Қолдануға дайын препаратты сақтау мерзімі асептиканың бақыланатын және валидацияланатын жағдайларында дайындалуы жүргізілген жағдайларды қоспағанда, 2 °C-ден 8 °C-ге дейінгі температурада 24 сағаттан аспауы керек.

Ерітіндіні шприцке жинағаннан кейін ерітіндінің шприцте кебуіне және дәрілік препарат сапасының төмендеуіне жол бермеу мақсатында ерітіндіні тасымалдау үшін пайдаланылған инені шприцтің қорғаныш қалпақшасына ауыстыру ұсынылады. Құты заттаңбасының жыртылмалы бөлігін шприцке жапсыру ұсынылады. Тері астына инъекция жасауға арналған ине тікелей инъекцияның алдында орнатылады, содан кейін шприцтегі ерітіндінің көлемі 1200 мг + 600 мг дозада Фесго® препаратының 15 мл дейін немесе 600 мг + 600 мг дозада Фесго® препаратының 10 мл дейін жеткізіледі.

Фесго® препараты тек бір рет қолдануға арналған.

Шприцке алынғаннан кейін дәрілік препарат физикалық және химиялық тұрақтылығын жарықтан қорғалған жерде, 2-8 °С температурада 28 күн бойы және бөлме температурасында (30 °С-ден аспайтын) 24 сағат бойы (құтының ішіндегі және шприцтегі жалпы уақыт) шашыраңқы күндізгі жарықта сақтайды.

Емдеу ұзақтығы

Сүт безінің метастаздық обыры

Фесго® препаратын доцетакселмен біріктіріп тағайындайды. Фесго® препаратымен емдеуді ауру өршігенге дейін немесе емдеуге келмейтін уыттылық дамығанға дейін доцетакселді тоқтатқан жағдайда да жалғастыруға болады.

Сүт безінің ерте анықталған обыры

Неоадъювантты режимде химиотерапиямен біріктірілімдегі Фесго® препаратын ерте сатыдағы сүт безінің обырын емдеудің толық курсының бөлігі ретінде 3-6 цикл ішінде енгізу керек.

Адъювантты режимде Фесго® препаратымен емдеуді операция жасау мерзіміне қарамастан, ерте сатыдағы сүт безінің обырын толық емдеу курсының бөлігі ретінде 1 жыл бойы (18 циклге дейін немесе ауру қайталанғанға дейін немесе емделуге болмайтын уыттылық дамығанға дейін, қайсысы ертерек болатынына байланысты) жалғастыру керек. Емдеу антрациклиндерге және/немесе таксандарға негізделген стандартты химиотерапияны қамтуы керек. Фесго® препаратын таксандарды қолдана отырып, емдеудің бірінші циклінің бірінші күнінен бастап енгізуді бастаған және химиотерапияны тоқтатқаннан кейін енгізуді жалғастырған жөн.

Артық дозалану жағдайында қабылдау қажет болатын шаралар

Артық дозаланған жағдайда тиісті симптоматикалық ем тағайындай отырып, жағымсыз реакциялар белгілерінің немесе симптомдарының дамуы мәніне пациенттер жай-күйінің мұқият мониторингін қамтамасыз ету қажет.

Дәрілік препараттың бір немесе бірнеше дозасын өткізіп алу кезіндегі қажетті шаралар

Егер екі бірізді инъекция арасындағы уақыт:

• 6 аптадан аз уақытты құраса, 600 мг + 600 мг демеуші дозада Фесго® препаратын мүмкіндігінше тезірек енгізу керек. Осыдан кейін препаратты әр 3 апта сайын енгізуді жалғастыру керек;

• 6 аптаны немесе одан да көп уақытты құраса, Фесго® препаратын 1200 мг жүктеме дозада + 600 мг демеуші дозасын кейіннен енгізе отырып 600 мг + 600 мг әр 3 апта сайын қайта енгізу керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Егер препаратты қолдану туралы сұрақтар туындаса, емдеуші дәрігеріңізге хабарласыңыз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз реакциялардың тізбесі:

Өте жиі (10 адамның 1-ден көбінде пайда болуы мүмкін)

• назофарингит

• фебрильді нейтропения, нейтропения, лейкопения, анемия

• инфузиялық реакция

• тәбеттің төмендеуі

• ұйқысыздық

• шеткері нейропатия, бас ауыруы, дәм сезудің субъективті бұзылуы, шеткері сенсорлық нейропатия, бас айналу, парестезиялар

• көзжастың шамадан тыс ағуы

• ысыну

• жөтел, мұрыннан қан кету, ентігу

• диарея, құсу, стоматит, жүрек айнуы, іш қату, диспепсия, іштің ауыруы

• алопеция, бөртпе, тырнақ өсуінің бұзылуы, қышыну, терінің құрғауы

• миалгия, артралгия, аяқтың ауыруы

• шырышты қабықтардың қабынуы, шеткері ісінулер, гипертермия, қажу, астения, енгізу орнындағы реакция

Жиі (10 адамның 1-ден азында туындауы мүмкін)

• паронихий, жоғарғы тыныс алу жолдарының инфекциялары

• аса жоғары сезімталдық, препаратқа сезімталдық

• сол жақ қарыншаның дисфункциясы

• қалтырау, ауырсыну, ісіну

Жиі емес (100 адамның 1-ден азында пайда болуы мүмкін)

• анафилаксиялық реакция

• іркілісті жүрек жеткіліксіздігі

• өкпенің интерстициальді ауруы, плевралық жалқық

Сирек (1000 адамның 1-ден азында пайда болуы мүмкін)

• цитокиндердің лықсу синдромы

• ісік лизисі синдромы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құты (15 мл) ішінде

белсенді заттар: пертузумаб, 1200 мг

трастузумаб, 600 мг

Бір құты (10 мл) ішінде

белсенді заттар: пертузумаб, 600 мг

трастузумаб, 600 мг

қосымша заттар: адамның рекомбинантты гиалуронидазасы (rHuPH20), L-гистидин, L-гистидин гидрохлориді моногидраты, α,α-трегалоза дигидраты, сахароза, полисорбат 20, L-метионин, инъекцияға арналған су.

Сыртқы түрінің, иісінің, дәмінің сипаттамасы

Мөлдір немесе бозаңданатын түссіз немесе сәл қоңырлау түсті сұйықтық.

Шығарылу түрі және қаптамасы

Жүктеме дозасы 1200 мг + 600 мг/15 мл.

15 мл препараттан алюминий қаусырмасы бар резеңке тығындармен және «flip-off» пластик қақпағымен тығындалған түссіз шыныдан жасалған құтыларға құйылады.

Препараттың жүктеме дозасы (1200 мг + 600 мг/15 мл) бар 1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған. Алғашқы ашылуын бақылау мақсатында қорапшаға қорғаныш голографиялық жапсырма жапсырылады.

Демеуші доза 600 мг + 600 мг/10 мл.

10 мл препараттан алюминий қаусырмасы бар резеңке тығындармен және «flip-off» пластик қақпағымен тығындалған түссіз шыныдан жасалған құтыларға құйылады.

Препараттың демеуші дозасы (600 мг + 600 мг/10 мл) бар 1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған. Алғашқы ашылуын бақылау мақсатында қорапшаға қорғаныш голографиялық жапсырма жапсырылады.

18 ай

Жарамдылық мерзімі өткеннен кейін қолдануға болмайды.

2 °C-ден 8 °C-ге дейінгі температурада жарықтан қорғау үшін түпнұсқалық қаптамасында. Мұздатып қатыруға болмайды. Сілкуге болмайды.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Ф. Хоффманн-Ля Рош Лтд., Швейцария

Wurmisweg 4303 Кайзераугст, Швейцария

Тел.+ 41 61 688 11 11

Факс + 41 61 691 93 91

info@roche.com

Тіркеу куәлігінің ұстаушысы

Ф. Хоффманн-Ля Рош Лтд., Швейцария

Grenzacherstrasse 124, 4070 Базель, Швейцария

Тел. + 41 61 688 11 11

Факс + 41 61 691 93 91

info@roche.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Рош Қазақстан» ЖШС

Қазақстан Республикасы

050020, Алматы қ-сы, Луганский к-сі, 137 үй

Тел. +7 727 321 24 24

kz.safety@roche.com, kz.quality@roche.com