Содифол

Содифол

Жоқ

Дәрілік түрі, дозалануы

Инъекция немесе инфузияға арналған ерітінді 50 мг/мл, 2 мл және 8 мл

Басқа да препараттар. Басқа емдік препараттар, барлығы. Цитостатикалық емнің уыттылығын төмендететін препараттар. Натрий фолинаты.

АТХ коды V03AF06

• фолий қышқылының антагонистерімен (метотрексатпен) уыттануда

• метотрексатты арттырылған және жоғары дозаларында қолданғанда оның уытты әсерінің профилактикасы үшін

• колоректальді обырда 5-фторурацилмен біріктіріп

Дәрілік препаратты қолданудың басталуына дейінгі қажетті мәліметтер тізбесі

• пернициоздық анемия немесе В12 дәрумені тапшылығы түрткі болған анемияның басқа түрлері

• 2 жасқа дейінгі балаларға

• динатрий фолинатына немесе препараттың құрамына кіретін кез келген басқа компонентке жоғары сезімталдық

Содифол мен 5-фторурацилді біріктіріп енгізуге болмайтын жағдайлар:

• жүктілік

• емшек емізу (лактация кезеңі)

• ауыр диарея

Егер пациенттерде атап келтірілген аурулардың бірі болса, препаратты қабылдар алдында дәрігерден кеңес алу керек.

Қолдану кезіндегі қажетті сақтандыру шаралары

Содифолды не сұйылтылмаған күйі инъекция жолымен, не болмаса сұйылтқаннан кейін инфузия жолымен тек вена ішіне енгізу керек. Өлімге соқтыру қаупіне байланысты, Содиофолды интратекальді қолданбау керек.

Басқа дәрілік препараттармен өзара әрекеттесуі

Содифолды фенобарбиталмен, фенитоинмен, примидонмен және сукцинимидтермен бірге қолдану олардың эпилепсияға қарсы белсенділігінің төмендеуіне және ұстамалар жиілігінің артуына алып келуі мүмкін (фолаттар әсерінің нәтижесінде бауырдағы метаболизм үдерістерінің жеделдеуіне байланысты, эпилепсияға қарсы препараттардың қан плазмасындағы фермент индукторы деңгейлерін азайтуы салдарынан). Эпилепсияға қарсы препараттардың плазмадағы концентрациясына клиникалық мониторинг жүргізу, сондай-ақ, Содифолмен емдеу кезінде және оны тоқтатқаннан кейін эпилепсияға қарсы препараттардың дозаларын бейімдеу ұсынылады.

Содифолды фолий қышқылының антагонистерімен (мысалы, ко-тримоксазолмен, пириметаминмен), бір мезгілде қолданғанда фолий қышқылы антагонистерінің тиімділігі не төмендеуі, не жоққа теңесуі мүмкін.

Содифол 5-фторурацилдің емдік әсерінің де, уытты әсерінің де күшеюіне алып келуі мүмкін, соған байланысты, бірге қолданғанда 5-фторурацилдің дозалары 5-фторурацилмен монотерапия жағдайымен салыстырғанда едәуір төмендетілуі тиіс.

Содифолды 5-фторурацилмен біріктіріп емдегенде келесі жағымсыз реакциялар болуы мүмкін: диарея, сусыздану, стоматит, лейкопения. Сирек жағдайда, инфекциялар, тромбоцитопения, жүрек айнуы, құсу, іш қатуы, дімкәстану, алопеция, дерматит және анорексия дамиды.

5-фторурацилді 600 мг/м2 дозада (в/і болюсті аптасына бір рет) Содифолмен бірге қолданғанда, өмірге қауіп төндіретін диарея жағдайлары байқалған.

Содифолды 5-фторурацилден басқа дәрілік заттармен араластыруға болмайды.

Арнайы сақтандырулар

Жалпы

Содифолды метотрексатпен және 5-фторурацилмен біріктіріп тек, ісікке қарсы химиотерапия жүргізуде тәжірибесі бар дәрігердің бақылауымен ғана қолдануға болады.

Бұл емді жоғары дозалардағы метотрексатпен жұмыс жасауда тәжірибесі бар дәрігерлер ғана жүргізе алады.

В12 дәрумені тапшылығынан туындаған макроциттік анемия аясында Содифолды қолдану, неврологиялық бұзылыстардың бір мезгілде үдеуімен гематологиялық ремиссияға алып келуі мүмкін.

Көптеген цитоуытты препараттар – ДНҚ синтезінің тікелей немесе жанама тежегіштері – макроцитозға алып келеді (гидроксикарбамид, цитарабин, меркаптопурин, тиогуанин). Ондай жағдайларда макроцитозды Содифолмен емдемеген дұрыс. Фолиний қышқылы басқа цитоуытты препараттарға (мысалы, ДНҚ синтезінің тікелей немесе жанама тежегіштері) әсер етпейді.

Содифолды маскүнемдікке шалдыққан, эпилепсиясы, бүйректің созылмалы жеткіліксіздігі бар пациенттерде, 2 жастан асқан балаларда сақтықпен қолдану керек. Егде жастағы немесе әлсіз пациенттерді емдегенде ерекше бақылау қажет, өйткені олар ауыр уыттылықтың даму қаупіне көбірек ұшырайды.

Содифолмен және 5-фторурацилмен біріктіріп ем жүргізгенде уытты әсерлері көрініс берген жағдайда, 5-фторурацилдің дозасы 5-фторурацилді монотерапия режимінде қолданған жағдайдағыға қарағанда көбірек дәрежеде төмендетілуі тиіс. Содифолмен және 5-фторурацилмен біріктіріп емдеу кезінде пациенттерде байқалған уытты әсерлері сапасы жағынан, 5-фторурацилмен монотерапия кезіндегі пациенттердегі осындайлармен ұқсас.

Содифолды 5-фторурацилмен бірге қолданғанда, асқазан-ішек жолы тарапынан уытты көріністері жиірек байқалады және ауырырақ, немесе тіпті, өмірге қауіп төндіретін болуы мүмкін (әсіресе, стоматит және диарея). Ауыр жағдайларда 5-фторурацилмен және Содифолмен емдеуді тоқтату және демеуші инфузиялық ем жүргізу қажет. Стоматит (ауырлық дәрежесі жеңіл немесе орташа ойық жара) және/немесе диарея (үлкен дәреттің сұйылуы немесе ішектің тәулігіне екі рет босауы) дамыған жағдайда пациенттер бұл туралы дереу өзінің емдеуші дәрігеріне хабарлауы тиіс. Егер пациентте ас қорыту жолының уытты зақымдануының белгілері болса (зақымданудың ауырлығына байланыссыз), асқазан-ішек жолы тарапынан патологиялық симптомдардың барлығы толықтай басылғанға дейін 5-фторурацилмен және Содифолмен біріктірілген емді бастамау немесе жалғастырмау керек.

Диарея ас қорыту жүйесінің уытты зақымдануының көрінісі болуы мүмкін болғандықтан, клиникалық көріністің жылдам нашарлауы және өлімге соқтыру мүмкіндігіне байланысты, диареясы бар пациенттер симптомдары толық басылғанға дейін мұқият қадағалауда болуы тиіс. Егер емдеу кезінде пациентте диарея және/немесе стоматит туындаса, 5-фторурацилдің дозасын симптомдары толықтай жойылғанға дейін төмендету ұсынылады. Бұл әсіресе, егде жастағы пациенттер мен әлсіреген, 5-фторурацилдің уытты әсері үшін айтарлықтай әлсіз пациенттерге қатысты. Ондай пациенттерді емдегенде ерекше сақтық таныту керек.

Осының алдында сәулемен ем жүргізілген пациенттерде, сондай-ақ, егде жастағы пациенттерде емдеуді 5-фторурацилдің төмендетілген дозаларымен бастау ұсынылған.

Фолий қышқылы антагонистерімен артық дозалану жағдайларынан басқасында, Содифолды орнын толтыру немесе уыттылығын азайту мақсатында ісікке қарсы препараттармен - фолий қышқылының антагонистерімен (мысалы, метотрексатпен) бір мезгілде қолданбау керек, өйткені, ондай препараттардың емдік әсері нивелирленуі мүмкін.

Содифолды қатарлас қолдану триметоприм және сияқты пириметамин фолий қышқылы антагонистерінің бактерияға қарсы белсенділігін төмендетпейді.

Содифол метотрексаттың гематологиялық емес уыттылығына, атап айтқанда, препараттың және/немесе оның метаболиттерінің бүйректегі преципитациясынан туындаған нефроуыттылыққа әсер етпейді.

Метотрексаттың бастапқы шығарылуы баяулаған пациентерде бүйректің қайтымды жеткіліксіздігі және метотрексатты қолданумен байланысты уыттылықтың барлық түрлері дамуы мүмкін.

Метотрексаттың организмнен шығарылуының баяулауы препараттың патологиялық сұйықтықтар (асциттік сұйықтық, плевралық жалқық) жинақталған орындарда жинақталуымен, бүйрек жеткіліксіздігімен, гидратация жеткіліксіздігімен, қабынуға қарсы стероидты емес препараттарды немесе салицил қышқылының туындыларын қолданумен байланысты болуы мүмкін. Мұндай жағдайларда Содифол препаратының жоғарырақ дозаларын енгізу немесе оны ұзағырақ қолдану қажет болуы мүмкін.

Содифолдың шамадан тыс жоғары дозаларын қолданбау қажет, өйткені ол, әсіресе, орталық жүйке жүйесінің ісіктері жағдайында, бірнеше емдеу курсының нәтижесінде динатрий фолинатының жинақталуы орын алған кезде, метотрексаттың ісікке қарсы белсенділігінің төмендеуіне алып келуі мүмкін.

Жарғақша тасымалы төмендеуінің нәтижесінде метотрексатқа резистенттілік дамыған жағдайда, фолиний қышқылына да резистенттілік дамиды, өйткені екі зат та бір тасымал жүйесі арқылы тасымалданады.

Фолий қышқылының антагонистерімен артық дозаланған жағдайда, Содифолды барынша ертерек енгізу қажет. Фолий қышқылының антагонисі (мысалы, метотрексат) мен Содифолды енгізу арасындағы уақыт аралығы ұзарған сайын, соңғысының тиімділігі азая түседі. Содифолмен емдеудің оңтайлы дозасын және ұзақтығын анықтау үшін, сарысудағы метотрексат концентрацияларын мониторингілеу қажет.

Клиникалық көріністері немесе зертханалық көрсеткіштердің ауытқулары туындаған жағдайда, әрдайым пациенттің метотрексатпен өзара әрекеттесетін басқа препараттарды (мысалы, метотрексаттың шығарылуына немесе оның қан плазмасы ақуыздарымен байланысуына ықпал етуге қабілетті дәрілік препараттарды) қолдануы мүмкіндігін ескеру керек.

Жүктілік немесе лактация кезінде

Жүктілік

Жүкті және бала емізетін әйелдер қатысқан клиникалық зерттеулер жеткілікті жүргізілмеген. Фолиний қышқылы жүктілік кезінде қолданылғанда қандай-да бір жағымсыз әсерлердің дамуына ықпал етуі мүмкін деп шамалауға негіз жоқ.

Метотрексатты жүктілік кезінде тек, қатаң көрсетілімдері бойынша ғана, дәрілік препараттың анасы үшін пайдасын шарана үшін ықтимал қауіптермен салыстырғаннан кейін қолдану керек. Жүктілік кезінде метотрексатпен немесе фолаттардың басқа антагонистерімен ем жүргізілген жағдайда, ондай препараттардың уыттылығын төмендету және жағымсыз әсерлерін бейтараптандыру мақсатында динатрий фолинатын қолдану үшін қандай-да бір шектеулер жоқ.

Әдетте, 5-фторурацилді жүктілік және бала емізу кезінде қолдануға болмайды; сондай-ақ, бұл динатрий фолинатын 5-фторурацилмен біріктіріп қолдануға да қатысты. Сонымен қатар, құрамында метотрексат, фолаттардың басқа да антагонистері және 5-фторурацил бар препараттардың қысқаша сипаттамаларын да қараңыз.

Емшек емізу кезеңі

Динатрий фолинатының емшек сүтіне өтетіндігі туралы жеткілікті ақпарат жоқ. Қолданылу көрсетілімдеріне сәйкес ем жүргізу қажет болған жағдайда, динатрий фолинатын бала емізу кезінде қолдануға болады.

Фертильділік

Фолиний қышқылының фертильділік пен ұрпақ өрбіту функциясына жекелей әсер ететіндігі туралы қолжетімді деректер жоқ.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Автокөлік және қауіптілігі зор механизмдерді басқару қабілетіне әсер етпейді немесе болар болмас әсер етеді. Пациенттің жалпы жағдайы ондай қызметті жүзеге асыруға, препаратты қолданудың ықтимал әсерлеріне қарағанда елеулірек ықпал етуі мүмкін.

Қолдану жөніндегі нұсқаулар

Дозалау режимі

5-фторурацилмен біріктірілген Содифол

Препараттардың түрлі дозаларын пайдаланып енгізудің бірнеше режимі бар. Метастаздық колоректальді обырдың төмендегідей химиотерапия режимдері мысалдар ретінде келтірілген:

1.1 5-фторурацилдің орташа жоғары дозасы

500 мг/м2 фолиний қышқылы (=546,5 мг/м2 Содифол) венаішілік инфузия түрінде 2 сағаттан астам уақыт бойы, Содифол инфузиясы басталғаннан кейін 1 сағаттан соң басталған венаішілік болюстік инъекция түріндегі 600 мг/м2 5-фторурацилмен біріктіріп.

6 апта бойы аптасына бір рет қайталау керек (1 цикл).

Циклдарды 2 аптадан соң қайталау керек. Циклдар саны ісіктің жүргізіліп жатқан емге жауабына тәуелді.

5-фторурацилдің дозасын түзету

5-фторурацилдің дозасын уыттылық көріністеріне сәйкес түзету қажет:

1.2 5-фторурацилдің жоғары дозасы

500 мг/м2 фолиний қышқылы (=546,5 мг/мл2 Содифол) венаішілік инфузия түрінде 1-2 сағаттан астам уақыт бойы, содан соң 5-фторурацил 2600 мг/м2 дозада 24 сағаттан астам уақыт бойы инфузия жолымен енгізіледі.

6 апта бойы аптасына бір рет қайталау керек (1 цикл).

Циклдарды 2 аптадан соң қайталау керек. Циклдар саны ісіктің жүргізіліп жатқан емге жауабына тәуелді.

5-фторурацилдің дозасын түзету

5-фторурацилдің дозасын уыттылық көріністеріне сәйкес түзету қажет:

2. Айлық режим

2.1 Содифолдың орташа жоғары дозасы

200 мг/м2 фолиний қышқылы (=218,6 мг/м2 Содифол), содан соң 370 мг/м2 5-фторурацил, екі препарат та венаішілік болюстік инъекциялар түрінде енгізіледі. Препараттарды енгізуді қатарынан 5 күн бойы қайталайды (1 цикл).

Циклдарды 4 аптадан, 8 аптадан соң және содан соң әр 5 апта сайын қайталайды. Циклдар саны ісіктің емге жауабына тәуелді.

5-фторурацилдің дозасын түзету

5-фторурацилдің дозасын уыттылық көріністеріне сәйкес түзету қажет (ДДҰ):

2.2 Содифолдың төмен дозасы

20 мг/м2 фолиний қышқылы (=21,86 мг/м2 Содифол), содан соң 425 мг/м2 5-фторурацил, екі препарат та венаішілік болюстік инъекциялар түрінде енгнізіледі. Препараттарды енгізуді қатарынан 5 күн бойы қайталайды (1 цикл).

Циклдарды 4 аптадан, 8 аптадан соң және содан соң әр 5 апта сайын қайталайды. Циклдар саны ісіктің емге жауабына тәуелді.

5-фторурацилдің дозасын түзету

Уыттылық болмаған жағдайда (әсіресе, сүйек кемігі мен асқазан-ішек жолы тарапынан, циклдар арасындағы аралықтарда елеулі уыттылық болмаған жағдайда), әр жағдайда 5-фторурацилдің дозасын 10%-ға арттыру ұсынылады.

Фолий қышқылының антагонистерімен (метотрексатпен) уыттану кезінде

Содифолдың көмегімен метотрексаттың уытты әсерінің алдын алуды қан сарысуындағы метотрексат деңгейін анықтау нәтижелерін алғанға дейін бастауға болады, ары қарай Содифолдың дозасын сарысудағы метотрексат деңгейін анықтаудан алынған нәтижелерге сәйкес түзетуге болады. Метотрексатты денеге 100 мг/м² дозада енгізу кейіннен Содифолды енгізумен қатар жүруі тиіс.

Содифолдың түрлі дозаларын пайдаланып енгізудің бірнеше режимі бар.

Содифолдың көмегімен метотрексаттың (МТХ) уытты әсерінің алдын алу:

Содифолмен уытсыздандыруды бастау

Метотрексатты вена ішіне енгізуді бастағаннан кейін 18-30 сағаттан кешіктірмей.

Уытсыздандыруды натрий фолинатымен аяқтау

Ең ерте мерзімі метотрексатты вена ішіне енгізуді бастағаннан кейін 72 сағаттан соң. Уытсыздандыру аяқталғаннан кейін метотрексаттың деңгейі 10-7 моль/л төмен болуы, дұрысы 10-8 моль/л төмен болуы тиіс.

Шамадан тыс уытсыздандыру метотрексаттың тиімділігіне теріс әсер етуі мүмкін. Уытсыздандыру жеткіліксіз болған жағдайда, уытты жағымсыз әсерлерінің көріністері метотрексаттың жоғары дозаларымен емдегенде байқалған жағымсыз әсерлерге ұқсас болады.

Енгізу әдісі және жолы

Содифол вена ішіне: сұйылтылмаған күйі инъекция жолымен немесе сұйылтылған күйінде инфузия жолымен енгізіледі. Содифолды интратекальді енгізбеген дұрыс.

Препарат тек бір рет қолдануға арналған.

Инфузияға арналған ерітіндіні дайындау асептикалық жағдайларда жүруі тиіс. Инъекцияға/инфузияға арналған ерітіндіні натрий хлоридінің (0,9%) инъекцияға арналған 9 мг/мл ерітіндісімен сұйылтуға болады.

Содифол 5-фторурацилмен үйлесімді. Ішінде көзге көрінетін бөлшектер жоқ мөлдір ерітінділерді ғана пайдалану керек. Пайдаланылмаған кез келген дәрілік заттар немесе қалдықтары жергілікті талаптарға сәйкес утилизациялануы тиіс.

Артық дозалану жағдайында қабылдау қажет болатын шаралар

Содифол уытты емес. Қазіргі кезге дейін Содифолдың артық дозаланған жағдайлары туралы хабарланған жоқ.

Метотрексатты қолданғанда динатрий фолинатымен артық дозалану метотрексат тиімділігінің төмендеуіне алып келуі мүмкін.

5-фторурацил және динатрий фолинаты біріктірілімімен емдеу кезінде артық дозаланған жағдайда, 5-фторурацил сипаттамаларының түйіндемесінде (SmPC) келтірілген нұсқауларды басшылыққа алу қажет.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолдану тәсілін түсіндіру үшін дәрігерге жүгіну қажет. В/і енгізуге арналған. Препаратты тек маман енгізуі тиіс.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Барлық емдеу көрсетілімдері үшін Содифол емі кезіндегі жағымсыз реакциялар сирек байқалады. Препаратты инъекция жолымен енгізгеннен кейін қызба жағдайлары болуы мүмкін. Сонымен қатар, анафилактоидтық және анафилаксиялық реакцияларды, есекжемді қоса, сенсибилизация сияқты аллергиялық реакциялар жағдайлары болуы мүмкін. Жоғары дозаларын енгізгенде сирек жағдайда, асқазан-ішек бұзылулары, сондай-ақ, ұйқысыздық, үрейлену және депрессия болуы мүмкін. Сонымен қатар, эпилепсиясы бар науқастарда эпилепсия ұстамаларының жиілігі артқан сирек жағдайлар болған.

Содифол 5-фторурацилдің уыттылығын күшейтеді. Содифол мен 5-фторурацилді біріктіріп тағайындағанда, негізінен, қауіпсіздік бейіні 5-фторурацилді қолдану режиміне тәуелді.

Келесі жағымсыз реакциялар дамуы мүмкін:

Қан және лимфа жүйесі тарапынан бұзылулар

Өте жиі

- сүйек кемігі функциясының жеткіліксіздігі, соның ішінде, өлімге соқтырған жағдайлары

Жиі

- лейкопения

Жиі емес

- тромбоцитопения

Зат алмасу және тамақтану тарапынан бұзылулар

Жиілігі белгісіз

- гипераммониемия

Тері және теріасты тіндері тарапынан бұзылулар

Жиі

- алақан-табан синдромы

Жиі емес

- алопеция, дерматит

Жалпы бұзылыстар және енгізген жердегі бұзылулар

Өте жиі

- мукозит, соның ішінде стоматит және хейлит. Мукозит дамуының нәтижесінде өлімге соқтырған жағдайлар туралы хабарланған

Жиі емес

- инфекциялар

Асқазан-ішек жолы тарапынан бұзылулар

Өте жиі

- жүрек айнуы және құсу (айлық режим); уыттылық дәрежесі жоғары диарея және ауруханаға түсуге және тіпті, өлімге әкеп соқтыратын сусыздану (апталық режим)

Жиі емес

- іш қатулар, анорексия

Айлық дозалау режимі кезінде 5-фторурацил уыттылығының басқа түрлері (мысалы, нейроуыттылық) білінген жоқ.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір мл ерітіндінің құрамында

белсенді зат – 54.65 мг динатрий фолинаты, бұл 50 мг фолиний қышқылына баламалы

қосымша заттар: натрий гидроксиді ерітіндісі және/немесе хлорсутек қышқылы ерітіндісі, инъекцияға арналған су.

Сыртқы түрінің, иісінің, дәмінің сипаттамасы

Мөлдір, ақшыл-сарыдан сары түске дейінгі ерітінді

Шығарылу түрі және қаптамасы

Шыны құтыларға 2 немесе 8 мл препараттан құйылған. Құтылар медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

2 оС-ден 8 оС-ге дейінгі температурада, жарықтан қорғалған жерде сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Кемел ықш. ауд., Ақсуат к-сі, 104 үй

тел: + 7 (727) 2603974

е-mail: office@nm-pharm.kz

Тіркеу куәлігінің ұстаушысы

«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Кемел ықш. ауд., Ақсуат к-сі, 104 үй

тел: + 7 (727) 2603974

е-mail: office@nm-pharm.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефоны, факсы, электронды поштасы):

«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Кемел ықш. ауд., Ақсуат к-сі, 104 үй

тел: + 7 (727) 2603974

е-mail: office@nm-pharm.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефоны, факсы, электронды поштасы):

«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Кемел ықш. ауд., Ақсуат к-сі, 104 үй

тел: + 7 (727) 2603747

е-mail: safety@nm-pharm.kz