Ротазар (150 мг)

Ротазар

Ирбесартан

Үлбірлі қабықпен қапталған 75 мг, 150 мг және 300 мг таблеткалар

- эссенциялық артериялық гипертензия (АГ);

- АГ және 2 типті қант диабеті бар ересек пациенттердегі нефропатия (біріктірілген гипотензиялық ем құрамында).

Қолданудың басталуына дейін қажетті мәліметтер тізбесі

- препараттың белсенді затына немесе қосымша заттарының кез келгеніне аса жоғары сезімталдық

- жүктіліктің II және III триместрі

Қант диабеті немесе бүйрек жеткіліксіздігі бар (шумақтық сүзілу жылдамдығы 60 мл/мин/1,73 м2 кем) пациенттерде Ротазар мен құрамында алискирен бар дәрілік препараттарды бір мезгілде қолдану қарсы көрсетілімді.

Қолдану кезіндегі қажетті сақтандыру шаралары

Бүйрек функциясының бұзылуы бар пациенттер

Ротазар бүйрек функциясының бұзылулары бар пациенттерде қолданылғанда қан сарысуындағы калий мен креатинин деңгейлеріне мезгіл-мезгіл мониторинг өткізу ұсынылады.

Басқа дәрілік препараттармен өзара әрекеттесуі

Диуретиктер және басқа гипотензиялық дәрілік заттар

Ирбесартан басқа гипотензиялық дәрілік заттармен бір мезгілде қолданылғанда гипотензиялық әсері күшеюі мүмкін. Ирбесартанның β-блокаторлармен, ұзақ әсер ететін кальций өзекшелерінің блокаторларымен және тиазидтік диуретиктермен біріктірілген емі қауіпсіз болып табылады. Ротазармен емнің басында жоғары дозаларда диуретиктермен алдыңғы емдеу аясында айналымдағы қан көлемі азаюы мүмкін, сондай-ақ артериялық гипотензияның даму қаупі бар.

Құрамында алискирен бар препараттар және АӨФ тежегіштері

Клиникалық зерттеулер деректері АӨФ тежегіштерін, АРБ немесе алискиренді біріктіріп қолданудың (РААЖ қосарлы блокадасы), РААЖ әсер ететін дәрілік заттар монотерапиясымен салыстырғанда, артериялық гипотензия, гиперкалиемия және бүйрек функциясының төмендеуі (жедел бүйрек жеткіліксіздігін қоса) сияқты жағымсыз реакциялардың өте жоғары туындау жиілігімен байланысты екенін айғақтайды.

Құрамында калий бар препараттар және калий жинақтаушы диуретиктер

РААЖ әсер ететін препараттарды клиникалық қолдану тәжірибесі Ротазар

калий жинақтаушы диуретиктермен, құрамында калий бар препараттармен және электролиттік ерітінділермен немесе қан сарысуында калий деңгейін арттыруға қабілетті басқа дәрілік заттармен (мысалы, гепарин) бір мезгілде пайдаланылғанда қан сарысуында калий концентрациясының артуы мүмкін екенін айғақтайды. Осындай біріктірілімдерді қолдану ұсынылмайды.

Литий препараттары

АӨФ тежегіштерін литий препараттарымен бір мезгілде қолданғанда қан плазмасында литий концентрациясының қайтымды артуы және оның уытты әсері туралы хабарланды. Осындай әсерлер литий препараттарын ирбесартанмен біріктіріп қолданғанда өте сирек білінді. Ротазарды литий препараттарымен бірге пайдалану ұсынылмайды. Осындай біріктірілімдерді пайдалану қажет болса, қан плазмасында литий деңгейін мұқият бақылап отыру керек.

Қабынуға қарсы стероидты емес дәрілер (ҚҚСД)

ҚҚСД (мысалы, 2 типті циклооксигеназаның селективті тежегіштері, ацетилсалицил қышқылы (3 г/ тәуліктен көп) және селективті емес ҚҚСД) бір мезгілде пайдаланылғанда АРБ гипотензиялық әсері төмендеуі мүмкін.

АӨФ тежегіштерімен болған жағдайдағы сияқты, АРБ және ҚҚСД біріктіріліп қолданылғанда, жедел бүйрек жеткіліксіздігінің даму мүмкіндігін қоса, бүйрек функциясы бұзылуларының туындау қаупі артуы мүмкін, сонымен қатар, әсіресе, бүйрек функциясының бұзылулары бұрыннан бар пациенттерде қан сарысуында калий концентрациясы жоғарылауы мүмкін. Осындай біріктірілімдерді, әсіресе, егде жастағы пациенттерде абайлап пайдалану керек. Осындай біріктірілген ем алатын пациенттерде емдеудің бастапқы сатысында және кейіннен емдеу үдерісінде бүйрек функциясын бақылап отыру керек, сондай-ақ пациенттер жеткілікті мөлшерде сұйықтық ішуі тиіс.

Ирбесартанның өзара әрекеттесулері туралы қосымша ақпарат

Клиникалық зерттеулерде гидрохлоротиазид ирбесартан фармакокинетикасына әсер етпеді. Ирбесартан көбінесе CYP2C9 арқылы метаболизденеді және аз дәрежеде глюкурондануға ұшырайды. Ирбесартан мен варфарин (CYP2C9 арқылы метаболизденетін дәрілік зат) бір мезгілде қолданылғанда елеулі фармакокинетикалық немесе фармакодинамикалық өзара әрекеттесулері болмады. Рифампицин сияқты CYP2C9 индукторларының ирбесартан фармакокинетикасына әсері зерттелмеді. Дигоксин фармакокинетикасы оны ирбесартанмен бір мезгілде қолданғанда өзгермеді.

Арнайы сақтандырулар

Гиповолемия

Диуретиктермен қарқынды емдеу, тұз тұтынуды шектеу, диарея немесе құсу салдарынан гиповолемия және/немесе гипонатриемия дамитын пациенттерде, әсіресе, бірінші дозаны қабылдаудан кейін симптоматикалық гипотензия білінуі мүмкін.

Ротазармен емді бастамас бұрын жоғарыда атап көрсетілген жай-күйлер тиісті үлгіде түзетілуі тиіс.

Реноваскулярлық АГ

Бүйрек артерияларының екі жақты стенозы немесе жалғыз жұмыс істейтін бүйрегінің бүйректік артерия стенозы бар пациенттерде ренин-ангиотензин-альдостерон жүйесіне (РААЖ) әсер ететін препараттарды пайдаланғанда ауыр артериялық гипотензия мен бүйрек жеткіліксіздігінің даму қаупі артады. Ротазар қолданылғанда осындай жағымсыз реакциялардың құжатпен расталған даму жағдайлары аталмаса да, ангиотензин II рецепторларының блокаторларын (АРБ) пайдалану кезінде осындай реакциялар туындауы мүмкін.

Бүйрек трансплантациясы

Таяуда бүйрек трансплантациясы жасалған пациенттерде препаратты клиникалық пайдалану тәжірибесі жоқ.

АГ, 2 типті қант диабеті және бүйрек аурулары бар пациенттер

Бүйрек және жүрек-қантамыр жүйесі функцияларының бұзылулары үдеуінің баяулауымен білінетін препараттың жағымды әсері зерттеулерге қатысатын бүйрек жеткіліксіздігінің кешірек сатысында пациенттердің әртүрлі қосалқы топтарында әртүрлі айқындылық дәрежесінде болды.

Дәрілік заттың аз білінетін оң әсері әйелдерде және еуропалық нәсілге жатпайтын пациенттерде байқалды.

РААЖ қосарлы блокадасы

Ангиотензин өзгертуші фермент (АӨФ) тежегіштері, АРБ немесе алискирен бір мезгілде қабылданғанда артериялық гипотензияның, гиперкалиемияның туындау және бүйрек функциясының төмендеу (жедел бүйрек жеткіліксіздігін қоса) қаупінің артуы туралы деректер бар. Сол себепті АӨФ тежегіштерін, АРБ немесе алискиренді біріктіріп қолдану кезінде РААЖ қосарлы блокадасы ұсынылмайды. РААЖ қосарлы блокадасы абсолютті қажет болып саналатын жағдайларда пациентті тиісті медициналық бақылаумен қамтамасыз ету және бүйрек функциясына, қандағы электролиттер мен АҚ деңгейлеріне жүйелі мұқият мониторинг өткізу керек. Диабеттік нефропатиясы бар пациенттерде бір мезгілде АӨФ тежегіштерін және АРБ пайдалануға болмайды.

Гиперкалиемия

РААЖ әсер ететін басқа препараттарды қолдану кезіндегі сияқты Ротазар пайдаланылғанда, әсіресе, бүйрек функциясының бұзылулары, бүйректің диабеттік ауруы салдарынан болатын айқын протеинуриясы және/немесе жүрек жеткіліксіздігі бар пациенттерде гиперкалиемия дамуы мүмкін. Қауіп тобындағы пациенттерде қан сарысуындағы калий концентрациясына жүйелі мониторинг өткізу ұсынылады.

Литий препараттары

Ротазар мен литий препараттарын бірге пайдалану ұсынылмайды.

Қолқа және митральді клапан стенозы, гипертрофиялық обструкциялық кардиомиопатия

Басқа вазодилататорлар сияқты, Ротазар қолқа немесе митральді клапан стенозы немесе обструкциялық гипертрофиялық кардиомиопатиясы бар пациенттерде ерекше сақтықпен пайдаланылу керек.

Бастапқы гиперальдостеронизм

Бастапқы гиперальдостеронизм бар пациенттер, әдетте, әсер ету механизмі РААЖ тежелісімен байланысты гипотензиялық дәрілік заттармен жүргізілетін емге жауап бермейді. Сондықтан Ротазар бастапқы гиперальдостеронизм бар пациенттерде қолдануға ұсынылмайды.

Жалпы нұсқаулар

Тамырлар тонусы және бүйрек функциясы көбінесе РААЖ белсенділігіне тәуелді болатын пациенттерде (мысалы, ауыр іркілісті жүрек жеткіліксіздігі немесе бүйрек артерияларының стенозын қоса, бүйрек аурулары бар пациенттер) осы жүйеге әсер ететін АРБ немесе АӨФ тежегіштерімен ем кезінде: жедел артериялық гипотензия, азотемия, олигурия және сирек жағдайларда жедел бүйрек жеткіліксіздігі білінді. Басқа гипотензиялық дәрілік заттарды пайдалану кезіндегідей, ишемиялық кардиопатия немесе ишемиялық жүрек-қан тамырлары аурулары бар пациенттерде АҚ едәуір төмендегенде миокард инфарктісі немесе инсульт дамуы мүмкін.

Ықтималды түрде, қара нәсілді пациенттерде, АӨФ тежегіштері сияқты, ирбесартан және басқа АРБ тиімділігі аз, бұл қандағы ренин деңгейі төмен пациенттердің осы қауымындағы басымдылық себебінен болуы мүмкін.

Балалар

Ирбесартанды 6-16 жастағы балаларда қолдану кезіндегі клиникалық зерттеулерден алынған деректер балаларда дәрілік затты кеңінен пайдалану үшін жеткіліксіз; қосымша деректер талап етіледі.

Қосымша заттар

Ротазар құрамында лактоза бар, сондықтан галактозаға төзімсіздігі, лактазалық жеткіліксіздігі немесе глюкоза-галактоза мальабсорбциясы сипатталатын сирек тұқым қуалайтын аурулары бар пациенттерге дәрілік препаратты қабылдауға болмайды.

Ротазардың бір таблеткасында кемінде 1 ммоль натрий (23 мг) бар, яғни «құрамында натрий жоқ» дерлік.

Жүктілік немесе лактация кезінде

Жүктілік кезеңінде АРБ емін бастауға болмайды. Жүкті болуды жоспарлайтын пациент әйелдер қауіпсіздік бейіні белгілі басқа фармакологиялық кластардағы баламалы гипотензиялық дәрілік заттармен емге ауыстырылуы тиіс. Жүктілік ирбесартанмен емделу кезінде анықталса, оны қабылдау дереу тоқтатылу керек, қажет болғанда баламалы гипотензиялық дәрілік заттармен емдеуді бастау керек.

Лактация кезеңінде препаратты пайдалану деректері болмағандықтан, Ротазар емшекпен емізу кезеңіндегі әйелдерде қолдануға ұсынылмайды. Қауіпсіздік бейіні белгілі баламалы гипотензиялық дәрілік заттарды, әсіресе, жаңа туған нәрестелерді немесе шала туған балаларды емшекпен қоректендіру кезінде пайдаланған дұрыс.

Препараттың көлік құралын немесе қауіптілігі зор механизмдерді басқару қаблетіне әсер ету ерекшеліктері

Фармакодинамикалық қасиеттерін назарға ала отырып, ирбесартанның автокөлік жүргізу және механизмдерді басқару қабілетіне әсер ету ықтималдығы аз. Дегенмен де, автокөлікті немесе механизмдерді басқару кезінде Ротазармен емделіп жүрген пациенттер бас айналу немесе шаршау туындау қаупін ескеру керек.

Қолдану жөніндегі нұсқаулар

Дозалау режимі

Ұсынылған бастапқы және демеуші доза тәулігіне 1 рет 150 мг ирбесартан құрайды. Дәрілік затты көрсетілген дозада қолдану, әдетте, 75 мг дозаға қарағанда, артериялық қысымның (АҚ) 24 сағаттық үздік бақылануын қамтамасыз етеді. Алайда кейбір жағдайларда, әсіресе, гемодиализде жүрген пациенттерде және 75 жастан асқан пациенттерде емдеудің басында ирбесартан 75 мг дозада пайдаланылу керек.

Ирбесартан тәулігіне 1 рет 150 мг дозада пайдаланылғанда талапқа сай АҚ бақылауы қамтамасыз етілмейтін пациенттерде дәрілік зат дозасын 300 мг дейін арттыру немесе емдеу сызбасында басқа гипотензиялық дәрілік зат қосымша қамтылу керек. Сонымен, емдеу сызбасына диуретик, мысалы, гидрохлоротиазид қосылғанда дәрілік заттардың аддитивті әсері білінеді.

АГ және 2 типті қант диабеті бар пациенттерде емді тәулігіне 1 рет 150 мг дозада ирбесартан пайдаланудан бастау және дәрілік зат дозасын тәулігіне 1 рет 300 мг (нефропатия кезіндегі ұтымды демеуші доза) дейін біртіндеп арттыру керек. АГ және 2 типті қант диабеті бар пациенттерде ирбесартанды бүйрек функциясына қатысты пайдаланудың артықшылықтары мақсатты АҚ жету үшін, қажет болғанда, ирбесартан басқа гипотензиялық дәрілермен қосымша пайдаланылған клиникалық зерттеулерде көріністелді.

Пациенттердің ерекше топтары

Бүйрек функциясының бұзылулары бар пациенттер

Бүйрек функциясының бұзылулары бар пациенттерде ирбесартан дозасын түзету қажет емес. Гемодиализде жүрген пациенттерде төменірек бастапқы дозасын (75 мг ирбесартан) пайдалану қажет.

Бауыр функциясының бұзылулары бар пациенттер

Ауырлығы жеңіл және орташа дәрежедегі бауыр функциясының бұзылулары бар пациенттерде ирбесартан дозасын түзету қажет емес. Бауыр функциясының ауыр бұзылулары бар пациенттерде дәрілік затты клиникалық қолдану тәжірибесі жоқ.

Егде жастағы пациенттер

Егде жастағы пациенттерде, әдетте, ирбесартан дозасын түзету қажет емес. Дегенмен де, 75 жастан асқан пациенттерде төменірек бастапқы дозаны (75 мг ирбесартан) пайдалану керек.

Балалар

Балалар мен 18 жасқа дейінгі жасөспірімдерде Ротазарды қолдану қауіпсіздігі мен тиімділігі анықталмады.

Қолдану тәсілі

Таблеткалар ас ішуге байланыссыз ішке қабылданады.

Артық дозалану жағдайында қабылдау қажет болатын шаралар

Ересектерде 8 апта бойы тәулігіне 900 мг дейінгі дозаларда қолданғанда ирбесартанның уытты әсері білінбеді. Дәрілік заттың артық дозалануының ең ықтимал белгілері артериялық гипотензия және тахикардия болуы мүмкін, сондай-ақ брадикардия дамуы мүмкін. Ирбесартанның артық дозалануын емдеуге қатысты арнаулы ақпарат жоқ. Артық дозалану жағдайында пациентті мұқият қадағалаумен қамтамасыз ету және симптоматикалық әрі демеуші ем жүргізу қажет; емдеуде құстыру және/немесе асқазанды шаю қамтылуы мүмкін, белсендірілген көмір қолдану мақсатқа сай болады. Ирбесартан организмнен гемодиализ арқылы шығарылмайды.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз реакциялардың жиілік параметрлері келесі үлгіде белгіленеді: өте жиі (≥ 1/10); жиі (≥ 1/100, бірақ < 1/10); жиі емес (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз+ (қолда бар деректер бойынша бағалау мүмкін емес).

Қан және лимфа жүйесі тарапынан: жиілігі белгісіз - тромбоцитопения.

Иммундық жүйе тарапынан: жиілігі белгісіз - ангионевроздық ісіну, бөртпе, есекжем, анафилаксиялық реакция, анафилаксиялық шок сияқты аса жоғары сезімталдық реакциялары.

Зат алмасу және тамақтану тарапынан: жиілігі белгісіз - гиперкалиемия.

Жүйке жүйесі тарапынан: жиі - бас айналу, ортостаздық бас айналу*; жиілігі белгісіз - вертиго, бас ауыру.

Есту мүшесі тарапынан және құлақ иірінің бұзылулары: жиілігі белгісіз -құлақтағы шу.

Жүрек тарапынан: жиі емес - тахикардия.

Тамырлар тарапынан: жиі - ортостаздық гипотензия*; жиі емес - қан кернеулер.

Тыныс алу жүйесі, кеуде қуысы және көкірек ортасы ағзалары тарапынан: жиі емес - жөтел.

Асқазан-ішек жолы тарапынан: жиі - жүрек айну/құсу; жиі емес - диарея, диспепсия/қыжыл; жиілігі белгісіз - дисгевзия.

Бауыр және өт шығару жолдары тарапынан: жиі емес - сарғаю; жиілігі белгісіз - гепатит, бауырдың функционалдық көрсеткіштері тарапынан бұзылулар.

Тері және тері асты тіндері тарапынан: жиілігі белгісіз - лейкоцитокластық васкулит.

Қаңқа-бұлшықет және дәнекер тін тарапынан: жиі - қаңқа-бұлшықет ауруы*; жиілігі белгісіз - артралгия, миалгия (кейбір жағдайларда қан плазмасында креатинкиназа деңгейінің жоғарылауымен), бұлшықеттердің түйілуі.

Бүйрек және несеп шығару жолдары тарапынан: жиілігі белгісіз - бүйрек функциясының бұзылулары, қауіп тобының пациенттерінде бүйрек жеткіліксіздігінің даму жағдайларын қоса.

Жыныс мүшелері және сүт безі тарапынан: жиі емес - сексуалдық дисфункция.

Жалпы бұзылыстар және енгізген жердегі бұзылулар: жиі - шаршау; жиі -кеуде қуысындағы ауырсыну.

Зертханалық және аспаптық зерттеулер нәтижелеріне әсері: өте жиі - гиперкалиемия*,# (плацебо алған пациенттерге қарағанда, ирбесартан қабылдаған қант диабеті бар пациенттерде жиірек тіркелді); жиі - қан плазмасында креатинкиназа деңгейінің едәуір жоғарылауы (ирбесартан қабылдаған пациенттердің 1,7%-да; бірде-бір жағдайда қаңқа-бұлшықет тіні тарапынан бұзылулардың клиникалық симптомдары білінбеді), қандағы гемоглобин деңгейінің төмендеуі* (ирбесартан қабылдаған АГ және үдемелі диабеттік бүйрек ауруы бар пациенттердің 1,7%-да; клиникалық мәнді емес).

# Қант диабеті және микроальбуминуриямен АГ бар және бүйрек функциясы қалыпты пациенттерде гиперкалиемия (қандағы калий концентрациясы 5,5 мЭкв/л және одан көп) 300 мг дозада ирбесартанмен ем кезінде жағдайлардың 29,4%-да және плацебо қолдану кезінде жағдайлардың 22%-да тіркелді. Қант диабеті және айқын протеинуриямен және созылмалы бүйрек жеткіліксіздігімен АГ бар пациенттерде гиперкалиемия (қандағы калий концентрациясы 5,5 мЭкв/л және одан көп) ирбесартанмен ем кезінде жағдайлардың 46,3%-да және плацебо қолдану кезінде жағдайлардың 26,3%-да тіркелді.

Балалар

Рандомизацияланған клиникалық зерттеуде үш апталық салыстырмалы жасырын фаза барысында 6-16 жас шамасындағы АГ бар 318 бала мен жасөспірімде мына жағымсыз реакциялар: бас ауыру (7,9%), артериялық гипотензия (2,2%), бас айналу (1,9%), жөтел (0,9%) аталды. Осы зерттеудің ашық фазасында (ұзақтығы 26 апта) қан плазмасында креатинин концентрациясының (6,5%) және креатинкиназа деңгейінің (ем қабылдаған балалардың 2%-да) артуы сияқты зертханалық көрсеткіштердің өзгерістері жиірек тіркелді.

Күтілетін дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетка құрамында

Белсенді зат: 75 мг, 150 мг және 300 мг ирбесартан

Қосымша заттар: натрий кроскармеллозасы, лактоза моногидраты, микрокристалды целлюлоза, ішінара желатинделген жүгері крахмалы 1500, магний стеараты, полоксамер 188, сусыз коллоидты кремнийдің қостотығы,

Үлбірлі қабық құрамы: опадрай® II ақ 85F18422 (поливинил спирті, полиэтиленгликоль 3350, титанның қостотығы (Е171), тальк).

Сыртқы түрінің, иісінің, дәмінің сипаттамасы

Сопақша пішінді, екі жақ беті дөңес, ақ түсті үлбірлі қабықпен қапталған таблеткалар.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 14 таблеткадан салады.

Пішінді ұяшықты 2 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Уорлд Медицин Илач Сан. ве Тидж. А.Ш.», Түркия

Багджылар Илчеси, Гюнешли, Эврен Махаллеси, Джами Йолу Джад. № 50 К. 1В Земин 4-5-6, Стамбул/ Түркия.

Тел.: +90 (212) 474 7050

Факс: +90 (212) 474 09 01

e-mail: info@worldmedicine.com.tr

«Ротафарм Илачлары Лимитед Ширкети», ТҮРКИЯ

15 Теммуз Мах.,Джами Йолу Джад № 50, Кат.2, Багджылар, Стамбул, Түркия

Tel: +90 (212) 474 7050

e-mail:info@rotapharm.com

Қазақстан Республикасы аумағында тұтынушылардан дәрілік зат туралы шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«TROKA-S PHARMA» ЖШС, Алматы қ., Сүйінбай к-сі 222 Б

Тел./факс: 8 (7272) 529090

Қазақстан Республикасы аумағында тұтынушылардан дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«TROKA-S PHARMA» ЖШС, Алматы, Сүйінбай д-лы, 222 Б

Ұялы тел.: +7 701 786 33 98

Электронды пошта: pvpharma@worldmedicine.kz