Нубека

Нубека®

Даролутамид

Дәрілік түрі, дозасы

Үлбірлі қабықпен қапталған таблеткалар, 300 мг

АТХ коды L02BB06

Ересек пациенттерде метастаздық емес кастрациялы-резистентті қуықасты безінің обырын (меКРҚБО) емдеу

Дәрілік препаратты қолдануды бастағанға дейін қажетті мәліметтер тізбесі

Нубека® препаратын қолдануға болмайтын жағдайлар анықталған жоқ.

Қолдану кезіндегі қажетті сақтық шаралары

Нубека® дәрілік препаратын қолдану айрықша нұсқаулар мен сақтық шараларын талап етпейді.

Басқа дәрілік препараттармен өзара әрекеттесуі

Басқа дәрілік препараттардың даролутамидке әсері

CYP3A4 және Р-гликопротеин индукторлары (P-gp)

Даролутамид CYP3A4 және Р-гликопротеин (P-gp) субстраты болып табылады.

Рифампицинді (600 мг), CYP3A4 және P-gp күшті индукторын даролутамидті (тамақ ішу кезінде 600 мг) бір рет қабылдаумен бірге қайта қолдану AUC (0-72) даролутамидтің орташа әсерінің 72%-ға төмендеуіне және оның қан плазмасындағы орташа ең жоғары концентрациясының (Cmax) 52%-ға төмендеуіне әкелді.

Нубека® препаратын CYP3A4 және P-gp күшті индукторларымен (мысалы, карбамазепин, фенобарбитал, шілтер жапырақты шайқурай) баламалы ем болмаған жағдайларды қоспағанда, бір мезгілде қолдану ұсынылмайды.

Қатарлас ем жағдайында балама дәрілік зат ретінде CYP3A4 және P-gp әсер етпейтін немесе олардың индукциясына әлсіз әлеуеті бар препараттарды таңдау керек.

CYP3A4, Р-гликопротеин (P-gp) және сүт безі обырының резистенттілік ақуызының тежегіштері (BCRP)

Даролутамид CYP3A4, P-gp және BCRP субстраты болып табылады.

Итраконазолды (бір күн ішінде күніне 2 рет 200 мг және келесі 7 күн ішінде күніне 1 рет), CYP3A4 күшті тежегішін, P-gp және BCRP даролутамидті бір рет қабылдаумен (тамақ ішу кезінде бесінші күні 600 мг) үйлесімде AUC (0-72) даролутамидтің орташа әсерінің 1,7 есе артуына және оның қан плазмасындағы орташа ең жоғары концентрациясының (Cmax) 1,4 есе артуына әкелді.

Бұл деректер Нубека® препаратын CYP3A4, P-gp және BCRP тежегіштерімен бірге қолдануға болатындығын көрсетеді. Бұл ретте дәрілік препараттар арасында клиникалық маңызды өзара әрекеттесуі байқалмайды.

Даролутамидтің басқа дәрілік препараттарға әсері

Сүт безі обырының резистенттілік ақуыз (BCRP) және 1B1 және 1B3 (OATP1B1 және OATP1B3) органикалық аниондарды тасымалдаушы полипептидтер субстраттары

Даролутамид BCRP, OATP1B1 және OATP1B3 тежегіші болып табылады.

Даролутамидті (5 күн ішінде күніне 2 рет 600 мг) қолданғанда розувастатинді (5 мг) бірге бір рет қабылдағанға дейін тамақтану кезінде AUC орташа әсерінің және қан плазмасындағы розувастатиннің орташа ең жоғары концентрациясының (Cmax) бес есе ұлғаюы байқалды.

Бұл Нубека® препаратымен құрамдастырылған қолдану басқа BCRP, OATP1B1 және OATP1B3 субстраттарының (мысалы, метотрексат, сульфасалазин, флувастатин, аторвастатин) плазмадағы концентрациясын арттыруы мүмкін дегенді білдіреді. Препаратты осы субстраттарымен бір мезгілде тағайындаған кезде қолда бар ақпаратты ескеру ұсынылады.

Р-гликопротеин субстраттары (P-gp)

Даролутамидті P-gp сезімтал субстраты дабигатран этексилатымен бір мезгілде қолдану AUC-тің орташа әсеріне және қан плазмасындағы дабигатранның орташа ең жоғары концентрациясына (Cmax) әсер етпейді. Демек, Нубека® препаратын P-gp субстраттарымен бірге қолдануға болады. Бұл ретте дәрілік препараттар арасында клиникалық маңызды өзара әрекеттесуі байқалмайды.

CYP субстраттары

Даролутамид әлсіз CYP индукторы болып табылады.

Даролутамидті (9 күн бойы күніне 2 рет 600 мг) қолданғанда, мидозаламның сезімтал СУР3А4 субстратын (1 мг) бірге бір рет қабылдау алдында тамақтану кезінде мидозаламның AUC орташа әсерінің 29%-ға және оның қан плазмасындағы орташа ең жоғары концентрациясының (Cmax) 32%-ға төмендеуі байқалды.

In vitro клиникалық маңызды концентрациялардағы даролутамидтің белгілі бір CYP субстраттарының метаболизмін тежеуге әсер етпейтіні көрсетілді. Бұл Нубека® препаратын CYP субстраттарымен (мысалы, варфарин, L-тироксин, омепразол) бірге қолдануға болатындығын білдіреді. Бұл ретте препараттар арасында клиникалық маңызды өзара әрекеттесу байқалмайды.

Арнайы ескертулер

Нубека® препараты әйелдерде қолданылмайды. Нубека® препаратын жүктілік кезінде немесе бала емізу кезінде немесе аталған жағдайлар болуы мүмкін кезде қолдануға болмайды.

Фертильділігі

Даролутамидті адамның фертильділігіне әсерін бағалау үшін қолдануға арнайы зерттеулер жүргізілген жоқ.

Жануарларға жүргізілген зерттеулерде даролутамидтің еркек егеуқұйрықтар мен иттердің репродуктивті жүйесіне әсері байқалды.

Ұрпақ өрбіту жасындағы әйелдер

Емдеу кезінде және Нубека® препаратымен емдеуден кейін 1 апта ішінде фертильді жастағы әйелмен жыныстық қатынас кезінде сенімді контрацепция құралдарын қолдану қажет.

Жүкті әйелмен жыныстық қатынас кезінде Нубека® препаратымен емдеу тоқтатылғаннан кейін 1 апта ішінде және емдеу кезінде мүшеқапты пайдалану қажет. Әсер ету андрогендік рецепторлардың тежегіштері шарананың дамуына әсер етуі мүмкін болғандықтан, жүкті әйелге эякулятпен берілуден аулақ болу керек.

Препараттың көлік құралдарын басқару және басқа механизмдермен жұмыс істеу қабілетіне әсер етуі мүмкін екенін растайтын деректер жоқ.

Қолдану бойынша ұсынымдар

Қолдану тәсілі

Ішке қабылдауға арналған. Таблеткалар тамақтану кезінде тұтастай қабылданады.

Дозалау режимі

Препараттың ұсынылатын дозасы 1200 мг даролутамидтің тәуліктік дозасына баламалы, тәулігіне екі рет 600 мг (300 мг-нан 2 таблеткадан) құрайды.

Нубека® препаратымен емдеумен бір мезгілде пациенттер гонадотропин-рилизинг гормонының (ГнРГ) аналогын алуы тиіс немесе оларға билатеральді орхиэктомия жүргізілуі тиіс.

Егер препаратты кезекті қабылдауды өткізіп алған болса, пациент бұл туралы есіне түскен бойда, келесі дозаға дейін таблеткаларды қабылдауы тиіс. Өткізіп алған таблетка қабылдауды компенсациялау мақсатында қосарлы дозаны қабылдауға болмайды.

Дозаны түзету

Пациентте ≥ 3-дәрежелі уыттылық пайда болған немесе қолайсыз жағымсыз реакция туындаған жағдайда емді уақытша тоқтату немесе симптомдар азайғанға дейін препараттың дозасын тәулігіне екі рет 300 мг-ға дейін азайту керек. Содан кейін Нубека® препаратымен ем тәулігіне екі рет 600 мг дозада жаңартылуы мүмкін.

Препараттың дозасын тәулігіне екі рет 300 мг-ден төмен төмендету ұсынылмайды. Нубека® препаратының ұсынылатын ең жоғары тиімді тәуліктік дозасы тәулігіне екі рет 600 мг құрайды.

Пациенттердің ерекше топтары

Балалар

18 жасқа толмаған балалар мен жасөспірімдерде Нубека® препаратының қауіпсіздігі мен тиімділігі жөніндегі деректер анықталмаған.

Егде жастағы пациенттер

Клиникалық зерттеулерде жас пациенттермен салыстырғанда (<65 жаста) 65-74, 75-84 жастағы немесе ≥ 85 жастағы егде пациенттерде Нубека® препаратының қауіпсіздігі мен тиімділігінің елеулі айырмашылықтары байқалған жоқ. Егде жастағы пациенттерге дозаны түзету қажет емес.

Бауыр функциясы бұзылған пациенттер

Бауыр жеткіліксіздігінің жеңіл дәрежесі бар пациенттерде даролутамид концентрациясының клиникалық мәнді ұлғаюы анықталған жоқ.

Бауыр функциясының орташа жеткіліксіздігі бар пациенттерде даролутамидтің фармакокинетикасы туралы шектеулі мәліметтер бар. Бауыр функциясының ауыр жеткіліксіздігі бар пациенттердегі даролутамидтің фармакокинетикалық параметрлері анықталмаған.

Бауыр функциясының жеңіл дәрежедегі (Чайлд-Пью жіктеуі бойынша А класы) бұзылуы бар пациенттерге дозаны түзету талап етілмейді.

Бауыр функциясының орташа жеткіліксіздігімен (Чайлд-Пью жіктеуі бойынша В класы) пациенттерге ұсынылатын даролутамидтің бастапқы дозасы тәулігіне 2 рет 300 мг құрайды.

Бүйрек функциясы бұзылған пациенттер

Қуықасты безінің метастаздық емес кастрациялық-резистентті обыры бар пациенттерде және қатерлі жаңа түзілімдері жоқ, еріктілерде алынған деректерді талдау бүйрек функциясының бұзылу дәрежесі жеңіл немесе орташа (рШСЖ 30-89 мл/мин/1,73 м2) пациенттерде даролутамид концентрациясының клиникалық мәнді жоғарылауын көрсеткен жоқ. Бүйрек функциясының ауыр жеткіліксіздігі бар пациенттерде даролутамидтің фармакокинетикалық профилі туралы мәліметтер шектеулі.

Гемодиализдегі бүйрек жеткіліксіздігінің терминалдық дәрежесі бар пациенттерде (рШСЖ <15 мл/мин/1,73 м2) даролутамидтің фармакокинетикасы зерттелмеген.

Бүйрек жеткіліксіздігінің жеңіл немесе орташа дәрежесі бар пациенттерге дозаны түзету талап етілмейді.

Бүйрек жеткіліксіздігінің ауыр дәрежесі (рШСЖ 15-29 мл/мин/1,73 м2) бар пациенттерде даролутамидтің ұсынылатын бастапқы дозасы тәулігіне 2 рет 300 мг-нан.

Этностық қатыстылығы

Әр түрлі этностық топтардағы пациенттерде клиникалық маңызды айырмашылықтар болған жоқ. Пациенттің этностық қатыстылығына байланысты препараттың дозасын түзету қажет емес.

Артық дозалану жағдайында қабылдануы қажет шаралар

Клиникалық зерттеулерде Нубека® препаратының ең жоғары жиынтық тәуліктік дозасы 1800 мг (күніне екі рет 900 мг) құрады және дозаны төмендетуді талап ететін уыттылық жағдайларына әкеп соқпады.

Даролутамидтің қаныққан сіңірілуін және жедел уыттылықтың дәлелденген жағдайларының болмауын ескере отырып, даролутамидті ұсынылғаннан жоғары дозада қолдану уыттанудың туындауына әкеп соқпайды деп күтілуде.

Артық дозалану симптомдары анықталмаған. Спецификалық антидот жоқ.

Ұсынылған дозадан асатын дозаны қабылдаған жағдайда Нубека® препаратын қабылдау емдеу жоспарына сәйкес жалғастырылуы мүмкін.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Нубека® препараты қауіпсіздігінің жалпы бейіні 1508 пациенттің қатысуымен клиникалық зерттеулердің деректеріне негізделеді, оның ішінде 954 пациент ARAMIS зерттеуінде препараттың кемінде бір дозасын алды.

Ең жиі жағымсыз реакция (пациенттердің ≥ 10%) шаршау болды.

Нубека® препаратын қолдану кезінде байқалған төменде санамаланған жағымсыз құбылыстар мынадай градацияға сәйкес туындау жиілігі бойынша бөлінген: өте жиі (≥ 1/10), жиі (≥1/100-ден < 1/10-ға дейін). Белгілі бір реакцияны, оның синонимдерін және онымен байланысты жағдайларды жіктеу және сипаттау үшін реттеуші қызметке арналған медициналық сөздіктен (MedDRA, 21.0 нұсқасы) ең қолайлы термин қолданылады.

Әрбір жиілік тобында жағымсыз құбылыстар олардың маңыздылығын азайту тәртібімен ұсынылады.

1-кесте. ARAMIS клиникалық зерттеу барысында Нубека® препаратымен емдеу аясында байқалған жағымсыз реакциялар

2-кесте. ARAMIS клиникалық зерттеуінде плацебо қабылдаған пациенттермен салыстырғанда Нубека® препаратымен ем аясында пациенттерде зертханалық көрсеткіштердің ауытқу жиілігі

* Нақты зертханалық көрсеткіштер бойынша тексерілген пациенттердің саны әртүрлі болуы мүмкін. Әрбір зертханалық көрсеткіштің ауытқу жиілігі тиісті түрде есептелді.

** Жағымсыз құбылыстарды бағалау терминологиясының жалпы критерийлері (CTCAE), 4.03-нұсқа. Зертханалық көрсеткіштің ауытқу дәрежесін анықтау мақсатында зертханалық талдаулар нәтижелерінің мәндері ғана (клиникалық бағалаусыз) пайдаланылды. 4-ші дәрежелі зертханалық зерттеулердің мәні нейтрофилдер санының азаюымен шектелді.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Қабықпен қапталған бір таблетканың құрамында

белсенді зат – даротуламид, 300 мг

Қосымша заттар: кальций гидрофосфаты, натрий кроскармеллозасы, лактоза моногидраты, магний стеараты, повидон К 30.

Үлбірлі қабық (ақ лак): гипромеллоза 15 сР, лактоза моногидраты, макрогол 3350, титанның қостотығы (Е171).

Сыртқы түрінің, иісінің, дәмінің сипаттамасы

Үлбірлі қабықпен қапталған, ақтан дерлік ақ түске дейін, сопақша пішінді, бір жағында «BAYER» және екінші жағында «300» таңбасы бар таблеткалар

Шығарылу түрі және қаптамасы

16 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

7 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Финляндия

Орион Корпорейшн

Орионинте 1, 02200 Эспоо

Тіркеу куәлігінің ұстаушысы

Байер АГ

51373 Леверкузен, Германия

тел.: 0214/30 51 348

факс: 0214/30 51 603

е-mail: medical-information@bayer.com

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Байер КАЗ» ЖШС

Тимирязев к-сі 42, 15 павильон, 301 кеңсе

050057, Алматы, Қазақстан Республикасы

тел.+7 727 258 80 40,

факс: +7 727 258 80 39,

e-mail: kz.claims@bayer.com

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Байер КАЗ» ЖШС

Тимирязев к-сі 42, 15 павильон, 301 кеңсе

050057, Алматы, Қазақстан Республикасы

тел: +7 701 715 78 46 (тәулік бойы)

тел:+7 727 258 80 40, ішк. 106 (жұмыс уақытында)

факс: +7 727 2588 039

e-mail: pv.centralasia@bayer.com