Тизим

• русский
• қазақша

• Скачать инструкцию медикамента

Саудалық атауы

Тизим

Халықаралық патенттелмеген атауы

Цефтазидим

Дәрілік түрі

Инъекция үшін ерітінді дайындауға арналған 1,0 г ұнтақ

Құрамы

Бір құтының ішінде

белсенді зат - 1000 мг цефтазидим (натрий карбонатымен қосылыстағы стерильді цефтазидим пентагидраты түрінде)

Сипаттамасы

Ақ немесе ақ дерлік крем реңді кристалл ұнтақ

Фармакотерапиялық тобы Бактерияларға қарсы жүйелік қолдануға арналған препараттар.Бактерияларға қарсы басқа да бета-лактамды препараттар. Үшінші буынды цефалоспориндер.АТХ коды J01DD02

Фармакологиялық қасиеттері

Фармакокинетикасы

Енгізілгеннен кейін препарат адам организмінде тез таралады және синовиальді, перикардиальді және перитонеальді сұйықтықтарды қоса есептегенде, көптеген тіндерде және сұйықтықтарда, сондай-ақ өтте, қақырықта және несепте емдік концентрацияларға жетеді. Сүйек тіндерінде, миокардта, өт қалтасында, теріде және жұмсақ тіндерде жұқпалы ауруларды емдеу үшін жеткілікті концентрацияларда, әсіресе препараттың диффузиясын күшейтетін қабыну үдерістерінде, жақсы таралады. Зақымданбаған гематоэнцефалдық бөгет арқылы нашар өтеді, бірақ препарат жететін жұлынми сұйықтығындағы емдік деңгей менингитті емдеу үшін жеткілікті.

Плазма ақуыздарымен қайтымды байланысады (15%-дан азы), әрі бактерицидтік әсері тек бос күйінде ғана болады. Ақуыздармен байланысу деңгейі концентрацияға байланысты емес. Бұлшықет ішіне 0,5 г немесе 1 г енгізгенде ең жоғары концентрация, бір сағаттан кейін, тиісінше, 17 мкг/мл-ге және 39 мкг/мл-ге, көктамыр ішіне енгізгенде, тиісінше, 42 мкг/мл-ге және 69 мкг/мл-ге тең. Бұлшықет ішіне енгізгенде ең жоғары концентрацияға жету уақыты – 1 сағат, көктамыр ішіне енгізгенде – 20-30 минут. Препараттың 4 мкг/мл-ге тең концентрациясы 6 - 8 сағат бойы сақталады. Қан плазмасында емдік концентрация 8 - 12 сағат бойы сақталады. Бүйрек қызметі қалыпты болғанда жартылай шығарылу кезеңі – 1,8 сағат; бұзылғанда – 2,2 сағат. Препарат бауырда метаболизденбейді, бауыр қызметінің бұзылуы препараттың фармакодинамикасынан және фармакокинетикасынан көрініс бермейді. Мұндай емделушілерде доза әдеттегідей күйінде қалады. Өзгермеген күйінде тәулік ішінде шумақтық сүзілу және өзекшелік секреция жолымен тең дәрежеде бүйректер арқылы 80 - 90%-ға дейіні шығарылады (енгізілген дозаның 70%-ы алғашқы 4 сағат ішінде шығарылады). Бүйрек қызметі бұзылғанда дозаны төмендету керек. Таралу көлемі 0,21 - 0,28 л/кг құрайды. Жаңа туған нәрестелерде жартылай шығарылу кезеңінің ұзақтығы ересектерге қарағанда 3-4 есе үлкен.

Фармакодинамикасы

Препарат ІІІ буынды цефалоспориндер тобына жататын антибактериялық препарат болып табылады, бактерицидті түрде әсер етеді, әсер ету өрісі ауқымды, бета-лактамазалардың көбісінің әсеріне төзімді, микроорганизмдердің жасушалық қабырғасының синтезін бұзады.

Препарат мына грамтеріс микроорганизмдерге қатысты белсенді: Haemophillus influenzae, Neisseria gonorrhoeae және басқалар, Neisseria spp., Enterobacteriaceae түрлерінің көптеген өкілдеріне (Citrobacter spp., Enterobacter spp., Escherichia coll, Klebsiella pneumoniae және басқалар, Klebsiella spp., Morganella morganii және басқалар, Morganella spp., Proteus mirabilis (соның ішінде индолоң), Proteus vulgaris және басқалар, Proteus spp., Providensia rettgeri және басқалар, Providensia spp., Serratia spp.), Acinetobacter spp., Haemophillus parainfluenzae (ампициллинге төзімді штаммдарды қоса есептегенде], Pasteurella multocida, Salmonella spp., Shigella spp. және Yersinia enterocolitica. Препарат Pseudomonas aeruginosa қатысты белсенді Мына грамоң бактерияларға қатысты белсенді: Micrococcus spp., Streptococcus aureus, Streptococcus mitis, Streptococcus pneumoniae, A тобының Streptococcus pyogenes, Streptococcus iridans және басқа да Streptococcus spp. (Streptococcus faecalis қоспағанда). Тизим мына анаэробтық бактерияларға да қатысты белсенді: Bacteroides spp. (Bacterioides fragilis көптеген штаммдары - төзімді), Clostridium perfingens, Peptococcus spp., Peptostreptococcus spp. және Propionobacterium spp..

Препарат метициллинге төзімді мына штаммдарға қатысты белсенді емес: Campilobacter spp., Chlamydiа spp., Clostridium difficile, Enterococcus spp., Listeria monocytogenes және басқа да Lisleria spp., Staphylococcus aureus және Staphylococcus epidermidis; Streptococcus faecalis.

Қолданылуы

Тизим препаратқа сезімтал микроорганизмдерден болған жұқпалы ауруларды емдеу үшін ересектерге және балаларға тағайындалады:

• менингитте, сепсисте (септицемия), іріңді-септикалық ауыр жағдайларда

• септикалық артритте, остеомиелитте, бактериялық бурситте

• жедел және созылмалы бронхитте, жұқпа жұққан бронхоэктаздарда, пневмонияда, өкпе абсцесінде, плевра эмпиемасында

• жедел және созылмалы пиелонефритте, пиелитте, простатитте, циститте, уретритте (тек бактериялық), бүйрек абсцесінде

• іріңді маститте, жара жұқпаларында, тілмеде, жұқпа жұққан күйіктерде және терінің ойық жараларында

• перитонитте, энтероколитте, холециститте, холангит, өт қалтасының эмпиемасында

• кіші жамбастағы ағазалардың қабыну ауруларында, әйелдің жыныс мүшелерінің жұқпаларында

• ортаңғы отитте, синуситте, мастоидитте.

Қолдану тәсілі және дозалары

Тизим парентеральді түрде қолданылады.

Препарат дозасы, емдеу курсы, ауру барысының ауырлығын, жұқпаның орнығуын және қоздырғыштардың сезімталдығын, емделушінің жасы мен дене салмағын, бүйрек қызметін есепке ала отырып, әр адамға жекелей белгіленеді.

Ересектерге және 15 жастан асқан балаларға:

- несеп шығару жолдарының асқынған жұқпаларында бұлшықет ішіне немесе көктамыр ішіне әрбір 8-12 сағат сайын 500 мг - 1 г-нан

- асқынбаған пневмонияда және тері жұқпаларында бұлшықет ішіне немесе көктамыр ішіне әрбір 8 сағат сайын 500 мг - 1 г-нан

- Pseudomonas spp. болған өкпе жұқпаларында тәулігіне дене салмағының әр кг-на шаққанда 100 мг-нан 150 мг-ға дейін

- сүйектер мен буындардың жұқпаларында көктамыр ішіне әрбір 12 сағат сайын 2 г-нан

- өте ауыр немесе өмірге қауіп төндіретін жұқпаларда көктамыр ішіне әрбір 8 сағат сайын 2 г-нан

Препарат дозасын және емдеу ұзақтығын ауру барысының ауырлығына, орнығуына, қоздырғыштың түріне және оның препаратқа сезімталдығына, сондай-ақ емделушінің жасына және бүйрек қызметіне байланысты белгілейді. Ең жоғары тәуліктік дозасы 6 г құрайды.

Егде жастағы емделушілер

Белгіленген доза, әсіресе 80 жастан асқан емделушілерде, тәулігіне 3 г-нан аспауы тиіс.

Бүйрек қызметінің жеткіліксіздігіндегі Тизимнің дозасы

Перитонеальді диализде Тизим препаратын 2 л диализ сұйықтығына 125 мг-нан 250 мг-ға дейінгі дозада қосуға болады.

Балаларға:

- 2 айлыққа дейінгі – 30 мг/кг көктамырішілік инфузия, тәулігіне 2 енгізу.

- 2 айлықтан 12 жасқа дейінгі - 30 - 50 мг/кг көктамырішілік инфузия тәулігіне 3 енгізу.

- балалар үшін ең жоғары тәуліктік доза 6 г-нан аспауы тиіс.

Балалар үшін креатинин клиренсі нақты салмағына немесе дене бетінің ауданына сәйкес есептеледі. Иммунитеті төмендеген, муковисцидозы, менингиті, бүйрек қызметінің жеткіліксіздігі бар балаларға әрбір 12 сағат сайын тәулігіне 150 мг/кг дозада тағайындайды.

Ерітінділерді дайындау

250 мг – бұлшықет ішіне енгізгенде инъекцияға арналған 1 мл су, көктамыр ішіне енгізгенде инъекцияға арналған 2,5 мл су.

500 мг – бұлшықет ішіне енгізгенде инъекцияға арналған 1,5 мл су, көктамыр ішіне енгізгенде инъекцияға арналған 5 мл су.

1000 мг – бұлшықет ішіне енгізгенде инъекцияға арналған 3 мл су, көктамыр ішіне енгізгенде инъекцияға арналған 10 мл су.

Көктамыр ішіне тамшылатып енгізу үшін жоғарыдағы тәсілмен алынған Тизим препаратының ерітіндісін көктамыр ішіне енгізуге арналған келесі ерітінділердің біреуінің 50 - 100 мл-мен қосымша сұйылтады:

• 0,9% натрий хлоридінің ерітіндісі

• Рингер ерітіндісі

• 5%, 10% глюкоза (декстроза) ерітіндісі

Тек жаңадан дайындалған ерітінділерді ғана пайдалануға болады.

Жағымсыз әсерлері

Жиі

- жүректің айнуы, құсу

- бас ауыру, бас айналу

Жиі емес

- макуло-папулезді бөртпе, есекжем, қалтырау немесе қызба, бөртпе, қышыну

- кандидозды вагинит

- метеоризм, іштің ауыруы, дисбактериоз, бауыр қызметінің бұзылуы, холестаз, орофарингеальді кандидоз

- "бауыр" трансаминазасы, ЛДГ, ГГТ және сілтілік фосфатаза белсенділігінің жоғарылауы

Сирек

- бронхтың түйілуі, эозинофилия, Стивенс-Джонсон синдромы, уытты эпидермальді некролиз (Лайелл синдромы), ангионевротикалық ісіну, анафилактикалық шок

- диарея немесе іш қату, стоматит, глоссит, жалған жарғақшалы колит

- лейкопения, нейтропения, гранулоцитопения, тромбоцитопения, лимфоцитоз, гемолитикалық анемия, гипокоагуляция

- сарғаю

- гиперкреатининемия, Кумбстің жалғаноң тура реакциясы, гипербилирубинемия, глюкозаға несептің жалғаноң реакциясы, протромбин уақытының артуы

- уытты нефропатия (азотемия, қанда мочевина мөлшерінің жоғарылауы), олигурия, анурия

- парестезиялар, құрысу синдромы, энцефалопатия, конвульсиялар, кома, «селкілдететін» діріл

- флебит (көктамыр ішіне енгізгенде), көктамырдың бойлай ауыруы, инъекция жасалған жердің ашуы, қатаюы (бұлшықет ішіне енгізген кезде)

Кейде

- мұныннан қан кету, асқынжұқпа

Қолдануға болмайтын жағдайлар

• препарат компоненттеріне, басқа да цефалоспоринді антибиотиктерге жекелей асқын сезімталдық

• жүктілік және лактация кезеңі.

Дәрілермен өзара әрекеттесуі

Пенициллиндерді немесе цефалоспориндерді аминогликозидтік антибиотиктермен араластыру елеулі өзара әсерсіздендіруге әкеп соғуы мүмкін. Оларды бір мезгілде тағайындағанда препараттарды бөлек, дененің әртүрлі жеріне, оларды араластырмай, енгізу қажет. Тизим көктамыр ішіне енгізуге арналған көптеген ерітінделермен үйлеседі. Алайда натрий бикарбонаты ерітіндісінде тұрақтылығы аз, сондықтан оны еріткіш ретінде пайдалану ұсынылмайды. Тизим аминогликозидтермен және басқа да бета-лактамдық антибиотиктермен біріктіріліп қолданылуы мүмкін. Тизим гепаринмен, ванкомицинмен, хлорамфениколмен үйлеспейді. Хлорамфеникол цефтазидимнің және басқа да цефалоспориндердің антагонисі ретінде әсер етеді. Ванкомицинді Тизимнің ерітіндісіне қосқанда шөгіндінің түзілгені байқалады, сондықтан осы екі препаратты енгізу арасында инфузиялық жүйені жуып-шайып алу керек.

Цефалоспоринді қатардың антибиотиктерін нефроуытты препараттармен, мысалы, ілмектік диуретиктермен (фуросемид) бір мезгілде тағайындағанда бүйрек қызметіне жағымсыз әсер етуі мүмкін.

Айрықша нұсқаулар

Сыртартқысында пенициллинге аллергия тіркелген емделушілердің 3-7%-да цефалоспориндерге айқаспалы жоғары сезімталдық болуы мүмкін, Тизим препаратын тағайындағанда сақ болу керек.

Тизим препаратымен емдеу кезінде алкогольді пайдалануға болмайды.

Жаңа туған нәрестелерге сыртартқысында бүйрек және бауыр қызметінің жеткіліксіздігі, өзіне тән емес ойық жаралы колит, мальабсорбция синдромы бар болғанда, "ілмектік" диуретиктермен және аминогликозидтермен біріктіргенде сақтықпен тағайындау керек.

Әсер ету өрісі ауқымды антибиотиктерді, соның ішінде Тизимді, ұзақ уақыт қолдану сезімтал емес микрорганизмдердің (мысалы, Candida, Enterococci) өсуін арттыруы мүмкін, мұндайда емдеуді тоқтату немесе тиісті ем жүргізу қажет етілуі мүмкін. Емдеу кезінде науқастың жағдайына ұдайы баға беріп отыру қажет, антибиотиктерге сезімталдығына ұдайы тексеру жүргізген жөн.

Ауыр, егде жастағы және әлсіз науқастарда және толыққанды тамақтанбайтын адамдарда қан кетудің пайда болу қаупі жоғары. Кейбір емделушілерде препаратты қолдану кезінде немесе қолданудан кейін Clostridium difficile уытынан туындаған жалған жарғақшалы колит пайда болуы мүмкін. Жеңіл жағдайларда препаратты тоқтату жеткілікті, өте ауыр жағдайларда су-тұз және ақуыз тепе-теңдігін қалпына келтіру керек.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Препараттың жағымсыз әсерлерін ескеріп, автокөлікті немесе қауіпті механизмдерді басқарған кезде сақ болған жөн.

Артық дозалануы

Симптомдары: бас айналу, парестезиялар, бас ауыру, неврологиялық асқынулардың энцефалопатияға, құрысулар және комаларға ұласуы

Емі: симптоматикалық, гемодиализ, перитонеальді диализ.

Шығарылу түрі және қаптамасы

Резеңке тығынмен тұмшаланып тығындалған, алюминий қалпақшамен және пластик қақпақпен қаусырылған, сыйымдылығы 20 мл, түссіз шыны құтыда препарат 1.0 г-нан салынған.

1 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сқтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

Люпин ЛТД, 159, Си Эс Ти Роуд, Калина, Сантакруз (Ист)

Мумбай 400 098, ҮНДІСТАН

Тіркеу куәлігінің иесі

Люпин ЛТД, Мумбай 400 098, ҮНДІСТАН

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

Қазақстан Республикасындағы Люпин ЛТД компаниясының өкілдігі

Алматы қ-сы, Жангелдин к-сі, 31

«Жар - Су» БО, 419кеңсе

Тел - 278 – 59 – 73, факс: 7 (727) 3 86 28 38

E.mail: lupinkz@yandex.ru