ОРНИЛАТЕКС®

ОРНИЛАТЕКС®

Орнитин

Дәрілік түрі, дозасы

Инфузия үшін ерітінді дайындауға арналған концентрат, 500 мг/мл

Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар.

АТХ коды А05ВА

ОРНИЛАТЕКС® ересектерде қолдануға арналған:

• бауыр энцефалопатиясы (латентті және айқын)

Қолдануды бастағанға дейін қажетті мәліметтер тізбесі

• әсер етуші затқа немесе «Қосымша мәліметтер» бөліміндегі аталған кез келген қосымша затқа аса жоғары сезімталдық

• бүйректің ауыр жеткіліксіздігі (сарысулық креатинин > 3 мг / 1 дл)

• бала емізу кезеңі

• жасөспірімдер және18 жасқа дейінгі балаларға

Басқа дәрілік препараттармен өзара әрекеттесуі

Анықталмаған.

Арнайы ескертулер

Препаратты жоғары дозада енгізген кезде қан плазмасындағы және несептегі мочевина концентрациясын бақылау керек. Бауыр қызметінің ауыр бұзылуы кезінде науқастың жағдайына сәйкес жүрек айнуы немесе құсудың алдын алу мақсатында инфузиялық ерітіндінің енгізу жылдамдығын азайту қажет.

Педиатрияда қолдану

Препаратты 18 жастан кіші балалар мен жасөспірімдерге қолдануға болмайды.

Жүктілік және лактация кезеңінде

Жүктілік кезінде ОРНИЛАТЕКС® препаратын тек ана мен ұрық үшін пайда/тәуекел арақатынасын ескере отырып, дәрігердің қатаң бақылауымен ғана қолдануға болады.

Препаратпен емдеу кезінде бала емізуді тоқтату керек.

Көлік құралдарын басқару және механизмдермен жұмыс істеу қабілетіне әсері

ОРНИЛАТЕКС® көлік құралын және қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Орнитиннің орташа терапиялық дозасы тәулігіне 20 г.

Бауыр энцефалопатиясы кезінде (жағдайдың ауырлық дәрежесіне байланысты) вена ішіне (в/в) тәулігіне 40 г-ға дейін орнитинді енгізеді.

500 мл инфузиялық ерітіндіде орнитинді 30 г асырмай еріту ұсынылады.

Инфузияның ең жоғары жылдамдығы - сағатына 5 г орнитин.

Енгізу әдісі және жолы

В/і тамшылатып.

Ампулалардың ішіндегісін 500 мл инфузиялық ерітіндімен араластырады (0,9% натрий хлориді ерітіндісі, 5% декстроза (глюкоза) ерітіндісі немесе Рингер ерітіндісі).

Емдеу ұзақтығы

Препаратпен емдеу ұзақтығы әр жағдайда патологияға және пациент жағдайының ауырлығына қарай жеке анықталады. Бауыр функциясының ауыр бұзылуы кезінде жүрек айнуы мен құсудың алдын алу үшін пациенттің жағдайына қатаң мониторинг жүргізу және препаратты енгізу жылдамдығын түзету қажет.

Ерекше топтағы науқастар

Балалар

Педиатриялық практикада препаратты қолдану туралы деректер жоқ.

Артық дозаланған жағдайда қолдану қажет шаралар

Симптомдары: дозаға тәуелді жағымсыз әсерлердің айқын білінуінің күшеюі.

Емі: препаратты қабылдауды тоқтату және симптоматикалық ем жүргізу керек.

Дәрілік препаратты қолдану тәсілін айқындау үшін медицина қызметкеріне кеңес алу үшін ұсынымдар

Бұл препаратты әрқашанда емдеуші дәрігердің ұсыныстарына сәйкес қолданыңыз. Кез келген күмәнділік туындаған жағдайда емдеуші дәрігерге хабарласыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажеттілік кезде)

Сирек

• жүрек айну, құсу;

• аллергиялық реакциялар.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір ампуланың ішінде

белсенді зат - орнитин аспартаты (құрғақ затқа шаққанда) – 5г,

қосымша заттар: инъекцияға арналған су.

Сыртқы түрінің, иісінің, дәмінің сипаттамасы

Түссіз немесе ашық сары түсті мөлдір ерітінді.

Шығарылу түрі және қаптамасы

Инфузия үшін ерітінді дайындауға арналған концентрат, 500 мг/мл.

10 мл-ден түрлі-түсті сындыру сақинасы немесе түрлі-түсті нүктесі мен кертігі бар жарықтан қорғайтын шыны ампулаларда. Ампулаларға қосымша бір, екі немесе үш түрлі-түсті сақина және/немесе екі өлшемді штрих-коды және/немесе әріптік-сандық коды түсірілген немесе қосымша түрлі-түсті сақиналарсыз, екі өлшемді штрих-кодсыз, әріптік- сандық кодсыз.

Поливинилхлоридті үлбірден және полимерлі үлбірден жасалған немесе үлбірсіз пішінді ұяшықты қаптамада 5 ампуладан.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

«ФармФирма «Сотекс» ЖАҚ, Ресей

141345, Мәскеу обл., Сергиев-Посад қ, Беликово ауылы, 11 үй

Т./ф.: +7 (495) 956-29-30

Электронды пошта: info@sotex.ru

Тіркеу куәлігінің ұстаушысы

«ФармФирма «Сотекс» ЖАҚ, Ресей

141345, Мәскеу обл., Сергиев-Посад қ, Беликово ауылы, 11 үй

Т./ф.: +7 (495) 956-29-30

Электронды пошта: info@sotex.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы, «EL company (ЕЛ компани)» ЖШС, 050022, Алматы қ., Масанчи к-сі 98 А, кеңсе 41

Телефон: (727) 292-26-30, факс: 292-26-37

Электронды пошта: info@elcompany.kz