Сомазина®

Сомазина®

Цитиколин

Дәрілік түрі, дозалануы

Ішуге арналған ерітінді 1000 мг/10 мл

Жүйке жүйесі. Психоаналептиктер. Зейін тапшылығы мен гиперактивтілік кезінде қолданылатын психостимуляторлар және ноотропты препараттар. Басқа психостимуляциялаушы және ноотропты препараттар. Цитиколин.

АТХ коды N06BX06

- Ми қан айналымының жедел бұзылуымен байланысты неврологиялық және когнитивті бұзылуларда.

- Бассүйек-мидың жарақаттарымен байланысты неврологиялық және когнитивті бұзылуларда.

Қолдануды бастағаға дейін қажетті мәліметтер тізбесі

- 6.1 бөлімде аталған әсер етуші затына немесе қосымша заттарының кез келгеніне аса жоғары сезімталдық.

- гипертониясы бар және парасимпатикалық жүйке жүйесінің тонусы жоғары пациенттер.

- 18 жасқа дейінгі балалар

Қолдану кезінде қажетті сақтандыру шаралары

Препараттың құрамында балаларға қолдануға тыйым салынған бояуыш Понсо 4-R (Е124) бар, құрамында метилпарагидроксибензоат, пропилпарагидроксибензоат болуына байланысты баяу типті аллергиялық реакция дамуы мүмкін.

Препараттың құрамында сорбитол бар, сондықтан фруктоза жақпаушылығының сирек тұқым қуалайтын проблемалары бар пациенттерге қабылдауға болмайды

Басқа дәрілік препараттармен өзара әрекеттесуі

Цитиколин L-Dopa әсерін күшейтеді.

Құрамында меклофеноксат бар дәрілік препараттармен бір мезгілде тағайындауға болмайды.

Арнайы ескертулер

Педиатрияда қолдану

Балаларға қолдану тәжірибесі шектеулі: демек, препарат күтілетін емдік пайдасы кез келген ықтимал қауіптен асқан жағдайларда ғана тағайындалуы мүмкін.

Жүктілік немесе лактация кезінде

Жүкті әйелдерге цитиколинді қолдану туралы тиісті деректер жоқ. Препарат жүктілік кезінде пайдаланылмауы керек. Препарат күтілетін оң әсері ықтимал қауіптен асқан жағдайда қолданылуы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Ересектер: дозасы емдеуге келетін симптомдардың ауырлығына байланысты күніне 1 немесе 2 сашені құрайды. Препаратты таза түрінде қабылдауға немесе жарты стақан суда ерітіп (120 мл), тамақтану кезінде немесе тамақтану арасында ішуге болады.

Енгізу әдісі мен жолы

Ішке қабылдауға арналған

Қабылдау уақытының көрсетілуімен қолдану жиілігі

Сипатталмаған.

Емдеу ұзақтығы

Емдеу курсының ұзақтығын емдеуші дәрігер анықтайды

Артық дозалану жағдайында қабылдау қажет болатын шаралар

Артық дозалану жағдайлары сипатталмаған.

Дәрілік препараттың бір немесе бірнеше дозасын өткізіп алу кезіндегі қажетті шаралар

Сипатталмаған

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Дәрілік препаратты қолдану бойынша сұрақтар болған жағдайда емдеуші дәрігерге жүгіну қажет.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға  тиісті шаралар

Өте сирек (<1 /10000), соның ішінде жеке хабарламалар: елестеулер, бас ауруы, бас айналу, артериялық гипертензия, артериялық гипотензия, ентігу, жүрек айнуы, құсу, кейде – диарея, гиперемия, есекжем, экзантема, пурпура.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы 10 мл ерітіндіде

белсенді зат: цитиколин натрийі 1.045 г

(цитиколин негізіне баламалы) (1.00 г)

қосымша заттар: кристалды сұйық сорбитол 70%, глицерин, метилпарагидроксибензоат, пропилпарагидроксибензоат, глицерин формальдегиді, натрий цитраты дигидраты, натрий сахарині, Понсо 4R бояғышы (Е124), құлпынай эссенциясы 1487-S-Lucta, калий сорбаты, сусыз лимон қышқылының 50% ерітіндісі, тазартылған су.

Сыртқы түрінің, иісінің, дәмінің сипаттамасы

Қызғылт түсті мөлдір сұйықтық.

Шығарылу түрі және қаптамасы

10 мл препараттан полиэтиленнен, экструдталған полиэтиленнен, алюминий қабатынан, сурлиннен жасалған саше пакеттерге салынады.

6 және 10 сашеден медицинада қолданылуы жөніндегі қазақ және орыс тілдеріндегі нұсқаулықпен бірге картон қорапшаға салады.

Сақтау мерзімі 2 жыл.

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Феррер Интернасиональ, С.А.,

Joan Buscallà 1-9, 08173 Sant Cugat del Vallès, Barcelona, Spain

Тел: +34 93 504 40 00, факс: +34 93 674 20 72

эл пошта: comunicacion@ferrer.com.

Тіркеу куәлігінің ұстаушысы

Феррер Интернасиональ, С.А.,

Gran Via Carlos III, 94. 08028 Barcelona Spain

Тел: +34 93 504 40 00, факс: +34 93 674 20 72

эл пошта: comunicacion@ferrer.com..

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан. «Феррер Казахстан» ЖШС.

050026. Алматы қ., Мұқанов к-сі, 113 үй, 301 кеңсе. тел: 3565810, 3565811, эл пошта: info.ferrer@inbox.ru