Соматулин® (30 мг)
Инструкция
-
русский
-
қазақша
Саудалық атауы
Соматулин®
Халықаралық патенттелмеген атауы
Ланреотид
Дәрілік түрі
Бұлшықет ішіне енгізу үшін әсері ұзартылған суспензия дайындауға арналған лиофилизат еріткішімен жиынтықта (0.8 % маннитол ерітіндісі)
Құрамы
Препараттың бір құтысының ішінде
белсенді зат - ланреотид ацетаты - 40,0 мг (30,0 мг ланреотидке шаққанда),
қосымша заттар: лактид-гликолид сополимер, лактик-гликолик сополимер, маннитол, натрий кармеллозасы, полисорбат-80,
Еріткіштің бір ампуласының ішінде: маннитол, инъекцияға арналған су бар
Сипаттамасы
Ақ дерлік жентектелген ұнтақ. Қалпына келтірілген суспензия – сүт түсті гомогенді суспензия
Фармакотерапиялық тобы
Гипоталамо-гипофизарлы гормондар және олардың аналогтары. Гипоталамус гормондары. Өсуді баяулататын гормондар. Ланреотид.
АТХ коды Н01СВ03
Фармакологиялық қасиеттері
Фармакокинетикасы
Дені сау еріктілерге көктамыр ішіне енгізгеннен кейін ланреотидтің ішкі фармакокинетикалық параметрлері қантамырлардан тыс шектеулі таралуы 16,1 л тепе-тең көлемде болатындығын көрсетті. Жалпы клиренсі сағатына 23,7 л құрайды, терминальді жартылай шығарылу кезеңі 1,14 сағат және қан плазмасында болатын орташа уақыты 0,68 сағат.
Зерттеулерде экскрециясына баға бергенде ланреотидтің 5%-дан азы несеппен бірге шығарылды және 0,5%-дан азы нәжістерде өзгермеген күйінде табылды, бұл өтпен бірге де біршама экскрецияланатынын көрсетеді.
Дені сау еріктілердің бұлшықет ішіне енгізілген Соматулиннің® бір дозасының (30 мг) плазмалық бейіні микросфера бетінен пептидтің босап шығуына сәйкес келетін тез босап шығудың бастапқы фазасымен, ал содан кейін босап шығудың, дәрілік затты құрайтын микробөлшектерден индукцияланған белсенді заттың ұзақ босап шығуы өте баяу төмендейтін, екінші фазасымен сипатталады.
Препаратты қабылдағаннан кейін 1 және 2 сағат арасында алынған 8,5 ± 4,7 нг/мл-дегі сарысу концентрациясының бастапқы ең жоғары шегінен кейін 1-3 күн ішінде сарысулық деңгей төмендейді, ал содан кейін 3 – 5 күннен бастап 14-21 күнге дейін "жалған плато" түрінде көтеріліп, осы уақыт кезеңі ішінде қан сарысуында ең жоғары деңгейде – 1 нг/мл-ге жуық болады.
Ұзақ босап шығудың бұл бейіні орташа 15,0 ± 1,6 күн, және жартылай ыдырау кезеңінің 5,0 ± 2,3 күн болуымен сипатталады.
Акромегалиясы бар емделушілерде 30 мг Соматулинді® бір рет енгізгеннен кейінгі фармакокинетикалық бейіні дені сау еріктілерде алынған шамамен ұқсас болады.
Дозаларды қайталап енгізген кездегі фармакокинетикалық бейіні сондай-ақ акромегалиясы бар емделушілерде де зерттелді. Енгізгеннен кейін 2 сағатқа жуық ең жоғары 10,9 ± 4,4 нг/мл түрінде берілген бірізді 4 дозадан соң тұрақты деңгейлер байқалды, содан кейін "жалған плато", әрі қарай алғашқы реттік кинетикаға жалғасты. Сарысудағы ең төмен және орташа концентрация тұрақты жағдайда тиісінше 2,2 ± 0,7 және 2,8 ± 0,8 нг/мл құрайды. Жиналып қалу байқалмайды (Rас = 2.2). Микросфералардың толық сіңуі оны енгізгеннен кейін 45 – 60 күннен соң болады.
Бүйрек/бауыр қызметінің жеткіліксіздігі
Бүйрек қызметінің ауыр жеткіліксіздігі бар емделушілерде, жартылай шығарылу кезеңінің және фармакокинетикалық қисық астындағы ауданның (AUC) тиісінше артуына сай, сарысудағы ланреотидтің жалпы клиренсінің шамамен 2 есе төмендегені байқалды.
Бауыр қызметінің орташа жеткіліксіздігі бар емделушілерде ланреотид сарысуы клиренсінің төмендегені байқалды (30%). Препараттың таралу
көлемі және анықталуының орташа уақыты бауыр қызметінің барлық дәрежелі жеткіліксіздігі бар емделушілерде ұлғайды.
Бүйрек немесе бауыр қызметінің жеткіліксіздігі бар емделушілерде бастапқы дозаны өзгертудің қажеттілігі жоқ, өйткені адамдардың осы тобының сарысуындағы ланреотид концентрациясы, күтілгендей, жағымдылығы ойдағыдай болған дені сау адамдардағы сарысу концентрацияларының диапазоны шегінде болады.
Егде жастағы адамдар
Егде жастағы емделушілерде жартылай шығарылу кезеңінің және плазмада ланреотидтің анықталуының орташа уақытының дені сау субъектілермен салыстырғанда артқаны байқалды. Егде жастағы емделушілерде бастапқы дозаны өзгертудің қажеттілігі жоқ, өйткені тұрғындардың осы тобының сарысуындағы ланреотид концентрациясы, күтілгендей, жағымдылығы жақсы болған дені сау адамдардағы сарысу концентрацияларының диапазоны шегінде болады.
Фармакодинамикасы
Ланреотид табиғи соматостатиннің октапептидтік аналогы болып табылады. Соматостатин тәрізді, ланреотид бірқатар эндокриндік, нейроэндокриндік, экзокриндік және паракриндік механизмдердің тежегіші болып табылады. Ланреотидтің адамның соматостатиндік 2 және 5 рецепторларына (SSTR) троптылығы жоғары, және адамның 1, 3 және 4 SSTR троптылығы төмен. Адамның 2 және 5 SSTR белсенділігі алғашқы механизм болып табылады, оның негізінде өсу гормоны (ӨГ) секрециясының басылуы жатыр.
Бұдан басқа, өсу гормоны секрециясына ланреотидтің айқын селективтілігі осындай инсулинмен салыстырғанда осы препаратты акромегалияны емдеу үшін тиімді етеді.
Қалқанша бездің (ТТГ) стимуляциялайтын гормоны синтезін басу нәтижесінде, ланреотид тиреотропты аденомалары бар емделушілерде қалқанша без функциясын қалыпты етеді.
Бұдан басқа, ланреотидтің ішектің экзокриндік секрециясын, ас қорыту гормондарын және жасушалық пролиферация механизмдерін тежегіш әсері оны ас қорыту жүйесінің эндокриндік ісіктері симптомдарын, әсіресе карциноидты ісіктерді емдеуге қолдану үшін ерекше назар аудартады.
Ланреотид, соматостатинге ұқсас, жалпы экзокриндік антисекреторлы әсер береді. Ол мотилиннің базальді секрециясын, асқазанның тежегіш пептидін және панкреатиттік полипептидті басады, бірақ секретин немесе гастрин секрециясына елеулі әсерін тигізбейді.
Ланреотид жоғарғы мезентериальді артерияларда және қақпа көктамырында аспен индукцияланатын қан ағысының күшеюін едәуір төмендетеді.
Ланреотид Е1 простагландинмен стимуляцияланатын ашішектік су-электролиттік секрецияны (су, натрий, калий және хлорид) едәуір
азайтады. Ланреотид акромегалияға ұшыраған, ұзақ уақыт ем қабылдап жүрген емделушілерде пролактин деңгейін азайтады.
Ланреотидтің табиғи соматостатинмен салыстырғанда, едәуір өте айқын және өте ұзақ әсері бар.
Қолданылуы
- акромегалияда: оперативті емнен және/немесе сәулемен емдегеннен кейін өсу гормоны (ӨГ) және/немесе инсулин тәрізді өсу факторы-1 (ИӨФ-1) жоғары деңгейде қалған кезде; немесе дәрі-дәрмекпен ем көрсетілген емделушілерде
- карциноидты ісіктерде симптоматикалық ем жүргізуге;
- хирургиялық араласым нәтижесінде пайда болған асқорыту жолы ағзаларының фистуласында
Қолдану тәсілі мен дозалары
Соматулин® бөксенің жоғарғы сыртқы квадрантына бұлшықет ішіне (б/і) енгізіледі. Бұлшықетішілік инъекция оң және сол жаққа кезек-кезек жасалуы тиіс.
Дозалау режимі мен емдеу ұзақтығын жауап реакциясына байланысты әр емделуші үшін жекелей анықтайды.
Ісіктердің соматостатин аналогтарына сезімталдығының құбылмалы болатындығын ескеріп, емдеуді жауап реакциясының (ӨГ секрециясы, карциноидты ісікпен байланысты симптомдар, ісік секрециясы...) сапасына баға беру үшін сынақ инъекциясынан бастауға кеңес беріледі
Алғашқы сынақ инъекциясына жауап реакциясы жоқ болғанда емдеу тактикасын қайта қарастыру керек.
Акромегалияда емдеуді 14 күн сайын 30 мг препаратпен бұлшықетішілік бір инъекциядан бастайды. Келесі инъекция алдында ӨГ мен ИӨФ-1 деңгейлеріне зерттеу жүргізеді. Емдеу тиімділігі жеткіліксіз болғанда (ӨГ деңгейі 2.5 нг/мл-ден жоғары) емдеу сызбасы 10 күн сайын 1 рет 30 мг препаратпен 1 инъекция жасауға өзгертілуі мүмкін. ӨГ 2.5 нг/мл және 1 нг/мл арасында болғанда бұрынғы енгізу санын қалдыру керек.
Карциноидты ісіктерде бастапқы доза 14 күнде 1 рет 30 мг құрайды. Клиникалық симптомдардың (қан кернеулер, диарея) айқындылығы бойынша баға берілетін емдеу тиімділігі жеткіліксіз болған жағдайда, бұл сызба 10 күнде 1 рет 30 мг препаратпен 1 инъекция жасауға өзгертілуі мүмкін.
Ас қорыту жолындағы ағзалардың фистуласында емдеуді емнің тиімділігіне баға беру үшін бұлшықетішілік сынама инъекциядан бастайды. Инъекциядан кейін 72 сағаттан соң фистуладан шығатын бөлінділердің көлемі кемінде 50%-ға қысқарған жағдайда, препарат әрі қарай фистула жазылғанға дейін 10 күнде 1 рет қолданылады. Қосымша инъекциялардың ең жоғары саны – 3. Емделушілердің 50%-да фистулалардың жабылуы 14 күн ішінде байқалды.
Препаратты дайындау және енгізу жөніндегі нұсқаулық
Лиофилизатты қоса берілген еріткішпен араластыру тікелей инъекция алдында құтының ішіндегісін, құтыны алақандар арасында ақ немесе крем реңді ақ түсті біртекті суспензия алынғанға дейін 20 немесе 30 рет айналдырып, баяу қимылдармен шайқау арқылы жүргізілуі тиіс. Суспензия басқа препараттармен араласып кетпеуі тиіс.