Проктоверин
Инструкция
-
русский
-
қазақша
Саудалық атауы
Проктоверин
Халықаралық патенттелмеген атауы
жоқ
Дәрілік түрі, дозасы
Ректальді суппозиторийлер
Фармакотерапиялық тобы
Жүрек-қантамыр жүйесі. Вазопротекторлар. Біріктірілімде жергілікті қолдану үшін анальді сызаттарды емдеуге арналған басқа да дәрілер. Басқа да препараттар және олардың біріктірілімдері.
АТХ коды: С05АХ03
Қолданылуы
Қолдануға болмайтын жағдайлар
- әсер етуші заттарға немесе қосымша заттардың кез келгеніне аса жоғары сезімталдық;
- анамнездегі басқа жергілікті анестетиктерге аллергиялық реакциялар;
- 18 жасқа дейінгі балалар мен жасөспірімдер;
- 75 жастан асқан (гипертермияның даму қаупі);
- жүктілік;
- лактация кезеңі;
- атриовентрикулярлық блокада, жүрек жеткіліксіздігі, миокард инфарктісі (жедел және жақында өткерген), брадикардия, тромбоэмболия (оның ішінде бұрын өткерген);
- бассүйекішілік гипертензия;
- глаукома;
- бауыр функциясының ауыр бұзылулары;
- бүйрек функциясының ауыр бұзылулары;
- тыныс алу жүйесінің ауыр бұзылулары, тыныс алудың бәсеңдеуі;
- қуықасты безінің гиперплазиясы;
- онкологиялық аурулар;
- ішектің қабыну аурулары, аноректальді аймақтағы жыланкөз, парапроктит, порталдық гипертензия, анус, жуан немесе тік ішек аймағындағы кез келген басқа патологиялық жағдай.
Артқы өтістен қан аралас бөліністер кезінде, жағдайдың нашарлауы немесе 7 күн ішінде әсері болмаған кезде, препарат қолдануды тоқтатып, дәрігер кеңесіне жүгінген жөн. Егер қысқа мерзімді емнен кейін геморрой симптомдары жойылмаса, проктологиялық зерттеу жүргізу және емдеу тактикасын қайта қарау қажет.
Құрамында бензокаин бар дәрілік заттарды қолданған кезде метгемоглобинемияның (тері, ерін, тырнақ пластиналарының цианозы, бас ауыруы, бас айналу, тахикардия, жалпы әлсіздік, тыныс алудың бұзылуы) дамуы туралы хабарламалар алынды, бұл өлімге әкелуі мүмкін және шұғыл медициналық көмекті қажет етеді. Метгемоглобинемияның даму қаупі жас балаларда, қарттарда, тұқым қуалайтын бұзылулары бар (глюкоза-6-фосфодиэстераза, пируваткиназа, NADH-метгемоглобинредуктаза ферменттерінің жеткіліксіздігі), жүрек аурулары, тыныс алу жолдарының аурулары (бронх демікпесі, бронхит, өкпе эмфиземасы) пациенттерде, темекі шегу жағдайында жоғары.
Егде және әлсіреген пациенттерде, бассүйек-ми жарақаты, бүйрек үсті безі функциясының жеткіліксіздігі, гипотиреоз, қуық асты безінің гиперплазиясы, қарыншалық тахикардиясы бар пациенттерде сақтықпен қолдану керек.
Препаратты ұзақ уақыт қолданғанда қан көрсеткіштерін бақылау қажет.
Емдеу кезеңінде алкоголь тұтынбаған дұрыс.
Басқа дәрілік заттармен өзара әрекеттесу
Басқа дәрілік препараттармен өзара әрекеттесуіне зерттеулер жүргізілген жоқ.
Холинэстераза тежегіштері бензокаиннің метаболизмін тежейді. Бензокаин сульфаниламидтердің микробқа қарсы белсенділігін төмендетеді.
Цетилпиридиний сабындармен және басқа анионды сурфактанттармен үйлеспейді.
Папаверин гидрохлориді бір мезгілде қолданғанда алкогольдің әсерін күшейтеді, метилдопаның гипотензивті әсерін әлсіретеді, леводопаның паркинсонға қарсы әсерін төмендетуі, кальций өзекшелері блокаторлары мен ОЖЖ тежейтін препараттардың әсерін күшейтуі мүмкін, морфинмен үйлесімде синергизм танытады. Никотин папаверин гидрохлоридінің вазодилатациялық әсерін азайтуға немесе толығымен жоюға қабілетті. Аритмияға қарсы және гипертензияға қарсы препараттармен бірге қолданған кезде гипотензивті әсері күшеюі мүмкін. Метамизол (анальгин), дифенгидрамин (димедрол), диклофенак папаверин гидрохлоридінің спазмолитикалық әсерін күшейтеді. Β-адренергиялық дәрілермен бірге тағайындауға болмайды (аритмия қаупі). Папавериннің әсері наркоз, ауыруды басатын, тыныштандыратын және транквилизациялаушы заттар арқылы күшейеді. Трициклді антидепрессанттармен, прокаинамидпен, резерпинмен, хинидинмен бірге қолданғанда жүрек гликозидтерімен папавериннің гипотензивті әсері күшеюі мүмкін, жүрек гликозидтерімен-тамырлардың жалпы шеткері кедергісінің төмендеуі салдарынан миокардтың жиырылу функциясының айқын күшеюі байқалады. Фурадонинмен бірге қолданғанда гепатиттің дамуы туралы деректер бар.
Арнайы ескертулер
Педиатрияда қолдану
Препаратты 18 жасқа дейінгі балалар мен жасөспірімдерге қолдануға болмайды.
Жүктілік немесе лактация кезінде қолдану
Жүкті және бала емізетін әйелдерде дәрілік затқа клиникалық зерттеулер жүргізілмеген.
Препаратты жүктілік кезінде және бала емізу кезеңінде қолдануға болмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Автокөлік жүргізу және механизмдерді басқару кезінде папаверин гидрохлоридінің жағымсыз реакцияларының, мысалы ұйқышылдық пен бас айналудың даму мүмкіндігіне байланысты сақ болу қажет.
Қолдану бойынша ұсынымдар
Емдеу курсының ұзақтығын емдеуші дәрігер анықтайды.
Ұзақ уақыт бойы пайдалануға болмайды. Ең жоғары емдік әсерін алу үшін препаратты дефекациядан кейін қолдану ұсынылады.
Дозалау режимі
Тәулігіне 2 рет 1 суппозиторийден жедел клиникалық симптомдар жойылғанға дейін. Клиникалық көрініс жақсарғаннан кейін олар тәулігіне 1 рет 1 суппозиторийді енгізуге көшеді.
Енгізу әдісі мен жолы
Препарат гигиеналық процедуралардан кейін қолданылады. Артқы өтіс айналасындағы теріні алдын ала жылы сумен жуыңыз немесе ылғалданған жұмсақ шүберекпен тазалаңыз, дәретхана қағазымен немесе жұмсақ матамен абайлап құрғатыңыз. Суппозиторийді енгізер алдында одан қорғаныс пластикалық қабығын алып тастау керек. Препарат тік ішекке енгізіледі.
Емдеу ұзақтығы
Емдеу ұзақтығын емдеуші дәрігер анықтайды.
Артық дозалану жағдайында қабылдануы қажет шаралар
Проктоверинді емдеуші дәрігердің ұсынымдарына сәйкес немесе препаратқа қосымша парақта көрсетілген дозаларда қолданыңыз.
Симптомдары
Ұсынылған дозалардан едәуір асып кеткен жағдайда гиперкоагуляцияға бейімділік, көрудің бұзылуы (диплопия), әлсіздік, ұйқышылдық, бас айналу, тахикардия, гипотония, жүрек ырғағының бұзылуы, атриовентрикулярлық блокаданың дамуы, тыныс алудың салдануы, ішек атониясы, несеп шығарудың қиындауы байқалуы мүмкін. Артық дозаланғанда бензокаиннің жүйелі сіңірілуі жағдайында бұзылыстардың дамуы мүмкін: ұйқышылдық, мазасыздық, қозу, ауыр жағдайларда – құрысулар.
Құрамында бензокаин бар дәрілік заттардың артық дозалануымен метгемоглобинемияның (терінің, еріннің, тырнақ пластиналарының цианозы, бас ауыруы, бас айналу, тахикардия, жалпы әлсіздік, тыныс алудың бұзылуы) даму қаупі артады, бұл өлімге әкелуі мүмкін және шұғыл медициналық көмекті қажет етеді. Аталған симптомдар пайда болған жағдайда дереу аурухананың қабылдау бөліміне жүгіну қажет.
Шұғыл ем-шаралар
Емдеу симптоматикалық.
Препаратты кездейсоқ жұтып қойған жағдайда асқазанды шаю және энтеросорбенттерді қабылдау көрсетіледі.
Артық дозалану симптомдары пайда болған жағдайда дәрілік заттар қолдануды тоқтатып, дәрігерге қаралу қажет.
Дәрілік препараттың бір немесе бірнеше дозасын өткізіп алған кезде қажетті шаралар
Өткізіп алған дозаның орнын толтыру үшін қосарлы дозаны қабылдамаңыз.
Препаратты қолдану туралы мәселелер болған жағдайда емдеуші дәрігерге немесе дәріхана қызметкеріне хабарласыңыз.
ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар
Барлық дәрілік препараттар сияқты, Проктоверин препараты жағымсыз реакцияларды туындатуы мүмкін, алайда олар барлығында бола бермейді.
Препаратты қабылдау кезінде келесі жағымсыз реакциялар пайда болуы мүмкін:
Жиі емес:
Аллергиялық реакциялар – жергілікті қышыну, ісіну, есекжем, бөртпе; артқы өтістегі қышыну, ашыту;
Сирек:
Жүрек айнуы, құсу, іш қату, диарея, бауыр трансаминазалары белсенділігінің жоғарылауы, ауыздың құрғауы; тахикардия, гипотензия, жүрек ырғағының бұзылуы, АV-блокада; бас айналу, бас ауыруы, ұйқышылдық, әлсіздік, енжарлық, зейін қоюдың бұзылуы; беттің қызаруы;
Жиілігі белгісіз (қолда бар деректер негізінде анықтау мүмкін емес)
Метгемоглобинемия (тері, ерін, тырнақ пластиналарының цианозы, бас ауыруы, бас айналу, тахикардия, жалпы әлсіздік, тыныс алудың бұзылуы), эозинофилия; көру қабілетінің бұзылуы (диплопия); жанаспалы дерматит, артқы өтістегі жансыздану сезімі; терлеудің жоғарылауы.
Жағымсыз дәрілік реакциялар пайда болған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларын қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгінуге болады
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz
Қосымша мәліметтер
Дәрілік препараттың құрамы
1 суппозиторий құрамында
белсенді заттар: бензокаин – 150 мг, папаверин гидрохлориді – 20 мг, декспантенол – 50 мг, цетилпиридиний хлориді – 2 мг.
қосымша заттар: сусыз коллоидты кремнийдің қостотығы, макрогол цетостеарил эфирі, қатты май.
Сыртқы түрінің, иісінің, дәмінің сипаттамасы
Пішіні торпеда тәрізді ақтан ақшыл сары түске дейінгі суппозиторийлер. Түсінің ақтан ақшыл сарыға дейін біртекті боялмауына және шұңғыма тәрізді ойылудың болуына жол беріледі.
Шығарылу түрі және қаптамасы
5 суппозиторийден ПВХ/ПЭ полимерлі материалдарынан жасалған пішінді ұяшықты қаптамада. 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
2 жыл.
Жарамдылық мерзімі өткеннен кейін қолдануға болмайды.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
6.7 Дәріханалардан босатылу шарттары
Дәрігердің рецептісінсіз.
Өндіруші туралы мәліметтер
«Рубикон» ЖШҚ, Беларусь Республикасы, 210002, Витебск қ., М. Горький к-сі, 62 Б, тел/факс: +375 (212) 36-37-06, тел: +375 (212) 36-47-77, www.rubikon.by, e-mail: secretar@rubikon.by
Тіркеу куәлігінің ұстаушысы
«Рубикон» ЖШҚ, Беларусь Республикасы, 210002, Витебск қ., М. Горький к-сі, 62 Б, тел/факс: +375 (212) 36-37-06, тел: +375 (212) 36-47-77, www.rubikon.by, e-mail: secretar@rubikon.by
Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Рубикон» ЖШҚ Қазақстан Республикасындағы өкілдігі, Қазақстан Республикасы, Алматы қ., Егізбаев к-сі, 7 үй, 9 корп., 174 кеңсе, тел.+7 702 61 21 999, Е-mail: rubikon.fn@mail.ru