Трифтазин-Здоровье

• русский
• қазақша

• Скачать инструкцию медикамента

Саудалық атауы

Трифтазин-Здоровье

Халықаралық патенттелмеген атауы

Трифлуоперазин

Дәрілік түрі

Қабықпен қапталған 5 мг таблеткалар

Құрамы

1 таблетканың құрамында

белсенді зат – 5 мг трифлуоперазин гидрохлориді (трифлуоперазинге шаққанда),

қосымша заттар: қант-рафинад (ұнтақ), картоп крахмалы, коллоидты кремнийдің қостотығы, магний стеараты,

қабықтың құрамы: қант-рафинад (ұнтақ), шөгінді кальций карбонаты, коллоидты кремнийдің қостотығы, желатин, индигокармин (Е132), ара балауызы, вазелин майы, тальк, глицерин.

Сипаттамасы

Көктен жасыл-көкке дейінгі қабықпен қапталған таблеткалар. Таблетканың беті бозаңдануы мүмкін. Көлденең кесіндісінде 2 қабат көрінеді.

Фармакотерапиялық тобы

Психотроптық препараттар. Нейролептиктер (антипсихотиктер). Пиперазинді құрылымы бар фенотиазиндер. Трифлуоперазин.

АТХ коды N05A B06

Фармакологиялық қасиеттері

Фармакокинетикасы

Трифлуоперазиннің сіңу дәрежесі барынша жоғары. Қан плазмасы ақуыздарымен байланысуы 95-99%-ға жетеді. Бауыр арқылы алғаш өту әсері бар. Биожетімділігі – 35%. Қан плазмасында ең жоғары концентрацияға жету уақыты – 2-4 сағат. Бауырда қарқынды түрде метаболизденіп, фармакологиялық тұрғыдан белсенді емес метаболиттер түзеді. Көбіне бүйректер арқылы, сондай-ақ өтпен бірге шығарылады. Гематоэнцефалдық бөгет арқылы өтеді, емшек сүтіне енеді.

Фармакодинамикасы

Трифлуоперазин нейролептиктер тобына жатады және психозға қарсы белсенді дәрілердің бірі болып табылады. Орталық жүйке жүйесінде дофаминдік рецепторларды бөгейді, өнімді психоздық симптоматиканың айқындылығын (елестеулер, сандырақтау) төмендетеді.

Препараттың психозға қарсы әсері белгілі стимуляциялаушы әсермен бірігеді. Серотонинге қарсы, гипотермиялық және гибернирлеуші әсер береді, гиперпролактинемияны туындатады. Адренолитикалық және әлсіз антихолинергиялық және седативтік әсерлері бар. Құсуға қарсы және каталептикалық әсер береді. Қимылсыздықты және жалпы әлсіздікті тудырмайды.

Қолданылуы

- психоздарда

- шизофренияда

- галлюцинаторлы және аффективті-сандырақтау жағдайларында

- психомоторлы қозуда

- генезі орталықтан болатын жүректің айнуында және құсуда

Қолдану тәсілі және дозалары

Ересектерге тамақтанудан соң ішке тағайындайды. Препаратпен емдеу ауру барысына байланысты қатаң түрде жекелей болуы тиіс.

Бастапқы бір реттік доза 5 мг трифлуоперазинді (1 таблетка) құрайды. Содан кейін бір реттік дозаны тиімді емдік әсер алынғанша 5 мг-ға (1 таблетка) біртіндеп арттырады. Әдетте орташа тәуліктік доза 30-40 мг құрайды (жекелеген жағдайларда – 100-120 мг-ға дейін). Тәуліктік дозаны 2-4 қабылдауға бөледі. Емдік әсерге жеткеннен кейін тиімді дозалар 1-3 ай бойы сақталады, ал содан кейін тәулігіне 5-20 мг демеуші дозаға дейін біртіндеп азайтады.

Құсуға қарсы дәрі ретінде ересектерге тәулігіне 5 мг-нан (1 таблетка) тағайындайды.

Ересектер үшін ең жоғары тәуліктік доза – 100-120 мг трифлуоперазин. Емдеу ұзақтығы емдеудің тиімділігіне қарай 3-9 айды және одан астамды құрауы мүмкін.

Егде жастағы адамдар үшін бастапқы дозасы ұсынылған дозаның ≤50%-ын құрайды, мұндай емделушілерге дозаны арттыруды өте баяу жүргізген жөн.

Жағымсыз әсерлері

Жиі

Орталық және шеткергі жүйке жүйесі тарапынан: ұйқышылдық, экстрапирамидтік бұзылулар (дискинезиялар, акинето-сіреспелік құбылыстар, акатизия, гиперкинездер, тремор, вегетативтік бұзылулар, инсомния, бас айналу, бұлшықеттің сіресушілігі, бұлшықеттердің әлсіздігі), бас ауыру, жылуды реттеудің бұзылуы

Сезім мүшелері тарапынан: көрудің нашарлауы, ретинопатия, көру сезімінің бұзылуы, конъюнктивит

Ас қорыту жолы тарапынан: ауыз ішінің құрғауы, жүректің айнуы, іш қату, тоқ ішектің атониясы, тризм, анорексия

Эндокриндік жүйе тарапынан және метаболизмдік бұзылулар: гипо- немесе гипергликемия, глюкозурия, гиперпролактинемия, гинекомастия, тәбеттің жоғарылауы, дене салмағының артуы, көкіректің ауыруы, либидоның бұзылуы

Жүрек-қантамыр жүйесі тарапынан: тахикардия, емнің бас кезінде білінетін орташа ортостатикалық гипотензия

Қан және лимфатикалық жүйе тарапынан: агранулоцитоз, анемия (гемолитикалық, апластикалық), эозинофилия

Несеп-жыныс жүйесі тарапынан: несептің іркілуі, олигоурия, несептің бөлініп шығуының бұзылуы, потенцияның төмендеуі, эякуляцияның бұзылуы, приапизм

Зертханалық зерттеу нәтижелеріне ықпалы: жүктілікке, фенилкетонурияға жалғаноң тесттер

Сирек

- сананың шатасуы, ұзақ қабылдағанда – бет бұлшықеттерінің кеш дискинезиясы, миастения

- қатерлі нейролептикалық синдром

- көз бұршағының және мөлдір қабықтың көмескіленуі

- холестатикалық сарғаю, гепатит, гепатоуыттылық

- етеккір оралымының бұзылуы (олигоменорея, дисменорея, аменорея), галакторея

- жүрек ырғағының бұзылуының torsades de pointes типі, электрокардиограмманың өзгеруі (QT аралығының ұзаруы, Т тісшесінің тегістелуі), стенокардия ұстамалары, жүректің тоқтап қалуы

- лейкопения, тромбоцитопения, агранулоцитопения, панцитопения

- фотодермия, терінің қызаруы, терінің пигментациясы, эксфолиативті дерматит, шеткергі ісінулер

- аллергиялық реакциялар (тері бөртпесі, есекжем, анафилактоидтық реакциялар, ангионевротикалық ісіну)

Қолдануға болмайтын жағдайлар

- препарат компоненттеріне, фенотиазинді қатардың басқа да препараттарына жекелей жоғары сезімталдық

- бауырдың жедел және созылмалы қабыну аурулары

- өткізгіштігі бұзылған және декомпенсация сатысындағы жүрек аурулары

- бүйректің ауыр сипатты аурулары

- сүйек кемігінде қан түзудің тежелуі

- сүт безінің пролактинге тәуелді ісіктері

- қуықасты безінің гиперплазиясы

- кез келген этиологиялы коматозды жағдай

- бас ми мен жұлынның өршіген жүйелік аурулары

- стенокардия

- жабық бұрышты глаукома

- асқазан мен он екі елі ішектің ойық жара ауруы

- эпилепсия, Паркинсон ауруы

- Рейе синдромы

- микседема

- кахексия

- қанның патологиялық өзгерулері, қан түзудің бұзылуы

- жүктілік және лактация кезеңі

- балалар және 18 жасқа дейінгі жасөспірімдер

- 60 жастан асқандар

Дәрілермен өзара әрекеттесуі

Мыналармен бір мезгілде қолданғанда:

орталық жүйке жүйесін тежейтін препараттармен (наркозға арналған дәрілер, апиындық анальгетиктер, барбитураттар, карбонаттар, анксиолитиктер, этанол және құрамында этанол бар препараттар) – орталық жүйке жүйесінің депрессиясы күшеюі және тыныс алу тежелуі мүмкін;

- үшциклдік антидепрессанттармен, мапротилинмен немесе моноаминооксидаза тежегіштерімен бірге – қатерлі нейролептикалық синдром қаупі артуы мүмкін; - құрысуға қарсы препараттармен бірге – құрысу шегі төмендеуі мүмкін; - гипертиреозды емдеуге арналған препараттармен бірге – агранулоцитоздың пайда болу қаупі жоғарылайды; - экстрапирамидтік реакцияларды тудыратын препараттармен бірге – экстрапирамидтік бұзылулар жиілігі және ауырлығы артуы мүмкін; - гипертензияға қарсы препараттармен бірге – ортостатикалық гипотензия болуы мүмкін;

- прохлорперазинмен бірге – сана ұзақ уақытқа жоғалуы мүмкін; - адреналинмен бірге – соңғысының әсері бүркемеленуі мүмкін, бұл артериялық қысымның әрі қарай төмендеуіне әкеледі; - QT аралығын ұзартатын дәрілік заттармен бірге – вентрикулярлы аритмия қаупі жоғарылауы мүмкін; - бромокриптинмен бірге – фенотиазиндер бромокриптиннің қан сарысуындағы пролактин концентрациясын төмендету қабілетін басады. Препарат эфедриннің қантамырын тарылтатын әсерін бәсеңдетуі, басқа препараттардың антихолинергиялық әсерлерін күшейтуі, амфетаминдердің, леводопаның, клонидиннің, гуанетидиннің әсерін төмендетуі мүмкін. Антацидтер, паркинсонға қарсы дәрілер және литий препараттары трифлуоперазиннің сіңуін бұзады.

Айрықша нұсқаулар

Тыныс жолдарының созылмалы аурулары бар науқастарға, қант диабеті, гравиес миастениясы бар, сыртартқысында сарғаю көрсетілген науқастарға (егер емдеудің пайдасы қаупінен басым болса) аса сақтықпен тағайындайды.

Егде жастағы емделушілерде қайтымсыз дискинетикалық қозғалыстар пайда болуы мүмкін, кеш дискинезия белгілері пайда болған кезде емдеуді тоқтату қажет.

Препаратпен емдеген кезде жоғары температураның әсерінен сақтанған жөн (жылуды реттеу бұзылуы мүмкін).

Құсу пайда болған емделушілерге препаратты, егер емдеудің пайдасы қаупінен басым болса ғана, тағайындайды. Трифлуоперазиннің құсуға қарсы әсері ми ісігін және Рейе синдромын анықтауға және емдеуге кедергі жасауы мүмкін.

Психоздық емес үрейленуді емдегенде трифлуоперазинді, егер альтернативті препараттарды (мысалы, бензодиазепиндер) қолдану тиімсіз болған жағдайда ғана, тағайындаған жөн.

Препаратпен емдеу кезеңінде алкогольді пайдалануға болмайды.

Дәрілік заттың көлік құралын және қауіпті механизмдерді басқару қабілетіне ықпал ету ерекшеліктері

Препаратпен емдеу кезінде емделуші көлік құралын басқаруды және зейінді жұмылдыруды, психикалық және қимыл реакцияларының шапшаңдығын қажет ететін жұмыстарды орындауды тоқтата тұрғаны жөн.

Артық дозалануы

артық дозалануы

Емі: дозаны төмендету немесе препарат қабылдауды тоқтату; экстрапирамидтік бұзылуларды жою үшін паркинсонға қарсы дәрілер (тропацин, циклодол) қолданылады; дискинезия (мойын, тіл, ауыз қуысы түбі еттерінің пароксизмальді құрысулары, окулогирлік криздер) натрий кофеин-бензоатымен (тері астына 2 мл 20% ерітінді) немесе аминазинмен (бұлшықет ішіне 1-2 мл 2,5% ерітінді) басылады.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 немесе 50 таблеткадан.

50 таблеткадан пішінді ұяшықты бір қаптама немесе 10 таблеткадан пішінді ұяшықты 5 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге қорапқа салынған.

Тұтынушының келісімі бойынша, 50 таблеткадан пішінді ұяшықты қаптаманы, картонға салмай-ақ, медицинада қолданылуы жөнінде мемлекеттік және орыс тілдеріндегі нұсқаулықтың тиісті мөлшерімен бірге гофрленген картон жәшікке салуға болады.

Сақтау шарттары

Құрғақ, жарықтан қорғалған жерде, 150С-ден 250С-ге дейнгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін препаратты пайдалануға болмайды.

Дәріханадан босатылу шарттары

Рецепт арқылы

Өндіруші

“Здоровье” Фармацевтикалық компаниясы” ЖШҚ, Украина

Украина, 61013, Харьков қ-сы, Шевченко к-сі, 22.

Тіркеу куәлігінің иесі

“Здоровье” Фармацевтикалық компаниясы” ЖШҚ, Украина

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

Мекенжайы: Фарм-Евро ЖШС,

050039, Қазақстан Республикасы, Алматы қ-сы,

Майлин к-сі, үй 72, пәт.34

Телефон: +7(272) 71-10-17

Факс: +7(272) 71-84-97

Эл.поштасы: farmevro@mail.ru