Себиво® (600 мг)

• русский
• қазақша

• Скачать инструкцию медикамента

Саудалық атауы

Себиво®

Халықаралық патенттелмеген атауы

Телбивудин

Дәрілік түрі

Үлбірлі қабықпен қапталған 600 мг таблеткалар

Құрамы

Бір таблетканың құрамында

белсенді зат – 600 мг телбивудин,

қосымша заттар: микрокристалды целлюлоза, повидон, натрий крахмалы гликоляты (А типі) магний стеараты, сусыз коллоидты кремнийдің қостотығы,

қабықтың құрамы: титанның қостотығы (Е 171), макрогол (полиэтиленгликоль 4000), тальк, гипромеллоза.

Сипаттамасы

Сопақша пішінді, беті сәл дөңес, ақтан жеңіл сарғыш түске дейінгі үлбірлі қабықпен қапталған, бір жағында ойығы және «LDT» өрнегі бар таблеткалар.

Фармакотерапиялық тобы

Тікелей әсер ететін вирустарға қарсы препараттар. Нуклеозидтер – кері транскриптаза тежегіштері. Телбивудин.

АТX коды J05AF11

Фармакологиялық қасиеттері

Фармакокинетикасы

Телбивудиннің фармакокинетикасы дені сау емделушілерде және В гепатитінің созылмалы түрі бар емделушілерде бағаланды.

Сіңуі және биожетімділігі

Дені сау волонтерлер (n =12) 600 мг телбивудинді тәулігіне бір рет ішу арқылы қабылдағаннан кейін тұрақты ең жоғарғы плазмалық концентрациясы (Сmax) 3.69  1.25 мкг/мл құрады, бұл 1-ден 4 сағатқа дейінгі (орташа 2 сағат) аралықта байқалған, қисық астындағы көлемі (AUC) (препараттың плазмалық концентрациясы мен препаратты қабылдаудан кейінгі уақыттың арақатынасы) 26.1±7.2 мкг/мл құрады, бұл орайда ең аз плазмалық концентрациялары (Сmin) шамамен 0.2-0.3 мкг/мл құрады. Бір рет дозаланғанда ~1.5-еселік жинақталуы бар плазмалық концентрациясы тұрақты күйіне шамамен 5-7 күннің ішінде жеткен, бұл ˜15 сағатқа тең тиімді жартылай шығарылу кезеңін (Т ½) көрсетеді.

Ішу арқылы сіңуіне тамақтың әсері

600 мг-ден бір рет тағайындағанда тамақтану телбивудиннің сіңуіне әсер етпейді.

Таралуы

Телбивудиннің адам қаны плазмасының ақуыздарымен in vitro байланысуы -төмен (3.3%). Ішке қабылдау арқылы енгізгенде есептелген таралу көлемі организмдегі судың жалпы таралу көлемінен асып кетеді, бұл телбивудиннің тіндерге таралатынын көрсетеді. Телбивудин плазма мен қан жасушалары арасында біркелкі таралады.

Биотрансформациясы

14С-телбивудинді адам организміне енгізгеннен кейін телбивудиннің метаболиттері анықталмаған. Телбивудин Р450 (CYP450) цитохромы энзимді жүйесінің субстраты, тежегіші немесе индукторы болып табылмайды. («Дәрілермен өзара әрекеттесуі» бөлімін қараңыз).

Организмнен шығарылуы

Ең жоғарғы концентрациясына жеткеннен кейін телбивудиннің плазмалық концентрациясы жартылай шығарылуының (Т1/2) түпкілікті элиминациялық кезеңі 40-49 сағат бола отырып, би-экспоненциональді ретпен ауытқиды. Телбивудин өзгермеген күйінде негізінен бүйрекпен шығарылады. Телбивудиннің бүйрек клиренсіне қалыпты гломерулярлы сүзілумен қол жеткізіледі, яғни шығарылуының негізгі механизмі бәсең диффузия болып табылады. 600 мг телбивудинді пероральді бір рет қабылдағаннан кейін шамамен дозаның 42% 7 күннің ішінде несеппен шығарылады. Бүйрек жеткіліксіздігі бар, әсіресе гемодиализде жүрген емделушілерде дозаларды қабылдау аралығын келтірілген ұсыныстарға сәйкес түзету қажет («Қолдану тәсілі мен дозалары» бөлімін қараңыз).

Емделушілердің топтары бойынша сипаттамасы

Жынысы

Телбивудиннің фармакокинетикасында жыныстық айырмашылыққа байланысты елеулі өзгешеліктер байқалмаған.

Нәсілі

Телбивудиннің фармакокинетикасында нәсілдік айырмашылыққа байланысты елеулі өзгешеліктер байқалмаған.

Педиатрия мен гериатрия

Балалар мен егде жастағы адамдарды қатыстыра отырып фармакокинетикалық зерттеулер жүргізілмеген.

Бүйрек жеткіліксіздігі

Телбивудиннің 600 мг бір дозасының (В гепатитінің созылмалы түрінсіз) фармакокинетикасы креатинин клиренсі әр түрлі дәрежедегі бүйрек жеткіліксіздігі бар емделушілерде бағаланды. 1 кестеде келтірілген нәтижелердің негізінде креатинин клиренсі <50 мл/мин емделушілерде телбивудиннің дозасын түзету ұсынылады («Қолдану тәсілі мен дозалары» бөлімін қараңыз).

1 кесте – әр түрлі дәрежедегі бүйрек жеткіліксіздігі бар емделушілердегі телбивудиннің фармакокинетикалық параметрлері

Гемодиализ

4 сағат бойына жүргізілетін гемодиализ телбивудиннің тиімділігін шамамен 23% төмендетеді. Дозаны түзету креатинин клиренсі ескеріле отырып жүргізіледі, ал гемодиализ жүргізгенде дозаны қосымша өзгерту қажет емес («Қолдану тәсілі мен дозалары» бөлімін қараңыз). Телбивудинді гемодиализден кейін қолдану ұсынылады.

Бауыр жеткіліксіздігі

Бір реттік 600 мг дозадан кейінгі телбивудиннің фармакокинетикасы түрлі дәрежедегі (В гепатитінің созылмалы түрінсіз) бауыр жеткіліксіздігі бар науқастарда зерттелген. Бауыр жеткіліксіздігі жоқ емделушілермен салыстырғанда бауыр жеткіліксіздігі бар адамдардағы телбивудиннің фармакокинетикасындағы өзгерістер анықталмаған. Осы зерттеулер нәтижелері бауырының жеткіліксіздігі бар науқастарда дозаны түзетудің қажет емес екенін көрсетті («Қолдану тәсілі мен дозалары» бөлімін қараңыз).

Фармакодинамикасы

Себиво® В гепатиті вирусының ДНҚ полимеразасына қарсы белсенділігі бар тимидин нуклеозидінің синтетикалық аналогы болып табылады. Себиво® жасушалық киназалармен жасушаішілік жартылай шығарылу кезеңі 14 сағатты құрайтын белсенді трифосфатты түрге дейін белсенді түрде фосфорланады. Телбивудин-5΄-трифосфат табиғи вирустық тимидин-5΄-трифосфатпен бәсекелесе отырып, В гепатиті вирусының ДНҚ-полимеразасын (кері транскриптазасын) тежейді. Телбивудин-5΄ - трифосфаттың вирустық ДНҚ-ға қамтылуы ДНҚ тізбегінің үзілуін туындатады, бұл В гепатиті вирусының репликациясын тежейді. Себиво® В гепатиті ДНҚ вирусының бірінші (50%-дық тиімді концентрациясы 0,4-1,3 мкмоль) тізбегінің де, ДНҚ-ның екінші (50%-дық тиімді концентрациясы 0,12-0,24 мкмоль) тізбегінің де синтезінің тежегіші болып табылады. Телбивудин-5΄-фосфат 100 мкмоль дейінгі концентрациясында адам жасушаларының жасушалық (α, β және γ) ДНҚ-полимеразасын тежемеген. Препарат 10 мкмоль дейінгі концентрациясында митохондрий құрылымына, сондай-ақ ДНҚ-ның құрамы мен функциясына елеулі уытты әсер етпеген және in vitro жағдайында сүт қышқылының түзілуін арттырмаған.

Телбивудиннің антивирустық белсенділігі адамның гепатомасының ВГВ - экспрессияланатын жасушалық желісінде 2.2.15, сондай-ақ үйрек В гепатиті (DHBV) вирусы жұқтырылған үйректің бастапқы гепотоциттерінде in vitro бағаланған. Жоғарыда көрсетілген екі жүйеде де вирустардың (ЕС50) синтезін тиімді 50% тежейтін телбивудин концентрациясы шамамен 0.2 микроМ құрады. Вирусқа қарсы белсенділігі В гепатиті вирусы мен байланысқан гепаднавирусына қатысты байқалады. Адамның (ЕС50 мәні >200 микроМ) 1 типтегі иммунитет тапшылығы вирустарын (АИВ) қоса, басқа РНҚ- және ДНҚ-вирустарына қатысты ешқандай белсенділігі анықталмаған.

In vitro төзімділігі

Телбивудиннің белсенділігі В гепатиті вирусының ламивудин-және адефовир-төзімді штаммдары жұқтырылған емделушілерде ПТР талдаудағы вирустар копиясы бойынша бағаланған. M204V-дегі мутациясы телбивудинге төзімді L180M/M204V штаммдарының пайда болуындағы басты буын болып табылады.Телбивудинге фенотипті сезімталдықтың кемінде 1049 рет төмендеуі ламивудинге M204І мутациясы немесе қосарлы L180M/M204V мутациясы бар В гепатиті штамдарына қатысты байқалған.

Жасушалық өскінде телбивудин адефовирге төзімді В гепатиті вирусының штамдары бар емделушілерде кеңінен тараған A181Т мутацияны қамтитын штаммен салыстырғанда жабайы штамға және N236T мутацияны қамтитын В гепатиті вирусына қатысты екі есе белсенділік танытқан.

АИВ-1 жұқтырылған адамдар арасында ламивудин мен энтекавир сияқты нуклеозид аналогтары анти-АИВ препараттарына төзімді YMDD (M184V) мутациялы штамдарды индукциялайды. Телбивудин жасуша өскіндерінде АИВ-1 қатысты белсенділік танытпады. Телбивудиннің АИВ қатысты белсенділігінің болмауы клиникалық зерттеулерде бағаланбады.

Қолданылуы

- вирус репликациясының белгілері мен бауырының қабыну белсенділігі байқалатын емделушілердегі созылмалы вирусты В гепатитінде

Қолданылуы В гепатиті (HBeAg) вирусының антигені бойынша позитивті және негативті созылмалы В гепатитімен емделушілерде вирусологиялық, серологиялық, биохимиялық және гистологиялық зерттеулер негізінде анықталды.

Себивоны® төмендегілерде қолдану керек:

• В гепатиті вирусының ДНҚ бастапқы мәні < 109 копий/мл HBeAg позитивті емделушілер және АЛТ бастапқы мәні ≥ 2x норманың жоғарғы шегі бар емделушілер

• В гепатиті вирусының ДНҚ бастапқы мәні < 107 копий/мл HBeAg негативті емделушілер

Қолдану тәсілі және дозалары

Себиво® препаратының ересектер үшін ұсынылатын дозасы тәулігіне бір рет 600 мг (бір таблетка) құрайды. Таблетканы тамақпен бірге немесе одан бөлек пероральді қабылдайды.

Вирустық супрессиясы толық емес емделушілерді ұзақ емдеуде төзімділік дамуы мүмкіндігінен емді тек егер В гепатиті вирусының ДНҚ бастапқы деңгейінің критерийлері сақталса ғана бастау керек (Қолданылуын қараңыз).

Мониторинг және ем ұзақтығы

24-ші аптадағы емге жауап ұзақ уақыттық жауапты болжауға мүмкіндік беретіні көрсетілген. Емнің 24 аптасында вирустың толық бәсеңдегеніне көз жеткізу үшін В гепатиті вирусының ДНҚ деңгейін тексеру керек (В гепатиті вирусының ДНҚ деңгейі 300 копий/мл төменірек болуы тиіс). Егер емделушіде В гепатиті вирусының ДНҚ деңгейі емнің 24 аптасынан кейін 300 копий/мл артық болса, емді өзгерту туралы мәселені қарастыру керек.

Емге жауап сақталғанына көз жеткізу үшін В гепатиті вирусының ДНҚ деңгейін талдауды әрбір 6 ай сайын жүргізу керек. Егер В гепатиті вирусының ДНҚ талдауы емге бастапқы жауаптан кейін қандай да бір уақытта оң нәтиже берсе, емді өзгерту туралы мәселені қарастыру керек. Оңтайлы ем резистенттілікке сынақтың нәтижелерін басшылыққа алуы тиіс.

Емнің ұзақтығы

Емнің оңтайлы ұзақтығы анықталмаған. Емді тоқтату туралы шешімді төменде келтірілген ұсыныстарды негізге ала отырып қабылдау керек:

• циррозсыз HBeAg-позитивті емделушілерде емді HBe сероконверсиясы расталғаннан кейін 6-12 айдан кем емес уақыт (HBeAg жойылуы, В гепатиті вирусының ДНҚ жойылуы және HBe антидене анықталуы), немесе HBs сероконверсиясына дейін, немесе емнің тиімді еместігіне дәлел пайда болғанша жалғастыру керек. Кез келген кешеуілдеген вирусологиялық қайталауларды анықтау үшін В гепатиті вирусының ДНҚ және АЛТ сарысулық деңгейлерін ем тоқтағаннан кейін ұдайы бақылау керек.

• циррозсыз HBeAg- негативті емделушілерді емдеуді ең кемі HBs сероконверсиясына дейін немесе емнің тиімді еместігіне дәлел пайда болғанша жалғастыру керек. Ұзақ уақыт емдегенде (2 жылдан астам) емделуші үшін таңдап алынған ем түрін әрі қарай жалғастырудың орынды-орынсыздығын ұдайы бағалау ұсынылады.

Бүйрек жеткіліксіздігі

Себиво® препаратын бүйрегінің жеткіліксіздігі бар емделушілерді созылмалы В гепатитін емдеу үшін қолдануға болады. Креатинин клиренсі ≥ 50 мл/мин емделушілер үшін телбивудиннің ұсынылатын дозасын түзетудің қажеті жоқ.

Егер емделушілерде гемодиализбен терминальді сатыдағы бүйрек жеткіліксіздігін қоса креатинин клиренсі <50 мл/мин болса, дозалар аралығын 2 кестеге сәйкес түзетіп отырады.

2 кесте – Бүйрек жеткіліксіздігі бар емделушілердегі Себиво® дозасын қабылдау аралықтарын түзету

Терминальді сатыдағы бүйрек жеткіліксіздігі бар емделушілер

Терминальді сатыдағы бүйрек жеткіліксіздігі бар емделушілер Себиво® препаратын гемодиализден кейін алулары тиіс («Фармакокинетика» бөлімін қараңыз).

Бауыр жеткіліксіздігі

Бауыр жеткіліксіздігі бар емделушілер үшін Себиво® препаратының ұсынылатын дозасына түзету талап етілмейді («Фармакокинетика» бөлімін қараңыз).

Балалар және 18 жасқа дейінгі жасөспірімдер

Балаларға қатысты зерттеулер жүргізілмеген. Осыған орай Себиво® препаратын қолдану жөнінде егжей-тегжейлі ақпарат болмайынша, бұл препаратты балаларды емдеу үшін пайдалану ұсынылмайды.

Егде жастағы (65 жастан үлкен) адамдар

65 жастан үлкен адамдарды айрықша дозалау жөнінде негіз боларлық ұсыныстар жоқ («Айрықша нұсқаулар» бөлімін қараңыз).

Жағымсыз әсерлері

Жиі (≥ 1/100 дейін <1/10)

- бас ауыруы, бас айналуы

- жөтел

- қандағы амилаза деңгейінің жоғарылауы, диарея, қандағы липаза деңгейінің жоғарылауы, жүрек айнуы, іштің ауыруы

- қандағы аланинаминотрансфераза деңгейінің жоғарылауы

- тері бөртпесі

- қандағы креатинфосфокиназа деңгейінің жоғарылауы

- қатты қажығыштық

Жиі емес (≥ 1/1000 дейін <1/100)

- шеткергі нейропатия, дисгевзия, гипоестезия, парестезия, ишиас

- аспартатаминотрансфераза деңгейінің жоғарылауы

- артралгия, миалгия, миопатия / миозит, аяқ-қолдың ауыруы, арқа ауыруы, бұлшықет түйілуі, мойын ауыруы, бүйірдің ауыруы

- дімкәстік

Сирек* (≥ 1/10000 дейін <1/1000)

- көбіне күрделі аурулармен (мысалы мультиоргандық жеткіліксіздігі бар немесе сепсиспен) байланысты болатын, салдарлық құбылыс ретінде лактоацидоз

- рабдомиолиз

* Бұл жағымсыз реакция постмаркетингтік бақылаулар барысында анықталды, бірақ бақыланатын клиникалық зерттеулерде анықталмаған.

Емдеу уақытында бауыр функциясына мезгіл-мезгіл мониторинг жүргізу ұсынылады.

Емді тоқтатқаннан кейінгі В гепатитінің асқынуы.

В гепатитіне қарсы емді, телбивудинді қоса, тоқтатқаннан кейін, емделушілерде В гепатитінің айқын асқынуы туралы мәлімделген.

208 аптадан кейінгі нәтижелер

Телбивудинді қолданудың 104 аптасынан кейін, зерттелген 78% емделушілер (530/680) NV-02B-007 (GLOBE) және 82% (137/167) зерттелген емделушілер NV-02B-015 емдеу мерзімін 208 аптаға дейін ұзарту үшін CLDT600A2303 кеңейтілген зерттеуге қосылды. Ұзақ мерзімді қауіпсіздікті бағалау популяциясына 655 емделуші енгізілді, олардың 518

NV-02B-007 (GLOBE) зерттеулерінің және 137 –NV-02B-015 зерттеулерінің қатысушылары болды. 104 және 208 аптаға дейінгі жиынтық талдау деректері бойынша қауіпсіздіктің жалпы профилі ұқсас болды. 208 апта бойына тельбивудин қабылдаған емделушілердің 15,9% КК 3-ші немесе 4-ші дәрежелі деңгейінің бірінші жоғарылауы анықталған.

КК 3-ші немесе 4-ші дәрежедегі деңгейінің жоғарылау жағдайларының көбі симптомдарсыз жүрді және өтпелі болды.

Қолдануға болмайтын жағдайлар

-телбивудинге немесе қосымша заттардың кез-келгеніне жоғары сезімталдық

-телбивудинді күніне 600 мг дозада пегилирленген альфа-2а интерферонының 180 мкг дозасымен аптасына бір рет бір мезгілде қолдану

-18 жасқа дейінгі балалар мен жасөспірімдер

Дәрілермен өзара әрекеттесуі

Телбивудин негізінен бүйрек арқылы шығарылады, сондықтан Себиво® препаратын бүйрек функциясына әсер ететін дәрілік препараттармен тағайындағанда телбивудиннің және/немесе бір мезгілде қолданылатын дәрілік заттардың қан плазмасындағы концентрациясы жоғарылауы ықтимал.

Емдік мөлшерінен 12 есе асатын концентрацияларында телбивудин 1А2, 2С9, 2С19, 2D6, 2E1 және P450 бауыр цитохромының 3A4 микросомальді изоферменттерінің қатысуымен өтетін метаболизм үдерісін in vitro тежемеген. Телбивудин жануарлардағы цитохром Р450 изоферменттерін индукцияламайды. Келтірілген нәтижелерді және телбивудиннің белгілі шығу жолдарын ескере отырып метаболизмі цитохром Р450 жүйесінің ферменттерінің қатысуымен жүретін басқа препараттармен Себиво® препаратының өзара әрекеттесуінің потенциалды ықтималдығы төмен. Тұрақты күйінде телбивудиннің фармакокинетикасы ламивудинмен, адефовирмен, дипивоксилмен, циклоспоринмен және пегилирленген α-2а интерферонмен немесе тенофовир дизопроксил фумаратымен біріктіріп көп рет қолданғаннан кейін телбивудиннің фармакокинетикасы өзгермеді.

Оның үстіне телбивудин ламивудиннің, адефовирдің, дипивоксилдің, циклоспориннің немесе тенофир дизопроксил фумаратының фармакокинетикасын өзгертпейді. Пегилирленген алфа-2а интерфероны мен Себиво концентрацияларындағы айырмашылық жоғары болуы себепті телбивудиннің пегилирленген алфа-2а интерферонының фармакокинетикасына әсері етуі анықталмаған («Айрықша нұсқаулар» бөлімін қараңыз).

Тәулігіне 600 мг телбивудинді және 180 микрограмм пегилирленген альфа-2a интерферонын аптасына бір рет біріктірілімде клиникалық зерттеулер бұл біріктірілімнің шеткергі нейропатия даму қаупін жоғарылататынын анықтады («Қолдануға болмайтын жағдайлар» бөлімін және «Айрықша нұсқаулар» бөлімін қараңыз).

Айрықша нұсқаулар

Созылмалы В гепатитінің айқын асқынуы салыстырмалы түрде жиі дамиды және АЛТ сарысулық деңгейінің транзиторлы жоғарылауымен сипатталады. Кейбір емделушілерде вирусқа қарсы емді бастағаннан кейін В гепатиті вирусының сарысулық ДНҚ деңгейі төмендеуі аясында сарысудағы АЛТ деңгейі жоғарылауы мүмкін. Телбивудинмен ем қабылдайтын емделушілерде орташа асқыну 4-5 аптадан кейін туындайды. Тұтас алғанда АЛТ күрт жоғарылауы HBeAg-негативті емделушілерге қарағанда HBeAg-позитивті емделушілерде жиірек кездесті. Бауырдың компенсаторлық ауруы бар емделушілерде АЛТ сарысулық деңгейінің бұлай жоғарылауы негізінен сарысудағы билирубин деңгейінің жоғарылауымен немесе бауыр декомпенсациясының басқа белгілерімен қатар жүрмеді. Бауыр декомпенсациясының және гепатиттің одан ары қарайғы асқынуының қаупі циррозы бар емделушілерде жоғарылауы мүмкін. Сондықтан ондай емделушілерді мұқият бақылау керек. Сондай-ақ гепатиттің асқынуы туралы В гепатитіне қарсы емді тоқтатқан емделушілерде мәлімделген.

Емнен кейінгі АЛТ күрт жоғарылауы, әдетте сарысудағы В гепатиті вирусының ДНҚ деңгейі көтерілуіне байланысты, және көп жағдайларда бұл симптомдар өздігінен өтіп кеткен. Сонымен бірге, ем тоқтатылғаннан кейін аурудың ауыр, ал кейде өліммен аяқталған асқынулары туралы есептер алынған. Осыған сәйкес, В гепатитіне қарсы емді тоқтатқаннан кейін 6 айдан кем емес уақыт бойына бауыр функциясына тең уақыт аралығымен клиникалық және зертханалық зерттеулер жүргізу керек.

Лактоацидоз

Нуклеозид / нуклеотид аналогтарын қолданғанда кейде өлімге соқтыратын және, әдетте, стеатозды ауыр гепатомегалиямен байланысты лактоацидоз дамуы туралы (гипоксемия болмағанда) хабарланған. Телбивудин нуклеозид аналогы болғандықтан бұндай қауіпті жоққа шығаруға болмайды. Аминотрансфераза деңгейінің жылдам жоғарылауында, гепатомегалияның үдеуінде немесе этиологиясы белгісіз метаболизмдік ацидозда / лактоцидозда нуклеозид аналогтарымен емдеуді тоқтату керек. Лактоацидоз дамуын жүрек айнуы, құсу және іштің ауыруы сияқты АІЖ тарапынан қатерсіз симптомдар көрсетуі мүмкін. Кейде өліммен аяқталатын ауыр жағдайлар панкреатитке, бауыр жеткіліксіздігіне/ бауыр стеатозына, бүйрек жеткіліксіздігіне және сарысудағы лактаттың жоғарырақ деңгейіне байланысты болды. Гепатомегалиясы, гепатиті немесе бауыр ауруы дамуының басқа да белгілі қауіп факторлары бар барлық (әсіресе семіздікке шалдыққан әйелдерге) емделушілерге нуклеозид аналогтарын сақтықпен тағайындау керек. Бұндай емделушілерді мұқият бақылау керек.

Бұлшықет жүйесіне әсері

Телбивудинді қолданудағы ем басталғаннан кейін бірнеше аптадан бірнеше айға дейінгі кезең бойына миопатия және миалгия жағдайлары туралы мәлімделген. Телбивудинді тіркегеннен кейінгі қолдану уақытында рабдомиолиз жағдайлары туралы мәлімделген.

Бұлшықеттердің тұрақты түрдегі түсініксіз ауыруы және/немесе креатинкиназа деңгейінің жоғарылауы дәрежесіне байланыссыз бұлшықет әлсіздігі ретінде анықталатын миопатияны диффузиялы түсініксіз миалгиясы, бұлшықет ауырулары, бұлшықет әлсіздігі немесе миозиті бар (бұлшықеттердің гистологиялық дәлелді зақымдануы бар миопатия ретінде анықталады) барлық емделушілерде ескеру керек. Бұлшықеттердегі кез келген тұрақты түсініксіз ауыруларды, ауыру, ауырсыну немесе әлсіздік туралы мәлімдеу қажеттігін емделушілерге ескерту керек. Осыған ұқсас кез келген симптомдар мәлімделгенде бұлшықет функциясын бағалау үшін бұлшықет жүйесін мұқият зерттеуді жүргізу керек. Миопатия диагностикаланғанда телбивудинмен емдеуді тоқтату керек.

Емдеу уақытында телбивудинді миопатияға байланысты басқа дәрілік заттармен бір мезгілге тағайындағанда (мысалы статиндер, фибраттар немесе циклоспоринді) миопатия даму қаупі жоғарылайтыны белгісіз. Миопатияға байланысты басқа препараттармен бір мезгілге ем тағайындаушы дәрігерлер потенциалды пайдасы мен қаупін мұқият таразылауы және емделушілердегі миопатияға меңзейтін кез келген белгілер немесе симптомдарды бақылауы тиіс.

Шеткергі нейропатия

Телбивудинмен ем алған емделушілерде шеткергі нейропатияның жиі емес жағдайлары туралы мәлімделген. Шеткергі нейропатияға күдік болғанда телбивудинмен емнің қажеттігін қайта қарау керек. Шеткергі нейропатия дамуының жоғары қаупі телбивудиннің пегилирленген альфа-2a интерферонымен бір мезгілде қабылданған бір зерттеуде бақыланған. Бұндай жоғары қауіпті басқа альфа интерфероны үшін (пегилирленген немесе стандартты) жоққа шығаруға болмайды. Оның үстіне телбивудинді альфа интерферонымен біріктірудің пайдалылығы (пегилирленген немесе стандартты) қазіргі уақытта анықталмаған. Сондықтан телбивудиннің пегилирленген немесе стандартты альфа интерферонымен біріктірілімін қолдануға болмайды.

Бүйрек функциясының бұзылуы

Телбивудин негізінен бүйрек арқылы шығарылады, сондықтан гемодиализде жүрген емделушілерді қоса креатинин клиренсі <50 мл/мин емделушілерде дозаларды қабылдау аралықтарын келтірілген ұсыныстарға сәйкес таңдап алу керек («Қолдану тәсілі мен дозалары» бөлімін қараңыз). Бұдан бөлек, Себиво® препараты бүйрек функциясына әсер етуге қабілетті дәрілік заттармен бір мезгілде қолданылғанда телбивудиннің немесе тиісті препараттардың қан плазмасындағы концентрациясының өзгеруіне себепші болуы мүмкін («Дәрілермен өзара әрекеттесуі» бөлімін қараңыз).

Декомпенсациясыз циррозы бар емделушілер

Деректердің саны шектеулі болуына байланысты (таңдалған емделушілердің шамамен 3% цирроз болды) телбивудинді бауыр циррозы бар емделушілерге ерекше сақтықпен қолдану керек. Емдеу кезінде және емдеуді тоқтатқаннан кейін бұл емделушілерді В гепатитіне байланысты клиникалық, биохимиялық және вирусологиялық параметрлерге қатысты мұқият бақылау керек.

Декомпенсациялы циррозы бар емделушілер

Декомпенсацияланған циррозы бар емделушілер үшін препараттың тиімділігі мен қауіпсіздігі туралы деректер жоқ.

Вирусқа қарсы препараттарға төзімді В гепатиті жұқтырылған емделушілер

Ламивудинге төзімділігі анықталған В гепатиті вирусымен жұқтырылған емделушілерде Себиво® препаратын қолданудың талапқа сай және бақыланатын зерттеулері жүргізілген жоқ. In vitro жағдайында телбивудин құрамында rtM204V/rtL180M және rtM204I мутациясы бар В гепатиті вирусы штамдарына қатысты белсенді болмаған.

Себиво® препаратын адефовирге төзімділігі анықталған В гепатиті вирусымен жұқпаланған емделушілерге қолданудың талапқа сай және бақыланатын зерттеулері жүргізілген жоқ. Адефовирге төзімділікпен астасатын rtN236T мутациясы бар В гепатиті вирусының телбивудинге сезімталдықты толық сақтайтыны in vitro анықталған. Сезімталдық 0,5 есе өзгереді. A181V/T мутациясы болатын В гепатиті вирусының телбивудинге сезімталдығы әр түрлі дәрежеде өзгерумен in vitro (ЭК50 өзгеруі (50% тиімді концентрация) 1-4,1 есе) сипатталады.

Бауырын ауыстырып салудан кейінгі емделушілер

Себиво® препаратын бауыры ауыстырылып салынған емделушілерге қолданудың қауіпсіздігі мен тиімділігі анықталмаған.

Тұрақты жағдайда телбивудиннің фармакокинетикасы циклоспоринмен біріктіріп бірнеше мәртелік дозаларды енгізгеннен кейін өзгермеген. Егер бүйрек функциясына әсер ететін циклоспорин немесе такролимус сияқты иммунодепрессанттар алған немесе алатын емделушілерге бауыр алмастырып салудан кейін телбивудинмен емдеу қажет болса, бүйрек функциясын Себиво® препаратымен емдеуге дейін де, одан кейін де бақылап отыру қажет.

Егде жастағы емделушілер

Себиво® препаратын 65 жастан үлкен емделушілерге қолдану жөнінде клиникалық зерттеулер жүргізілген жоқ. Сондықтан осы жас тобындағыларда қатар жүретін ауруларға және басқа дәрілік препараттарды бір мезгілде қабылдауға байланысты таралған бүйрек функциясы бұзылуын ескере отырып, Себиво® препаратын егде жастағы емделушілерге абайлап тағайындау керек.

Емделушілердің жекелеген топтары

В гепатиті бар, микст жұқпалары (АИВ, С немесе D вирустық гепатиті ) бар емделушілерде Себиво® препаратының қолданылуы зерттелмеген.

Емделушілерге арналған ақпарат

Емделушілерге Себивомен® емдеудің В гепатиті вирусының жыныс жолымен немесе қанмен берілу қаупін төмендете алмайтынын ескерту керек.

Жүктілік пен лактация кезеңі

Телбивудинді жүктілік кезінде қолданылуының клиникалық сынақтарының шектеулі ғана деректері бар. Жүктілік кезінде телбивудиннің әсер ету қауіпсіздігі, әдебиеттер және 1696 әйелге спонтанды маркетингтен кейінгі есептер (173 бірінші триместрде және 523 екінші және/немесе үшінші триместрде) жөніндегі қауіпсіздік жөніндегі дерекқордан алынған мәліметтерге талдау жүргізілді. Телбивудинмен емдеген кезде туа біткен ақаулар, өздігінен түсік тастау немесе медициналық түсіктер, фетальді/неонатальді уыттылық жиілігінің артуы тіркелмеген.

Жануарларға жүргізілген зерттеулер жүктілікке, эмбрион/ұрық дамуына, бала босануға немесе постнатальді дамуға тікелей немесе жанама зиянды әсерін көрсетпейді.

Себиво® препаратын жүктілік кезінде ана үшін пайдасы ұрыққа төнетін ықтимал қауіптен асып түскенде ғана, пайдаланған жөн.

Телбивудинді жүктіліктің екінші және/немесе үшінші триместрінде қолдану, телбивудин вакцинаға және В гепатитіне қарсы спецификалық иммуноглобулинге қосымша болып берілгенде, В гепатиті вирусының анадан балаға берілу қаупінің төмендеуін көрсеткен.

Телбивудин егеуқұйрық сүтіне шығарылады. Телбивудиннің адам сүтіне шығарылуы белгісіз.

Себивоны® қолдану кезінде әйелдер бала емізбеулері тиіс.

Репродуктивтік функция

Телбивудиннің әйел мен еркектің репродуктивтік функциясына әсер етуі туралы клиникалық деректер жоқ. Сондықтан контрацепцияның тиімді әдістерін қолдану керек.

Дәрілік заттың көлік құралдарын және қауіпті механизмді басқару қабілетіне әсер ету ерекшеліктері

Машиналарды жүргізгенде және пайдаланғанда бас айналуының немесе әлсіздіктің пайда болуын ескере отырып абай болу керек.

Артық дозалануы

Артық дозалану жағдайлары туралы хабарланбаған. Зерттелетін 1 800 мг/кг дейін (ұсынылатын тәуліктік дозадан 3 есе көп) дозалардың көтерімділігі жақсы болған. Себиво® препаратының ең жоғарғы көтерімді дозасы анықталмаған.

Емі: препаратты тоқтату, демеуші және симптоматикалық ем.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға 14 таблеткадан салынған.

2 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

300С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Препаратты қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Новартис Фарма Штейн АГ

Шаффхаузерштрассе, Штейн, Швейцария

Тіркеу куәлігінің иесі

Новартис Фарма АГ, Швейцария

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

050051 Алматы қ., Луганский к-сі, 96

тел.: (727) 258-24-47

факс: (727) 244-26-51

e-mail: drugsafety.cis@novartis.com