Патанол®
Инструкция
-
русский
-
қазақша
Саудалық атауы
Патанол®
Халықаралық патенттелмеген атауы
Олопатадин
Дәрілік түрі
0.1% 5мл көз тамшы дәрісі
Құрамы
1мл ерітіндінің құрамында
белсенді зат: 1.11мг олопатадин гидрохлориді (1.0 мг олопатадинге баламалы),
қосымша заттар: бензалконий хлориді, динатрий фосфаты додекагидраты, натрий хлориді, хлорсутек қышқылы және/немесе натрий гидроксиді (pH түзету үшін) және тазартылған су.
Сипаттамасы
Түссізден бозғылт-сары түске дейінгі аздап бозаңданатын немесе мөлдір ерітінді
Фармакотерапиялық тобы
Көз ауруларын емдеуге арналған препараттар. Аллергияға қарсы басқа да препараттар.
АТХ коды S01GX 09
Фармакологиялық қасиеттері
Фармакокинетикасы
Жергілікті қолданылатын олопатадиннің жүйелі сіңуі өте төмен және плазмада < 0,5 нг/мл-ден 1,3 нг/мл-ге дейінді құрайды. Олопатадиннің жартылай шығарылу кезеңі шамамен 8-12 сағатты құрайды, шығарылуы бүйрек арқылы жүреді. Іс жүзінде олопатадиннің барлығы (дозаның 60-70%) белсенді зат түрінде несептен бөлінеді және бүйрек арқылы екі метаболит: монодезметила және N-оксид түрінде төмен концентрацияларда шығарылады.
Олопатадиннің белсенді заты өзгермеген түрде несеппен бөлінетіндіктен, бүйрек қызметінің бұзылуы олопатадиннің фармакокинетикасына өзгеріс енгізеді, осы орайда дені сау ересек адамдардың концентрациясымен салыстырғанда бүйрек жеткіліксіздігі ауыр (креатинин клиренсі 13,0 мл/мин.) науқастарда плазмадағы концентрация шыңы 2,3 есеге жоғары.
Фармакодинамикасы
Патанол® көз тамшы дәрісі Н1–гистаминді рецепторларының селективті тежегіші, аллергияға қарсы/антигистаминді дәрі болып табылады, сондай-ақ жуан жасушалардан қабыну медиаторларының босап шығуын тежейді.
Аллергияға қарсы айқын әсер етеді.
α-Адренергиялық, допаминдік, мускариндік 1 және 2 типті, сондай-ақ серотонинді рецепторларға әсер етпейді.
Қолданылуы
- аллергиялық коньюнктивиттерде
Қолдану тәсілдері және дозасы
Жергілікті.
Зақымданған көздің (көз) төменгі конъюнктивальді қалтасына күніне екі рет 1 тамшыдан тамызады. Патанол® көз тамшы дәрісі 8 жастан бастап балаларда ересектердегідей дозада қолданылуы мүмкін.
Құтының ішіндегісін ластап алмау үшін тамшуырдың ұшын көзге немесе кез келген басқа беткейге тигізіп алмау керек.
Емдеу ұзақтығын емдеуші дәрігер анықтайды.
Жағымсыз әсерлері
Жергілікті
Жиі:
-
көздің ауыруы
-
көздің жоғары сезімталдығы
-
көздің тітіркенуі
-
көздің құрғауы
Жиі емес:
-
жарықтан қорқу
-
көздегі жайсыздық, көзде бөгде денені сезіну
-
көрудің бұлыңғырлануы
-
көру жітілігінің төмендеуі
-
көздің қышуы, көз гиперемиясы
-
көзден бөліністер, жас ағу
-
блефароспазм
-
қабақ тарапынан бұзылулар, қышу, ісіну, қабақтың қызаруы, конъюнктивалар, конъюнктивальді фоликулалар, конъюнктива гиперемиясы
-
мөлдір қабық эпителийінің бұзылуы, мөлдір қабық эрозиясы, мөлдір қабықтың боялуы
-
кератиттер, нүктелі кератит
Жүйелі
Жиі:
-
бас ауыруы
-
шаршағыштық
-
дәм сезудің бұзылуы
-
мұрынның кебуі
Жиі емес:
-
бас айналуы
-
риниттер
-
гипестезия
-
жанаспалы дерматит, терінің шымылдап ашуы, терінің құрғауы
Белгісіздер (белгілі деректер бойынша бағалануы мүмкін емес)
Алдыңғы клиникалық зерттеулерде байқалмаған және постмаркетингтік зерттеулер кезінде байқалған жағымсыз реакциялар:
Жергілікті: мөлдір қабықтың ісінуі, конъюнктивиттер, көздің ісінуі, мидриаз, көрудің бұзылуы, қабақ шеттерінің қабықтануы.
Жүйелі: асқын сеізмталдық, ентігу, ұйқышылдық, беттің ісінуі, дерматит, ісіну, жүрек айнуы, құсу, гайморит, жалпы әлсіздік, үрейлікті сезіну.
Қолдануға болмайтын жағдайлар
-
препараттың кез келген компонентіне жоғары сезімталдық
-
8 жасқа дейінгі балаларға
Дәрілермен өзара әрекеттесуі
Патанол® көз тамшы дәрісі препаратын басқа көз тамшы дәрілерімен бірге қолдану кезінде тамызу аралығы, кем дегенде, 5 минут болғанын қадағалау керек.
Айрықша нұсқаулар
Патанол® көз тамшы дәрісін жергілікті қолданғаннан кейін жүйелі сіңуі мүмкін. Жағымсыз реакциялары немесе асқын сезімталдық белгілері бар болса препаратты қолдануды тоқтату керек.
Офтальмологиялық препараттарға арналған консервант ретінде пайдаланылатын бензалконий хлориді нүктелі кератопатия және/немесе уытты ойық жаралы кератопатияның себебі болуы мүмкін.
Патанол® көз тамшы дәрісін ұзақ уақыт немесе жиі қолдану кезінде препарат құрамында бензалконий хлориді бар болғандықтан, көз құрғағыштығы немесе мөлдір қабықтың зақымдануы бар емделушілерде емдеу офтальмолог дәрігердің бақылауымен жүргізілуі керек.
Егде жастағыларға қолдану
Егде жастағы емделушілер үшін дозаны түзетудің қажеті жоқ.
Педиатрияда қолдану
Патанол® көз тамшы дәрісі балаларға (8 жастан бастап) ересектер дозасындағыдай қолданылады.
Бүйрек және бауыр жеткіліксіздігі кезінде
Патанол® көз тамшы дәрісі препараты бүйрек және бауыр жеткіліксіздігі бар емделушілерде зерттелген жоқ. Жергілікті қолданғаннан кейін препараттың жүйелі сіңуі өте аз болғандықтан, бүйрек және бауыр жеткіліксіздігі бар емделушілер үшін препарат дозасын түзетудің қажеті жоқ.
Жүктілік
Олопатадинді жүкті әйелдерге қолдану жөнінде клиникалық деректер жоқ.
Патанол® көз тамшы дәрісі препаратын жүкті әйелдерге абайлап тағайындау керек.
Лактация
Патанол® көз тамшы дәрісін бала емізетін әйелдерге қолдану ұсынылмайды.
Жанаспалы линзалар
Патанол® көз тамшы дәрісінің құрамында бензалконий хлориді болғандықтан, жұмсақ (гидрофильді) жанаспалы линзаны тағудан алақ болу, не болмаса тамызу кезінде оларды алып қою керек.
Линзаны препаратты қабылдау аралығында тағуға болады немесе тамызғаннан кейін кем дегенде 15 минут өткеннен соң салу керек.
Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері
Басқа көз тамшы дәрілері сияқты тамызғаннан кейін көру уақытша анық болмауы немесе көзбен көрудің басқадай мазасыздықтары болуы мүмкін, ол көлікті немесе қауіпті басқа механизмдерді басқару қабілетіне жағымсыз ықпал етуі мүмкін. Мұндай жағдайда көздің көруі қалпына келгенше біраз уақыт күте тұру қажет.
Артық дозалануы
Жергілікті қолданған кезде артық дозалану ықтималдығы аз. Көзге препарат мөлшері артық түскен жағдайда көзді жылы судың мол мөлшерімен шаю ұсынылады.
Шығарылу түрі және қаптамасы
Полипропиленді бұралып жабылатын қалпақшасымен және “Droptainer™” тамшылатқыш-дозаторы бар тығыздығы төмен мөлдір емес ақ полиэтиленнен жасалған құтыда препарат 5 мл-ден.
Әрбір құты мемлекеттік және орыс тілдеріндегі медицинада қолданылуы жөніндегі нұсқаулықпен бірге картон пәшкеге салынған.
Сақтау шарттары
30оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Құтыны алғаш ашқаннан кейін препаратты 4 аптада қолдану керек.
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецепт арқылы
Өндіруші
с. а. Алкон-Куврер н.в.
B-2870 Пуурс, Бельгия
Тіркеу куәлігінің иесі
с. а. Алкон-Куврер н.в., Бельгия
Тұтынушылардан өнім (тауар) сапасына қатысты шағымдарды Қазақстан Республикасы аумағында қабылдайтын ұйымның мекенжайы:
«Алкон Фармасьютикалс, Лтд.» өкілдігі
Тел.: +7 (727) 256 02 05
Факс: +7 (727) 256 06 81
Электронды пошта: Tatyana.Yem@AlconLabs.com