Топотекан -Тева (4 мг/4 мл)
Инструкция
-
русский
-
қазақша
Саудалық атауы
Топотекан-Тева
Халықаралық патенттелмеген атауы
Топотекан
Дәрілік түрі
Инфузия үшін ерітінді дайындауға арналған концентрат, 1 мг/мл және 4 мг/4 мл
Құрамы
Бір құтының ішінде
белсенді зат –1.108 мг немесе 4.432 мг топотекан гидрохлориді (1 мг немесе 4 мг топотеканға баламалы),
қосымша заттар: шарап қышқылы (E 334), хлорлысутек қышқылы (Е 507), натрий гидроксиді (Е 524), инъекцияға арналған су.
Сипаттамасы
Бозғылт-сары түсті мөлдір ерітінді.
Фармакотерапиялық тобы
Ісікке қарсы препараттар. Ісікке қарсы басқа препараттар. Басқа да ісікке қарсы препараттар. Топотекан.
АТХ коды L01XX17
Фармакологиялық қасиеттері
Фармакокинетикасы
Топотеканды ересектерге 0.5-1.5 мг/м2 дозада 5 күн бойы күнделікті 30-минуттық инфузия түрінде к/і енгізгенде AUC мәндері дозасының артуына пропорциональді артқан. Топотеканның плазма ақуыздарымен байланысуы - 35%. Қан жасушалары мен плазма арасында таралуы біркелкі жеткілікті дәрежеде. Vd 130 л жуықты құрайды, бұл организмдегі су мөлшерінен шамамен 3 есе жоғары.
Ашық сақина түріндегі карбол қышқылын түзу арқылы лактон сақинасының гидролизі жолымен метаболизденеді. Топотеканның клиренсі - 64 л/сағ, бұл бауырдағы қан ағымының шамамен 2/3-сін құрайды. T1/2 2-3 сағатты құрайды. Дозасының 20-60%-ы өзгеріссіз күйде несеппен және метаболиттер түрінде шығарылады.
Бауыр жеткіліксіздігі бар емделушілерде плазмалық клиренсі біраз азаяды, T1/2 артады; жалпы клиренс 10%-ға азаяды.
Бүйрек жеткіліксіздігі бар емделушілерде (КК 41-60 мл/мин) плазмалық клиренсі шамамен 67%-ға азаяды, Vd азғантай дәрежеде азаяды, T1/2 14%-ға артады. Бүйректің орташа жеткіліксіздігі кезінде топотеканның плазмалық клиренсі бақылау тобы емделушілеріндегі осы параметрдің мәнінің 34%-ын құрайтын деңгейге дейін қысқарады. Vd шамамен на 25%-ға азаяды, бұл орташа T1/2 1.9 сағаттан 4.9 сағатқа дейін артуына алып келеді.
Фармакодинамикасы
Ісікке қарсы дәрі, топоизомераза I тежегіші. Топоизомераза I - ДНҚ репликациясына тікелей қатысатын фермент. Топотекан топоизомераза I-ДНҚ кешенімен байланысады және ДНҚ жіптерінің қайта тігілуін болдырмайды. Топотеканның цитоуытты әсеріне оның синтезі үдерісінде түзілетін ДНҚ қосарлы жібінің зақымдалуы түрткі болған. Бұл кезде репликацияға қатысатын ферменттер топотекан, топоизомераза I және ДНҚ қалыптастырған үштік кешенмен өзара әрекеттеседі.
Қолданылуы
төмендегілерде химиотерапияның екінші желісінде:
- аналық без обырында - өкпенің ұсақжасушалы обырында
- цисплатинмен біріктіріліп IV-В сатысындағы және сәулемен емдеуге болмайтын жатыр мойны обырын емдеу үшін көрсетілген.
Қолдану тәсілі және дозалары
Топотеканды тек цитуытты препараттармен химиотерапия жүргізуге маманданған мекемелерде ғана пайдалануға болады. Препаратты химиотерапия жүргізуде тәжірибесі бар дәрігердің қадағалауымен ғана қолданады.
Пайдаланар алдында Топотекан –Тева концентратын топотеканның инфузияға арналған ерітіндідегі 25-тен 50 мкг/мл дейінгі ақырғы концентрациясына жету үшін, натрий хлоридінің 9 мг/мл (0,9%) ерітіндісінің немесе глюкозаның 50 мг/мл (5%) ерітіндісінің көмегімен сұйылту қажет.
Сұйылтылған Топотекан-Тева ерітіндісін 30-минуттық к/і инфузия түрінде енгізеді.
Ересектер мен егде жастағы емделушілер
Емдеудің алғашқы курсын тағайындар алдында нейтрофилдер саны >1500/мкл, тромбоциттер саны >100 000/мкл, гемоглобин деңгейі >9 г/дл болуы тиіс.
Өкпенің ұсақжасушалы обырында және аналық бездер обырында 3 апта аралықпен 5 күн қатарынан күнделікті дене беткейіне 1.5 мг/м2 тағайындайды.
Әсеріне қол жеткізу үшін кемінде 4 емдеу курсын жүргізу ұсынылады (аналық без обырымен науқастарда әсерінің басталуының орташа уақыты 8-11.7 аптаны, өкпенің ұсақжасушалы обырымен науқастарда - 6.1 аптаны құрайды. Аналық без обырымен науқастардың шамамен 18%-ында әсеріне 5 немесе одан көп емдеу курстарын жүргізгеннен кейін қол жеткізілген).
Топотекан-Тевамен емдеудің қайталанатын курстарын төмендегі көрсетілімдер кезінде жүргізуге болады: нейтрофилдер >1000/мкл, тромбоциттер >100000/мкл, гемоглобин > 9 г/дл (соның ішінде қан құйғаннан кейін, егер қажет болса).
Айқын нейтропенияда (нейтрофилдер саны <500/мкл) 7 күн немесе одан астам уақыт бойы немесе фебрильді нейтропенияда немесе емдеу нейтропенияға байланысты кешеуілдеген жағдайда, препараттың дозасын тәулігіне 1.25 мг/м2 дейін немесе қажет болса тәулігіне 1 мг/м2 дейін төмендету керек немесе келесі курстарын гранулоцитарлық колония стимуляциялайтын факторды (Г-КСФ) профилактикалық енгізуді тағайындай отырып, емдеудің 6-ншы күнінен бастап (топотеканмен емдеуді аяқтағаннан кейін кемінде 24 сағаттан кейін) жүргізу керек. Егер Г-КСФ аясында нейтропения сақталып қалса, препараттың дозасы азайтылуы тиіс.
Алдыңғы химиотерапия курсында тромбоциттер саны азайса <25 000/мкл дозасы осыған ұқсас азайтылуы тиіс.
Егер жағымсыз әсерлеріне байланысты дозасын 1 мг/м2-ден төмендету қажет болса, Топотекан-Тевамен емдеуді тоқтату керек.
Жатыр мойнының обырында Топотекан-Теваның ұсынылатын дозасы 1-інші, 2-нші және 3-інші күндері 0.75 мг/м2 құрайды. Емдеудің 1-інші күні Топотекан-Теваны енгізер алдында 50 мг/м2 дозадағы цисплатиннің инфузиясы жүргізіледі. Бұл сызба әр 21 күн сайын қайталанады, барлығы 6 курс. Ауру белгілерінің үдеуі пайда болса, Топотекан-Теваны тоқтату керек.
Емдеудің қайталанатын курстарын тек төмендегі көрсеткіштер кезінде ғана жүргізуге болады: нейтрофилдер >1000/мкл, тромбоциттер >100000/мкл, гемоглобин >9 г/дл (соның ішінде, қан құйғаннан кейін, егер қажет болса).
Фебрильді нейтропения кезінде (дене температурасының 38°С-ге дейін азаюы және нейтрофилтер саны <1000/мкл жоғары болса) келесі курстары үшін Топотекан-Теваның дозасын 20%-ға, 0.6 мг/м2 дейін төмендету ұсынылады.
Тромбоциттер саны <10 000/мкл төмендеген жағдайда дозалары осыған ұқсас азайтылуы тиіс.
Фебрильді нейтропения кезінде дозасын төмендетуге балама ретінде емделушілерге әр келесі курсы аяқталған сайын (дозасын төмендетуге көшпес бұрын) Г-КСФ енгізу ұсынылады, емдеудің 4-інші күнінен бастап (топотеканмен емдеу аяқталғаннан кейін кемінде 24 сағаттан соң). Егер Г-КСФ аясында фебрильді нейтропения сақталса, келесі курстары үшін препараттың дозалары 20%-ға, 0.45 мг/м2 дейін азайтылуы тиіс.
КК > 40 мл/мин емделушілер үшін монотерапия кезінде дозалау режимін түзету қажет емес. КК 20-дан 39 мл/мин дейінгі емделушілер үшін ұсынылатын дозасы тәулігіне 0.75 мг/м2 құрайды. КК < 20 мл/мин төмендеген емделушілердегі дозалау режимі жөнінде ұсынымдар жоқ.
Жатыр мойнының обырын емдеу үшін Топотекан-Теваны цисплатинмен біріктіріп емдеуде плазмадағы креатинин концентрациясы 1.5 мг/дл аспайтын науқастарға ғана емдеуді бастау ұсынылады. Егер емдеу кезінде плазмадағы креатинин деңгейі 1.5 мг/дл асса, цисплатинді қолдану жөніндегі нұсқаулықтың оның дозасын азайту/тоқтату жөніндегі ұсынымдарын орындау керек. Цисплатинді тоқтатқан жағдайда жатыр мойнының обыры бар науқастарда топотеканмен монотерапияны жалғастыруға қатысты жеткілікті мәліметтер жоқ
Бауыр қызметінің бұзылулары бар емделушілер үшін (билирубин деңгейі 1.5-тен 10 мг/дл дейін) дозасын түзету қажет емес.
Жағымсыз әсерлері
Топотекан монотерапиясының қауіпсіздігі жөніндегі интеграцияланған мәліметтер төменде келтірілген.
Жағымсыз реакцияларының жиілігі төмендегідей анықталған: өте жиі (>1/10), жиі (>1/100, < 1/10); жиі емес (>1/1.000, < 1/100); сирек (>1/10.000, < 1/1.000); өте сирек (<1/10.000), жеке-жеке анықталған және белгілі жағдайларды қоса (қолжетімді мәліметтер бойынша бағалау мүмкін емес).
Өте жиі
- қызба нейтропениясы, нейтропения, тромбоцитопения, анемия, лейкопения
- жүрек айнуы, құсу, диарея (ауыр дәрежелі болуы мүмкін), іштің қатуы, шырышты қабықтың қабынуы, нейтропениялық колитті қоса, абдоминальді ауырулар (соның ішінде өліммен аяқталатын)
- алопеция
- анорексия (ауыр дәрежесін қоса)
- салдарлы жұқпалар
- гипертермия, жалпы әлсіздік, қажығыштық, астения
- қанталаулар (айқындығы орташа және спецификалық емдеуді қажет етпейтін)
Жиі
- терінің қышынуы
- сепсис
- жайсыздық сезімі
- тері бөртпесін қоса, аса жоғары сезімталдық реакциялары
- гипербилирубинемия
- панцитопения
- стоматит
- гипербилирубинемия
- препаратты енгізген жердегі гематома немесе тері гиперемиясы
Сирек
- өкпенің интерстициальді ауруы
- тромбоцитопениядан болған айқын қан кетулер
- анафилакткалық реакциялар, Квинке ісінуі, аллергиялық бөртпе
Өте сирек
- экхимозы
- экстравазация
Қолдануға болмайтын жағдайлар
- топотеканға немесе препарат құрамына кіретін басқа компоненттеріне жоғары сезімталдық
- сүйек кемігі қызметінің айқын бәсеңдеуі (нейтрофилдер саны 1500/мкл аз, тромбоциттер — 100 000/мкл аз)
- жүктілік және лактация кезеңі
- 18 жасқа дейінгі балалар мен жасөспірімдерге (жеткілікті қолдану тәжірибесінің болмауы).
Дәрілермен өзара әрекеттесуі
Топотеканды басқа цитоуытты дәрілермен (мысалы, паклитакселмен немесе этопозидпен) бір мезгілде қолданғанда миелосупрессия күшеюі мүмкін (топотеканның дозасын түзету қажет).
Топотеканның платина препараттарымен өзара әрекеттесу сипаты платинаның тағайындалу ретіне, атап айтқанда платина препараттары топотеканды қолданудың 1-ші немесе 5-ші күні тағайындалатын-тағайындалмайтындығына байланысты. Егер платина препараттарын 1-ші күні тағайындаса, онда 5-ші күнгі платина препараттарын тағайындағандағымен салыстырғанда әр препараттың азайтылған дозасын қолдану керек.
Топотекан Р450 цитохромы жүйесінің изоферменттерін тежемейді. Ондансетронмен, гранисетронмен, морфинмен немесе кортикостероидтармен бірге қолдану топотеканның фармакокинетикалық параметрлеріне елеулі әсер етпейді.
Айрықша нұсқаулар
Топотеканмен емдеу ісікке қарсы препараттармен жұмыс жасау тәжірибесі бар маманның қадағалауымен жүргізілуі тиіс.
Топотекан-Тева монотерапиясын емдеудің алғашқы желісі ретінде тағайындау ұсынылмайды.
Топотекан-Тева гематолотикалық уыттылығы оның дозасына тәуелді, гемоглобин, гематокрит деңгейін анықтаумен, лейкоциттер, нейтрофилдер мен тромбоциттер санын есептеумен жүйелі түрде толық талдаулар жүргізіп отыру қажет.
Топотекан-Теваны басқа цитоуытты препараттармен біріктіргенде оның дозасын түзету қажет. Айқын нейтропения дамыған жағдайда жұқпалы асқынулардың дер кезінде диагностикалануын мұқият қадағалау қажет Топотеканды қабылдаған емделушілерде сепсис және сепсис салдарынан болған өлім жағдайлары туралы хабарламалар бар.
Топотекан-Теваны қабылдаудан туындаған нейтропения нейтропениялық колитке алып келуі мүмкін. Ыстығы, қызбасы, нейтропениясы, іш тұсының ауыруы бар емделушілерде нейтропениялық колиттің дамуы мүмкіндігін ескеру керек.
Кей жағдайларда өліммен аяқталатын өкпенің интерстициальді аурулары туралы хабарламалар бар. Негізгі қауіп факторларына сыртартқысында өкпенің интерстициальді үдерісі, өкпе фиброзы, өкпе обыры, радиацияның әсері және пневмоуытты препараттардың қабылдануы жатады. Емделушілер өкпенің интерстициальді үдерісіне (жөтел, қызба, тыныстың тарылуы және/немесе гипоксия) қатысы бар өкпе симптомдарының анықталуына тексеруден өтуі тиіс. Өкпенің интерстициальді үдерісі диагнозы расталса, Визтопотекті қабылдауды тоқтату қажет.
Айқын тромбоцитопения дамыған жағдайда, инвазиялық емшараларды орындауда аса сақ болу, тері жабындары мен шырышты қабықтарды, сондай-ақ бөліністерді (қан кету белгілерін анықтау үшін) жүйелі түрде тексеріп отыру қажет.
Топотеканді бүйрек қызметінің айқын төмендеуі (КК<20 мл/мин) немесе бауыр қызметінің төмендеуі (сарысулық билирубин ≥10 мг/мл) бар емделушілерде қолдану тәжірибесі жеткіліксіз. Топотеканды емделушілердің бұл тобында қолдану ұсынылмайды.
Репродуктивті жастағы әйелдер мен ерлерге Топотекан-Тевамен емдеу кезінде сенімді контрацепция тәсілдерін пайдалану керек.
Препаратпен жұмыс жасағанда цитоуытты препараттармен жұмыс жасаудың жалпыға ортақ ережелерін сақтау қажет. Препарат теріге немесе көзге байқаусызда тиіп кетсе, оны мол сумен жуып тастау қажет.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.
Емдеу кезінде автокөлік басқарудан және жоғары зейін шоғырландыру мен психомоторлық реакциялар жылдамдығын қажет ететін басқа қызмет түрлерінен аулақ болу ұсынылады.
Артық дозалануы
Симптомдары: сүйек кемігі қызметінің бәсеңдеуі, стоматит.
Емі: cимптоматикалық ем, топотеканнің у қайтарғысы белгісіз.
Шығарылу түрі және қаптамасы
Бромбутилкаучук тығыны бар, алюминий қалпақшамен қаусырылған және сырт етіп жабылатын полипропилен қалпақшасы бар I типті түссіз құтыда 1 мл немесе 4 мл препараттан.
1 немесе 5 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапта.
Сақтау шарттары
Жарықтан қорғалған жерде, 2°С-ден 8°С-ге дейінгі температурада сақтау керек. Мұздатып қатыруға болмайды!
Балалардың қолы жетпейтін жерде сақтау керек!
Концентратты еріткеннен кейін алынған ерітіндіні бірден немесе 24 сағат ішінде қолдану керек. Дайындалған ерітінді 25°C-ден аспайтын температурада 12 сағат немесе 2°С-ден 8°С-ге дейінгі температурада 24 сағат бойы тұрақты.
Сақтау мерзімі
30 ай.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы. Стационар үшін.
Өндіруші
«Teva Pharmaceutical Works Private Limited Company»,
Gödöllő, Táncsics Mihály utca 82.
Венгрия 2100
Тіркеу куәлігінің иесі
«TEVA Pharmaceuticals Industries Limited», Израиль.
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«ратиофарм Қазақстан» ЖШС, 050000, Алматы қ., Әл-Фараби д-лы, 19,
Нұрлы Тау БО, 1Б, 603 кеңсе,
Телефон: +7 (727) 311 09 15,
Факс: +7 (727) 311 07 34,
электронды поштасы: teva@teva.co.il