Рэникзон

Рэникзон

Жоқ

Дәрілік түрі, дозасы

Шайнайтын таблеткалар, 680 мг/80 мг.

Асқорыту жүйесі және зат алмасу. Қышқылдықтың бұзылуымен байланысты ауруларды емдеуге арналған препараттар. Антацидтер. Басқа препараттармен біріктірілген антацидтер.

АТХ коды: A02AX

Рэникзон ересектер мен 15 жастан асқан балаларға қыжыл және қышқылдық рефлюкс кезінде қолданылады.

Қолданудың басталуына дейін қажетті мәліметтер тізбесі

• Әсер етуші затқа немесе препараттың қосымша заттарының кез келгеніне аса жоғары сезімталдық;

• Бүйректің ауыр жеткіліксіздігі.

• Гиперкальциемия және/немесе гиперкальциемияны туындататын барлық жағдайлар.

• Кальций тастарының болуымен байланысты нефролитиаз.

• Гипофосфатемия.

• 15 жасқа дейінгі балалар.

Қолдану кезінде қажетті сақтандыру шаралары

Рэникзон препаратын қабылдар алдында емдеуші дәрігермен кеңесіңіз.

Пациенттерге мына симптомдардың біреуі немесе бірнешеуі болған кезде дәрігерге қаралу ұсынылады:

- салмақ жоғалту;

- асқазан аймағының тұрақты жайсыздығы немесе қиналып жұтыну;

- алғаш рет пайда болған немесе өзгерген асқорыту бұзылулары;

- бүйрек функциясының бұзылуы ( сарысулық кальций, фосфат, магний деңгейін бақылау қажет);

- гиперкальциурия.

Басқа дәрілік препараттармен өзара әрекеттесуі

Емдеуші дәрігерге қабылдап жатқаныңыз, жақында қабылдағаныңыз немесе басқа дәрі-дәрмектерді қабылдауды бастайтыныңыз жайлы хабарлаңыз.

Антацидтер ішке қабылданатын басқа дәрілік препараттармен өзара әрекеттесуі мүмкін.

Бір мезгілде қабылдағанда ішке қолданылатын басқа дәрілік препараттардың асқазан-ішек жолына сіңуі төмендейді. Сақтандыру шарасы ретінде антацидтерді басқа дәрілік препараттардан бөлек қабылдаған жөн.

Басқа дәрілік препараттарды қабылдаудан 2 сағат бұрын немесе қабылдағаннан кейін Рэникзонды қабылдау ұсынылады: гистамин рецепторларының Н2-блокаторлары, атенололол, метопролол, пропранолол, хлорохин, циклиндер, дифлунизал, дигоксин, дифосфонаттар, фексофенадин, темір (тұздар), фторхинолондар, натрий фториді, глюкокортикостероидтар (преднизолон және дексаметазон үшін сипатталған), индометацин, кайексалат, кетоконазол, фенотиазин қатарындағы нейролептиктер, пенициллиамин, фосфаттар, тироксин, ацетилсалицил қышқылы, ион алмасу шайырлары, жүрек гликозидтері, эстрамустин, этамбутол, изониазид, линкозанидтер, лансопразол, стронций.

Тиазидті диуретиктермен қабылдағанда сақ болу керек: кальцийдің несеппен бірге шығуының төмендеуіне байланысты гиперкальциемияның жоғары даму қаупі туындайды.

Несепті сілтілендіру есебінен салицилаттардың бүйрек арқылы шығуы артады.

Басқа дәрілік препараттарды қабылдаған жағдайда дәрігермен кеңесу қажет.

Арнайы сақтандырулар

Сахарозаның болуына байланысты Рэникзон препараты фруктоза жақпаушылығы, глюкоза мен галактоза сіңуінің бұзылуы, сахараза-изомальтаза жеткіліксіздігі бар пациенттерге ұсынылмайды.

Егер 10 күндік емдеуден кейін бұзылулар сақталса немесе олар өршіген жағдайда, себептерін анықтау және емдеу тәсілін қайта қарау үшін тексеру жүргізу қажет.

Рэникзонды 10 күннен артық курстармен қолданбаған жөн: жағымсыз әсерлер тиазидті диуретиктермен бірге қабылдағанда немесе сүт немесе сүт өнімдерінің көп мөлшерін қабылдайтын пациенттерде, әсіресе ұзақ емдегенде жиі байқалды.

Жоғары дозаларды ұзақ уақыт қолдану, әсіресе бүйрек функциясының жеткіліксіздігі бар пациенттерде бүйрек тарапынан болатын асқынуларға байланысты гиперкальциемия, гипермагниемия және Бернетт синдромы сияқты жағымсыз әсерлерді туындатуы мүмкін.

Препаратты қабылдағанда көп мөлшерде сүт пен сүт өнімдерін қабылдамау керек.

Препаратты ұзақ уақыт қолдану бүйрек тастарының пайда болу қаупін арттыруы мүмкін.

Күніне 4-8 таблеткадан артық қабылдаған жағдайда, бұл емдеу қысқа мерзімді болуы керек, симптомдар жоғалғаннан кейін жалғаспауы керек және күніне 11 таблеткадан аспауы керек.

Рэникзон препаратының бір таблеткасында 475 мг сахароза бар, ол қант диабеті бар науқастарда ескерілуі керек.

Педиатрияда қолданылуы

Рэникзон препаратын тиімділігі мен қауіпсіздігі жөніндегі деректер санының жеткіліксіздігі салдарынан 15 жастан кіші балаларға беруге болмайды.

Жүктілік немесе лактация кезінде

Егер сіз жүкті болсаңыз немесе бала емізетін болсаңыз, жүктімен деп ойласаңыз немесе жүктілікті жоспарлап жүрсеңіз препаратты қолданар алдында дәрігермен кеңесіңіз.

Жүктілік кезінде кальций карбонаты мен магний карбонатын қолданғаннан кейін туа біткен ақаулар қаупінің жоғарылағаны тіркелмеген. Рэникзон таблеткаларын жүктілік кезінде қауіп төндірмей ұсынылған дозада қабылдауға болады, бірақ жоғары дозаларды ұзақ уақыт пайдаланудан сақ болу керек.

Препаратты лактация кезеңінде қолдану жөніндегі нұсқаулар сақталған жағдайда қабылдауға болады.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Дәрілік препараттың көлік құралдарын басқару және механизмдерге қызмет көрсету қабілетіне тигізетін әсері туралы деректер жоқ.

Қолдану жөніндегі нұсқаулар

Дозалау режимі

Бұл препаратты әрдайым медициналық қолдану жөніндегі нұсқаулыққа немесе емдеуші дәрігердің ұсыныстарына сәйкес қабылдаңыз. Күмән туындаған кезде емдеуші дәрігермен кеңесіңіз.

Ересектер мен 15 жастан асқан балалар: бір реттік дозасы – 1-2 таблетка, ауырсыну кезінде күніне 4-тен 8 таблеткаға дейін.

Қатты ауырсыну кезінде дозаны қысқа уақытқа күніне 11 таблеткаға дейін арттыруға болады.

Енгізу әдісі мен жолы

Препарат ішке қабылдауға арналған. Таблетканы шайнауға немесе толығымен сіңгенше ауызда ұстауға болады.

Қабылдау уақытының көрсетілуімен қолдану жиілігі

Рэникзон препаратын тамақтануға қарамастан қабылдауға болады.

Емдеу ұзақтығы

Дәрілік препаратты қабылдау ұзақтығы 10 күннен аспауы керек.

Артық дозалану жағдайында қабылдау қажет болатын шаралар

Көбінесе бүйрек функциясы бұзылған пациенттерде препараттың үлкен дозаларын ұзақ қабылдау бүйрек функциясының жеткіліксіздігін, гипермагниемияны және алкалозды туындатуы мүмкін, бұл асқазан-ішек жолы тарапынан симптомдардың (жүрек айну, құсу, үлкен дәретке отырудың бұзылуы) және бұлшықет әлсіздігін қоздыруы мүмкін. Мұндай жағдайларда препаратты қабылдауды тоқтатып, сұйықтықтың жеткілікті мөлшерін қабылдау керек. Артық дозаланудың ауыр жағдайларында (мысалы, сүт-сілті синдромы) дәрігерге қаралу керек, өйткені су теңгерімін қалпына келтіру үшін қосымша шаралар қабылдау қажет болуы мүмкін.

Емі симптоматикалық.

Егер препаратты қолдану туралы сұрақтар туындаса, емдеуші дәрігеріңізге хабарласыңыз.

Дәрілік препараттың бір немесе бірнеше дозасын өткізіп алу кезіндегі қажетті шаралар

Егер сіз Рэникзон таблеткасын қабылдауды ұмытып кетсеңіз, өткізіп алғаныңыздың орнын толтыру үшін қосарлы дозаны қабылдамаңыз, бірақ нұсқауларға сәйкес емдеуді жалғастырыңыз.

Тоқтату синдромы қаупінің болуына көрсетілім

Егер сіз Рэникзон препаратын ертерек қабылдауды тоқтатсаңыз немесе емдеуді тоқтатсаңыз, онда сізде тағы да симптоматикасы туындауы мүмкін. Дәрігермен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау  керек шаралар

Барлық дәрі-дәрмектер сияқты Рэниксон жағымсыз реакцияларды туындатуы мүмкін, бірақ олар барлығында туындай бермейді.

Иммундық жүйе тарапынан бұзылулар

Аса жоғары сезімталдық реакциялары өте сирек тіркелді. Клиникалық симтомдар бөртпені, есекжемді, ангионевроздық ісінуді және анафилаксияны қамтуы мүмкін.

Зат алмасу және тамақтану тарапынан бұзылулар

Әсіресе бүйрек функциясы бұзылған пациенттерге жоғары дозаларды ұзақ уақыт қолдану асқазан-ішек симптомдары мен бұлшықет әлсіздігін нашарлатуы мүмкін гипермагниемияны, гиперкальциемияны және алколозды туындатуы мүмкін (төмендегілерді қараңыз).

Асқазан-ішек жолы тарапынан бұзылулар

Жүрек айну, құсу, асқазан бұзылысы және диарея.

Қаңқа-бұлшықет жүйесі және дәнекер тін тарапынан бұзылулар

Бұлшықет әлсіздігі.

Сүт-сілті синдромына байланысты болатын жағымсыз әсерлер:

Жүйке жүйесі тарапынан бұзылулар

Агевзия, бас ауыру.

Бүйрек және несеп шығару жолдары тарапынан бұзылулар

Азотемия.

Жалпы бұзылулар мен реакциялар

Кальциноз және астения.

Егер қандай да бір жағымсыз симптомдар, оның ішінде нұсқаулықта сипатталмаған кез келген ықтимал жағымсыз әсерлер туындаса, дәрігерге қаралу керек.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: 680 мг кальций карбонаты,

80 мг негізгі магний карбонаты;

қосымша заттар: сахароза, кальций стеараты, картоп крахмалы, тальк, левоментол.

Сыртқы түрінің, иісінің, дәмінің сипаттамасы

Ойығы бар, ұсақ сұрғылт теңбілдері бар, ақ немесе ақ дерлік түсті, тегіс цилиндр таблеткалар.

Шығарылу түрі және қаптамасы

12 таблеткадан поливинилхлорид үлбірден және алюминий фольгадан жасалған пішінді ұяшықты қаптамада.

2 пішінді ұяшықты қаптамадан медицинада қолданылуы жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

25C-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Экзон» ААҚ

Беларусь Республикасы, 225612, Брест облысы, Дрогичин қ., Ленин к-сі, 202

телефон: +375 1644 3 07 29, +375 1644 3 65 68

факс: +375 1644 3 07 29

е-mail: director@ekzon.by

Тіркеу куәлігінің ұстаушысы

«Экзон» ААҚ

Беларусь Республикасы, 225612, Брест облысы, Дрогичин қ., Ленин к-сі, 202

телефон: +375 1644 3 07 29, +375 1644 3 65 68

факс: +375 1644 3 07 29

е-mail: director@ekzon.by

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«Селмур-Фармация» ЖШС

Заңды мекенжайы: Қазақстан Республикасы, 150000, Петропавл қаласы, Батыр Баян к-сі, 65

Нақты мекенжайы: Қазақстан Республикасы, 050000, Алматы қ., Жібек жолы к-сі, 135/10а

Тел.: 8(727)389-49-40

Электронды пошта: g.bilimbaeva@selmur-pharm.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Селмур-Фармация» ЖШС

Заңды мекенжайы: Қазақстан Республикасы, 150000, Петропавл қаласы, Батыр Баян к-сі, 65

Нақты мекенжайы: Қазақстан Республикасы, 050000, Алматы қ., Жібек жолы к-сі, 135/10а

Тел.: 8(727)389-49-40

Электронды пошта: g.bilimbaeva@selmur-pharm.kz