Поласим (5/100 мг)
Инструкция
-
русский
-
қазақша
Саудалық атауы
Поласим
Халықаралық патенттелмеген атауы
Жоқ
Дәрілік түрі
Үлбірлі қабықпен қапталған 5/50 мг және 5/100 мг таблеткалар
Құрамы
Бір таблетканың құрамында
белсенді заттар: 50 мг немесе 100 мг калий лозартаны,
5.00 мг амлодипин (7.84 мг амлодипин камсилаты түрінде)
қосымша заттар: бутилденген гидрокситолуол, натрий крахмалының гликоляты, микрокристалды целлюлоза, D-маннитол, повидон (К-30), кросповидон (Коллидон CL), магний стеараты.
Үлбірлі қабықтың құрамы: гипромеллоза 2910, гидроксипропилцеллюлоза (ГПЦ-L), титанның қос тотығы (Е 171), тальк, темірдің (III) сары тотығы (Е 172), темірдің (III) қызыл тотығы (Е 172).
Сипаттамасы
Ақтан ақ дерлік түске дейінгі үлбірлі қабықпен қапталған, бір жақ бетінде «АТ1» өрнегі бар, ұзынша пішінді таблеткалар (5/50 мг доза).
Қызғылттан қызғылт дерлік түске дейінгі үлбірлі қабықпен қапталған, бір жақ бетінде «АТ2» өрнегі бар ұзынша пішінді таблеткалар (5/100 мг доза).
Фармакотерапиялық тобы
Кальций өзектерінің блокаторларымен біріктірілген ангиотензин II антагонистері.
АТХ коды С09DВ06
Фармакологиялық қасиеттері
Фармакокинетикасы
Калий лозартаны
Ішке қабылдағаннан кейін лозартан АІЖ-ден тез сіңіріледі. Биожетімділігі 33%-ға жуықты құрайды. Бауыр арқылы «алғаш өту» кезінде метаболизденіп, карбоксильді метаболит түзеді, ол лозартанға және белсенді емес бірқатар метаболиттерге қарағанда өте айқын фармакологиялық белсенділікке ие. Лозартан және белсенді метаболит қан плазмасында Cmax мәніне, сәйкесінше, 1 сағаттан және 3-4 сағаттан кейін жетеді. Плазма ақуыздарымен лозартанның және белсенді метаболиттің байланысуы жоғары – 98%-дан көбірек.
Ақырғы фазада лозартанның және белсенді метаболиттің T1/2 мәндері, сәйкесінше, 1.5‑2.5 сағатты және 3-9 сағатты құрайды. Лозартан несеппен және нәжіспен бірге (өтпен бірге) өзгермеген күйінде және метаболиттер түрінде шығарылады. 35%-ға жуығы несеппен және 60%-ға жуығы нәжіспен шығарылады.
Амлодипин
Ішке қабылдаған кезде АІЖ-ден баяу және толық дерлік сіңіріледі, қан плазмасында Cmax мәніне 6-9 сағат ішінде жетеді. Ақуыздармен байланысуы 95-98% құрайды. Бауыр арқылы алғаш өткен кезде ең төмен метаболизмге және баяу, бірақ елеулі бауыр метаболизміне ұшырап, фармакологиялық белсенділігі мардымсыз метаболиттер түзеді.
T1/2 орта есеппен 35 сағатты құрайды және артериялық гипертензияда орта есеппен 48 сағатқа дейін, егде жастағы пациенттерде 65 сағатқа дейін және бауыр функциясының бұзылуларында 60 сағатқа дейін артуы мүмкін. Негізінен метаболиттер түрінде: 59-62% – бүйрек арқылы, 20-25% – ішек арқылы шығарылады.
Фармакодинамикасы
Поласим – біріктірілген препарат, гипотензиялық әсер береді. Құрамында калий лозартаны – ангиотензин II рецепторларының антагонисі (AT1 қосалқы тобы) және амлодипин – ІІ класты кальций өзекшелерінің селективтік блокаторлары бар. Бұл дәрілік зат лозартанмен немесе амлодипинмен монотерапия тиімділігінің жеткіліксіздігінде эссенциальді гипертензиясы бар пациенттерге тағайындалады.
Калий лозартаны
Гипертензияға қарсы дәрі.
Ангиотензин II рецепторларының пептидтік емес блокаторы болып табылады. AT1 типті рецепторларға жоғары селективтілігі және ұқсастығы бар (оның қатысуымен ангиотензин II-нің негізгі әсерлері іске қосылады). Аталған рецепторларды бөгей отырып, лозартан ангиотензин II-нің қантамырларды тарылтатын әсерін, оның альдостерон секрециясына бүйрек үсті бездерімен стимуляциялайтын ықпалын және ангиотензина II-нің біршама кейбір әсерлерін болдырмайды және басады.
Әсерінің ұзақтығымен (24 сағат және одан көбірек) сипатталады, ол оның белсенді метаболитінің түзілуімен жүзеге асады.
Амлодипин
II класты кальций өзектерінің селективтік блокаторы. Гипертензияға қарсы әсері қантамырлардың тегіс бұлшықеттерін тікелей босаңсытатын әсерімен жүзеге асады. Амлодипиннің антиангинальді әсері оның шеткергі артериолдарды кеңейту қабілетімен байланысты деп шамаланады; бұл ЖШТК азаюына әкеледі, рефлекторлы тахикардия мұндайда туындамайды. Нәтижесінде миокардқа оттегі қажеттілігі және жүрек бұлшықетінің қуатты қажетсінуі төмендейді. Бір жағынан алғанда, амлодипин миокардтың интактілі де, сонымен қатар ишемияланған аймағында да ірі калибрлі коронарлық артериялардың және коронарлық артериолдардың кеңеюін туындатады. Бұл коронарлық артериялардың түйілулерінде оттегінің миокардқа түсуін қамтамасыз етеді.
Қолданылуы
- монотерапия тиімсіз болғанда эссенциальді гипертензияны емдеуде
Қолдану тәсілі және дозалары
Тек бір амлодипинді (немесе дигидропиридин туындыларынан кальций өзектерінің басқа блокаторлары) немесе тек бір лозартанды (немесе ангиотензин II рецепторларының басқа блокаторлары) қолданғанда артериялық қысым талапқа сай бақылауға келмейтін пациенттер Поласим препаратымен біріктіріп емдеу еміне ауыстырылуы мүмкін.
Осы препараттың ұсынылатын дозасы – күніне бір таблетка. Препарат тамақтануға қарамай-ақ қабылданады. Препаратты сумен қабылдаған жөн. Препаратты белгілі бір уақытта (мысалы, таңертең) қабылдау ұсынылады.
Препаратты қолданар алдында жеке компоненттері (яғни амлодипин және лозартанмен) бар дозаны титрлеу ұсынылады. Жеке компоненттермен монотерапиямен артериялық қысымды талапқа сай бақылау мүмкін болмаған кезде, осы препаратқа тікелей ауысуды келесі жағдайларда қарастыруға болады:
- 5 мг/50 мг: артериялық қысымы 5 мг амлодипинмен немесе 50 мг лозартанмен бөлек талапқа сай бақылауға келмейтін пациенттер үшін.
- 5 мг/100 мг: артериялық қысымы 5 мг амлодипинмен немесе 100 мг лозартанмен бөлек талапқа сай бақылауға келмейтін пациенттер үшін.
Бүйрек функциясының жеткіліксіздігі бар пациенттер
Бүйрек функциясының жеңіл немесе орташа дәрежедегі жеткіліксіздігі бар (мысалы, креатинин клиренсі: минутына 20 ~ 50 мл) пациенттерде дозаны түзету қажет емес. Бұл препарат бүйрек функциясының орташадан ауыр дәрежеге дейінгі жеткіліксіздігі бар (мыс., креатинин клиренсі: < 20 мл/минут) пациенттерге және диализде жүрген пациенттерге қолдануға ұсынылмайды.
Қантамырішілік гиповолемиясы бар пациенттер
Бұл препарат қантамырішілік гиповолемиясы бар пациенттерге (мыс., диуретиктерің жоғары дозаларын қабылдайтын пациенттерге) ұсынылмайды.
Бауыр функциясының жеткіліксіздігі бар пациенттер
Сыртартқысында бауыр функциясының жеткіліксіздігі бар пациенттер үшін бұл препарат, егер лозартанның дозасын (мыс., күніне 25 мг-ге) азайту қажет болса, бұл препарат ұсынылмайды.
Егде жастағы пациенттер
Бұл препарат 75 жастағы немесе одан үлкен егде жастағы пациенттерде бастапқы ем үшін ұсынылмайды, өйткені лозартанның ұсынылатын бастапқы дозасы – күніне 25 мг.
Жағымсыз әсері
Жағымсыз реакциялар пайда болу жиілігі бойынша былайша жіктелген: өте жиі (≥1/10); жиі (≥1/100, <1/10); жиі емес (≥1/1,000, <1/100); сирек (≥1/10,000, <1/1,000); өте сирек (<1/10,000).
Жиі
- бас айналу, бас ауыру
Жиі емес
- ұйқышылдық, астения
- кеудеде жайсыздық, кеуденің ауыруы, тез қанығу сезімі, ісіну, басқан кезде шұңқыр пайда болатын ісіну
- іште жайсыздық, диспепсия, құсу, рефлюксті эзофагит
- жайылған қышыну, жайылған уртикарлы бөртпе
- жүрек қағуының жиілеуі
- қан кернеулер, ортостатикалық гипотензия
- диспноэ
- вертиго
- несеп шығарудың жиілеуі* Зерттеушілер клиникалық зерттеулер барысында жағымсыз құбылыстарды зерттелетін препаратты қабылдаумен байланысты болуы белгілі / ықтимал / мүмкін деп есептейді.
Лозартан
Жиі
- бас айналу
- гиперкалиемия, аланинаминотрансфераза (АЛТ) белсенділігінің жоғарылауы
- анемия
- бүйрек функциясының бұзылуы, бүйрек жеткіліксіздігі
- гипотензия, ортостатикалық түрін қоса
- қандағы мочевина деңгейінің, қан сарысуында креатинин деңгейінің және қан сарысуында калий деңгейінің жоғарылауы
- гипогликемия
Жиі емес
- бас ауыру
- ұйқышылдық, ұйқының бұзылыстары
- пальпитация, тахикардия, стенокардия
- симптоматикалық гипотензия, дозаға тәуелді ортостатикалық әсер
- абдоминальді ауыру, тұрақты іш қату, диарея, диспепсия, жүректің айнуы, құсу
- астения, әлсіздік, ісінулер/ісінушілік, кеуде қуысындағы ауыру
- арқаның ауыруы, бұлшықет түйілулері
- жөтел, мұрынның бітелуі, фарингит, қуыстарының аурулары, жоғарғы тыныс жолдарының инфекциялары
- диспноэ
- бөртпе, есекжем, қышыну
Сирек
- парестезиялар
- синкопе, жүрекшелердің фибрилляциясы, инсульт
Постмаркетингтік бақылаулар
Белгісіз
- анемия, тромбоцитопения
- құлақтың шуылдауы
- анафилактикалық реакциялар, тыныс жолдарының обструкциясын туындататын көмей мен жұтқыншақты қамтыған ангионевроздық ісіну, және/немесе беттің, еріннің, жұтқыншақтың және/немесе тілдің ісінуі. Осы пациенттердің кейбіреулерінің сыртартқысында АӨФ тежегіштерін қабылдаған кезде ангионевроздық ісіну көріністері бар болды
- васкулит, Шенлейн-Генох пурпурасын қоса
- дімкәстік
- бауыр функциясының бұзылуы
- фотосезімталдық, эритродермия.
- миалгиялар, артралгиялар, рабдомиолиз
- эректильді дисфункция, импотенция
- депрессия
- гипонатриемия
Сирек
- гепатиттер
Амлодипин
Жалпы алғанда, амлодипинмен емдеудің жағымдылығы жақсы болды. Клиникалық зерттеулерде гипертензиясы бар пациенттердегі өте жиі мәлімделген, жоғарыда айтылмаған жағымсыз құбылыстар мыналар болды:
- бас ауыру, бас айналу, қатты қажу, ұйқышылдық
- жүректің айнуы, абдоминальді ауыру
Жиі емес
- АҚ шамадан тыс төмендеуі, ортостатикалық гипотензия, васкулит
- дімкәстік, естен тану, астения, гипестезия, парестезиялар, шеткергі нейропатия, тремор, ұйқысыздық, эмоциональді құбылмалылық, әдеттен тыс түс көрулер, күйгелектік, депрессия, үрейлену
- құсу, дефекация режимінің өзгеруі (соның ішінде іш қату, метеоризм), диспепсия, диарея, анорексия, ауыз қуысының шырышты қабығының құрғауы, шөлдеу
- поллакиурия, несеп шығару қысылуындағы ауыру, никтурия, импотенция
- артралгия, бұлшықеттің құрысулары, миалгия, арқаның ауыруы, артроз
- ентігу, ринит
- терінің қышуы, бөртпе
- алопеция, құлақтың шуылдауы, гинекомастия, сексуальді функцияның бұзылуы, дене салмағының жоғарылауы/төмендеуі, көрудің бұзылуы, диплопия, аккомодацияның бұзылуы, ксерофтальмия, конъюнктивит, көздің ауыруы, дәмнің бұзылуы, қалтырау, мұрыннан қан кету, қатты терлеу
Сирек
- жүрек жеткіліксіздігінің дамуы немесе өршуі
- құрысулар, апатия, ажитация
- қызылиектің гиперплазиясы, тәбеттің жоғарылауы
- миастения
- дерматит
Өте сирек
- ырғақтың бұзылулары (брадикардия, қарыншалық тахикардия, қарынщалық экстрасистолия, жүрекшенің жыпылықтауы жән дірілдеуі) миокард инфарктісі, кеуде қуысының ауыруы, бас сақинасы, бетке қан тебулер
- атаксия, амнезия, сананың шатасуы
- гастрит, панкреатит, гипербилирубинемия, сарғаю (әдетте холестаздық), «бауыр» трансаминазалар белсенділігінің жоғарылауы, гепатит
- тромбоцитопениялық пурпура, лейкопения, тромбоцитопения
- дизурия, полиурия
- жөтел
- ангионевроздық ісіну, мультиформалы эритема, есекжем
Тағы басқалар: жабысқан салқын тер, паросмия, тері пигментациясының бұзылуы, гипергликемия.
Қолдануға болмайтын жағдайлар
- белсенді субстанцияға және қосымша заттардың кез келгеніне жоғары сезімталдық
- бауыр функциясының ауыр бұзылулары, билиарлы цирроз және холестаз
- анурия, бүйрек функциясының ауыр бұзылулары (креатинин клиренсі <30 мл/мин)
- ауыр артериялық гипотензия (систолалық артериялық қысым 90 мм.с.б.-ден кем.)
- жүктілік және лактация кезеңі
- 18 жасқа дейінгі балалар мен жасөспірімдер
- шок (кардиогендік шокты қоса).
Сақтықпен
- қантамырішілік гиповолемиясы бар пациенттер (яғни диуретикалық препараттарды қолданып жүрген пациенттер)
- қатаң тұзсыз диетадағы пациенттер
- гиперкалиемия
Дәрілермен өзара әрекеттесуі
Поласимнің қан қысымын төмендететін әсері гипертензияға қарсы басқа дәрілермен күшеюі мүмкін. Сондықтан дәрілік заттарды қатар қолдану жөнінде шешімді абайлап қабылдаған жөн.
Жеке амлодипинмен және лозартанмен мәлімделген дәрілік өзара әрекеттесу төменде берілген.
Амлодипин
Амлодипин тиазидтік диуретиктермен, альфа-блокаторлармен, АӨФ тежегіштерімен, ұзақ әсерлі нитраттармен, сублингвальді нитроглицеринмен, қабынуға қарсы стероидты емес дәрілермен, антибиотиктермен және пероральді гипогликемиялық препараттармен қауіпсіз қолданылды.
Плазма бойынша in vitro деректер амлодипин дигоксиннің, фенитоиннің, варфариннің және индометациннің ақуыздармен байланысуына ықпалын тигізбейтіндігін айтады.
Амлодипин таблеткаларының әсеріне басқа агенттердің ықпалы:
● Циметидин: Амлодипинді циметидинмен бірге қолдану амлодипиннің фармакокинетикасын өзгерткен жоқ.
● Грейпфрут шырыны: 240 мл грейпфрут шырынын 10 мг амлодипиннің бір реттік пероральді дозасымен бірге қабылдау амлодипиннің фармакокинетикасына ықпалын тигізген жоқ.
●Алюминий/магний (антацид): Алюминий/магний антацидін амлодипиннің бір реттік дозасымен бірге қолдану амлодипиннің фармакокинетикасына елеулі ықпалын тигізген жоқ.
● Силденафил: 100 мг силденафилдң бір реттік дозасы эссенциальді гипертензиямен сынақта жүрген адамдарда амлодипиннің фармакокинетикалық параметрлеріне ықпалын тигзген жоқ. Амлодипин мен силденафилді біріктіріп қабылдағанда әрбір заттың өзі қан қысымын бір-біріне байланыссыз төмендететін әсер танытты.
Амлодипин таблеткаларының басқа агенттердің әсеріне ықпалы:
● Аторвастатин: 10 мг амлодипиннің көп реттік дозасын 80 мг аторвастатинмен бірге қабылдау тұрақты жағдайда аторвастатиннің фармакокинетикалық параметрлерінің елеулі өзгеруіне әкелген жоқ.
● Дигоксин: Амлодипинді дигоксинмен бірге қолдану дені сау еріктілерде сарысудағы дигоксин деңгейін немесе дигоксиннің бүйректік клиренсін өзгерткен жоқ.
● Этанол (спирт): 10 мг амлодипиннің бір реттік және көп реттік дозалары этанолдың фармакокинетикасына елеулі ықпалын тигізген жоқ.
● Варфарин: Амлодипинді варфаринмен бірге қабылдау варфарин себеп болатын протромбинді уақытты өзгерткен жоқ.
● Циклоспорин: Фармакокинетикалық зерттеулерде циклоспоринді амлодипинді бірге қолдану циклоспориннің фармакокинетикасын айтарлықтай өзгерткен жоқ.
Лозартан
Клиникалық фармакокинетикалық зерттеулерде гидрохлоротиазидпен, дигоксинмен, варфаринмен, циметидинмен және фенобарбиталмен елеулі дәрілік өзара әрекеттесулер байқалған жоқ. Рифампин, препарат метаболизмінің индукторы, лозартанның және оның белсенді метаболитінің концентрацияларын төмендетті. Адамда P450 3A4 тежегішінің екеуі зерттелді. Лозартанды көктамыр ішіне енгізген кезде кетоконазол препараттың белсенді метаболитке айналуына ықпал еткен жоқ, және эритромицин де пероральді түрде қабылдағанда клиникалық тұрғыдан маңызды ықпалын тигізген жоқ. Флюконазол, P450 2C9 тежегіші, белсенді метаболиттің концентрациясын төмендетті және лозартанның концентрациясын жоғарылатты. Лозартанның P450 2C9 тежегіштерімен фармакодинамикалық өзара әрекеттесуі зерттелген жоқ. Осы препаратты метаболиздендірмейтін сынақтағы адамдарда P450 2C9 цитохромының өте сирек кемістігі анықталды. Бұл деректер препаратты оның белсенді метаболитіне айналдыратын негізгі ферменттің P450 3A4 емес, ол P450 2C9 екендігін айтады.
Ангиотензин II немесе оның әсерін бөгейтін басқа препараттардағы сияқты, калийді босатып шығаратын диуретиктермен (мыс., спиринолактон, триамтерен, амилорид), калий тағамдық қоспаларымен немесе құрамында калий бар тұз алмастырғыштармен бірге қолдану сарысуда калий деңгейінің жоғарылауына әкелуі мүмкін.
Циклооксигеназа-2 (ЦОГ-2 тежегіштері) селективті тежегіштерін қоса, қабынуға қарсы стероидты емес препараттарды (ҚҚСП) қолданып жүрген пациенттерде ангиотензин II рецепторларының лозартан сияқты антагонистерімен бірге қолдану бүйрек функциясының әрі қарай нашарлауына әкеп соғуы мүмкін. Бұл әсер әдетте қайтымды. Селективті ЦОГ-2 тежегіштерін қоса, ҚҚСП ангиотензин II рецепторларының лозартан сияқты антагонистерінің әсерін әлсіретуі мүмкін. Бұл өзара әрекеттесу ЦОГ-2 селективті тежегіштерін қоса, ҚҚСП-ті ангиотензин II рецепторларының антагонистерімен бірге қабылдап жүрген пациенттерде қарастырылуы тиіс.
Айрықша нұсқаулар
Натрий тапшы болатын және/немесе АҚК (айналымдағы қан көлемі) азайған пациенттер
Асқынбаған гипертензиясы бар пациенттерде шамадан тыс гипотензия байқалды. Белсенділендірілген ренин-ангиотензин-альдостерон жүйесі бар (диуретиктерді жоғары дозаларда қабылдап жүрген пациенттерде АҚК және/немесе тұз тапшы болуы сияқты жағдайларда), ангиотензинді рецепторлардың блокаторларын қабылдап жүрген пациенттерде симптоматикалық артериялық гипотензия дамуы мүмкін. Осы жағдайларды Поласимді тағайындағанға дейін түзету немесе емнің бас кезінде мұқият медициналық бақылау жүргізу ұсынылады. Егер Поласимді қабылдаған кезде гипотензия байқалса, онда пациентті жатқызып, қажет болғанда физиологиялық ерітіндімен көктамырішілік инфузия тағайындаған жөн. Емдеуді артериялық қысым тұрақтанған кезге дейін жалғастыру керек.
Гиперкалиемия
Құрамында калий бар биологиялық тұрғыдан белсенді қоспалармен, калий жинақтайтын диуретиктермен, құрамында калий бар тұз алмастырғыштармен, немесе қанда калий концентрациясын арттыратын басқа да препараттармен (мысалы, гепаринмен) бір мезгілде қолданғанда сақтық қажет және қандағы калий концентрациясын жиі анықтау керек.
Бауыр функциясының бұзылулары
Поласимді бауыр аурулары және өт жолдарының обструктивтік аурулары бар пациенттерге тағайындағанда аса сақтық танытқан жөн.
Бүйрек функциясының бұзылулары
Бүйрек функциясының жеңілден орташа дәрежеге дейінгі бұзылулары бар пациенттерде Поласимнің дозасын түзету қажет емес.
Аортальді және митральді клапандардың стенозы, обструктивті гипертрофиялық кардиомиопатия
Аортальді немесе митральді стеноздан, немесе обструктивті гипертрофиялық кардиомиопатиядан зардап шегіп жүрген пациенттерде аса сақтық керек..
Жүктілік және лактация кезеңінде дәрілік заттың колданылуы
Ренин-ангиотензин жүйесіне әсер ететін препараттарды жүкті әйелдерге қолданғанда жатырішілік және неонатальі патологияны, тіпті өлімді туындатуы мүмкін. Жүктіліктің басталғаны айғақталған жағдайда препарат қабылдауды дереу тоқтатқан жөн.
Ренин-ангиотензин жүйесіне тікелей әсер ететін препаратарды жүктіліктің екінші және үшінші триместрлерінде қолдану жатырішілік және неонатальді патологиямен, сондай-ақ туа бітті кемістіктерің дамуымен астасты.
Сирек жағдайларда (жүкті әйелдердің әрбір мыңына шаққанда біреу болуы мүмкін) ангиотензин II рецепторларының антагонисіне балама табу мүмкін емес. Мұндай жағдайларда әйелдерге ұрық үшін потенциальді қаупі жөнінде алдын ала ескертілуі тиіс, және интраамниондық кеңістіктің жағдайына баға беру үшін ультрадыбыстық зерттеу сериялары жүргізілуі тиіс. Олигогидрамнион анықталған жағдайда Поласим, егер ол ананың өмірін құтқара алады деп саналмаса, тоқтатылуы тиіс. Контрактильді стрестік тест (КСТ), стрестік емес тест (СЕТ) немесе ұрықтың биофизикалық бейіні (ҰББ) жүктіліктің аптасына байланысты қажет болуы мүмкін. Пациент пен дәрігерлер олигогидрамнионның ұрық қайтымсыз зақымдануды бастан кешкеннен кейін ғана басталуы мүмкін екендігінен хабардар болуы тиіс. Ангиотензин II рецепторларының антагонистерінің in utero әсерінің тарихы бар нәрестелер гипотензияға, олигурияға және гиперкалиемияға қатысты қалтқысыз бақылануы тиіс. Олигурия басталған кезде қан қысымын және бүйректік перфузияны демеуге көңіл бөлген жөн. Алмастырып құю немесе диализ гипотензияны жою үшін және/немесе бұзылған бүйрек функциясын алмастыру үшін қажет болуы мүмкін.
Амлодипиннің және/немесе лозартанның адамда сүтпен бірге бөлініп шығатыны-шықпайтыны белгісіз болғанмен, амлодипиннің және/немесе лозартанның белсенді метаболиті жануарлардың сүтінен елеулі деңгейде табылды. Сондықтан бала емізетін әйелдердің бұл препаратты қолдануына болмайды.
Автокөлікті немесе басқа да қауіпті механизмдерді басқару қабілетіне дәрілік заттың ықпал ету ерекшеліктері
Гипотониялық әсеріне байланысты бас айналу басталуы мүмкін. Пациенттер механизмдерді басқармағаны және қимыл-қозғалыстың жоғары үйлесімділігін және реакция шапшаңдығын қажет ететін қызметпен айналыспағаны жөн, бұл (мыс., автомобильді басқару немесе биік жерде жұмыс жасау) осы препаратты қабылдағанда қауіп төндіруі мүмкін.
Артық дозалануы
Симптомдары
Бас айналумен білінетін айқын гипотензия, сондай-ақ ұлғая түсетін шеткергі вазодилатация және рефлекторлы тахикардия.
Шокқа және өліммен аяқталуға ұласатын елеулі және әсері потенциальді түрде ұзаратын жүйелік гипотензия жөнінде мәлімделді.
Емі
Егер препарат жуық арада қабылданған болса, құстыру немесе асқазанды шаю керек. Қабылдағаннан кейін бірден немесе 2 сағат ішінде белсендірілген көмірді пайдаланған кезде Поласимнің сіңуі едәуір төмендейді.
Поласимнің артық дозалануынан туындаған клиникалық тұрғыдан маңызды артериялық гипотензия жүрек және тыныс алу функцияларын үнемі бақылауды қоса, жүрек-қантамыр жүйесінің жағдайын белсенді түрде демеуді, аяқ-қолды жоғары көтеруді және айналымдағы қан көлеміне және несеп шығаруға көңіл бөлуді қажет етеді. Қантамырлық тонусты және артериялық қысымды қалпына келтіру үшін, қарсы көрсетілімдерінің жоқтығын ескерсек, вазоконстриктор пайдалы болуы мүмкін. Кальций өзектерінің блокадасын қайтару үшін кальций глюконатын көктамыр ішіне енгізу мақсатқа сай болуы мүмкін.
Шығарылу түрі және қаптамасы
Үлбірлі қабықпен қапталған 5/50 мг немесе 5/100 мг таблеткалар.
Пішінді ұяшықты алюминий/алюминий (салқын қалыпқа салынған ОПА/Ал/ПВХ үлбір және герметизациялайтын алюминий үлбір) қаптамада 10 таблеткадан.
Пішінді ұяшықты 3 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
30°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші ұйымның атауы және елі
Ханми Фарм Ко. Лтд, 893-5, Хаджео-ри, Палтан-мён, Хвасёнг-си, Гёнгги-до, 445-913, Оңтүстік Корея
Тіркеу куәлігі иесінің атауы және елі
Химфарм АҚ, Қазақстан Республикасы
Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын ұйымның мекенжайы
«Химфарм» АҚ, Шымкент қ., Қазақстан Республикасы,
Рашидов к-сі, 81
Телефон нөмірі 7252 (561342)
Факс нөмірі 7252 (561342)
Электронды поштасы infomed@santo.kz