Троксиметацин ДС (Троксерутин)

Троксиметацин ДС

Троксерутин

Дәрілік түрі, дозалануы

Сыртқа қолдануға арналған 2 % гель

Жүрек-қантамыр жүйесі. Вазопротекторлар. Капиллярларды тұрақтандыратын дәрілер. Биофлавоноидтар. Троксерутин.

АТХ коды C05CA04

• созылмалы веналық жеткіліксіздікке байланысты ауыру мен ісінулерде;

• аяқта ауырлық пен ауыруды сезінуде;

• жарақат сипатындағы ауырулар мен ісінулерде (оның ішінде бұлшықет жарақаты, созылулар немесе шығып кетулер);

• веналар склеротерапиясынан кейінгі ауырсыну.

Қолдануды бастағанға дейін қажетті мәліметтер тізбесі

• троксерутинге немесе қандай да бір қосымша затқа жоғары сезімталдықта

• жүктілік (I триместр)

• тері жабыны бүтіндігінің бұзылуында.

Басқа дәрілік препараттармен өзара әрекеттесуі

Белгісіз.

Арнайы ескертулер

Гельді тек зақымдалмаған беткейге жағу керек.

Гельді ашық жараларға, шырышты қабықтарға, көзге тигізбеу керек!

Препаратты қолданғаннан кейін қолды жуу керек.

Созылмалы веналық жеткіліксіздігі бар пациенттерге аурудың бастапқы және кейінгі кезеңдерінде қолдану ұсынылады. Қан тамырларының сіңуінің жоғарылауымен сипатталатын жағдайларда (оның ішінде жәншау, тұмау, қызылша, аллергиялық реакциялар) әсерді күшейту үшін аскорбин қышқылымен бірге қолданылады).

Қосымша заттар

Осы дәрілік препараттың құрамында тері реакцияларын тудыруы мүмкін 0.20 г бензалконий хлориді бар.

Жүктілік немесе лактация кезінде

Шаранаға және жаңа туған нәрестелерге жағымсыз әсер ету туралы деректер жоқ. Препаратты жүктіліктің екінші және үшінші триместрінде, сондай-ақ емшек емізу кезеңінде қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану зейін қоюды және психомоторлық реакциялардың жылдамдығын талап ететін қауіптілігі зор қызмет түрлерін орындау қабілетіне әсер етпейді.

Қолдану жөніндегі нұсқаулар

Дозалау режимі

Гельді таңертең және кешке теріге толық сіңгенге дейін төменнен жоғары қарай жеңіл уқалап, зақымданған аймаққа жағу керек. Пациент қандай да бір себеппен препаратты пайдалануды өткізіп  алған жағдайда, екі емдеу сеансы арасында кем дегенде 10-12 сағат аралықты сақтап, кез келген  уақытта жағуына болады. Препараттың дозасы зақымдалған беткейдің аймағына байланысты, бірақ 3-4 см гельден (1,5-2 г) аспауы керек.

Қажеттілігіне қарай бинт немесе эластикалық шұлықтың астына жағуға болады. Емдеу курсы 2 аптадан 1-2 айға дейін. Аурудың қайталануымен емдеу курсын жылына 2-3 рет қайталауға болады.

Енгізу әдісі мен жолы

Гель сыртқа қолдануға арналған.

Артық дозаланған жағдайда қабылдануы тиіс шаралар

Артық дозалану қаупі жоқ, өйткені препарат сыртқа қолданылады.

Байқамай гельдің көп мөлшерін жұтып қойған жағдайда, ауыз қуысы мен асқазанды шаю керек; қажет болғанда симптоматикалық ем тағайындалады.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Дәрілік препаратты қабылдамас бұрын дәрігерге кеңес алу үшін жүгініңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Сирек

• терінің қызаруы, қышыну, бөртпе.

Осы симптомдар емдеуді тоқтатқаннан кейін тез кетеді.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 грамм гельдің құрамында

белсенді зат - троксерутин, 2.00 г,

қосымша заттар: карбомер, троламин, динатрий эдетаты, бензалконий хлориді, тазартылған су.

Сыртқы түрінің, иісінің, дәмінің сипаттамасы

Иіссіз, сарыдан сарғыш-жасылға дейінгі біркелкі мөлдір гель.

Шығарылу түрі және қаптамасы

30, 40 немесе 50 г препараттан ішкі жабыны лакты, сыртқы беткейі литографияланған, жарғақша мен тығыздайтын сақинасы, бұрандалы полиэтилен қақпағы бар  алюминий сықпаға салынған.

Әр сықпа медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

5 жыл.

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Өндіруші туралы мәліметтер

«ВЕТПРОМ» АД, Болгария,

2400, Радомир қ., Отец Паисий к-сі, 26

Тел.: +35924519300.

E-mail: office@vpharma.bg

Тіркеу куәлігінің ұстаушысы

«ДАНСОН–БГ» ООД, Болгария,

2400, Радомир қ., Отец Паисий к-сі, 26

Тел.: +35924519300.

E-mail: info@danson.bg

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ДАНСОН–БГ» ООД Қазақстандағы өкілдігі,

Қазақстан Республикасы, Алматы қ., Айтиев к-сі, 46-18,

Тел.: +7 (727) 395 91 13,

моб. тел.: +7 (701) 718 25 92,

e-mail: layka16@mail.ru