ОЗОЛ (5 мг/мл) (Орнидазол)

О.ЗОЛ

Орнидазол

Инфузияға арналған ерітінді 5мг/мл – 100 мл

100 мл препараттың құрамында

белсенді зат: орнидазол ............500 мг,

қосымша заттар: натрий хлориді, динатрий гидрофосфаты додекагидраты, лимон қышқылы моногидраты, инъекцияға арналған су.

Түссізден ақшыл-сары түске дейінгі мөлдір ерітінді.

Жүйелі қолдануға арналған микробқа қарсы препараттар. Имидазол туындылары. Орнидазол.

АТХ коды J01XD03

Фармакокинетикасы

Орнидазолдың ақуыздармен байланысуы 15% жуықты құрайды. Белсенді заттары жұлын сұйықтығына, емшек сүтіне, плацентаға және организмнің көптеген тіндеріне өтеді. Бауырда гидроксилдену, тотығу және глюкуронирлену жолымен метаболизденеді.

Негізгі 2-гидроксиметил- және -гидроксиметил метаболиттерінің Trichomonas vaginalis және анаэробты бактерияларға қатысты өзгермеген орнидазолға қарағанда белсенділігі төмен. Жартылай шығарылу кезеңі (T1/2) – шамамен 13 сағатқа жуық. Метаболиттер түрінде бүйрекпен (60-80%) және нәжіс массаларымен (20-25%) шығарылады, дозаның 5% жуығы өзгермеген түрінде шығарылады.

Фармакодинамикасы

Протозойға қарсы және микробқа қарсы препарат, 5-нитроимидазол туындысы. Әсер ету механизмі анаэробты микроорганизмдер мен қарапайымдылардың жасушаішілік тасымалдаушы протеиндерімен орнидазолдың 5-нитротобының биохимиялық қалпына келуіне байланысты. Орнидазолдың қалпына келтірілген 5-нитротобы олардың нуклеин қышқылдарының синтезін тежей отырып, микроорганиздердің ДНҚ-мен өзара әрекеттеседі, ол бактериялардың қырылуына әкеледі.

Trichomonas vaginalis, Gardnerella vaginalis, Giardia intestinalis, Entamoeba histolytica, Lamblia spp., қатысты белсенді, сондай-ақ облигатты анаэробтар Bacteroides spp. (оның ішінде Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp, Veillonela spp., Prevotella (P.bivia, P.buccae, P.disiens), және кейбір грамоң микроорганиздерге (Eubacterium spp., Clostridium) қатысты белсенді.

Орнидазолға аэробты микроорганизмдер сезімтал емес.

- трихомониазда (Trichomonas vaginalis туындаған әйелдердің және ерлердің несеп-жыныс инфецияларында)

- амебиазда (Entamoeba histolytica туындаған барлық ішек инфекциялары, соның ішінде амебалық дизентерия және ішектен тыс амебиаздың барлық түрлерінде, әсірее бауырдың амебалық абсцессінде)

- лямблиозда

О.ЗОЛ вена ішіне енгізу инфекцияның ауыр ағымында, сондай ақ препаратты ішке қабылдау мүмкіндігі болмағанда көрсетілімде.

Ересектерге амебалық дизентерияда, бауырдың амебалық абсцессінде препаратты вена ішіне 0,5 - 1,0 г (100,0-200,0 мл ерітінді) күніне 2 рет, балаларға дене салмағына 20-30 мг/кг тәуліктік дозада тағайындайды, емдеу курсы 3-6 күн. Диализдегі бүйрек жеткіліксіздігімен науқастарға диализді жүргізер алдында қосымша доза (әдеттегі дозаның 50%) тағайындау керек. Пациентте ауыр бауыр жеткіліксіздігінде препаратты енгізу аралығын екі есе ұзартып, яғни күніне 1 рет енгізу керек.

Ересектерге анаэробты бактериялық инфекцияда препаратты вена ішіне бірінші күні 0,5-1,0 г (100,0-200,0 мл ерітінді), келесі күндері 1,0 г (200,0 мл) күніне бір немесе екі рет, жағдайы жақсарғанда пациентті препаратты 0,5 мг дозада күніне екі рет ішу арқылы қабылдауға көшіру керек. Балаларға препаратты дене салмағына 10 мг/кг дозада күніне екі рет енгізу керек. Емдеу курсы 5-10 күнді құрайды.

Анаэробты инфекция туындатқан операциядан кейінгі инфекциялық асқынулардың профилактикасында. Ересектерге препаратты операция басталғанға дейін 30 минут бұрын 1,0 г (200,0 мл) дозада енгізеді. Диализдегі бүйрек жеткіліксіздігімен науқастарға диализді жүргізер алдында қосымша доза (әдеттегі дозаның 50%) тағайындау керек. Пациентте ауыр бауыр жеткіліксіздігінде препаратты енгізу аралығын екі есе ұзарту керек немесе препарат ерітіндісін 5 мг/мл-ден кем концентрацияда енгізу керек.

Сирек

- ұйқышылдық, бас ауыруы, бас айналуы

- АІЖ функциясының бұзылуы (оның ішінде жүрек айнуы), дәм сезудің бұрмалануы

- аллергиялық реакциялар

- тері реакциялары және аса жоғары сезімталдық реакциялары

Өте сирек

- тремор, бұлшық еттердің сіресуі, қимыл үйлесімінің бұзылуы, құрысулар, шаршағыштық

- уақытша естен тану, сенсорлы немесе аралас шеткері нейропатия

- «бауыр» ферменттері белсенділігінің өзгеруі

- препарат компоненттеріне, басқа да нироимидазол туындыларына жоғары сезімталдық

- орталық жүйке жүйесінің органикалық аурулары

- жүктілік (I триместр) және лактация кезеңі

- эпилепсия, жайылған склероз

- созылмалы маскүнемдік

- 2 жасқа дейінгі балалар

Кумаринді топтың антикоагулянттарының әсерін күшейтеді, векуроний бромидінің миорелаксациялайтын әсерін ұзартады. Басқа имидазол туындыларынан (метронидазол) айырмашылығы, алкоголмен (ацетальдегидрогеназаны тежемейді) үйлесімді.

Инфузияға арналған ерітіндіні вена ішіне енгізу препаратты ішке қабылдау мүмкіндігі жоқ науқастарда көрсетілімде. Аралас инфекцияларда орнидазолдың инфузиялық ерітіндісін ішке қабылданатын антибиотиктермен біріктіріп қабылдауға болады. Вена ішіне тамшылатып енгізуде басқа препараттармен араластыруға болмайды.

Препараты орталық жүйке жүйесі ауруларымен науқастарға тағайындауға болмайды, мысалы, эпилепсияда немесе жайылған склерозда. Бауыр аурулары, маскүнемдер, эпилепсиямен науқастар, ми жарақатымен пациенттерде және балаларда ұсынылған дозаны арттырғанда денсаулыққа қауіп төндіруі мүмкін.

Жүктілік және лактация кезеңі

Препаратты жүктіліктің II немесе III кезеңдерінде қолдану егер анаға деген күтілген пайдасы шаранаға деген әлеуетті қаупінен жоғары болғанда ғана мүмкін. Препаратты лактация кезінде қолдану қажеттігінде емшекпен емізуді тоқтату жөніндегі мәселені шешу керек.

Көлік құралдарын немесе қауіптілігі зор механизмдерді басқару қабілетіне әсер ету ерекшеліктері.

Ұйқышылдық, бас айналуы, тремор, бұлшықеттердің сіресуі, қимыл үйлесімінің бұзылуы, құрысулар, уақытша естен тану секілді жағымсыз әсерлерінің даму мүмкіндігін ескеріп, көлік құралдарын немесе қауіптілігі зор механизмдерді басқаруда сақтық шараларын сақтау керек.

Симптомдары: жағымсыз әсерлердің күшеюі.

Емі: симптоматикалық

Шығарылу түрі және қаптамасы

100 мл препараттан пластик қорғаныс қақпақшасы және құтының төмен жағында ұстағыш-сақинасы бар төмен тығыздықтағы полиэтиленнен жасалған пластик полиэтилен құтыларға құйылған.

Құтыға өзі жабысатын қағаз заттаңбаны жабыстырады.

1 құтыдан медициналық қолдану жөніндегі мемлекеттік және орыс тіліндегі нұсқаулықтармен бірге картон қорапқа салынған.

Құрғақ, жарықтан қорғалған жерде, 25 °С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін пайдалануға болмайды.

Рецепт арқылы

Amanta Healthcare Ltd

Plot No: 876, N.H. No: 8, Hariala, Kheda – 387 411, Gujarat, Үндістан

Inter Pharma, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«КазЕвроФарм» ЖШС

050000, Қазақстан Республикасы, Алматы қ-сы, Құрманғазы к-сі 48а, 9 кеңсе

тел./факс: +7 (727) 2615141, 2614466

электрондық поштасы: registration1@kazeuropharm.com