Треконди (Треосульфан)

Треконди, 1000 мг, инфузия үшін ерітінді дайындауға арналған лиофилизат

Треконди, 5000 мг, инфузия үшін ерітінді дайындауға арналған лиофилизат

Треосульфан

Дәрілік түрі, дозасы

Инфузия үшін ерітінді дайындауға арналған лиофилизат, 1000 мг және 5000 мг

Антинеопластикалық және иммуномодуляциялайтын препараттар. Антинеопластикалық препараттар. Алкилдеуші препараттар. Алкилсульфонаттар. Треосульфан

АТХ коды L01AB02

Треконди (треосульфан) флударабинмен біріктірілімде аллогенді гемопоэздік дің жасушаларының (аллоГДЖТ) трансплантациясы алдында кондиционерлеу емінің бір бөлігі ретінде көрсетілген):

• қатерлі және қатерсіз аурулары бар ересек пациенттерде,

• қатерлі және қатерсіз аурулары бар бір айдан асқан педиатриялық популяция пациенттерінде.

Дәрілік препаратты қолданудың басталуына дейінгі қажетті мәліметтер тізбесі

• әсер етуші затқа жоғары сезімталдық.

• бақыланбайтын белсенді инфекциялық ауру.

• қатар жүретін жүрек, өкпе, бауыр және бүйректің ауыр жеткіліксіздігі

• Фанкони анемиясы және ДНҚ үзілуін қалпына келуінің басқа да бұзылулары.

• жүктілік және лактация (Жүктілік және лактация кезінде қолдану бөлімін қараңыз).

• тірі вакциналарды бір мезгілде қолдану

Қолдану кезіндегі қажетті сақтық шаралары

Барлық цитоуытты заттар сияқты, тресульфанды қолданған кезде де тиісті сақтық шараларын сақтау керек.

Оқып-үйренген персонал дәрілік препаратты қалпына келтіру процедурасын жүргізуі тиіс. Треосульфанды қолданған кезде демді ішке тартудан, теріге тиюден немесе шырышты қабықпен жанасудан аулақ болу керек (бір реттік қорғағыш қолғаптарды, көзілдіріктерді, халат пен масканы қолдану ұсынылады). Дене бөліктеріне тиген кезде сабынды сумен мұқият жуу, көзді 9 мг/мл (0,9%) натрий хлоридінің ерітіндісімен жуу қажет. Мүмкіндігінше, ламинарлық ағынмен жабдықталған, сұйықтықты өткізбейтін бір реттік үлбірмен жабдықталған арнайы тақтайда жұмыс істеу ұсынылады. Цитоуытты дәрілік препараттарды қалпына келтіру үшін қолданылатын заттарды (шприцтер, инелер және т.б.) утилизациялау кезінде тиісті сақтық шараларын сақтау қажет. Люэр фитингтерін барлық шприцтер мен жинақтарға қолданыңыз. Қысымды және аэрозольдің ықтимал түзілуін азайту үшін үлкен саңылаулы инелер ұсынылады. Соңғысын желдеткіш иненің көмегімен де азайтуға болады.

Жүкті қызметкерлер цитоуытты заттармен жұмыс істемеуі тиіс.

Басқа дәрілік препараттармен өзара әрекеттесуі

Жоғары дозалы химиотерапия кезінде треосульфанның өзара әрекеттесуі байқалмады.

In vitro толық зерттеулері треосульфанның плазмадағы жоғары концентрациясы мен CYP3A4, CYP2C19 немесе P-gp субстраттары арасындағы потенциалды өзара әрекеттесуді жоққа шығармады. Сондықтан CYP3A4, CYP2C19 немесе P-gp үшін субстрат болып табылатын емдік индексі тар дәрілік препараттарды (мысалы, дигоксин) треосульфанмен емдеу кезінде тағайындауға болмайды.

Триосульфанның флударабин фармакокинетикасына әсері белгісіз.

Миелосупрессия

Панцитопениямен жүретін терең миелосупрессия - бұл барлық пациенттерде байқалатын треосульфан негізіндегі кондиционерлеу емінің қажетті емдік әсері. Сондықтан қан түзу жүйесін қалпына келтіруге дейін қан жасушаларының санын жиі бақылау ұсынылады.

Ауыр нейтропения фазалары кезінде (нейтропениялық кезеңнің орташа ұзақтығы ересектерде 14-17,5 күнді және педиатриялық популяциядағы пациенттерде 21-24 күнді құрайды) жұқтыру қаупі артады. Сондықтан профилактикалық немесе эмпирикалық инфекцияға қарсы емдеу (бактериялық, вирустық, зеңдік) туралы мәселені қарастырған жөн. Өсу факторлары (G-CSF, GM-CSF), тромбоциттер және / немесе эритроциттер көрсеткіштерге сәйкес сақталуы керек.

Салдарлы қатерлі жаңа түзілімдер

Салдарлы қатерлі жаңа түзілімдер аллоГДЖТ-дан кейін ұзақ уақыт өмір сүрген адамдарда белгілі асқынулар болып табылады. Треосульфан олардың туындауына қаншалықты ықпал ететіні белгісіз. Пациентке қайталанатын қатерлі жаңа түзілімнің ықтимал қаупін түсіндіру керек. Адамдар туралы мәліметтер негізінде, треосульфанды Обырды зерттеу жөніндегі халықаралық агенттік (IARC) адамдар үшін канцероген ретінде жіктеді.

Мукозит

Ауыз қуысының мукозиті (ауырлықтың жоғары дәрежесін қоса) - аллоГДЖТ-мен жалғасатын тресульфан негізінде кондиционирлеу емінің өте жиі жағымсыз әсері («Жағымсыз реакциялардың сипаттамасы» бөлімін қараңыз). Мукозиттің профилактика әдістерін (мысалы, жергілікті микробқа қарсы препараттар, қорғағыш барьерлер, мұз және ауыз қуысының талапқа сай гигиенасы) қолдану ұсынылады.

Вакциналар

Аттенуирленген тірі вакциналарды бір мезгілде пайдалану ұсынылмайды.

Фертильділік

Треосульфан фертильділікті нашарлатуы мүмкін. Сондықтан треосульфанды қабылдаған еркектерге емдеуден кейін 6 айға дейін балалы болмауына, сондай-ақ треосульфан терапиясына байланысты қайтымсыз бедеулік мүмкіндігіне байланысты емдеуге дейін сперманы криоконсервациялау бойынша кеңес алу ұсынылады.

Аналық без функциясының бәсеңдеуі және менопауза симптомдарымен жүретін аменорея әдетте пременопаузадағы пациенттерде кездеседі (Жүктілік және бала емізу кезінде қолдану бөлімін қараңыз).

Педиатрияда қолдану

Құрысулар

Треосульфанды флударабинмен немесе циклофосфамидпен емдегеннен кейін бастапқы иммун тапшылығы бар сәбилерде (4 айға дейінгі) құрысулардың пайда болуы туралы жекелеген хабарламалар бар. Сондықтан 4 айға дейінгі сәбилерді неврологиялық жағымсыз реакциялар белгілерінің болуына қатысты бақылау керек. Мұның себебі треосульфан болғанын дәлелдеу мүмкін болмаса да, 1 жасқа дейінгі балаларда алдын-алу үшін клоназепамды қолдану мүмкіндігін қарастыруға болады.

Респираторлық, торакальді және көкірек ортасының бұзылысттары

Тресульфан негізінде кондиционирлеу емін қабылдаған педиатриялық популяциядағы пациенттерде жас ерекшелігі пен респираторлық уыттылық арасында айтарлықтай байланыс анықталды.

Бір жасқа дейінгі балалар (көбінесе қатерлі ісік емес, әсіресе иммун тапшылығы аурулары) III / IV дәрежеде тыныс алудың уыттылығын бастан кешірді, кондиционерлеу басталғанға дейін болған өкпе инфекцияларына байланысты болуы ықтимал.

Тері аурулары

Жөргектік дерматит жас балаларда треосульфанның несеппен шығарылуына байланысты туындауы мүмкін. Сондықтан жөргектерді треосульфан инфузиясынан кейін 6-8 сағат ішінде жиі ауыстырып отыру керек.

Экстравазация

Треосульфан тітіркендіргіштерге жатады. Вена ішіне енгізуді қауіпсіз тәсілмен жүргізген жөн. Егер экстравазацияға күдік болса, жалпы қауіпсіздік шараларын қолдану керек. Ешқандай нақты шаралардың ұсынымға дәлелдері жоқ.

Жүктілік және бала емізу кезінде қолдану

Жүктілік

Жүкті әйелдердің треосульфанды қолдануы туралы деректер жоқ. Репродуктивті уыттылыққа қатысты жануарларға жүргзілген зерттеулер жеткіліксіз. Треосульфанды жүктілік кезінде қолдануға болмайды (Қолдануға болмайтын жағдайлар бөлімін қараңыз).

Емшек емізу

Треосульфан емшек сүтімен бөлінетіні белгісіз. Треосульфанмен емдеу кезінде емшек емізуді тоқтату керек.

Фертильділік

Треосульфан еркектер мен әйелдердің фертильділігін төмендетуі мүмкін. Еркектер қайтымсыз бедеулік мүмкіндігіне байланысты емдеуден бұрын сперманы криоконсервациялау туралы кеңес алуы керек.

Треосульфанның басқа алкилдеуші кондиционирлеуші агенттері аналық без функциясын және менопаузаға дейінгі әйелдерде менопауза симптомдарымен аменореяны бәсеңдетуі мүмкін екендігі белгілі.

Бала туу жасындағы әйелдер / Еркектер мен әйелдердегі бала тууды бақылау құралдары

Жыныстық белсенді еркектер де, бала туу жасындағы әйелдер де емдеу кезінде және одан кейінгі 6 ай ішінде тиімді контрацептивтерді қолдануы тиіс.

Көлік құралдарын және қауіптілігі зор механизмдерді басқару қабілетіне әсері.

Треосульфан автомобиль мен механизмдерді басқару қабілетіне орташа әсер етеді. Треосульфанның кейбір жағымсыз реакциялары, мысалы, жүрек айнуы, құсу немесе бас айналуы, бұл функцияларға әсер етуі мүмкін.

Қолдану жөніндегі нұсқаулар

Треосульфанды тағайындауды аллоГДЖТ -мен жалғасатын кондиционерлеу емін жүргізу тәжірибесі бар дәрігер бақылауы тиіс.

Дозалау режимі

Қатерлі ауруы бар ересектер

Треосульфан флударабинмен бірге тағайындалады.

Ұсынылатын доза және қабылдау графигі:

• Тресульфан дене беткейі ауданының (ДБА) 10 г/м² күніне екі сағаттық вена ішіне инфузия түрінде үш күн қатарынан (-4, -3, -2 күндер) дің жасушаларын инфузиялау алдында (0 күн). Треосульфанның жалпы дозасы 30 г/м² құрайды;

• Флударабин күніне ДБА 30 мг/м² қатарынан бес күн бойы 0,5 сағаттық вена ішіне инфузия түрінде (-6, -5, -4, -3, -2 күндер) дің жасушаларын инфузиялау алдында (0 күн). Флударабиннің жалпы дозасы 150 мг / м² құрайды;

• Треосульфанды флударабин алдында -4, -3, -2 (FT10 режимі) күндері енгізу керек.

Қатерсіз аурулары бар ересектер

Треосульфан флударабинмен бірге тиотепамен немесе онсыз тағайындалады.

Ұсынылатын доза және қабылдау графигі:

• Тресульфан дене беткейі ауданының (ДБА) 14 г/м² күніне екі сағаттық вена ішіне инфузия түрінде қатарынан үш күн бойы (-6, -5, -4 күндері) дің жасушаларын инфузиялау алдында (0 күн). Треосульфанның жалпы дозасы 42 г/м² құрайды;

• Флударабин күніне ДБА 30 мг / м² қатарынан бес күн бойы 0,5 сағаттық вена ішіне инфузия түрінде (-7, -6, -5, -4, -3) дің жасушаларын инфузиялау алдында (0 күн). Флударабиннің жалпы дозасы 150 мг/м² құрайды;

• Треосульфанды флударабин алдында -6, -5, -4 (FT14 режимі) күндері енгізу керек.

• 5 мг/кг Тиотепа күніне екі рет вена ішіне екі инфузия түрінде 2-4 сағат ішінде дің жасушаларын инфузиялау алдындағы екінші күні (0-күн).

Егде адамдар

Егде жастағы популяция топтарының ешқайсысында дозаны түзету қажет емес.

Бүйрек және бауыр жеткіліксіздігі

Жеңіл немесе орташа бұзылуларда дозаны түзету талап етілмейді, алайда треосульфан ауыр бұзылулары бар пациенттерге қарсы көрсетілген (Қолдануға болмайтын жағдайлар бөлімін қараңыз).

Педиатриялық популяция

Треосульфан флударабинмен, тиотепамен (күшейтілген режим; FT10-14TT режимі) немесе тиотепасыз (FT10-14 режимі) біріктірілімде тағайындалады.

Ұсынылатын доза және қабылдау графигі:

• Тресульфан дене беткейі ауданының (ДБА) 10–14 г/м² күніне екі сағаттық вена ішіне инфузия түрінде артынша үш күн бойы (-6, -5, -4 күндері) дің жасушаларын инфузиялау алдында (0 күн). Треосульфанның жалпы дозасы 30-42 г/м² құрайды;

Треосульфан дозасын пациенттің ДБА-ға мынадай түрде бейімдеу керек:

• Флударабин күніне ДБА 30 мг/м² қатарынан бес күн бойы 0,5 сағаттық вена ішіне инфузия түрінде (-7, -6, -5, -4, -3) дің жасушаларын инфузиялау алдында (0 күн). Флударабиннің жалпы дозасы 150 мг/м² құрайды;

• Треосульфанды флударабиннің алдында тағайындау керек;

• Тиотеп (қабылдаудың күшейтілген режимі күніне екі рет 5 мг/кг) вена ішіне екі инфузия түрінде енгізілетін 2-4 сағат ішінде дің жасушаларын инфузиялау алдындағы екінші күні (0-күн).

Дәрілік затты пайдаланар алдында немесе оны қолданар алдында қабылдануы қажет сақтық шаралары.

Треосульфанды жұмыс істегенде демді ішке тартудан, терімен немесе шырышты қабықпен жанасудан аулақ болу керек. Жүкті қызметкерлер цитоуытты дәрілермен жұмыс істеуден алынып тасталуы тиіс.

Вена ішіне енгізу экстравазацияны болдырмау үшін қауіпсіз түрде жасалуы керек.

Треосульфанды қалпына келтіру жөніндегі нұсқаулық:

1. Треосульфан түпнұсқалық шыны контейнерде қалпына келтіріледі. Треосульфанның қалпына келтірілген ерітінділерін үлкен көлемдегі шыны құтыға, ПВХ қапқа немесе полиэтилен пакетке біріктіруге болады.

2. Ерігіштік проблемаларын болдырмас үшін еріткішті, натрий хлориді ерітіндісін 4,5 мг/мл (0,45%) 25-30 °C дейін (жоғары емес) қыздырыңыз, мысалы, су моншасының көмегімен.

3. Треосульфан ұнтағын құтының ішкі бетінен сілку арқылы абайлап шығарып тастаңыз. Бұл процедура өте маңызды, өйткені беткейіне жабысқан ұнтақты ылғалдандыру бітелуге әкеледі. Бұл жағдайда түзілген кесектерді еріту үшін бөтелкені қаттырақ сілкіңіз.

4. Құрамында 1 г треосульфан бар Треконди препаратының әрбір құтысын 20 мл алдын ала қыздырылған (максимум 30 °C дейін) натрий хлоридінің 4,5 мг/мл (0,45%) ерітіндісіне сілку арқылы қалпына келтіріңіз.

Құрамында 5 г треосульфан бар Треконди препаратының әрбір құтысын 100 мл алдын ала қыздырылған (максимум 30 °C дейін) натрий хлоридінің 4,5 мг/мл (0,45%) ерітіндісіне сілку арқылы қалпына келтіріңіз.

4,5 мг/мл (0,45%) натрий хлориді ерітіндісін дайындау үшін 9 мг/мл (0,9%) натрий хлориді ерітіндісінің баламалы көлемін және инъекцияға арналған суды араластыруға болады.

Қалпына келтірілген ерітіндінің құрамында 1 мл-ге 50 мг треосульфан бар және мөлдір, түссіз ерітінді сияқты көрінеді.

Қандай да бір шөгінділері бар ерітінділерді қолдануға болмайды.

Треосульфан мутагенді және канцерогенді әсерге ие. Дәрілік препараттың қалдықтары, сондай-ақ қалпына келтіру және енгізу үшін пайдаланылған барлық материалдар қауіпті қалдықтарды утилизациялауға қатысты қолданыстағы заңнамаға сәйкес ісікке қарсы агенттерге қолданылатын стандартты процедураларға сәйкес утилизациялануы тиіс.

Треосульфан екі сағаттық инфузия түрінде вена ішіне енгізуге арналған.

Артық дозалану жағдайында қабылдануы қажет шаралар

Симптомдары:

Треосульфанның негізгі уытты әсері - терең миелоабляция және панцитопения. Одан өзге, ацидоз, тері уыттылығы, жүрек айнуы, құсу және гастрит туындауы мүмкін. Гемопоэздік дің жасушаларының трансплантациясы болмаған кезде треосульфанның ұсынылатын дозасы артық дозалануды білдіретін болады.

Емі:

Тресульфанның артық дозалануы кезінде спецификалық антидот белгісіз. Гематологиялық статусты мұқият бақылау және медициналық көрсеткіштерге сәйкес қуатты демеу шараларын қабылдау қажет.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Қауіпсіздік бейінінің қысқаша сипаттамасы

Терең миелосупрессия/панцитопения кондиционерлеу терапиясының қажетті емдік әсері болып табылады және барлық пациенттерде байқалады. Қан жасушаларының саны әдетте ТГСК-ден кейін қалпына келеді.

АллоТГСК-мен жалғасатын треосульфан негізіндегі кондиционерлеу емінен кейін жиі байқалатын жағымсыз реакцияларға (ересектер / педиатриялық популяциядағы пациенттер) инфекциялар (13,1% / 11,4%), асқазан-ішек бұзылыстары (жүрек айнуы [39,5%/30,7%], стоматит [36,0%/69,3%]), құсу [22,5%/43,2%], диарея [15,6%/33,0%], іш ауыруы [10,4%/17%]), қажу (15,1%/2,3%), гепатоуыттылық (0,3%/26,1%), фебрильді нейтропения (11,3%/1,1%), ісіну (7,8%/0%), бөртпе (7,2%/12,5%) және аланинтрансаминазаның (АЛТ [5,1%/9,1%]), аспартаттрансаминазаның (АСТ [4,4%/8,0%]) және билирубиннің (18,8%/5,7%) ұлғаюы кіреді.

Ересектер

Төмендегі кестеде көрсетілген жағымсыз реакциялардың жиілігі 5 клиникалық сынақтардан (жалпы алғанда 564 пациентті қоса) алынды, онда треосульфан флударабинмен бірге ересек пациенттерде аллоТГСК алдында кондиционерлеу емі ретінде зерттелді. Тресульфан қатарынан 3 күн бойы ДБА 10-14 г/м² дозада енгізілді.

Жағымсыз реакциялар төменде жүйелік ағза кластары бойынша және жиілігі бойынша тізілген: өте жиі (≥ 1/10), жиі (≥1/100-ден <1/10-ға дейін), сирек (≥1/1000-нан <1/100-ге дейін), сирек (≥1/10 000-нан <1/1 000-ға дейін), өте сирек (<1/10 000) және белгісіз (қолда бар деректер негізінде бағалау мүмкін емес). Әрбір жиілік тобында жағымсыз реакциялар ауырлық дәрежесін төмендету тәртібімен ұсынылған.

Инфекциялар мен инвазиялар*

Өте жиі: инфекциялар (бактериялық, вирустық, зеңдік)

Жиі: сепсисa

Белгісіз: сепсистік шокc

Қатерсіз, қатерлі және анықталмаған жаңа түзілімдер (кистаны және полиптерді қоса)*

Белгісіз: емдеуге байланысты қайталанатын қатерлі жаңа түзілім

Қан және лимфа жүйесінің бұзылуы*

Өте жиі: миелосупрессия, панцитопения, фебрильді нейтропения

Иммундық жүйенің тарапынан бұзылулар*

Жиі: аса жоғары сезімталдық

Зат алмасудың және тамақтанудың бұзылуы

Жиі: тәбеттің төмендеуі

Жиі емес: гипергликемия

Белгісіз: ацидозb, глюкоза толеранттылықтың бұзылуы, электролиттік теңгерімнің бұзылуы

Психиатриялық бұзылыстар

Жиі: ұйқысыздық

Жиі емес: сананың шатасу жағдайы

Белгісіз: қозу

Жүйке жүйесінің бұзылысы

Жиі: бас ауыруы, бас айналуы

Жиі емес: шеткері сенсорлық нейропатия

Белгісіз: энцефалопатия, бассүйекішілік қан құйылу, экстрапирамидалық бұзылыс, естен тану, парестезия

Көру ағзаларының бұзылуы

Белгісіз: көздің құрғақтығы

Естуге қатысты және лабиринттік бұзылыстар

Жиі Емес: бас айналуы

Жүрек бұзылысы*

Жиі: жүрек аритмиясы (мысалы, жүрекшелер фибрилляциясы, синустық аритмия)

Белгісіз: жүрек тоқтауы, жүрек жеткіліксіздігі, миокард инфарктісі, перикардты жалқық

Қантамырлық бұзылыстар

Жиі: гипертония, ысыну

Жиі емес: гематома, гипотензия

Белгісіз: эмболия, қан құйылу

Респираторлық, торакальді және көкірек ортасының бұзылыстары

Жиі: ентігу, мұрыннан қан кету

Жиі емес: пневмонит, плевралық жалқық, жұтқыншақтың немесе көмейдің қабынуы, жөтел, көмейдегі немесе, ықылық

Белгісіз: ауызжұтқыншақтағы ауырсыну, гипоксия, дисфония

Асқазан-ішек бұзылыстары*

Өте жиі: стоматит / мукозит, диарея, жүрек айнуы, құсу, іш ауыруы

Жиі: ауыз қуысының ауыруы, гастрит, диспепсия, іш қату, дисфагия

Жиі емес: аузыңыздан қан кету, іш кебуі, өңештің ауыруы, ауыздың құрғауы

Белгісіз: асқазан-ішектен қан кету, нейтропениялық колит, эзофагит, анальді қабыну

Гепатобилиарлық бұзылыстар*

Жиі емес: бауырдың венооклюзиялық ауруы, гепатоуыттылық

Белгісіз: бауыр жеткіліксіздігі, гепатомегалия, бауырдың ауыруы

Тері және тері асты шелінің аурулары

Жиі: макулопапулезді бөртпе, пурпура, эритема, алақан-табан эритродизестезия синдромы, қышыну, алопеция

Жиі емес: көп формалы эритема, безеулі дерматит, бөртпе, гипергидроз

Белгісіз: жайылған эритема, дерматит, некроз немесе терінің ойық жарасы, терінің гиперпигментациясыd, терінің құрғауы

Тірек-қимыл аппараты және дәнекер тін тарапынан бұзылулар

Жиі: қол-аяқтың ауыруы, арқаның ауыруы, сүйектің ауыруы, артралгия, миалгия

Белгісіз: бұлшықет әлсіздігі

Бүйрек және несеп шығару жолының тарапынан бұзылулар

Жиі: бүйректің жедел зақымдануы, гематурия

Жиі емес: несеп шығару жолындағы ауырсыну

Белгісіз: бүйрек жеткіліксіздігі, геморрагиялық циститс, дизурия

Жалпы бұзылыстар мен енгізу орнындағы жағдайлар

Өте жиі: астениялық жағдайлар (қажу, астения, сылбырлық)

Жиі: ісіну, гипертермияe, қалтырау

Жиі емес: кеудедегі жүректен тыс ауыру, ауырсыну

Белгісіз: инъекция орнындағы реакция, суықты сезіну

Зерттеулер

Өте жиі: қандағы билирубиннің жоғарылауы

Жиі: трансаминазаның (АЛТ / АСТ), γGT, қандағы сілтілік фосфатазаның, С-реактивті ақуыздың ұлғаюы, салмақтың төмендеуі, салмақтың ұлғаюы

Жиі емес:

Белгісіз: қандағы креатининнің жоғарылауы, қандағы лактатдегидрогеназдың (ЛДГ) жоғарылауы.

* Толық бөлімдерді төменде қараңыз

a 3 немесе 4 дәрежедегі нейтропениямен клиникалық немесе микробиологиялық тұрғыдан расталған инфекция (нейтрофилдердің абсолюттік саны [НАС] <1,0 x 109 / л) және сепсис

b Ацидоз плазмадағы треосульфанның активациясы / ыдырауы нәтижесінде метансульфон қышқылының босап шығуы салдары болуы мүмкін.

c Оқиғалар туралы есептер (> 2) басқа көздерден алынған треосульфан негізіндегі кондиционерлеу емінен кейін

d Қола түсті пигментация

e Нейтропения болмаған кездегі қызба, нейтропения НАС <1,0 x 109/л ретінде анықталған кезде

Жекелеген жағымсыз реакциялардың сипаттамасы

Инфекциялар

Инфекцияларды жалпы жұқтыру 13,1% (79/613) құрады. Ең көп таралған түрі өкпе инфекциясы болды (12/74[16,2%]). Патогендерге бактериялар (мысалы, Staphylococcus, Enterococcus, Corynebacterium), вирустар (мысалы, цитомегаловирус [CMV], Эпштейн-Барр вирусы [EBV], герпес), сондай-ақ зеңдер (мысалы, Candida) кірді. Инфекциялану деңгейі күніне 10 г/м² тресульфанды дозалау режимін алған пациенттерде -4-тен -2 күнге дейін (7,7%) ең төмен болды.

Қатерсіз, қатерлі және анықталмаған жаңа түзілімдер (кистаны және полиптерді қоса)

564 ересек пациенттің бірінде (0,2%) екінші қатерлі жаңа түзілім (кеуде обыры) дамыды. Басқа зерттеушілер тресульфан негізіндегі кондиционерлеу терапиясынан кейін қайталанатын қатерлі жаңа түзілімдердің тағы бірнеше жағдайлары туралы хабарлады. Ірі ісіктері бар пациенттерде пероральді тресульфанның жалпы қабылданған дозаларымен ұзақ емдеуден кейін жедел миелоидты лейкоз 553 пациенттің 1,4%-ында байқалды.

Қан және лимфа жүйесінің бұзылуы

564 ересек пациенттің 67-інде қанмен қамтамасыз етудің бұзылуы байқалды (11,9%). Ең жиі жағымсыз реакция фебрильді нейтропения болды (11,3%). Көрініс табудың ең аз жиілігі күніне 10 г/м², күніне -4-тен -2-ге дейін (4,4%) дозада байқалды. Нейтропенияның орташа ұзақтығы (25% / 75% перцентиль) 10 г/м² тресульфан дозасы кезінде 14 (12, 20) күнді және 14 г/м² тресульфан дозасы кезінде 17,5 (14, 21) күнді құрады.

Жүрек бұзылысы

Жүрек бұзылыстары 25 пациентте байқалды (4,4%). Ең жиі жағымсыз реакциялар жүрек аритмиясы, мысалы, жүрекшелер фибрилляциясы (1,2%), синустық тахикардия (1,9%), суправентрикулярлық тахикардия (0,4%) және қарыншалық экстрасистолия (0,4%) болды. Жүрек тоқтауының, жүрек жеткіліксіздігінің және миокард инфарктісінің жекелеген оқиғалары байқалды. Жүрек бұзылысының ең төменгі жиілігі -4-тен -2-ге дейін (2,7%) күндері күніне 10 г / м² дозада байқалды.

Асқазан-ішек бұзылыстары

Асқазан-ішек бұзылыстары 357 пациентте (63,3%) байқалды. Ең жиі жағымсыз реакциялар жүрек айнуы (39,5%), стоматит (36,4%), құсу (22,5%), диарея (15,6%) және іш ауыруы (10,4%) болды. Мұндай жағымсыз реакциялардың ең аз жиілігі күніне 10 г/м² дозада байқалды, -4 - тен -2 (тиісінше 20,4%, 30,3%, 13,1%, 5,0% және 5,5%) күндері.

Гепатобилиарлық бұзылулар

Бауырдың венооклюзиялық аурудың (БВА) жалпы жиілігі 0,9% (5/564) құрады. БВА треосульфанның дозасы күніне 14 г/м² болғанда ғана байқалды. Бірде-бір оқиға өлімге немесе өмірге қауіп төндірмеді.

Педиатриялық популяция

Төмендегі кестеде көрсетілген жағымсыз реакциялар (жалпы алғанда 88 пациентті қоса; орташа жасы 8 жыл [диапазоны 0-17 жыл]) екі клиникалық сынақ нәтижесінде алынды, онда тресульфан флударабинмен (және негізінен тиотепа препаратын толықтырумен) біріктірілімде қатерлі немесе қатерсіз аурулары бар педиатриялық популяция пациенттерінде аллоТГСК алдында кондиционерлеу емі ретінде қолданылды. Треосульфан қатарынан үш күн бойы ДБА 10-14 г/м² дозада енгізілді.

Жағымсыз реакциялар төменде жүйелік ағза кластары бойынша және жиілігі бойынша тізілген: өте жиі (≥ 1/10), жиі (≥1/100-ден <1/10-ға дейін), сирек (≥1/1000-нан <1/100-ге дейін), сирек (≥1/10 000-нан <1/1 000-ға дейін), өте сирек (<1/10 000) және белгісіз (қолда бар деректер негізінде бағалау мүмкін емес). Әрбір жиілік тобында жағымсыз реакциялар ауырлық дәрежесін төмендету тәртібімен ұсынылған.

Инфекциялар мен инвазиялар *

Өте жиі: инфекциялар (бактериялық, вирустық, зеңдік)

Қатерсіз, қатерлі және анықталмаған жаңа түзілімдер (кистаны және полиптерді қоса)*

Белгісіз: емдеуге байланысты екінші қатерлі жаңа түзілімa

Қан және лимфа жүйесінің бұзылуы *

Өте жиі: миелосупрессия, панцитопения

Белгісіз: фебрильді нейтропения

Зат алмасудың және тамақтанудың бұзылуы

Белгісіз: алкалоз, электролит теңгерімінің бұзылуы, гипомагнемия

Жүйке жүйесінің бұзылысы*

Белгісіз: бас ауыруы, парестезия, құрысулар

Көру ағзаларының бұзылуы

Белгісіз: конъюнктиваға қан құйылу, көздің құрғауы

Қантамыр бұзылыстары

Белгісіз: капиллярлардың ағып кету синдромы, артериялық гипертензия, гипотензия

Респираторлық, торакальді және көкірек ортасының бұзылысттары.

Жиі: орофарингеальді ауырсыну, мұрыннан қан кету

Белгісіз: гипоксия, жөтел

Асқазан-ішек бұзылыстары *

Өте жиі: стоматит / мукозит, диарея, жүрек айнуы, құсу, іш ауыруы

Жиі: дисфагия, ауыз қуысының ауыруы

Белгісіз: нейтропениялық колит, анальді қабыну, диспепсия, проктит, қызыл иектің ауыруы, асқазан-ішек ауыруы, іш қату

Гепатобилиарлық бұзылулар

Белгісіз: бауырдың венооклюзиялық ауруы, гепатомегалия, бауырдың ауыруы, гепатоуыттылық

Тері және тері асты шелінің аурулары

Өте жиі: терінің қышуы

Жиі: эксфолиативті дерматит, макулопапулярлы бөртпе, бөртпе, эритема, есекжем, терінің ауыруы, терінің гиперпигментациясыb, алопеция

Белгісіз: терінің ойық жарасы, көп формалы эритема, есекжем, буллезді дерматит, безеулі дерматит, алақан-табан эритродизестезия синдромы, жөргектік дерматитa

Тірек-қимыл аппараты және дәнекер тін тарапынан

Белгісіз: аяқ-қолдың ауырсынуы

Бүйрек және несеп шығару жолының тарапынан бұзылулар

Белгісіз: бүйректің жедел зақымдануы, бүйрек жеткіліксіздігі, инфекциялық емес цистит, гематурия

Ұрпақ өрбіту жүйесі тарапынан және сүт безінің бұзылуы

Белгісіз: ұма эритемасы, жыныс мүшесінің ауыруы

Жалпы бұзылыстар мен енгізу орнындағы жағдайлар

Өте жиі: гипертермияc

Белгісіз: қалтырау, шаршау, ауырсыну

Зерттеулер

Жиі: АЛТ/АСТ деңгейінің жоғарылауы, билирубин деңгейінің жоғарылауы

Белгісіз: γGT деңгейінің жоғарылауы, С-реактивті ақуыз деңгейінің жоғарылауы

* Толық бөлімдерді төменде қараңыз

a Оқиғалар туралы есептер (> 1 басқа көздерден алынған треосульфан негізіндегі кондиционерлеу емінен кейін

b Қола түсті пигментация

c Нейтропения болмаған кездегі қызба, нейтропения НАС <1,0 x 109/л ретінде анықталған кезде

Жекелеген жағымсыз реакциялардың сипаттамасы

Инфекциялар

Педиатриялық популяциядағы 88 пациентте инфекциялардың пайда болуының жалпы жиілігі 11,4%-ды (10/88) құрады және осылайша ересектердегі инфекциямен салыстыруға болады. Жас балалармен салыстырғанда жиілік 12-17 жас аралығындағы балалар тобында жоғары болды (6/35 [17,1%]) (4/53 [7,5%]).

Қатерсіз, қатерлі және анықталмаған жаңа түзілімдер (кистаны және полиптерді қоса)

Екінші қатерлі жаңа түзілімнің бір жағдайы (миелодисплазиялық синдром) балада треосульфан негізіндегі орақ жасушалы анемияны емдегеннен кейін шамамен 12 айдан соң тіркелді.

Басқа зерттеушілер треосульфан негізіндегі кондиционерлеу терапиясынан кейін екінші қатерлі жаңа түзілімнің бес жағдайы (миелодиспластикалық синдром, жедел лимфобластикалық лейкемия, Юинг саркомасы) туралы хабарлады. Педиатриялық популяцияның барлық бес пациенті аллоТГСК-ны бастапқы иммун тапшылығынан, яғни неоплазия қаупі жоғары аурулардан алды.

Қан және лимфа жүйесінің бұзылуы

Нейтропенияның орташа ұзақтығы (25% / 75% перцентиль) қатерлі аурулары бар педиатриялық популяция пациенттерінде 21 (16, 26) күнді және қатерсіз аурулары бар пациенттерде 24 (17, 26) күнді құрады.

Жүйке жүйесінің бұзылысы

Энцефалит инфекциясына байланысты құрысулар педиатриялық популяциядағы 88 пациенттің бірінде тіркелді. Зерттеуші бастаған алғашқы иммун тапшылығы бар балалардың қатысуымен жүргізілген зерттеу есебінде треосульфан негізіндегі кондиционерлеу емінің басқа сызбаларынан кейін пайда болған құрысулардың төрт жағдайы көрсетілген (Айрықша нұсқаулар бөлімін қараңыз).

Жағымсыз реакциялар туындаған жағдайда медицина қызметкеріне, фармацевтке немесе тиімділіктің жоқтығы туралы хабарламаларды қоса, дәрілік препараттардың жағымсыз реакциялары (әсерлері) деректерінің ақпараттық базасына тікелей жүгініңіз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір құтының құрамында

белсенді зат – треосульфан, 1000 мг немесе 5000 мг,

қосымша заттар: жоқ

Ақ кристалды ұнтақ немесе престелген масса.

Шығарылу түрі және қаптамасы

Түссіз шыныдан (I типті, ЕФ/АҚШФ) жасалып, алюминий қаусырмалы және қорғағыш «flip-off» пластик қақпағы бар хлорбутил резеңке тығындармен тығындалған құтыларға 1000 мл немесе 5000 мл препараттан салынған.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

2 жыл

Жарамдылық мерзімі өткеннен кейін қолдануға болмайды.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы ақпарат

Онкотек Фарма Продукцион ГмбХ,

Am Pharmapark, 06861 Дессау-Рослау, Германия

тел.: +49 34901 885 7000

факс: +49 34901 885 7871

e-mail: contact@oncotec.de

Тіркеу куәлігінің ұстаушысы:

медак ГмбХ

Театерштрассе 6, 22880 Ведель, Германия

тел.: +49 4103 8006-100

факс: +49 4103 8006-100

e-mail: contact@medac.de

Қазақстан Республикасының аумағында тұтынушылардан өнім сапасына қатысты шағымдарды қабылдайтын және дәрілік препараттың қауіпсіздігін маркетингтен кейінгі қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«medac pharma» ЖШС,

Алматы, 050060, Гагарин д-лы 309, 55 кеңсе,

тел / факс: +7 273962037, e-mail: info_kaz@medac.de

13