Тавегил® №20 (таблетки, 1 мг)

• русский
• қазақша

• Скачать инструкцию медикамента

Саудалық атауы

ТавегилÒ

Халықаралық патенттелмеген атауы

Клемастин

Дәрілік түрі

Таблеткалар, 1 мг

Құрамы

Бір таблетканың құрамында

белсенді заттар: 1 мг клемастинге баламалы 1.34 мг клемастин гидрофумараты

қосымша заттар: магний стеараты, повидон (поливинил-пирролидон), тальк, жүгері крахмалы, лактоза моногидраты.

Сипаттамасы

Екі беті тегіс, дөңгелек пішінді, бір жағында сызығы, ойығы және «О» және «Т» өрнектері бар ақшылдау түсті таблеткалар. Диаметрі 7 мм-ге жуық.

Фармакотерапиялық тобы

Жүйелі әсер ететін антигистаминдік дәрілер

Аминалкильді эфирлер.

АТХ коды R06AA04

Фармакологиялық қасиеттері

Фармакокинетикасы

Плазмадағы ең жоғарғы концентрациясына 2-4 сағаттан соң жетеді.

Препараттың антигистаминдік белсенділігі ең жоғарғысына 5-7 сағаттан соң жетеді, 10-12 сағат бойы, ал кейбір жағдайларда - 24 сағатқа дейін сақталады.

Плазма ақуыздарымен байланысуы 95% құрайды. Плазмадан шығарылуы екі фазалы, сәйкесінше жартылай шығарылу кезеңдері 3.6 ± 0.9 сағат және 37 ± 16 сағатты құрайды.

Лактация кезінде клемастиннің азғантай бөлігі емшек сүтіне енуі мүмкін.

Клемастин бауырда елеулі метаболизмге ұшырайды. Метаболиттері негізінен (45-65%) бүйрек арқылы несеппен шығарылады; өзгермеген белсенді зат несепте тек іздік мөлшерлерде ғана анықталады.

Фармакодинамикасы

H1-гистаминоблокатор – этаноламиннің туындысы.

Аллергияға қарсы және қышуға қарсы әсері бар, тамырлардың өткізгіштігін төмендетеді, тыныштандыратын және М-холинбөгегіш әсер береді, ұйықтататын белсенділігі жоқ. Вазодилатация дамуы мен гистамин индукциялайтын тегіс бұлшықеттердің жиырылуын болдырмайды. Қылтамырлардың өткізгіштігін азайтады, экссудация мен ісінудің түзілуін тежейді, қышуды азайтады.

Қолданылуы

- пішен қызбасы (аллергиялық риноконъюнктивит)

- шығу тегі әртүрлі есекжем

- қышу, қышумен жүретін дерматоздар

- жедел және созылмалы экзема, жанаспалы дерматит

- дәрілерге аллергия

- жәндіктердің шағуы.

Қолдану тәсілі мен дозалары

Таблеткаларды тамаққа дейін, сумен ішіп қабылдау керек.

Ересектер мен 12 жастан асқан балаларға таңертең және кешке 1 таблеткадан тағайындайды (1 мг). Емделуі қиынға түсетін жағдайларда, тәуліктік дозасы 6 таблеткаға дейін (6 мг) құрауы мүмкін.

6-12 жас шамасындағы балаларға таңертеңгі ас алдында және түнге 1/2-1 таблеткадан тағайындайды.

Жағымсыз әсерлері

Жиі ( ≥ 1/100 - < 1/10)

- қатты шаршау

- тыныштандыратын әсер, мәңгіру

Кейде (≥ 1/1000 - < 1/100)

- бас айналуы

- ентігу

- аса жоғары сезімталдық реакциялары

Сирек ( ≥ 1/10000 - < 1/1000)

- бас ауыруы

- ашушаңдықтың артуы

- жүрек айнуы, эпигастрий аймағының ауыруы, ауыздың құрғауы

- есекжем, тері бөртпесі

Өте сирек (< 1/10000)

- іштің қатуы

- тахикардия

- анафилактикалық шок

Қолдануға болмайтын жағдайлар

- клемастинге және химиялық құрылымы ұқсас басқа антигистаминдік препараттарға немесе қосымша заттарының кез-келгеніне аса жоғары сезімталдық

- дәрілік препараттың құрамында лактозы болуына байланысты сирек тұқым қуалайтын галактозаны көтере алмаушылық, лактоза жетіспеушілігі, сондай-ақ глюкоза мен галактоза мальабсорбциясы синдромы

- порфирия

- жүктілік және лактация кезеңі

- 6 жасқа дейінгі балаларға

Сақтықпен:

- асқазан мен он екі елі ішектің стеноздалатын ойық жарасы, пилородуоденальді обструкциясы, қуық мойнының обструкциясы, несептің кідіруімен қатар жүретін қуықасты безінің гипертрофиясы, көзішілік жоғары қысым және жабық бұрышты глаукомасы бар емделушілерге.

Дәрілермен өзара әрекеттесулері

Тавегил® ОЖЖ бәсеңдететін дәрілік заттардың (ұйықтататын, тыныштандыратын, анксиолитиктердің, апиынды анальгетиктердің), M-холинбөгегіштерінің, сондай-ақ алкогольдің әсерін күшейтеді. Моноаминооксидаза (МАО) тежегіштерін бір мезгілде қабылдаумен үйлесімсіз.

Айрықша нұсқаулар

Асқазан мен он екі елі ішектің стеноздалған ойық жарасы, пилородуоденальді обструкциясы, қуық мойнының обструкциясы, несептің кідіруімен қатар жүретін қуықасты безінің гипертрофиясы, көзішілік жоғары қысымы, жабық бұрышты глаукомасы бар емделушілерге сақтықпен қабылдау керек.

Аллергендерге скарификацияланған тері сынамаларының нәтижелерінің бұрмалануын болдырмас үшін, препаратты аллергологиялық тестілеуді жүргізгенге дейін 72 сағат бұрын тотату қажет.

Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері

Препараттың орташа тыныштандырғыш әсері бар болғандықтан, Тавегилді®, қабылдайтын емделушілерге көлік құралдарын жүргізуден, механизмдермен жұмыс жасаудан және жоғары зейін шоғырландыру мен психомоторлық реакциялардың жылдамдығын қажет ететін жұмыс түрлерінен бас тартуы ұсынылады.

Артық дозалануы

Симптомдары. Антигистаминдік дәрілердің артық дозалануы орталық жүйке жүйесін сананың бәсеңдеуімен, ашушаңдықтың артуымен, елестеулерден немесе құрысулардан білінетін бәсеңдететін және көтермелейтін әсеріне алып келуі мүмкін. Сондай-ақ антихолинергиялық әсерлерінің құбылыстары: ауыздың құрғауы, қарашықтардың тұрақты ұзақ ұлғаюы, дененің жоғарғы бөлігіне қан тебуі, асқазан-ішек жолы тарапынан бұзылулар дамуы (жүрек айнуы, эпигастрий аймағының ауыруы, құсу) және тахикардия болуы мүмкін

Емі. Асқазанды шаю және белсенділендірілген көмірді қабылдау қажет. Сондай-ақ симптоматикалық ем көрсетілген.

Шығарылу түрі мен қаптамасы

10 таблеткадан поливинилхлорид/ поливинилиденхлорид үлбір мен баспалы лакталған алюминий фольгадан жасалған пішінді ұяшықты қаптамаға салады.

2 пішінді қаптамадан мемлекеттік және орыс тілдеріндегі медицинада қолданылуы жөніндегі нұсқаулықпен бірге картоннан жасалған пәшкеге салады.

Сақтау шарттары

+30º С-ден аспайтын температурада.

Балалардың қолы жетпейтін жерде сақтау керек!

Жарамдылық мерзімі

5 жыл

Жарамдылық мерзімінің күні өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші ұйымның атауы мен елі

Фамар Италия С.п.А., Италия

Тіркеу куәлігі иесінің атауы мен елі

Новартис Консьюмер Хелс СА, Швейцария

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

ҚР-дағы «Новартис Фарма Сервисез АГ» филиалы

Алматы қ-сы, Жамақаев к-сі, 155 А

тел. 8-800-080-0650 (Қазақстан Республикасындағы стационарлық телефондардан тегін)

Факс: +7 (727) 244-26-51

e-mail: drugsafety.cis@novartis.com