Токсивенол

Токсивенол

Дәрілік түрі, дозалануы

бұлшықет ішіне енгізуге арналған ерітінді, 3 мл

Жүрек-қантамыр жүйесі. Вазопротекторлар. Капиллярларды тұрақтандыратын дәрілер. Биофлаваноидтар. Троксерутин, біріктірілімдер

АТХ коды С05СА54.

веналық жеткіліксіздік пен капиллярлар үзілгіштігінің артуымен байланысты жағдайларды симптоматикалық емдеу

Қолдануды бастағанға дейін қажетті мәліметтер тізбесі

- әсер етуші затқа (заттарға) немесе қосымша заттардың кез келгеніне аса жоғары сезімталдық

- 18 жасқа дейінгі балалар мен жасөспірімдер

- жүктілік және лактация кезеңі

Қолданған кездегі қажетті сақтандыру шаралары

Осы комбинацияны қолдану тәжірибесі Токсивенол препаратын қолдануды шектейтін дәлелдерді анықтаған жоқ.

Препарат құрамында 9 мл-де 28,3 мг (1,23 ммоль) натрий бар (ең жоғары тәуліктік доза), оны бүйрек функциясы төмендеген және натрийі шектеулі диетадағы пациенттер ескеруі керек.

Басқа дәрілік препараттармен өзара әрекеттесуі

Бұл комбинацияның басқа дәрілік заттармен өзара әрекеттесуі белгісіз.

Арнайы ескертулер

Ампулалардың ішіндегісін құрамында аскорбин қышқылы бар ерітінділермен араластыруға болмайды.

Препаратты тері ішіне немесе тері астына енгізу үшін қолдануға болмайды (мезотерапия), өйткені препаратты енгізудің осы әдістерінде қолданудың тиімділігі мен қауіпсіздігі бойынша бақыланатын клиникалық зерттеулер жүргізілмеген.

Препарат құрамында 9 мл-де 28,3 мг (1,23 ммоль) натрий бар (ең жоғары тәуліктік доза), оны бүйрек функциясы төмендеген және натрийі шектеулі диетадағы пациенттер ескеруі керек.

Педиатрияда қолдану

Пациенттердің аталған жас санатында препаратты қолдану туралы деректер жоқ.

Жүктілік немесе лактация кезінде

Жүктілік кезеңінде препаратты қолдану қауіпсіздігі анықталмаған.

Препаратты жүктілік және лактация кезеңінде қолдануға болмайды, өйткені шаранаға және емшек сүтімен қоректенетін балаға зиянды әсер ету қаупі жоққа шығарылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлік жүргізу және механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Ұсынылатын тәуліктік доза бұлшықет ішіне 3-9 мл (1-3 ампула) құрайды.

Демеуші ем үшін препаратты таблетка түрінде қолданады.

Енгізу әдісі мен жолы

Бұлшықет ішіне

Емдеу ұзақтығы

Емдеу курсы 14 күнді құрайды.

Артық дозаланған жағдайда қабылдануы тиіс шаралар

Артық дозалану жағдайлары жөнінде хабарланбаған.

Дәрілік препараттың бір немесе бірнеше дозасын өткізіп алған кезде қажетті шаралар

Препараттың өткізіп алған дозасын толықтыру үшін екі еселенген дозаны қабылдауға болмайды.

Тоқтату симптомдары қаупінің болуын көрсету

Қатысы жоқ

Дәрілік препаратты қабылдамас бұрын дәрігерге кеңес алу үшін жүгініңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Егер дұрыс қолданылмаса (тері ішіне немесе тері астына), белгісіз жиілікте терінің тітіркенуі пайда болуы мүмкін (енгізу орнында қызару және жайылған эритема).

Препаратты тері ішіне немесе тері астына енгізу үшін қолдануға болмайды (мезотерапия), өйткені препаратты енгізудің осы әдістерінде қолданудың тиімділігі мен қауіпсіздігі бойынша бақыланатын клиникалық зерттеулер жүргізілмеген.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет.

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 ампула (3 мл препарат) құрамында

Белсенді заттар: 150 мг троксерутин, 1,5 мг карбазохром.

Қосымша заттар: натрий хлориді, 5% натрий гидроксиді ерітіндіcі немесе 5% хлорсутек қышқылы ерітіндісі, инъекцияға арналған су.

Сыртқы түрінің, иісінің, дәмінің сипаттамасы

Қызғылт сары түсті мөлдір ерітінді.

Шығарылу түрі және қаптамасы

3 мл препарат күңгірт шыныдан жасалған ампулаларға салынған.

5 ампуладан пішінді ұяшықты қаптамаға салады.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынған.

5 жыл

Жарамдылық мерзімі өткеннен кейін қолдануға болмайды.

25ºС -ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Уорлд Медицин Илач Сан. ве Тидж. А.Ш.»

ЧОСБ Г.О. Паша Мах. 6. Джад. № 30 Черкезкёй, Текирдаг, Түркия.

Тел.: +90 (212) 474 70 50

Факс: +90 (212) 474 09 01,

e-mail: info@worldmedicine.com.tr

Тіркеу куәлігінің ұстаушысы

«УОРЛД МЕДИЦИН ЛТД»

Бербути к-сі, 10 / Алмасиани к-сі, 19-21, 26-кеңсе (корп.II), Тбилиси қ., Грузия

Тел.: + 995 32 2 21 28 12, факс + 995 32 2 21 28 13

е-mail: worldmedicine.llc.geo@gmail.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

РИН Фарм (RIN Pharm) ЖШС, Алматы, Сүйінбай д-лы, 222Б,

тел/факс: 8 (7272) 529090

rin_pharma@mail.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

РИН Фарм (RIN Pharm) ЖШС, Алматы, Сүйінбай д-лы, 222Б,

ұялы тел +7 701 786 33 98.

е-mail: pvpharma@worldmedicine.kz