Перилакс

Перилакс

Натрий пикосульфаты

Ішуге арналған тамшылар, 7.5 мг/мл

1 құтының ішінде:

Белсенді зат: натрий пикосульфаты 225.0 мг.

Қосымша заттар: кристалданбайтын сорбитол ерітіндісі, пропиленгликоль, тазартылған су.

Мөлдір, түссіз немесе сарғыштау түсті, аздап тұтқыр сұйықтық.

Іш жүргізетін дәрілер. Жанаспалы іш жүргізетіндер. Натрий пикосульфаты.

АТХ коды A06AB08

Фармокологиялық қасиеттері

Фармакокинетикасы

Натрий пикосульфатын пероральді қабылдаудан кейін жуан ішекке түседі, бұл ретте оның абсорбциясы жоғары емес, бұл ішек пен бауырда заттың айналымын болдырмайды. Бактериялық ыдырау нәтижесінде жуан ішекте белсенді түрі – бис-(р-гидрокс фенил)-пиридил-2- метан түзіледі. Осының салдарынан препарат әсері белсенді заттың препараттан босатылу жылдамдығына қарамастан 6-12 сағаттан соң басталады. Пероральді қабылдаудан кейін препараттың тек аз бөлігі ғана жүйелі қан ағысына түседі. Қан плазмасындағы белсенді заттың іш жүргізетін әсері мен концентрациясы арасындағы өзара байланыс жоқ.

Фармакодинамикасы

Натрий пикосульфаты, Перилакс препаратының белсенді ингредиенті, жанаспалы әсер ететін триарилметанды іш жүргізетін дәрілер тобына жатады, олар гидролизден кейін жуан ішектегі ішек микроорганизмдерінің әсерімен тікелей ішек қабырғасының жүйке құрылымдарын қоздырады және жуан ішек саңылауындағы су мен электролиттердің жинақталуына әкеледі. Осының нәтижесінде ішек ішіндегісінің қозғалысы жылдамдайды және нәжіс жұмсарады.

- іш қатуы және дәреттің жеңілдеуін керек ететін аурулар кезінде қысқа уақыт қолдану үшін.

1 мл құрамында 7.5 мг натрий пикосульфаты (= 24 тамшы) бар.

Ересектерге: тәулігіне 16-32 тамшы (5-10 мг натрий пикосульфатына сәйкес).

10 жастан асқан балалар: тәулігіне 16-32 тамшы (5-10 мг натрий пикосульфатына сәйкес).

4-10 жастағы балалар: тәулігіне 8-16 тамшы (2,5-5 мг натрий пикосульфатына сәйкес).

Дәрілік затты қабылдауды ең төмен жеткілікті дозадан бастау ұсынылады. Дозаның қажетті әсеріне жету үшін ең жоғары ұсынылатын дозаға дейін арттыруға болады. Ең жоғары ұсынылатын дозадан арттыруға болмайды.

Препаратты тәулігіне 1 рет қабылдау керек.

Келесі күні таңертең ішектің босауын қамтамасыз ету үшін, препаратты түнге қарай, ұйықтар алдында қабылдаған дұрыс.

Дәрілік заттың кезекті дозасын өткізіп алғанда, келесі дозаны өткізіп алған доза туралы ұмытып, белгіленген кесте бойынша қабылдау керек. Өткізіп алғанның орнын толтыру мақсатында екі еселенген дозаны қабылдауға жол берілмейді!

Жағымсыз әсерлер

Жағымсыз реакциялардың туындау жиілігі келесідей көрсетілген: өте жиі (≥1/10); жиі (≥1/100 <1/10 дейін); жиі емес (≥1/1000 <1/100 дейін); сирек (≥1/10000 <1/1000 дейін); өте сирек (<1/10000) немесе белгісіз (қолда бар деректер негізінде бағалануы мүмкін емес).

Иммундық жүйе тарапынан

Белгісіз: аллергиялық реакциялар (оның ішінде тері реакциялары және терінің және/немесе шырышты қабықтың ісінуі (ангионевроздық ісіну), мысалы, бет және жұтқыншақ аймағында, тыныс алудың қиындауы мүмкін).

Жүйке жүйесі тарапынан

Жиі емес: бас айналуы.

Белгісіз: естен тану.

Қолда бар ақпарат бұл дімкәстік дәрет кезіндегі қиналудың салдары немесе құрсақ қуысының ауыруына жүрек-қантамыр жүйесінің реакциясы болып табылатынын растайды.

Асқазан-ішек жолы тарапынан

Өте жиі: диарея.

Жиі: метеоризм, абдоминальді ауыру немесе абдоминальді шаншулар.

Жиі емес: жүрек айнуы және құсу.

- натрий пикосульфатына, триарилметан туындыларына немесе препараттың басқа компоненттеріне жоғары сезімталдық.

- ішектегі массалар өтуінің бұзылуымен ішек саңылауының тарылуы, ішек бітелуі, жедел абдоминальді жағдайлар (мысалы, аппендицит).

- асқазан-ішек жолының жедел қабыну аурулары.

- жүрек айнуымен және құсумен қатар жүретін жедел абдоминальді ауыру, өйткені бұл симптомдар жоғарыда көрсетілген жедел аурулардың белгілері болуы мүмкін.

- су-электролиттік теңгерімнің бұзылуымен байланысты аурулар кезінде (мысалы, ауыр бүйрек жеткіліксіздігі), дәрілік затты дәрігердің қадағалауымен ғана қолдануға болады.

- сирек тұқым қуалайтын фруктоза жақпаушылығы аурулары

- 4 жасқа дейінгі балалар.

- ауыр сусыздану.

Әсер ету ауқымы кең антибиотиктер ішек микрофлорасына ықпал ете отырып Перилакс тиімділігін төмендетеді.

Перилакс диуретиктермен немесе кортикостероидтармен бір уақытта қолданғанда электролиттік бұзылыстар туындауының мүмкіндігі жоғарылайды.

Перилакс үлкен дозаларда қабылдау аясында туындайтын электролиттік теңгерімсіздік жүрек гликозидтері жағымдылығының нашарлауына әкелуі мүмкін.

Сүт және антацидтер іш жүргізетін дәрінің әсерін өзгертуі мүмкін: іш жүргізетін дәріні қабылдаудан бұрын кемінде бір сағат аралық қалдыру қажет.

Іш жүргізетін дәрілер бір уақытта қабылданатын басқа пероральді дәрілік заттардың сіңірілуін төмендетуі мүмкін. Іш жүргізетін дәрілер мен басқа дәрілік заттарды бір уақытта қабылдау ұсынылмаған. Дәрілік затты қабылдаудан кейін іш жүргізетін дәріні қабылдаудан бұрын кемінде 2 сағат аралық күту қажет.

Перилакс пероральді антикоагулянттар қолданудың әсерін күшейтуі және глюкозаға төзімділікті өзгертуі мүмкін.

Барлық іш жүргізетін дәрілер сияқты, Перилакс 5 күннен астам мерзімде күнделікті қолдану керек емес. Препаратты ұзақ немесе артық тағайындау организмдегі сұйықтық пен электролиттер теңгерімінің бұзылуына және гипокалиемияға әкелуі мүмкін.

Перилакс ұзақ қабылдаған пациенттерде бас айналуы және/немесе естен тану жағдайлары байқалған. Алайда мұндай жағдайлар бойынша қолда бар ақпарат естен тану жағдайлары дәрет кезіндегі қиналудан немесе іштегі ауыруға вазовагальді жауаптан болуы мүмкін және үнемі натрий пикосульфатын қабылдаумен байланысты емес екенін растады.

Іш жүргізетін дәрілерді шамадан тыс қолдану (жиі және/немесе ұзақ немесе шамадан тыс дозаларда қолдану) судың, минералды тұздардың (әсіресе калий) және басқа да қажетті қоректі заттардың жойылуымен жалғасатын созылмалы диарея туындатуы мүмкін. Ауыр жағдайларда сусызданудың немесе гипокалиемияның дамуы мүмкін, бұл, әсіресе жүрек гликозидтерін, диуретиктерді немесе кортикостероидтарды қатар қабылдау кезінде жүрек немесе жүйке-бұлшықет аурулары жұмысының бұзылуына әкелуі мүмкін. Іш жүргізетін дәрілерді, әсіресе жанаспалы әсер ету механизмімен дәрілерді шамадан тыс қолдану тәуелділік (және сәйкесінше, дозаны біртіндеп арттыру қажеттілігін негіздеуі), созылмалы іш қату және ішектің қалыпты функциясының бұзылуы (ішек атониясы) туындауы мүмкін.

Созылмалы немесе қайталанатын іш қатуларды емдеу диагноз қою үшін әрқашан дәрігердің кеңесін, дәрілік заттар тағайындауды және емдеу уақытында қадағалауды талап етеді.

Дәрігердің кеңесі сондай-ақ дәрет жиілігінің өзгерістері және екі аптадан астам созылған басқа да сипаттамалары кезінде және іш жүргізетін дәрілерді қолданудың әсері болмаған жағдайда қажет.

Егде жастағы пациенттерге, қатарлас аурулары бар пациенттерге дәрілік затты қолдануды бастар алдында дәрігермен кеңесу қажет.

Дәрілік заттың құрамында сорбитол бар және тұқым қуалайтын фруктоза жақпаушылығы және бірнеше басқа да қанттар жақпайтын пациенттерге ұсынылмаған. Пациенттердің аталған санатына препарат қолдануды бастар алдында дәрігермен кеңесу керек.

Балаларда қолданылуы

Дәрілік затты 4 жасқа дейінгі балаларға қолдануға болмайды.

4 жастан 10 жасқа дейінгі балаларда дәрілік зат тек дәрігермен кеңескеннен кейін ғана пайдаланылуы мүмкін.

Жүктілік және лактация кезеңі

Препараттың жүкті әйелдер организміне әсер етуіне талапқа сай және жақсы бақыланатын зерттеу жүргізілген жоқ. Алайда жүктілік кезінде препаратты қолданудың көпжылдық тәжірибесі қолайсыз жағдайлары немесе жағымсыз әсерлерін көрсетпеген.

Дегенмен, Перилаксты жүктілік кезінде басқа дәрілік заттар сияқты сақтықпен және медициналық бақылаумен тағайындаған жөн. Препаратты қолдану қажет болғанда ана үшін емнің ықтимал пайдасы және шаранаға төнетін қауіп мүмкіндігін бағалау керек. Клиникалық деректерге сәйкес натрий пикосульфаты да, оның глюкуронидтері де бала емізетін әйелдердің емшек сүтіне енеді, сәйкесінше Перилаксты бала емізу кезінде қолдануға болады. Препараттың адам фертильдігіне әсер етуіне зерттеу жүргізілмеген.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік заттың автокөлікті және механизмдерді басқару қабілетіне ықпалын бағалау бойынша зерттеулер жүргізілмеді. Пациенттер парасимпатикалық қантамырлық реакциялар (мысалы, абдоминальді түйілу) уақытында оларда бас айналуы немесе естен тану туындауы мүмкін екенінен хабардар болуы тиіс. Егер пациенттер абдоминальді түйілу сезінсе, олар автокөлікті және механизмдерді басқару сияқты қызметтің аса қауіпті түрлерінен аулақ болуы тиіс.

Симптомдары

Дәрілік затты үлкен дозаларда қабылдағанда сулы дәрет (іш өтуі), іштің шаншуы және калий мен басқа да электролиттердің клиникалық тұрғыдан маңызды жойылуы байқалуы мүмкін.

Дәрілік затты кәдімгі іш қатуында ұсынылған дозалардан артық дозаларда қабылдағанда жуан ішек шырышының ишемиясы байқалуы мүмкін. Кез келген іш жүргізетін дәрімен болатындай, Перилакс дәрілік заты үлкен дозаларда ұзақ қолданғанда созылмалы іш өтуі, іш ауыруы, гипокалиемия, салдарлы гиперальдостеронизм және бүйректегі тас түзілуін туындатуы мүмкін. Іш жүргізетін дәріні тұрақты және ұзақ тағайындау бүйрек өзекшелерінің зақымдануын, метаболизмдік алкалоз және гипокалемиядан туындаған бұлшықеттегі әлсіздікті туындатады.

Емі

Жедел артық дозалану жағдайында қабылдаудан кейін қысқа уақыт ішінде препарат абсорбциясын құстыру немесе асқазан шаю арқылы төмендетуге немесе алдын алуға болады. Қажет болғанда, сұйықтық жойылуының орнын толтыру және электролиттік теңгерімді қалпына келтіру бойынша шаралар жүргізеді. Кейбір жағдайларда спазмолитикалық дәрілерді қолданудың мәні болуы мүмкін.

Шығарылу түрі және қаптамасы

30 мл алғашқы ашатын сақинасымен/тамшылатқышпен жиынтықта қақпағы бар тамшылатқыш-тығынмен тығындалған полиэтилентерефталаттан жасалған құтыларда немесе бұралатын қақпақпен тығындалған құйылған қоңыр шыныдан жасалған дәрілік заттарға арналған құтыда.

Әрбір құты медициналық қолдану жөніндегі мемлекеттік және орыс тілдерінде бекітілген нұсқаулықпен бірге картон қорапшаға салынады.

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек.

3 жыл. Жарамдылық мерзімі қаптамасында көрсетілген.

Жарамдылық мерзімі өткеннен кейін қолдануға болмайды.

Құтыны ашқаннан кейінгі қолдану кезеңі 6 ай.

Рецептісіз

Өндіруші

«Фармтехнология» ЖШҚ, Беларусь Республикасы, 220024 Минск қ., Корженевский к-сі, 22

тел./факс +375 17 309 44 88, е-mail: ft@ft.by

Сайт: www.ft.by

«Фармтехнология» ЖШҚ, Беларусь Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«КазБелМедФарм» ЖШС

Заңды мекенжайы/нақты мекенжайы:

040923, Алматы облысы, Қарасай ауданы, Райымбек ауылы,

Жастар көшесі, 22.

Телефон/факс нөмірі: +7 (727) 225-59-98, +7 (727) 378-52-74.

Электрондық поштасы: info@kbmf.kz