Сунитиниб (Сунитиниб)

Сунитиниб

Сунитиниб

12.5 мг және 25 мг капсулалар

Антинеопластикалық және иммуномодуляциялайтын препараттар. Антинеопластикалық препараттар. Басқа антинеопластикалық препараттар. Протеинкиназа тежегіштері. Сунитиниб.

АТХ коды L01XЕ04

• ересектердегі асқазан-ішектің операция жасалмайтын және/немесе метастаздық стромалық ісіктерінде (АІСІ) резистенттіліктің немесе жағымсыздығының салдарынан иматиниб мезилатымен емдеу тиімсіз болған жағдайда

• ересектердегі бүйрек жасушасының жайылған және/немесе метастаздық обырында (БЖмО)

• ересектердегі ұйқы безінің операция жасалмайтын немесе метастаздық, жоғары дифференциациялы, үдей беретін нейроэндокриндік ісіктерінде (ұйқы безінің НЕІ).

Қолдануды бастағанға дейін қажетті мәліметтер тізбесі

- сунитинибке немесе Сунитинибтің қандай-да бір компонентіне аллергия болса;

- жүктілік және лактация кезеңі.

Қолдану кезінде қажетті сақтық шаралары

CYP3A4 күшті индукторларымен бірге қолданбаған дұрыс, өйткені ол сунитинибтің қан плазмасындағы концентрациясының азаюына алып келуі мүмкін.

CYP3A4 күшті тежегіштерімен бірге қолданбаған дұрыс, өйткені ол сунитинибтің қан плазмасындағы концентрациясының жоғарылауына алып келуі мүмкін.

Теріге әсері

Пациенттерге, емдеу кезінде шаштың түссізденуі орын алуы мүмкіндігін ескерту керек. Болуы мүмкін басқа дерматологиялық реакциялар терінің құрғауын, қалыңдауын немесе жарылуын, алақандар мен табандардағы күлбіреуіктерді немесе бөртпені қамтуы мүмкін.

Жоғарыда көрсетілген құбылыстардың барлығы жинақталмайтын, әдетте, қайтымды болды және әдетте, емдеуді тоқтатуды қажет етпеді. Әдетте, сунитинибті қабылдауды тоқтатқаннан кейін қайтымды гангреналы пиодермия жағдайлары туралы хабарланды.

Стивенс-Джонсон синдромын (СДС) білдіретін мультиформалы эритеманы (МЭ) және уытты эпидермалық некролизді (УЭН) қоса, терінің ауыр реакциялары дамыған жағдайлар туралы хабарланды, олардың кейіреулері өлімге соқтырған. МЭ, СДС, УЭН симптомдары (мысалы, терінің көбінесе күлбіреуіктермен немесе шырышты қабықтың зақымдануларымен жүретін үдемелі бөртпесі) туындаған жағдайда, сунитинибты қабылдауды тоқтату қажет. Егер СДС мен УЭН диагнозы расталса, емдеуді қайта бастауға тыйым салынады. МЭ күдік туындаған кей жағдайларда, пациенттерде реакция регрессиясынан кейін Сунитинибпен төмен дозада қайтадан емдеудің жағымдылығы жақсы болды; ол пациенттердің кейбіреулері кортикостероидтармен немесе антигистаминдік дәрілермен қатарлас емді де қабылдаған.

Қан кетулер және ісіктен қан кету

Кейде өлімге соқтыратын геморрагиялық асқынулар асқазан-ішектен, өкпеден, несеп шығару жолдарынан қан кетуді және миға қан құйылуларды қамтиды.

Бақылау үшін, жүйелі түрде дәрігерлік тексеру жүргізу және қан көрсеткіштерін бағалап отыру қажет.

Мұрыннан қан кетулер анағұрлым жиі кездесетін геморрагиялық жағымсыз реакциялар болды және ауқымды ісіктері бар, қан кетулер құбылыстары байқалған пациенттердің шамамен жартысында байқалды. Мұрыннан қан кетудің кейбір құбылыстары ауыр болды, бірақ, өлімге соқтырған жағдайлары аса сирек.

Кейде ісік некрозымен байланысты болған, ісіктен қан кету құбылыстары туралы хабарланды; ол қан кетулердің кейбіреулері өлімге соқтырған.

Ісіктен қан кету кенеттен дамуы мүмкін және, өкпе ісіктері жағдайында, қан түкіру немесе өкпеден өмірге қауіп төндіретіндей қан кету түрінде көрініс беруі мүмкін. Сунитинибті БЖмО, АІСІ және өкпе обырын емдеу үшін қабылдаған пациенттерде өкпеден қан кетудің кейбіреулері өлімге соқтыратын жағдайлары тіркелді. Сунитинибті өкпе обырын емдеуде қолдануға рұқсат етілмеген.

Антикоагулянттармен (мысалы, варфаринмен, аценокумаролмен) қатарлас ем қабылдап жүрген пациенттерде, қанның жалпы талдауын (тромбоциттер), ұю факторларын бағалау (ПУ/ХҚҚ) мен физикалық тексеруді орындай отырып, жүйелі түрде мониторинг жүргізу қажет.

Асқазан-ішек жолына әсері

Диарея, жүрек айнуы, құсу, іш ауыруы, диспепсия, стоматит/ауыз қуысының ауыруы Сунитинибпен емдеумен байланысты анағұрлым жиі кездесетін асқазан-ішектік реакциялар болды, сонымен қатар, эзофагит жағдайлары туралы хабарланды.

Ондай жағдайларды демеуші ем құсуға қарсы, диареяға қарсы немесе антацидтік дәрілерді қолдануды қамтиды.

Құрсақішілік қатерлі жаңа түзілімдері бар, сунитинибпен ем қабылдаған пациенттерде, АІЖ перфорациясын қоса, ауыр, кейде өлімге соқтыратын, асқазан-ішек асқынуларының жағдайлары тіркелген.

Артериялық гипертензия

Сунитинибті қабылдау аясында гипертензияның, соның ішінде гипертензияның ауыр түрінің (систолалық қысым > 200 мм сн.бағ. немесе диастолалық қысым 110 мм сн.бағ.) туындағаны туралы хабарламалар бар.

Артериялық қысымды бақылаудың стандартты әдістерін пайдалана отырып, пациенттерді гипертензияның туындауына қатысты тексеру керек. Гипертензияның емге бағынбайтын ауыр түрі бар пациенттерде, Сунитинибпен емдеуді уақытша тоқтата тұру ұсынылады. Емдеуді АҚ тұрақтанғанннан кейін қайта бастайды немесе гипертензияны фармакологиялық түзетуді жүргізеді.

Гематология

Сунитинибті қолданумен байланысты, нейтрофилдер мен тромбоциттердің абсолюттік санының азайғаны тіркелді.

Тромбоцитопениямен және нейтропениямен байланысты фатальді қан кетулер жағдайлары тіркелді. Сунитинибпен емдеу барысында анемия дамығаны туралы хабарланды. Сунитинибпен ем қабылдаған пациенттерде, әр циклдың басында гематологиялық көрсеткіштерге толық талдау жүргізу керек.

Жүрек-қантамыр асқынулары

Сунитинибпен ем қабылдаған пациенттерде, жүрек жеткіліксіздігін, кардиомиопатияны, сол жақ қарыншаның қалыптың төменгі шегіне дейін лықсыту фракциясын (СҚЛФ), миокардитті, жүректің ишемиялық ауруын және миокард инфарктісін қоса, жүрек-қантамырдық асқынулар байқалды, олардың кейбіреулері өлімге соқтырған. Ол деректер, сунитиниб кардиомиопатия қаупін арттырады деген болжам жасауға мүмкіндік береді. Ем қабылдаған пациенттерде дәрілік препаратқа тән әсерінен басқа, сунитиниб индукциялаған кардиомиопатияның қандай-да бір қосымша спецификалық қауіп факторлары анықталған жоқ. Аталған құбылыстың даму қаупіне ұшыраған немесе олар анамнезінде болған пациенттерде Сунитинибті сақтықпен қолдану керек.

Ондай аурулары бар пациенттердің емдеумен байланысты сол жақ қарынша дисфункциясы дамуының жоғары қаупіне ұшырайтын-ұшырамайтындығы белгісіз. Емдеуші дәрігерлер препаратты тағайындаудағы пайдасы/қаупі арақатынасын бағалауы тиіс. Анамнездегі жүрек аурулары және/немесе коронарлық артериялар ауруы дамуының қауіп факторлары бар пациенттерді сунитинибпен емдеу кезіндегі жүректің іркілісті жеткіліксіздігінің (ЖІЖ) клиникалық белгілері мен симптомдарының анықталуына қатысты мұқият тексеру керек. СҚЛФ емдеу басталғанға дейін, сондай-ақ, емдеу кезінде жүйелі түрде бағалау ұсынылады. Пациенттерде қауіп факторлары болмаған жағдайда, лықсыту фракциясын Сунитинибпен емдеу басталғанға дейін бағалау ұсынылады.

ЖІЖ клиникалық белгілері көрініс берген жағдайда, Сунитинибпен емдеуді тоқтату ұсынылады. ЖІЖ белгілерінсіз, бірақ емдеу басталғанған дейінгі мәндері СҚЛФ <50% және >20% төмен болған пациенттерде Сунитинибтің дозасын азайту немесе препаратты қабылдауды тоқтату ұсынылады.

QT аралығының ұзаруы

Сунитинибті қабылдаған пациенттерде QT аралығының ұзаруы және torsade de pointes жағдайы байқалды. QT аралығының ұзаруы қарыншалардың жыпылықтауын-жыбырлауын (torsade de pointes) қоса, қарынша аритмиясының туындау қаупінің жоғарылауына алып келуі мүмкін. Анамнезінде QT аралығының ұзаруы бар, аритмияға қарсы препараттарды немесе QT аралығын ұзартуы мүмкін дәрілік препараттарды қабылдап жүрген пациенттерде, сондай-ақ, қатарлас жүрек аурулары, брадикардиясы немесе электролит теңгерімінің бұзылулары бар пациенттерде Сунитинибті сақтықпен қолдану керек.

Вена тромбоэмболиясы

Сунитинибті қабылдаған пациенттерде еммен байланысты вена тромбоэмболиясы құбылыстары, соның ішінде, кейде өлімге соқтыратын терең веналар тромбозы және өкпе артериясының тромбоэмболиясы тіркелді.

Артериялық тромбоэмболия (АТЭ)

Сунитинибті қабылдаған пациенттерде тіркелген, кейде өлімге соқтыратын АТЭ жағдайлары, инсультті, транзиторлық ишемиялық шабуылдарды және ми инфарктісін қамтиды. АТЭ-мен байланысты қауіп факторлары (негізгі қатерлі ауруға және ≥ 65 жас шамасына қосымша), АГ, қант диабеті және осының алдындағы тромбоэмболиялық аурулар жатады.

Аневризмалар және артериялардың қатпарлануы

Қантамырлар эндотелийінің өсу факторының (VEGF — vascular endothelial growth factor) дабыл жолы тежегіштерін қолдану артериялық гипертензиямен немесе онсыз пациенттерде аневризмалардың және (немесе) артериялардың қатпарлануының туындауына ықпал етуі мүмкін. Сунитинибпен емдеуді бастағанға дейін, анамнезінде артериялық гипертензия немесе аневризма сияқты қауіп факторлары бар пациенттерде аталған асқынулардың туындау қаупін мұқият бағалау керек.

Тромбоздық микроангиопатия (ТМА)

Гемолиздік анемия, тромбоцитопения, қатты қажу, тұрақсыз неврологиялық көріністер, бүйрек функциясының бұзылулапры және температура жоғарылауы дамыған жағдайда, тромбоздық тромбоцитопениялық пурпураны (ТТП) және кейде өлімге соқтыратын гемолиздік уремиялық синдромды (ГУС) қоса, ТМА диагнозын қарастыру керек. ТМА дамыған пациенттерде сунитинибпен емдеуді тоқтату керек, және шұғыл ем жүргізу қажет. Препаратты тоқтатқаннан кейін ТМА әсерлерінің жоғалғаны байқалған.

Қалқанша без дисфункциясы

Сунитинибпен емдеуді бастағанға дейін қалқанша без функциясын алдын ала зертханалық жолмен тексеру ұсынылады, және гипотиреоз немесе гипертиреоз анықталған пациенттерге без функциясын қалыпқа түсіруге арналған стандартты емді жүргізу керек. Сунитинибпен емдеу барысында әр 3 ай сайын қалқанша без функциясына жүйелі түрде мониторинг жүргізу керек. Бұдан өзге, емдеу кезінде пациенттерде қалқанша без функциясы бұзылуларының белгілері мен симптомдарын мұқият қадағалауды жүзеге асыру, және ондайлар болған жағдайда, клиникалық көрсетілімдерге сәйкес орындалатын, қалқанша без функциясын зертханалық тұрғыдан бағалауды қажет. Қалқанша без функциясының бұзылуы дамыған пациенттерді емдеуді стандартты медициналық тәжірибеге сәйкес жүргізу керек.

Гипотиреоз сунитинибпен емдеудің бастапқы және кейінгі сатысында туындады.

Панкреатит

Түрлі ауқымды ісіктері бар, Сунитинибпен ем қабылдаған пациенттерде, сарысудағы липаза мен амилаза деңгейлерінің жоғарылағаны байқалды. Липаза деңгейінің жоғарылауы қысқамерзімді болды және түрлі ауқымды ісіктері бар пациенттерде панкреатит белгілерімен немесе симптомдарымен байланысты болды.

Панкреатит АІСІ немесе БЖмО емдеу үшін сунитинибті қабылдаған <1 % пациентте білінді. Панкреатит симптомдары болған жағдайда, сунитинибті қабылдауды тоқтату және тиісінше емдеу әдістерін қолдану керек.

Ұйқы безі тарапынан ауыр реакциялар жағдайлары тіркелді, олардың кейбіреулері өлімге соқтырған.

Гепатоуыттылық

Бауыр функциясының кейбіреулері өлімге соқтыратын бұзылуы ауқымды ісіктері бар, сунитинибпен ем қабылдаған <1% пациентте байқалды. Емдеуді бастағанға дейін, әрбір емдеу циклы кезінде және клиникалық көріністері болған жағдайда, бауырдағы АЛТ, АСТ, билирубин деңгейінің функционалдық тестілеріне бақылау жүргізу қажет. Бауыр жеткіліксіздігінің белгілері немесе симптомдары пайда болған жағдайда, сунитинибпен емдеуді тоқтату және тиісінше демеуші емді қамтамасыз ету керек.

Бүйрек жеткіліксіздігі

Бүйрек функциясы нашарлаған, бүйрек жеткіліксіздігі және/немесе кей жағдайларда өлімге соқтыратын бүйректің жеткіліксіздігі жағдайлары туралы хабарланды.

Сунитинибті қабылдап жүрген пациенттерде бүйрек жеткіліксіздігімен байланысты қауіп факторлары бүйрек жасушасының карциномасына (БЖК) қосымша егде жастағыларды, бүйрек жеткіліксіздігінің себебі болып табылатын қант диабетін, жүрек жеткіліксіздігін, артериялық гипертензияны, сепсисті, дегидратацияны, гиповолемияны, рабдомиолизді қамтиды.

Орташа немесе ауыр протеинуриясы бар пациенттерде Сунитинибпен ұзақ уақыт емдеудің қауіпсіздігі бағаланбады. Протеинурияның сирек жағдайлары және нефроздық синдромның сирек жағдайлары туралы хабарланды. Несептің базалық талдауы ұсынылады, сонымен қатар, пациенттерде протеинурияның дамуын немесе нашарлауын бақылау қажет. Нефроздық синдромы бар пациенттерде сунитинибпен емдеуді тоқтату керек.

Жыланкөздер

Жыланкөз туындаған жағдайда, сунитинибпен емдеуді тоқтату керек. Жыланкөзі бар пациенттерде сунитинибті қолдануды жалғастыруға қатысты ақпарат шектеулі.

Жаралардың жазылуының баяулауы

Сунитинибпен емдеу кезінде жаралардың жазылуы баяулаған жағдайлар тіркелді.

Ауыр хирургиялық араласым қажет пациенттерге Сунитинибпен емделуді уақытша үзе тұру ұсынылады. Хирургиялық араласымнан кейін емдеуді қайта бастау мерзімдеріне қатысты клиникалық тәжірибе шектеулі. Сондықтан, ауыр хирургиялық араласымнан кейін Сунитинибпен емдеуді қайта бастау туралы шешім операциядан кейін қалпына келудің клиникалық тұрғыдан бағалануына негізделуі тиіс.

Жақсүйек остеонекрозы (ЖОН)

Сунитинибті қабылдаған пациенттерде жақсүйек остеонекрозы жағдайлары тіркелген. Жағдайлардың көпшілігі бисфосфонаттармен емді осының алдында немесе қатарлас вена ішіне қабылдаған пациенттерде тіркелген, ол ЖОН үшін қауіп факторы болып табылады. Сунитинибпен және венаішілік бисфосфонатпен емдеу режимінің таңдалуына: екі препараттың бір мезгілде немесе бірінен соң бірі қолданылуына ерекше мұқият көңіл бөлу қажет.

Инвазивтік стоматологиялық емшаралар да ЖОН үшін қауіп факторы ретінде анықталады. Сунитинибпен емдеуді бастағанға дейін стоматологиялық тексеру және тиісінше, тістердің профилактикалық санациясы емшаралары жүргізілуі тиіс. Сунитинибті және онымен бір мезгілде бисфосфонатты вена ішіне қабылдап жүрген, немесе бисфосфонаттарды вена ішіне қабылдаған пациенттер, мүмкіндігінше, инвазивтік стоматологиялық емшаралардан аулақ болуы керек.

Аса жоғары сезімталдық/ангионевроздық ісіну

Егер жоғары сезімталдыққа байланысты, ангионевроздық ісіну туындаса, сунитинибпен емдеу тоқтатыла тұруы және стандартты медициналық көмек көрсетілуі тиіс.

Құрысу ұстамалары

Сунитинибті маркетингтен кейінгі кезеңде қолданғанда, құрысулар жағдайлары тіркелді. Құрысулары бар және гипертензия, бас ауыруы, мәңгіру, ақыл-ой қызметінің бұзылуы, қайтымды артқы лейкоэнцефалопатияның кортикальді соқырлықты қоса, көрмей қалу сияқты белгілері/симптомдары бар пациенттер артериялық қысымды бақылауды қоса, медициналық қадағалауда болуы тиіс. Сунитинибпен емдеуді уақытша тоқтата тұру ұсынылады. Симптомдары жоғалғаннан кейін, дәрігердің шешімімен емдеуді қайта бастауға болады.

Ісік лизисі синдромы (ІЛС)

Сунитинибті маркетингтен кейінгі кезеңде қабылдаған пациенттерде ІЛС кейді өлімге соқтыратын жағдайлары сирек білінді. Көбінесе, ІЛС дамуы қаупіне емдеу басталғанға дейін ісік массасы үлкен болған, бұрыннан бүйректің созылмалы жеткіліксіздігі, олигуриясы, сусыздануы, артериялық гипотензиясы және несептің қышқыл реакциясы бар науқастар ұшырайды. Ол пациенттер дәрігердің қатаң бақылауында болуы және клиникалық көрсетілімдеріне сәйкес емделуі тиіс; профилактикалық гидратация туралы мәселені қарастыру керек.

Инфекциялар

Нейтропениямен/оныз жүретін, ауыр инфекциялар туралы хабарламалар бар, олардың кейбіреулері өлімге соқтырған.

Некроздайтын, соның ішінде, шаттағы фасцииттің сирек, кейде өлімге соқтыратын жағдайлары тіркелген. Пациентте некроздайтын фасциит дамыған жағдайда, Сунитинибпен емдеуді тоқтату және дереу тиісінше емді бастау керек.

Гипогликемия

Сунитинибпен емдеу кезінде қандағы глюкоза деңгейінің төмендеуі құбылыстары байқалды, кей жағдайларда олар клиникалық көріністерімен қатар жүрген және пациенттерді ауруханаға жатқызуды қажет еткен. Гипогликемия симптомдары көрініс берген жағдайда, сунитинибпен емдеуді уақытша үзе тұру керек. Қант диабеті бар пациенттерде гипогликемияның даму қаупін азайту мақсатында, диабетке қарсы препараттың дозасын түзету қажеттілігін бағалау үшін, қандағы глюкоза деңгейін тұрақты түрде бақылау қажет.

Басқа дәрілік препараттармен өзара әрекеттесуі

Егер Сіз рецептісіз берілетін дәрілік препараттарды қоса, қандай-да бір басқа дәрілік препараттарды қабылдап жүрсеңіз, жақын арада қабылдасаңыз немесе қабылдауыңыз мүмкін болса, дәрігерге немесе фармацевтке айтыңыз.

Сунитинибтің қан плазмасындағы концентрациясын арттыратын препараттар

CYP3A4 тежегіштерінің әсері

Сунитинибті CYP3A4 басқа күшті тежегіштерімен (мысалы, ритонавирмен, итраконазолмен, эритромицинмен, кларитромицинмен немесе грейпфрут шырынымен) қолдану сунитиниб концентрациясының жоғарылауына алып келуі мүмкін. CYP3A4 тежегіштерін Сунитинибпен бірге қабылдамау немесе CYP3A4 тежеуге қабілеттілігі өте аз, баламалы препаратты таңдау керек. Егер ол мүмкін болмаса, Сунитинибтің Сунитинибтің жағымдылығын мұқият мониторингілеуді негізге ала отырып, дозасын АІСІ мен БЖмО үшін тәулігіне 37.5 мг дейін немесе ұйқы безінің НЕІ үшін тәулігіне 25 мг дейін азайту қажет.

Сүт безі обырының резистенттілігі ақуызы (СБОРА) тежегіштерінің әсері

Сунитиниб пен СБОРА тежегіштерінің өзара әрекеттесуіне қатысты қолжетімді клиникалық деректер шектеулі, және сунитинибтің СБОРА басқа тежегіштерімен өзара әрекеттесуі мүмкіндігін жоққа шығаруға болмайды.

Сунитинибтің қан плазмасындағы концентрациясын төмендететін препараттар

CYP3A4 индукторларының әсері

Сунитинибті CYP3A4 басқа күшті индукторларымен (мысалы, дексаметазонмен, фенитоинмен, карбамазепинмен, рифампицинмен, фенобарбиталмен немесе шілтерлі шайқураймен) бірге қолдану сунитиниб концентрациясының азаюына алып келуі мүмкін.

CYP3A4 индукторларын Сунитинибпен бірге қабылдамау немесе CYP3A4 индукциялауға қабілеттілігі өте аз, баламалы препаратты таңдау керек. Егер ол мүмкін болмаса, Сунитинибтің жағымдылығын мұқият мониторингілеуді негізге ала отырып, дозасын тәулігіне 12.5 мг-ден (АІСІ және БЖмО үшін тәулігіне 87.5 мг дейін немесе ұйқы безінің НЕІ үшін тәулігіне 62.5 мг дейін) арттыру қажет.

Арнайы ескертулер

Сунитиниб препаратымен емдеу кезінде грейпфрут шырынын пайдаланбаған дұрыс.

Педиатрияда қолданылуы

Сунитиниб 18 жасқа толмаған адамдардың қабылдауы үшін ұсынылмайды.

Жүктілік немесе лактация кезінде

Жүктілік

Бала тууға қабілетті әйелдерге контрацепцияның тиімді әдістерін қолдануға кеңес беру және Сунитинибпен емдеу кезінде жүктіліктің бар-жоқтығын анықтау керек.

Сунитинибтің жүктілік кезіндегі тиімділігі мен қауіпсіздігі зерттелмеген.

Сунитинибті жүкті әйелдер және контрацепцияның сенімді әдістерін пайдаланып жүрмеген әйелдер қолданбағаны дұрыс. Егер жүктілік емдеу кезінде басласа, әйелге шарана үшін қауіпті болуы ықтималдығын ескерту қажет.

Лактация

Сунитиниб немесе оның негізгі белсенді метаболитінің емшек сүтіне бөлінетін-бөлінбейтіндігі белгісіз. Дәрілік препараттар емшек сүтіне жиі бөлінетін болғандықтан, сондай-ақ, ауыр жағымсыз құбылыстардың туындауы қаупінің ықтималдығына байланысты, емшек еметін сәбилерде Сунитинибпен емдеу кезінде емшек емізуді тоқтау ұсынылады.

Фертильділік

Сунитиниб препаратымен емдеу кезінде ерлер мен әйелдерде ұрпақ өрбіту функциясы бұзылуы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сунитиниб автокөлік құралдарын басқару және механизмдермен жұмыс істеу қабілетіне болар-болмас әсер береді. Пациенттерге, Сунитинибпен емдеу кезінде олардың бас айналуын сезінуі мүмкіндігін ескерту керек.

Қолдану жөніндегі нұсқаулар

Дозалау режимі

Ересектерге

АІСІ мен БЖмО кезінде Сунитинибтің ұсынылатын дозасы 4 апта бойы тәулігіне 50 мг құрап, ары қарай 2 апта үзіліс жасалады (4/2 кестесі). Емдеудің толық циклы 6 аптаны құрайды.

Ұйқы безінің НЕІ кезінде Сунитинибтің ұсынылатын дозасы – үзіліссіз, тәулігіне бір рет ішке 37.5 мг.

Дозасын түзету

Қауіпсіздігі мен жағымдылығы

АІСІ және БЖмО үшін, дозасын 12.5 мг-ге арттыру немесе төмендету аралығымен өзгертуді жеке қауіпсіздігі мен жағымдылығына байланысты жүзеге асыруға болады. Тәуліктік дозасы 75 мг немесе аспауы немесе 25 мг азды құрауы тиіс.

Ұйқы безінің НЕІ үшін, дозасын модификациялауды 12.5 мг арттыру немесе төмендету аралығымен, жеке қауіпсіздігі мен жағымдылығына байланысты, ең жоғарғы - тәулігіне 50 мг дозасына дейін жүзеге асыруға болады.

Жеке қауіпсіздігі мен жағымдылығына байланысты, емдеуді уақытша тоқтату қажет болуы мүмкін.

CYP3A4 тежегштері/ индукторлары

Сунитинибті және рифампицин сияқты CYP3A4 күшті индукторларын біріктіріп тағайындамау керек. Егер ол мүмкін болмаса, онда Сунитинибтің жағымдылығын мұқият қадағалай отырып, дозасын 12.5 мг төмендету аралығымен, ең жоғарғы тәулігіне 87.5 мг (АІСІ және БЖмО) немесе 62.5 мг (ұйқы безінің НЕІ) дозасына дейін арттыру керек.

Сунитинибті және кетоконазол сияқты CYP3A4 күшті тежегіштерін біріктіріп тағайындамау керек. Егер ол мүмкін болмаса, онда Сунитинибтің жағымдылығын мұқият қадағалай отырып, дозасын 12.5 мг төмендету аралығымен, ең төменгі, тәулігіне 37.5 мг (АІСІ және БЖмО) немесе 25 мг (ұйқы безінің НЕІ) дозасына дейін төмендету керек.

CYP3A4 индукциялаудың немесе тежеудің ең аз мүмкіндігінсіз/мүмкіндігімен баламалы қатарлас дәрілік препараттарды таңдап алу ұсынылады.

Пациенттердің ерекше топтары

Балалар

18 жасқа толмаған балаларда Сунитиниб препаратының қауіпсіздігі мен тиімділігі анықталмаған. Қазіргі кезде қолжетімді деректердің негізінде, дозалауға қатысты ешқандай нұсқау беру мүмкін емес.

Егде жастағы пациенттер

Жас және егде пациенттер арасында препараттың қауіпсіздігі мен тиімділігінде ешқандай елеулі айырмашылықтар анықталмаған.

Бауыр жеткіліксіздігі бар пациенттер

Бауыр функциясы бұзылуының бастапқы жеңіл (Чайлд-Пью бойынша А класы) немесе орташа бұзылуы (Чайлд-Пью бойынша В класы) бар пациенттерде дозасын өзгерту қажет емес. Бауыр функциясының ауыр бұзылулары бар (Чайлд-Пью бойынша С класы) пациенттерде сунитинибтің пайдаланылуы зерттелмеген, сондықтан, бүйректің ауыр жеткіліксіздігі бар пациенттерде сунитинибті қолдану ұсынылмайды.

Бүйрек жеткіліксіздігі бар пациенттер

Бүйрек жеткіліксіздігі бар (жеңілден ауырға дейін) пациенттерде немесе бүйрек жеткіліксіздігінің терминальді сатысы (БСЖ) бар, гемодиализ жүргізілетін пациенттерде Сунитинибтің бастапқы дозасын түзету қажет емес. Ары қарай дозасын түзету жеке қауіпсіздікке және препараттың жағымдылығына негізделуі тиіс.

Енгізу әдісі және жолы

Ішке.

Сунитинибті ас ішуге байланыссыз қабылдайды.

Артық дозаланған жағдайда қолдану қажет шаралар

Байқаусызда капсулалардың тым көп мөлшері қабылданған жағдайда, дереу дәрігерге жүгіну қажет. Пациентке медициналық көмек қажет болуы мүмкін.

Дәрілік препараттың бір немесе бірнеше дозасын жіберіп алғанда қажетті шаралар

Жіберіп алған дозасын қабылдаудың орнын толтыру үшін, екі есе дозасын қабылдамаңыз.

Дәрілік препаратты қолдану тәсілін анықтау үшін медицина қызметкерінен кеңес алу ұсынымы 

Қандай да бір сұрақтар туындаса препаратымен таныс дәрігерге, медбикеге немесе фармацевтке хабарласыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте жиі

• тромбоциттер, эритроциттер және/немесе лейкоциттер (мысалы, нейтрофилдер) санының азаюы;

• ентігу;

• артериялық қысымның жоғарылауы;

• қатты шаршау, күш жоғалту;

• тері астында немесе көз айналасында сұйықтық болуынан туындаған ісінулер, терең аллергиялық бөртпе;

• ауыздың ауыруы/тітіркенулері, ауыздың ойық жаралары /қабынуы/құрғауы, дем сезудің бұзылулары, асқазан бұзылысы, жүрек айнуы, құсу, диарея, іш қатуы, іш ауыруы/ісінуі, тәбеттің жоғалуы/тәбеттің төмендеуі;

• қалқанша без белсенділігінің төмендеуі (гипотиреоз);

• бас айналуы;

• бас ауыруы;

• мұрыннан қан кету;

• арқаның ауыруы, буынның ауыруы;

• қолдар мен аяқтардың ауыруы;

• терінің сарғаюы/тері түсінің өзгеруі, терінің шамадан тыс пигментациясы, шаш түсінің өзгеруі, алақандар мен табандардағы бөртпе, бөртпе, терінің құрғауы;

• жөтел;

• қызба;

• ұйықтап кетудің бұзылуы.

Жиі

• қантамырлардағы қан ұйындылары;

• коронарлық артериялардың обструкциясына немесе тарылуына байланысты жүрек бұлшықетінің қанмен қамтылуының жеткіліксіздігі;

• кеуде қуысының ауыруы;

• жүректен лықсыған қан көлемінің азаюы;

• сұйықтық, соның ішінде, өкпе айналасында іркілуі;

• инфекциялар;

• ауыр инфекцияның (қан ағымы инфекциясының) асқынуы, ол тіндердің зақымдануына, ағзалардың жеткіліксіздігіне және өлімге алып келуі мүмкін;

• қандағы қант деңгейінің төмендеуі («Қолдануды бастағанға дейін қажетті мәліметтер тізбесі» бөлімін қараңыз);

• бүйрек жеткіліксіздігі, бүйректің жедел жеткіліксіздігі, ақуыздың кейде ісінуге алып келетін, несеппен жоғалтылуы;

• тұмау тәрізді синдром;

• ұйқы безі және бауыр ферменттерінің деңгейлерін қоса, қан талдаулары көрсеткіштерінің нормадан ауытқулары;

• қандағы несеп қышқылы деңгейінің жоғарылауы;

• геморрой, тік ішектің ауыруы, қызыл иектерден қан кету, жұтынудың қиындауы немесе жұта алмау;

• тілдің ашыту немесе ауыру сезімі, ас қорыту жолының шырышты қабығының қабынуы, ауыздың құрғауы, ауыз қуысының ауыруы, ауыз қуысының ойық жаралануы, ауыз қуысындағы жайсыздық, кекіру, асқазанда немесе ішекте газдың шамадан тыс түзілуі;

• дене салмағының төмендеуі;

• бұлшықет-қаңқа ауыруы (бұлшықеттер мен сүйектердің ауыруы), бұлшықет әлсіздігі, бұлшықеттердің қажуы, бұлшықет ауыруы, бұлшықеттердің түйілулері;

• мұрынның шырышты қабығының құрғауы, мұрынның бітелуі;

• көз айналасының ісінуі, қабақтың ісінуі, көздан шамадан тыс жас парлау;

• тердегі әдеттен тыс сезімдер, терінің қышынуы, қабыршықтануы және қабынуы, күлбіреуіктер, акне, тырнақтар түсінің өзгеруі, шаштың түсуі;

• аяқ-қолдардағы әдеттен тыс сезімдер;

• әдеттен тыс төмен/жоғары, атап айтқанда, тактильді сезімталдық;

• қыжыл;

• сусыздану;

• қан тебулер;

• несеп түсінің өзгеруі;

• депрессия;

• қалтырау;

Жиі емес

• аногениталий аймағының инфекцияларын қоса, жұмсақ тіндердің өмірге қауіп төндіретін инфекциялары («Қолдануды бастағанға дейін қажетті мәліметтер тізбесі» бөлімін қараңыз);

• инсульт;

• жүректің қанмен қамтылуының тоқтауынан немесе азаюынан туындаған жүрек ұстамасы;

• жүректің электрлік белсенділігінің өзгерістері немесе жүрек ырғағының бұзылуы;

• жүрек айналасында сұйықтық жинақталуы (перикард жалқығы);

• бауыр жеткіліксіздігі;

• ұйқы безінің қабынуынан туындаған іш ауыруы;

• ішек қабырғасында тесік түзілуіне (перфорацияға) алып келетін ісік ыдырауы;

• өт қалтасының тастар түзілуімен немесе онсыз жүретін қабынуы (ісінуі және қызаруы);

• организмнің бір қуысынан келесісіне немесе теріге қара түтік түріндегі патологиялық өзек түзілуі;

• ауыз қуысының, тістердің және/немесе жақсүйектің ауыруы, ауыздың ісінуі немесе ойық жаралары, жақсүйектің ұюы немесе ауырлық сезімі немесе тістің қозғалуы. Бұл жақсүйек тіні зақымдануының (остеонекроз) белгілері мен симптомдары болуы мүмкін, «Қолдануды бастағанға дейін қажетті мәліметтер тізбесі» бөлімін қараңыз;

• қалқанша без гормондарының шамадан тыс өндірілуі, ол организм тыныштық күйінде пайдаланатын энергия мөлшерін арттырады;

• операциядан кейінгі жаралар жазылуының бұзылуы;

• бұлшықеттерден шығатын, қандағы фермент (креатинфосфокиназа) деңгейінің жоғарылауы;

• аллергенге шамадан тыс реакция, соның ішінде пішен қызбасы, тері бөртпесі, терінің қышынуы, есекжем, дене бөліктерінің ісінуі және тыныстың тарылуы;

• тоқ ішектің қабынуы (колит, ишемиялық колит);

• несеп шығару жолдарынан қан кету;

• панцитопения;

• өкпеден қан кету, тыныс алу жеткіліксіздігі.

Сирек

• тері және/немесе шырышты қабықтар тарапынан ауыр реакция (Стивенс-Джонсон синдромы, уытты эпидермалық некролиз, көп формалы эритема);

• ісік лизисі синдромы (ІЛС); ІЛС ісікке қарсы емдеу кезінде туындауы мүмкін метаболизм асқынуларының тобы болып табылады. Ол асқынулар ісіктің өлі жасушаларының ыдырау өнімдерінен туындайды және келесілерді қамтуы мүмкін: жүрек айнуы, тыныстың тарылуы, жүрек ырғағының бұзылуы, бұлшықет құрысулары, құрысу ұстамасы, несептің бұлыңғырлануы және зертханалық талдаулар нәтижелерінің нормадан ауытқуларымен (қандағы калий, несеп қышқылы және фосфор деңгейлерінің жоғарылауы және кальций деңгейінің төмендеуі) байланысты қатты қажу, олар бүйрек функциясының өзгерістеріне және бүйректің жедел жеткіліксіздігіне алып келуі мүмкін;

• бұлшықет тінінің патологиялық ыдырауы, ол бүйрекке қатысты қиындықтарға (рабдомиолиз) алып келуі мүмкін;

• мидағы патологиялық өзгерістер, олар бас ауыруын, сананың шатасуын, құрысу ұстамалары мен көрмей қалуды (қайтымды артқы лейкоэнцефалопатия синдромын) қоса, бірқатар симптомдарды туғызуы мүмкін;

• терінің ауырсынумен ойық жаралануы (гангреналы пиодермия);

• бауырдың қабынуы (гепатит);

• қалқанша бездің қабынуы;

• тромбоздық микроангиопатия (ТМА) ретінде белгілі, кішірек қантамырлардың зақымдануы;

• ангионевроздық ісіну

Белгісіз (жиілігін қолда бар деректер бойынша анықтау мүмкін емес)

• қантамырдың кеңеюі және оның қабырғасы беріктігінің азаюы немесе қантамыр қабырғасының жарылуы (аневризма және артериялардың қатпарлануы).

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық қызметті бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК  

http://www.ndda.kz

Қосымша мәліметтер

Дәрілік препараттың құрамы

12.5 мг бір капсуланың құрамында:

белсенді зат - 16.7 мг сунитиниб малаты (12.5 мг сунитинибке баламалы),

қосымша заттар: маннитол, натрий кроскармеллозасы, повидон (К-25), магний стеараты,

LP650 үшін №4 капсулалары:

Капсуланың құрамы: титанның қостотығы (Е 171), темірдің қызыл тотығы (Е 172), темірдің қара тотығы (Е 172), желатин

Сия: шеллак, дегидратталған спирт, 2-пропанол, бутил спирті, пропиленгликоль, натрий гидроксиді, повидон, титанның қостотығы (Е 171)

25 мг бір капсуланың құрамында:

белсенді зат - 33.4 мг сунитиниб малаты (25 мг сунитинибке баламалы),

қосымша заттар: маннитол, натрий кроскармеллозасы, повидон (К-25), магний стеараты,

LP651 үшін №3 капсулалары:

Капсуланың құрамы: темірдің қызыл тотығы (Е172), титанның қостотығы (Е171), темірдің қара тотығы(Е172), темірдің сары тотығы(Е172), желатин

Сия: шеллак, дегидратталған спирт, 2-пропанол, бутил спирті, пропиленгликоль, натрий гидроксиді, повидон, титанның қостотығы (Е 171)

Сыртқы түрінің, иісінің, дәмінің сипаттамасы

Өлшемі №4, корпусы мен қақпағы қою қоңыр түсті мөлдір емес капсулалар. Ақ сиямен қақпағында «LP» және корпусында «650» таңбасы жазылған. Капсулалардың ішіндегісі – сарыдан қызыл-сары түске дейінгі түйіршіктер (12.5 мг дозасы).

Өлшемі №3, корпусы мен қақпағы қою қоңыр түсті мөлдір емес капсулалар. Ақ сиямен қақпағында «LP» және корпусында «650» таңбасы жазылған. Капсулалардың ішіндегісі – сарыдан қызыл-сары түске дейінгі түйіршіктер (25 мг дозасы).

Шығарылу түрі және қаптамасы

7 капсуладан ПВХ / ACLAR ақ қабығынан және лакпен боялған алюминий фольгадан жасалған пішінді ұяшықты қаптамаға салынады.

4 контурлық қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

Lotus Pharmaceutical Co., Ltd.

Nantou Plant, No. 30, Chenggong 1st Rd., Sinsing Village, Nantou City, Nantou County 54066, Тайвань

Тел: + 886 49 225 0411

Электронды пошта: info@lotuspharm.com

Тіркеу куәлігінің ұстаушысы

THESAY PHARMA DRUG STORE LLC.,

1101, The Oberoi Centre, Business Bay, Дубай, БАЭ

Телефон: +971 4 587 6443

Электронды пошта: info@thesaypharma.ae

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Saa Pharma» ЖШС,

050010, Алматы қ., Достық д лы, 38, № 705 кеңсе, KDC Бизнес орталығы,

Телефон: +7 (727) 345 10 12

Электронды пошта: info@saapharma.kz