СПАЗМОВАКС ОРО

СПАЗМОВАКС ОРО

Жоқ

Дәрілік түрі, дозалануы

Таблеткалар, 80 мг + 80 мг

Ас қорыту жолы және зат алмасу. Асқазан-ішектің функциональді бұзылыстарын емдеуге арналған препараттар. Ішектің функциональді бұзылыстарын емдеуге арналған препараттар. Ішектің функциональді бұзылыстарын емдеуге арналған басқа да препараттар. Флороглюцинол.

ATХ коды: A03AX12

- Ас қорыту жолының және өт жолдарының функциональді ауруларымен байланысты ауырсынуларды симптоматикалық емдеу үшін.

- Несеп шығару жолдары ауруларының ауырсынуымен қоса жүретін жедел спазмалық бүйрек шаншуларын емдеу үшін.

Қолдануды бастағанға дейінгі қажетті мәліметтер тізімі

Белсенді заттарға немесе қосымша заттардың кез келгеніне аса жоғары сезімталдық.

Қолдану кезіндегі қажетті сақтық шаралары

Осы препаратты қолданар алдында дәрігерден немесе фармацевтіден кеңес алу қажет.

Басқа дәрілік препараттармен өзара әрекеттесулері

Қандай да болсын басқа дәрілік препараттарды қолданған жағдайда мұны өз дәрігеріңізге немесе фармацевтіге мәлімдеу қажет.

СПАЗМОВАКС ОРО препаратын ауыруды сездірмейтін күшті препараттармен, мысалы, морфинмен немесе оның туындыларымен бір мезгілде, олардың спазмогендік әсеріне байланысты, қолданбау керек.

Арнайы ескертулер

СПАЗМОВАКС ОРО препаратының құрамында лактоза бар, сондықтан лактаза жеткіліксіздігіне, галактоземияға немесе глюкоза-галактоза мальабсорбциясы синдромына шалдыққан пациенттер үшін ұсынылмайды.

СПАЗМОВАКС ОРО препаратының құрамында сахароза бар, сондықтан сирек тұқым қуалайтын фруктоза жақпаушылығына, глюкоза-галактоза мальабсорбциясы синдромына немесе сахароза-изомальтаза жеткіліксіздігіне шалдыққан пациенттер үшін ұсынылмайды.

Жүктілік және лактация

ЖүктілікЗертханалық хайуандарға жүргізілген зерттеулерде флороглюцинолды қолданғанда тератогендік әсерлер байқалған жоқ. Хайуандарға жүргізілген зерттеулер шегінде тератогендік әсерлердің жоқтығына байланысты, адамдарда туа біткен кемістіктердің туындауы екіталай деп саналады.

Шындығында, адамдарда туа біткен кемістіктерді туындататын заттар бүгінгі күнге дейін хайуандарда осы құбылыстарға баға беру үшін жүргізілген арнайы зерттеулер кезінде тератогендік әсер көрсетті. Флороглюцинолдың біршама кең таралған клиникалық қолданылуы қазіргі таңға дейін туа біткен кемістіктердің туындау қаупінің бар екендігін көрсетпеді.

Жүктілік кезінде препаратты тек абсолюттік қажеттілік жағдайында және дәрігердің бақылауымен ғана пайдалану қажет.

Емшек емізу

Тиісті деректердің жоқ болуына байланысты, лактация кезеңінде СПАЗМОВАКС ОРО қолдану ұсынылмайды.

Көлік құралын немесе потенциалды қауіпті механизмдерді басқару қабілетіне препараттың ықпал ету ерекшеліктері

Дәрілік препарат көлік құралдарын басқару және механизмдермен жұмыс жасау қабілетіне ықпалын тигізбейді.

Қолдану жөніндегі нұсқаулар

Дозалау режимі

Урологияда және гепатологияда: күніне 6 таблетка.

Артық дозалану жағдайында қабылдау қажет шаралар

Артық дозалану жағдайлары туралы мәлімделген жоқ.

Дәрілік препараттың бір немесе бірнеше дозаларын өткізіп алған кездегі қажетті шаралар

Препарат қабылдауды өткізіп алғанда дозаны екі еселеп қолдануға болмайды.

Дәрілік препараттың қолданылуын түсіну үшін медициналық қызметкерге кеңес алу үшін бару жөнінде нұсқаулар

Осы дәрілік препаратты пайдалану туралы қосымша сұрақтар туындаса, дәрігерге немесе фармацевтіге бару қажет.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Сирек (1000-нан ең көбі 1 адамда байқалуы мүмкін):

- терінің алллергиялық реакциялары;

- бөртпе (терінің қышынумен қоса жүретін қызаруы);

- ауыр аллергиялық реакциялар (анафилаксия);

- отек Квинке ісінуі (тез ісіну, әдетте қолдың, аяқтың, беттің, тілдің және тамақтың);

- артериялық гипотензия (қан қысымының төмендеуі);

- анафилаксиялық шок (организмде қан ағыны өмірлік маңызы бар функцияларын сақтау үшін жеткіліксіз).

Жиілігі белгісіз:

- емнің бас кезінде қызбамен қоса жүретін тері астындағы бұдырмақтары және күлбіреуіктері бар кең таралған қызыл қабыршақты бөртпе (жайылған жедел экзантематозды пустулез).

Осы симптомдар туындаған кезде осы дәрілік затты пайдалануды тоқтату және дәрігерге немесе медициналық жәрдем алуға дереу бару керек.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: флороглюцинол дигидраты, 102,850 мг (ол 80 мг сусыз флороглюцинолге сәйкес келеді), 1,3,5-триметоксибензол, 80 мг.

қосымша заттар: лактоза моногидраты, сахароза, магний стеараты, тальк.

Сыртқы түрінің, иісінің, дәмінің сипаттамасы

Ақ дерлік түсті тегіс дөңгелек таблеткалар.

Шығарылу түрі және қаптамасы

Поливинилхлоридтен/алюминийден жасалған пішінді қяшықты қаптамаға 10 таблеткадан салынған.

Пішінді ұяшықты 2 қаптама медициналық қолданылуы жөнінде қазақ және орыс тілдеріндегі нұсқаулықпен бірге картон қорапшаға салынған.

5 жыл.

Жарамдылық мерзімі өткеннен кейін қолдануға болмайды!

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

ДОППЕЛЬ ФАРМАЦЕУТИЦИ С.Р.Л.

Мекенжайы: Виа Вольтурно, 48, Квинто де’Стампи - 20089 Роццано (МИ), Италия

Тел: +39 02 303218280

Факс: +39 02 303218500

Электронды поштасы: info@doppel.it

Тіркеу куәлігінің ұстаушысы

ШАРПЕР С.п.А.

Мекенжайы: Виале Ортлес, 12 - 20139, Милан, Италия

Телефон: +390226291639

Факс: +39022401180

Электронды поштасы: rzancani@scharper.it, DAR@Scharper.it

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс жасау деректері (телефон, факс, электронды пошта)

«MERLIN CAPITAL INVESTMENTS LLP» (МЕРЛИН КЭПИТАЛ ИНВЕСТМЕНТС ЛЛП) Серіктестігінің өкілі, Достық даңғ., 105, 050051, кеңсе 301А, Алматы қ., Қазақстан Республикасы

Тел/факс: +772 731 71464

Электронды поштасы: gulmira.pharm@yahoo.com

Қазақстан Республикасы аумағында тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды пошта)

«Registrarius» ЖШС. Қазақстан Республикасы, 050036, Алматы қ., Мамыр-1 ш/ауд., үй 29, пәт. 159.

Телефон тәулік бойы: +7-717-272-72-31; e-mail: pv.kz@biomapas.eu