Палохалт

Палоносетрон

Инъекцияға арналған ерітінді 0.25 мг/5 мл, 5 мл

1 мл құрамында

белсенді зат - палоносетрон гидрохлориді палоносетронға баламалы 0.05 мг,

қосымша заттар: маннитол (Пеарлитол PF), динатрий эдетаты, натрий цитраты, лимон қышқылы, натрий гидроксиді, пеллеттер, хлорсутек қышқылы, инъекцияға арналған су.

Мөлдір, түссіз ерітінді.

Құсуға қарсы препараттар. Серотонин антагонистері. Палоносетрон.

АТХ коды А04АА05

Фармакокинетикасы

Cіңуі

Вена ішіне енгізгеннен кейін плазмада концентрациясының бастапқы төмендеуі организмнен баяу шығарылуымен қатар жүреді. Орташа ақырғы жартылай шығарылу кезеңі шамамен 40 сағ. Онкологиялық науқастарда плазмада орташа ең жоғары концентрациясы (Cmax) және қисық асты ауданының концентрация-уақыты (AUC 0-∞), әдетте, 0.3-90 мкг/кг дозалар диапазонында дозаға тәуелді.

Палоносетронды тәулігіне бір рет 0,25 мг 3 доза түрінде вена ішіне енгізгеннен кейін, плазмада концентрацияның орташа ұзаруы (± SD) 1 күннен 5 күнге дейін 42 ± 34% құрайды. 0,25 мг палоносетронды тәулігіне бір рет 3 күн бойы 12 дені сау адамға, плазмада палоносетрон концентрациясының (± SD) артуы 1-ден 3-ші күнге дейін 110 ± 45% құрайды.

Фармакокинетикалық модельдеу 0,25 мг палоносетронның жалпы әсер етуі (AUC 0-∞) 3 тізбекті күн ішінде тәулігіне бір рет в/і енгізгенде 0,75 мг бір реттік дозаны вена ішіне енгізген кездегі жалпы әсерімен ұқсас екендігін көрсеткен, алайда Cmax 0,75 мг бір реттік дозаны пайдаланғанда жоғары болған.

Таралуы

Палоносетронды ұсынылған дозада пайдаланғанда препарат шамамен 6,9-дан 7,9 л / кг дейінгі таралу көлемімен организмде кеңінен таралады. Палоносетронның шамамен 62%-ы плазма ақуыздарымен байланысады.

Биотрансформациясы

Палоносетрон организмнен екі тәсілмен шығарылады. 40% жуығы бүйрек арқылы шығарылады және шамамен 50%-ы палоносетронның 5НТ3 рецепторы антагонистік белсенділігі 1% аз болатын екі негізгі метаболит түзе отырып, бүйрекпен метаболизденеді.

CYP2D6 изоферменті, аз дәрежеде, CYP3A4 және CYP1A2 изоферменттері палоносетрон метаболизміне қатысады деген деректер бар. Алайда клиникалық фармакокинетикалық параметрлерінің баяу және жылдам CYP2D6 субстраттар метаболизаторлары арасында айтарлықтай айырма жоқ. Палоносетрон клиникалық мәнді концентрацияларда P450 цитохромы изоферменттерін тежемейді және индукцияламайды.

Шығарылуы

Палоносетронды 10 мкг/кг дозада вена ішіне бір рет енгізгеннен кейін [14C] шамамен препараттың 80%-ы 144 сағ. ішінде несепте анықталады. Палоносетрон өзгермеген әсер етуші зат түрінде енгізілген дозаның 40% жуығын құрайды. Бір реттік болюстік енгізуден кейін жалпы клиренсі 173 ± 73 мл/мин, бүйрек клиренсі 53 ± 29 мл/мин тең. Жалпы клиренстің төмен деңгейі және таралудың көп көлемі нәтижесінде жартылай шығарылудың соңғы кезеңі 40 сағ. жуықты құрайды. Пациенттердің 10%-нда жартылай шығарылу кезеңі 100 сағ. астамды құрайды

Адамдар айрықша топтарындағы фармакокинетикасы

Егде жастағы пациенттер

Адамның жасы палоносетронның фармакокинетикасына әсер етпейді. Егде жастағы пациенттерде дозаны түзету қажет етілмейді.

Жынысы

Жынысы палоносетрон фармакокинетикасына әсер етпейді. Жынысына байланысты дозаны түзету қажет етілмейді.

Балалар

Балаларда қауіпсіздігі мен тиімділігі анықталмаған

Бүйрек жеткіліксіздігі

Бүйректің орташа жеткіліксіздігі палоносетронның фармакокинетикалық параметрлеріне елеулі әсер етпейді. Бүйректің ауыр жеткіліксіздігі кезінде бүйрек клиренсі төмендейді, алайда бұл науқастардың жалпы клиренсі осындай дені сау адамдардағыға ұқсас. Бүйрек жеткіліксіздігі бар пациенттерде дозаны түзету қажет етілмейді. Гемодиализ алатын науқастарда фармакокинетикалық деректер жоқ.

Бауыр жеткіліксіздігі

Бауыр жеткіліксіздігі дені сау пациенттермен салыстырғанда палоносетронның жалпы клиренсіне елеулі әсер етпейді. Палоносетронның соңғы жартылай шығарылу уақыты мен орташа жүйелік әсер етуі бауырдың ауыр жеткіліксіздігі бар пациенттерде ұзарғанымен, дозаны төмендету қажет етілмейді.

Фармакодинамикасы

Палохалт – белсенді зат палоносетрон бар дәрілік зат, серотонинді рецепторлардың жоғары селективті антагонисі. Палохалт препаратының әсер ету механизмі серотониді 5НТ3-рецепторларды орталық және шеткері жүйке жүйесі нейрондары деңгейінде бөгеу арқылы құсу рефлексін басумен байланысты. Осы механизмде цитостатикалық химио- және радиотерапиядан туындаған жүрек айну мен құсудың алдын алу және емдеу негізделген, ол серотонин мөлшерінің жоғарылауымен байланысты, құрамында 5НТ3-рецепторлары бар вагустық афферентті талшықтарды белсендіру жолымен құсу рефлексін белсендіреді. Палохалт цитохром Р450 изоферменттерін бәсеңдетпейді және стимуляцияламайды.

- цитостатикалық химио- немесе радиотерапия (орташа- және жоғары эметогенді) жүргізуден туындаған жүрек айну мен құсудың алдын алу және жоюда

Палохалт препараты 0,25 мг дозада кем дегенде 30 секунд бойы химиотерапия басталғанға дейін шамамен 30 минут бұрын вена ішіне енгізіледі.

Химиотерапия жүргізуден туындайтын жүрек айну мен құсуды болдырмау тұрғысындағы препараттың әсері глюкокортикостероидтармен бір мезгілде тағайындағанда артады.

Егде жастағы пациенттер

Егде жастағы пациенттерде дозаны түзету қажет етілмейді.

Балалар

Балаларда қауіпсіздігі мен тиімділігі анықталмаған.

Бауыр жеткіліксіздігі

Бауыр жеткіліксіздігі бар пациенттерде дозаны түзету қажет етілмейді.

Бүйрек жеткіліксіздігі

Бүйрек жеткіліксіздігі бар дозаны түзету қажет етілмейді.

Терминалдық сатыдағы бүйрек жеткіліксіздігі бар гемодиализде жүрген пациенттерге қатысты деректер жоқ.

Төменде келтірілген жағымсыз реакциялар жиілігі мынадай критерийлерге сәйкес анықталды: өте жиі (1/10 кем емес), жиі (1/100 астам, 1/10 кем); жиі емес (1/1000 астам; 1/100 кем); сирек (1/10000 астам, 1/1000 кем); өте сирек (1/10000 кем), жекелеген хабарламаларды қоса.

Анағұрлым жиі кездесетін жағымсыз реакциялар: бас ауыруы - 9 % дейін; іш қату - 5 % дейін.

Жиі байқалмайтын жағымсыз реакциялар:

Жүрек-қантамыр жүйесі тарапынан: тахикардия, брадикардия, экстрасистолалар, миокардиальді ишемия, синустық тахикардия, синустық аритмия, суправентрикулярлық экстрасистола, артериялық қысымның (АҚ) төмендеуі, АҚ жоғарылауы, QT аралығының ұзаруы; веналар түсінің өзгеруі, веналар варикозды кеңеюі.

Жүйке жүйесі тарапынан: бас ауыру, бас айналу, ұйқышылдық, ұйқысыздық, парестезия, шеткері сезімтал нейропатия, мазасыздық сезімі, эйфория.

Ас қорыту жүйесі тарапынан: іш қату, диарея, іштің ауыруы, ауыз шырышты қабығының құрғауы, метеоризм, анорексия, ықылықтау.

Несеп бөліну жүйесі: несептің іркілуі.

Тері және тері қосалқылары тарапынан: аллергиялық дерматит, қышыну, бөртпе.

Сүйек-бұлшықет жүйесі тарапынан: артралгия.

Сезу мүшелері тарапынан: көздің жоғары сезімталдығы - тітіркену, диплопия, амблиопия, қимыл-қозғалыстың бұзылуы, құлақтағы шуыл.

Зертханалық көрсеткіштердің өзгеруі: «бауыр» трансаминазалары белсенділігінің жоғарылауы, гипо- немесе гиперкалиемия, гипокальциемия, гипергликемия, гипербилирубинемия, глюкозурия, метаболизмдік ацидоз.

Басқалары: қатты қажу, әлсіздік, дене температурасының жоғарылауы, кернеулер, «ыстықты» сезіну, тұмау тәрізді синдром.

Препарат енгізген жердегі реакциялар (ашыту, нығыздалу, ауыру) өте сирек кездеседі.

Иммундық жүйе тарапынан: аса жоғары сезімталдық, анафилаксиялық шок, анафилаксиялық/анафилактоидты реакциялар және анафилактоидты шок.

- палоносетронға немесе препараттың кез келген компонентіне аса жоғары сезімталдық

- жүктілік және лактация кезеңі

- 18 жасқа дейінгі балалар мен жасөспірімдер

QT аралығының ұзаруына бейімділігі бар пациенттерде сақтықпен қолданған жөн.

Палоносетрон ең бастысы CYP2D6 изоферментімен, сондай-ақ CYP3A4 және CYP1A2 изоферменттері қатысуымен метаболизденеді. Палоносетрон қолданылатын концентрацияларда цитохром Р450 түзілуін бәсеңдетпейді және стимуляцияламайды.

Метоклопрамид: палоносетронның CYP2D6 изоферментінің тежегіші болып табылатын метоклопрамидпен өзара әрекеттесуі айқындалмаған.

CYP2D6 изоферментінің тежегіштері және индукторлары: дексаметазон және рифампицинмен (CYP2D6 изоферменті индукторлары), және амиодарон, цёлексоксиб, хлорпромазин, циметидин, доксорубицин, флуоксетин, галоперидол, пароксетин, хинидин, ранитидин, ритонавир, сертралин және тербинафинмен (CYP2D6 изоферменті тежегіштері) бірге қолданылуы мүмкін.

Глюкокортикостероидтар: палоносетронды глюкокортикостероидтармен бірге қолданғанда сақ болу керек.

Басқа дәрілік препараттар: анальгетиктермен, спазмолитикалық, аитихолинергиялық препараттармен, басқа құсуға қарсы дәрілермен бірге қолдануға болады.

Ісікке қарсы препараттар: палоносетрон ісікке қарсы препараттар (цисплатин, циклофосфамид, цитарабин, доксорубицин, митомицин) белсенділігін төмендетпейді.

Палоносетрон препаратты енгізгеннен кейін жуан ішекте тасымалдану уақытын ұзартуы мүмкін болғандықтан, анамнезде іш қату немесе жеделге жуық ішек бітелісі белгілері бар пациенттерді бақылап отыру керек.

Палоносетрон QT аралығының клиникалық мәнді ұзаруын туындатпайды.

Басқа 5-HT3 антагонистерін қолдану жағдайындағы сияқты, палоносетронды QT ұзарған немесе дамуына бейім пациенттерге қолданғанда сақтық танытқан жөн. Бұл талаптар анамнезде жеке немесе тұқым қуалайтын QT аралығының ұзаруы, электролиттер теңгерімінің бұзылуы, жүрек жеткіліксіздігінің іркілісті құбылыстары, брадиаритмия, өткізгіштіктің бұзылуы бар пациенттерді және аритмияға қарсы заттарды немесе QT аралығының ұзаруын немесе электролиттер теңгерімінің бұзылуын туындататын басқа дәрілік заттарды қабылдайтын пациенттерді қамтиды. 5-HT3 антагонистерін пайдаланардан бұрын гипокалиемия және гипомагниемия симптомдарын жою керек.

Палохалт препаратын химиотерапиядан кейін бірінші күндерінде, егер бұл басқа химиотерапияны жүргізумен байланысты болмаса, жүрек айну мен құсудың профилактикасы немесе емдеу үшін қолданбаған жөн.

Палохалт дәрілік затының құрамында құтыға 1 ммоль аздау натрий (23 мг) болады; мұндай аз ғана мөлшерде қандай да бір әсері болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Палохалт препаратын қолданғанда бас айналу, ұйқышылдық, қатты қажу сияқты жағымсыз құбылыстар байқалуы мүмкін, автомобиль жүргізгенде және жоғары зейін қою мен психомоторлық реакциялар жылдамдығын қажет ететін қызмет түрлерімен айналысқанда сақ болу қажет.

Симптомдары: қазіргі кезге дейін артық дозалану жағдайлары байқалмаған.

Емі: артық дозаланған жағдайда симптоматикалық және демеуші ем көрсетілген. Палоносетронның көп таралуына байланысты гемодиализдің тиімді болуы белгісіз.

Шығарылу түрі және қаптамасы

5 мл препараттан хлорбутил резеңке тығындармен тығындалған, көк түсті пластмассамен flip off алюминий қақпақпен қаусырылған I типті (АҚШФ) түссіз мөлдір шыны құтыға құйылады.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.

Құрғақ, жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін пайдалануға болмайды.

Рецепт арқылы

Өндіруші

MSN Laboratories Private Limited

Plot No 42, Anrich Industrial Estate, Bollaram,

Sangareddy District - 502 325, Telangana, Үндістан.

Тіркеу куәлігі иесінің атауы және елі

MSN Laboratories Private Limited, Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

МСН Лабораторис Приват Лимитед компаниясының Қазақстандағы өкілдігі, Алматы қ., Жангелдин к-сі, 31, 205 кеңсе

Тел. +7 7077733275, 701 880 1967, 8 777 081 9393, e-mail: ms.ascarova@mail.ru