Парацетамол Вива Фарм (500 мг)

Парацетамол Вива Фарм

Парацетамол

Дәрілік түрі, дозасы

Үлбірлі қабықпен қапталған таблеткалар, 500 мг

Жүйке жүйесі. Анальгетиктер. Басқа анальгетиктер-антипиретиктер. Анилидтер. Парацетамол.

АТХ коды N02BE01

Препарат ауырсынуды басатын және ыстықты төмендететін дәрі болып табылады және жеңіл немесе орташа айқын ауырсыну синдромын және дене температурасының жоғарылауын, мысалы, бас сақинасын қоса бас ауыруы және бастың кернеп ауыруы, тіс ауруы, арқаның ауыруы, ревматикалық және бұлшықет ауырулары, дисменорея, тамақтың ауыруын емдеу үшін ұсынылады, сондай-ақ қызбаны (оның ішінде вакцинациядан кейін), суық тию мен тұмауда температураның жоғарылауы және ауырсынуды жеңілдету үшін. Сондай-ақ, жеңіл түрдегі артрит кезінде ауырсынуды симптоматикалық жеңілдету үшін ұсынылады.

Қолдануды бастағанға дейін қажетті мәліметтер тізбесі

- парацетамолға немесе қосымша заттардың кез келгеніне аса жоғары сезімталдық.

- 10 жасқа дейінгі балалар

- тұқым қуалайтын галактоза жақпаушылығы, Lapp(ЛАПП)-лактаза ферментінің тапшылығы, глюкоза-галактоза мальабсорбциясы бар адамдар

Қолдану кезіндегі қажетті сақтандыру шаралары

Құрамында парацетамол бар. Құрамында парацетамол бар басқа препараттармен бір мезгілде қолдануға болмайды.

Бауырдың қатар жүретін аурулары бауырдың парацетамолмен байланысты зақымдану қаупін арттырады. Бауыр немесе бүйрек функциясының бұзылуы диагнозы қойылған пациенттер препаратты қабылдағанға дейін дәрігермен кеңесу тиіс.

Ұсынылған дозадан асырмау керек.

Егер бас ауыруы тұрақты болса, дәрігермен кеңесу керек.

Артрит диагнозы қойылған, ауырсынуды басатын дәрілерді қабылдау керек пациенттер препаратты қабылдағанға дейін дәрігермен кеңесу керек.

Метаболизмдік ацидоз қаупін арттыруы мүмкін глутатион деңгейінің төмендеуімен бірге жүретін жағдайлар болған кезде (мысалы, ашығу, анорексия, дене салмағының төмен индексі, алкогольді созылмалы тұтыну, сепсис) пациенттерге сақ болу керек.

Метаболизмнің жеткіліксіздігіне байланысты глутатион сарқылған пациенттерде сақтықпен пайдаланыңыз.

Егер симптомдар сақталса, дәрігермен кеңесу керек.

Егер сіз бұл дәрінің өте көп дозасын қабылдаған жағдайда дәрігерге дереу жүгініңіз, тіпті өзіңізді жақсы сезінетін болсаңыз да. Бұл препаратты қабылдаған кезде құрамында парацетамол бар басқа препараттар қабылдамаңыз. Бұл парацетамолды көп қабылдау бауырға ауыр зақым келтіруі мүмкін екендігімен байланысты.

Қосымша компоненттер

Парацетамол Вива Фарм дәрілік затының құрамында лактоза моногидраты бар. Галактозаны көтере алмау, лактаза жеткіліксіздігі немесе глюкоза-галактоза мальабсорбциясы сияқты сирек тұқым қуалайтын бұзылулары бар пациенттерге Парацетамол Вива Фарм дәрілік затын қабылдауға болмайды.

Аталған препарат құрамында дозасына 1 ммоль-ден аз натрий (23 мг) бар, яғни іс жүзінде натрий жоқ деуге болады.

Басқа дәрілік препараттармен өзара әрекеттесуі

Парацетамолдың сіңу жылдамдығын метоклопрамид пен домперидон арттырады, ал колестирамин төмендетеді.

Ұзақ уақыт бойы қабылдағанда препарат тікелей емес антикоагулянттардың (варфарин және басқа кумариндер) әсерін күшейтеді, бұл қан кетулер қаупін арттырады; бір реттік дозалар айтарлықтай әсер етпейді.

Арнайы ескертулер

Педиатрияда қолдану

10 жасқа дейінгі балаларға қолдануға болмайды.

Жүктілік

Ана құрсағындағы парацетамолдың әсеріне ұшыраған балалардағы жүйке жүйесінің дамуын эпидемиологиялық зерттеу біржақты қорытынды жасауға мүмкіндік бермейді. Клиникалық қажеттілік болған жағдайда парацетамолды жүктілік кезінде қабылдауға болады, алайда, кез-келген басқа дәрі сияқты, оны қысқа уақыт ішінде ең аз тиімді дозада қолдану керек.

Бала емізу

Парацетамол емшек сүтіне енеді, бірақ ұсынылған дозаларда қабылдаған кезде клиникалық тұрғыдан аз мөлшерде болады. Қолда бар жарияланған деректерде бала емізу кезеңінде препаратты қабылдауға қатысты жағымсыз жағдайлар жоқ.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын басқару және қауіптілігі зор механизмдермен жұмыс істеу қабілетіне әсер епейді.

Қолдану жөніндегі нұсқаулар

Дозалау режимі

Ересектер (егде жастағы адамдарды қоса алғанда) және 16 жастан асқан балалар: қажеттілігі болған жағдайда тәулігіне 4 реттен артық емес 1 немесе 2 таблеткадан ішке қабылдайды.

Ересектер (егде жастағы адамдарды қоса алғанда) және 16 жастан асқан балалар үшін ең жоғары тәуліктік доза 4000 мг құрайды.

Балалар

10-нан 15 жасқа дейінгі балаларға: қажеттілігі болса, 1 таблеткадан тәулігіне 4 ретке дейін ішке қабылдайды.

10 жасқа дейінгі балаларға қабылдау ұсынылмайды. Балаларға дәрігердің кеңесінсіз 3 күннен артық қабылдауға болмайды.

Препаратты қабылдау арасындағы аралық 4 сағаттан кем болмауы тиіс. 24 сағат ішінде 4 дозадан аспауы тиіс.

Ұсынылған дозадан асырмаңыз. Әсерге қол жеткізу үшін және ең аз қысқа мерзім ішінде қажетті ең аз дозаны қабылдаған жөн.

Енгізу әдісі мен жолы

Тек ішке қабылдау үшін.

Артық дозаланған жағдайда қабылдануы тиіс шаралар

Парацетамолды ұсынылған дозасынан асыра қабылдау бауыр жеткіліксіздігіне әкелуі мүмкін, бұл өз кезегінде бауыр трансплантациясына немесе өлімге әкелуі мүмкін.

Ересектерде бауырдың зақымдануы 10 г және одан да көп парацетамол қабылдаған кезде болуы мүмкін. Қауіп факторлары бар пациенттерде 5 г және одан көп парацетамолды қолдану бауырдың зақымдануына әкелуі мүмкін (төменде қараңыз).

Қауіп факторлары:

• бауыр ферменттерін индукциялайтын карбамазепин, фенобарбитан, фенитоин, примидон, рифампицин, шайқурай немесе басқа препараттарды ұзақ қабылдау

• тұрақты алкогольді жоғары дозаларда тұтыну

• глутатион деңгейі төмен пациенттерде, мысалы, тамақтану бұзылысында, муковисцидозда, АИТВ инфекциясы кезінде, ашығу, кахексияда.

Симптомдары

Алғашқы 24 сағат ішінде парацетамолмен жедел уланудың симптомдары - бозару, жүрек айну, құсу, анорексия және іштің ауыруы болып табылады. Бауырдың зақымдануы артық дозаланудан кейін 12-48 сағаттан кейін анықталады. Глюкоза метоболизмінің бұзылулары және метаболизмдік ацидоз пайда болуы мүмкін. Ауыр улану кезінде бауыр жеткіліксіздігі энцефалопатияға, қан кетуге, гипогликемияға, ми ісінуіне және өлімге дейін әкелуі мүмкін. Белдің ауырсынуымен, гематуриямен және протеинуриямен анықталатын жедел тубулярлы некрозы бар бүйректің жедел жеткіліксіздігі, бауырдың ауыр зақымданулары болмаса да дамуы мүмкін. Жүрек аритмиясы және панкреатит туралы хабарланды.

Емі

Артық дозаланған кезде жедел медициналық көмек қажет. Дозаланудың ерте белгілері болмаса да пациентті дереу ауруханаға жеткізу керек. Симптомдар жүрек айнуымен және құсумен шектелуі мүмкін немесе артық дозаланудың ауырлығын немесе ағзалардың зақымдану қаупін көрсетпеуі мүмкін. Емдеу белгіленген нұсқауларға сәйкес жүргізілуі керек.

Шамадан тыс дозаны қабылдаған сәттен бастап 1 сағаттан аспаса, белсендірілген көмірді қолданған жөн. Қан плазмасындағы парацетамол концентрациясын препаратты қабылдағаннан кейін 4 сағаттан ерте емес және кейінірек анықтау керек (концентрацияны неғұрлым ерте анықтау шынайы болып табылмайды).

N-ацетилцистеинмен емдеуді парацетамолды қабылдағаннан кейін 24 сағат ішінде жүргізуге болады, алайда осы антидоттың ең жоғары әсерін оны қабылдағаннан кейін 8 сағат ішінде қолданған кезде алуға болады. Осы уақыттан кейін антидоттың тиімділігі күрт төмендейді. Қажет болса, N-ацетилцистеин вена ішіне пациентке ұсынылған дозаларға сәйкес енгізіледі. Құсу болмаған кезде, пациентті ауруханаға шұғыл тасымалдау мүмкіндігі болмаған жағдайда балама ретінде метионинді пероральді қолдануға болады.

Қажет болған жағдайда дәрілік препараттың қолдану тәсілін түсіндіру үшін медициналық қызметкерге кеңес алу үшін жүгіну ұсынылады

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Өте сирек (<1/10 000)

- тромбоцитопения

- агранулоцитоз

- анафилаксиялық реакциялар

- тері бөртпелерін, ангионевроздық ісінуді қоса, терінің аса жоғары сезімталдық реакциялары. Күрделі тері реакциялары жағдайлары туралы өте сирек хабарланды.

- бронх түйілуі (әдетте, ацетилсалицил қышқылына және басқа ҚҚСП жоғары сезімталдығы бар пациенттерде байқалады)

- бауыр функциясының бұзылуы

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетка құрамында

белсенді зат - парацетамол 500 мг

қосымша заттар: лактоза моногидраты, натрий кроскармеллозасы, повидон, тальк, стеарин қышқылы,

қабықтың құрамы: гипромелоза, макрогол.

Сыртқы түрінің, иісінің, дәмінің сипаттамасы

Дөңгелек пішінді, екі беті дөңес, ақ немесе ақ дерлік түсті үлбірлі қабықпен қапталған таблеткалар.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1, 2 немесе 3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды.

25оС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«ВИВА ФАРМ» ЖШС, Қазақстан Республикасы

Алматы қ., Дегдар к-сі, 33

Тел.: +7 (727) 383 74 63, факс: +7 (727) 383 74 56

Электрондық пошта: pv@vivapharm.kz

Тіркеу куәлігінің ұстаушысы

«ВИВА ФАРМ» ЖШС, Қазақстан Республикасы

Алматы қ., Дегдар к-сі, 33

Тел.: +7 (727) 383 74 63, факс: +7 (727) 383 74 56

Электрондық пошта: pv@vivapharm.kz

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«ВИВА ФАРМ» ЖШС, Қазақстан Республикасы

050030, Алматы қ., Дегдар к-сі, 33

Тел.: +7 (727) 383 74 63, факс: +7 (727) 383 74 56

Электрондық пошта: pv@vivapharm.kz