Турбо микрон G

Турбо микрон G

Жоқ

Дәрілік түрі, дозасы

Үлбірлі қабықпен қапталған таблеткалар, 500 мг

Вазопротекторлар. Капиллярларды тұрақтандыратын дәрілер. Биофлавоноидтар. Диосмин, біріктірілімдер.

АТХ коды С05СА53

• вена-лимфалық жеткіліксіздікті (аяқтағы ауырлық, ауыру, ісіну және құрысулар) симптоматикалық емдеуде;

• геморройдың жедел ұстамаларымен байланысты функционалдық симптомдарда.

Қолданудың басталуына дейінгі қажетті мәліметтер тізбесі

• «Қосымша мәліметтер» бөлімінде тізбеленген белсенді компоненттерге немесе қосымша заттарға аса жоғары сезімталдық;

• лактация кезеңі;

• 18 жасқа дейінгі жасөспірімдер және балалар. 

Қолдану кезіндегі қажетті сақтық шаралары

Препаратты қабылдау алдында дәрігермен кеңесу ұсынылады.

Геморрой асқынған кезде препаратын тағайындау басқа анальді бұзылыстардағы спецификалық емнің орнын алмастыра алмайды. Егер симптомдар емнің ұсынылған курсынан кейін басылмаса, бұл жағдайда кейінгі емді тағайындау үшін проктологқа қаралу керек.

Веналық қанайналымының бұзылуы кезінде емнің ең жоғары әсері емді салауатты (теңгерімді) өмір салтымен үйлестіргенде қамтамасыз етіледі: дұрысы күннің астында көп жүрмеу, көп уақыт жүру, сондай-ақ дененің артық салмағын төмендету ұсынылады. Жаяу серуендеу және кейбір жағдайларда арнайы шұлықтар кию қан айналымының жақсаруына ықпал етеді.

Егер емдеу үдерісінде жағдайыңыз нашарласа немесе жақсармаса дереу дәрігерге жүгіну ұсынылады.

Препарат құрамында 1 ммоль аз натрий бар, яғни іс жүзінде натрий жоқ.

Басқа дәрілік препараттармен өзара әрекеттесуі

Қазіргі уақытта тіркеуден кейінгі кезеңде клиникалық маңызды дәрілік өзара әрекеттесулер туралы хабарланған жоқ.

Арнайы ескертулер

Жүктілік

Жүкті әйелдерде тазартылған микрондалған флавоноидты фракцияны қолдану туралы деректер шектеулі немесе жоқ.

Сақтық шаралары мақсатында жүктілік кезінде препарат қабылдамау керек.

Бала емізу

Әсер етуші зат немесе оның метаболиттерінің емшек сүтіне өтетін-өтпейтіні белгісіз.

Жаңа туған нәрестелер мен сәбилер үшін қаупін жоққа шығаруға болмайды.

Бала емізуді тоқтату немесе препаратпен емді тоқтату/бастамау туралы шешімді, бала үшін емізудің пайдасы мен әйел үшін емдеудің пайдасын негізге ала отырып қабылдаған жөн.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану бойынша ұсынымдар

Дозалау режимі

Веналық-лимфалық жеткіліксіздік кезінде ұсынылатын доза – күніне 2 таблетка (бір немесе екі қабылдауға): таңертең, күндіз және/немесе кешке, тамақтану кезінде. Симптомдар қайтадан туындаған жағдайда, дәрігердің ұсынымы бойынша емдеу курсы қайталануы мүмкін.

Жедел геморрой кезінде ұсынылатын доза – күніне 6 таблетка (2 таблеткадан күніне 3 рет) 4 күн бойы, одан кейін күніне 4 таблеткадан (2 таблеткадан күніне 2 рет) келесі 3 күн бойы.

Созылмалы геморрой кезінде ұсынылатын доза – күніне 2 таблетка.

Енгізу әдісі мен жолы

Пероральді қабылдау. Таблеткаларды тамақтану кезінде бүтіндей жұту және сумен ішу керек.

Артық дозалану жағдайында қабылдануы қажетті шаралар

Симптомдары

Препаратымен артық дозалану туралы деректер шектеулі. Артық дозалану кезінде көбінесе асқазан-ішек жолдары (диарея, жүрек айнуы, іштің ауруы) және тері жабыны (қышыну, бөртпе) тарапынан жағымсыз құбылыстар байқалды.

Емі

Артық дозалану кезде симптоматикалық ем жүргізіледі.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Қажет болған жағдайда кеңес алу үшін медицина қызметкеріне жүгінуге болады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Препаратының клиникалық зерттеулер барысында байқалатын жағымсыз әсерлерінің айқындығы жеңіл дәрежеде болған. Көбіне асқазан-ішек жолы тарапынан бұзылулар (диарея, диспепсия, жүрек айнуы, құсу) байқалған.

Препаратын қабылдау кезінде мынадай жағымсыз әсерлер туралы хабарланды, олар келесі градация түрінде: өте жиі (≥1/10); жиі (≥1/100, <1/10); жиі емес  (≥1/1 000, <1/100); сирек  (≥1/10 000, <1/1 000); өте сирек  (<1/10 000), жиілігі анықталмаған (жиілігін қолжетімді деректер бойынша санау мүмкін емес).

Жиі

• диарея, диспепсия, жүрек айнуы, құсу

Жиі емес

• колит

Сирек

- бас айналуы, бас ауыруы, жалпы дімкәстік

- бөртпе, қышыну, есекжем

Белгісіз

- іштің ауыруы

- беттің, еріннің, қабақтың оқшауланған ісінуі

- ангионевроздық ісіну

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Үлбірлі қабықпен қапталған бір таблетканың құрамында

белсенді зат – құрамында 450 мг (90%) диосмин және 50 мг (10%) гесперидин түріндегі флавоноидтар бар тазартылған микрондалған флавоноидты фракция.

қосымша заттар: микрокристалды целлюлоза, желатин, натрий крахмалы гликоляты (картоп крахмалы), магний стеараты, тальк, натрий лаурилсульфаты.

таблетка қабығы: Опадрай қызғылт сары 03G34105 (гипромеллоза (Е 464), глицерол, титанның қостотығы (Е 171), темірдің қызыл тотығы (Е 172), темірдің сары тотығы (Е 172), полиэтиленгликоль 6000, магний стеараты).

Сыртқы түрінің, иісінің, дәмінің сипаттамасы

Қызғылт сары-қызғылт түсті үлбірлі қабықпен қапталған бір жағында сызығы бар, сопақша пішінді таблеткалар.

Сызығы тек жеңіл жұту мақсатында және тең дозаларға бөлу үшін емес, таблетканы сындыру үшін ғана көзделген.

Шығарылу түрі және қаптамасы

10 таблеткадан поливинилхлоридті мөлдір үлбірден және алюминий фольгадан жасалған пішінді ұяшықты қаптамаға салынады.

6 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

30С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

КЕРН ФАРМА, С.Л.

Пол. Инд. Колон ІІ, К/Венус 72, Террасса, 08228

Барселона, Испания

Тел.: +34 937 002525

Факс: +34 937 002500

Электронды пошта: info@kernpharma.com

Тіркеу куәлігінің ұстаушысы

«Джи Эм Фармасютикалс» ЖШҚ, Грузия

Тбилиси қ., Поничала 65

Тел.: +995 32 2404801/02

Факс: +995 32 2404803

Электронды пошта: office@gmpgeo.com

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

"МЕДСЕРВИС ПЛЮС" Қазақ фармацевтикалық компаниясы"

Нурмухамбетова Гульден Кусаиновна

Қазақстан Республикасы, Алматы қаласы, Алмалы ауданы, Мәметова көшесі, 54

Тел: +7 701 455 55 18; +7 771 747 11 61 (24/7)

Электронды пошта: g.nurmukhambetova@medservice.kz

pharmanadzor@medservice.kz