Ношверин (таблетки)
Инструкция
-
русский
-
қазақша
Саудалық атауы
Ношверин
Халықаралық патенттелмеген атауы
Дротаверин
Дәрілік түрі
Таблеткалар 0,04 г
Құрамы
Бір таблетканың құрамында
белсенді зат - дротаверин гидрохлориді құрғақ затқа шаққанда 0,04 г,
қосымша заттар: лактоза моногидраты, жүгері крахмалы, магний стеараты, тальк.
Сипаттамасы
Ашық сарыдан сарғыш-жасыл түске дейінгі дөңгелек, жалпақ цилиндр тәрізді, ойығы бар таблеткалар.
Фармакотерапиялық тобы
Ас қорыту жолы және зат алмасу. АІЖ функционалдық бұзылыстарын емдеуге арналған препараттар. Папаверин және туындылары. Дротаверин.
АТХ коды A03AD02
Фармакологиялық қасиеттері
Фармакокинетикасы
Сіңірілуі
Дротаверин парентальді және пероральді енгізгеннен кейін жылдам сіңеді.
Таралуы
Ол плазма альбуминдерімен (95-98%), альфа- және бета-глобулиндермен жоғары дәрежеде байланысады.
Қан сарысуындағы ең жоғары концентрациясына пероральді қабылдағаннан кейін 45-60 минуттан соң жетеді.
Биотрансформациясы
Жүйеалды метаболизмінен кейін дротавериннің қабылдаған дозасының 65% өзгермеген түрде жүйелі қан ағымына түседі. Ол бауырда метаболизденеді.
Шығарылуы
Дротавериннің биологиялық кезеңі 8-10 сағатты құрайды. 72 сағатта препарат толығымен дерлік организмнен шығарылады, бұл ретте шамамен 50% несеппен және 30% жуығы нәжіспен шығарылады. Негізінен дротаверин метаболиттер түрінде шығарылады, препараттың өзгермеген түрі несепте анықталмайды.
Фармакодинамикасы
Дротаверин – изохинолин туындысы, ол фосфодиэстераза IV (ФДЭ IV) ферментінің әсерін бәсеңдету арқылы тегіс бұлшықетке спазмолитикалық әсер көрсетеді, бұл цАМФ концентрациясының ұлғаюына және миозин киназасының жеңіл тізбегінің (MLCK) белсенділігі жойылуы арқасында тегіс бұлшықеттің босауына әкеледі
In vitro дротаверин ФДЭ ІV ферментінің әсерін бәсеңдетеді және фосфодиэстераза ІІІ (ФДЭ ІІІ) және фосфодиэстераза V (ФДЭ V) изоферменттерінің әсеріне әсер етпейді. ФДЭ ІV тегіс бұлшықеттің жиырылу белсенділігін төмендету үшін үлкен функционалдық мәні бар, сондықтан бұл ферменттің таңдамалы тежегіштері өте жоғары қозғалғыштықпен қатар жүретін ауруларды, сондай-ақ асқазан-ішек жолының түйілулері пайда болатын түрлі ауруларды емдеу үшін пайдалы болуы мүмкін.
Миокардтың және тамырлардың тегіс бұлшықеттерінің жасушаларында цАМФ негізінен ФДЭ ІІІ изоферментімен гидролизденеді.
Дротаверин автономды иннервация түріне қарамастан асқазан-ішек, билиарлық, несеп-жыныстық және тамыр жүйесінің тегіс бұлшықеттеріне әсер етеді.
Ол өзінің тамырды кеңейту қабілетінің арқасында қанайналымды күшейтеді.
Қолданылуы
Мыналарда емдеу мақсатында:
- биллиарлы жолдың ауруларымен байланысты тегіс бұлшықеттердің түйілулерінде: холецистолитиазда, холангиолитиазда, холециститте, перихолециститте, холангитте, папиллитте
- несеп жолы ауруларында тегіс бұлшықет түйілулерінде : нефролитиазда, уретеролитиазда, пиелитте, циститте, қуық тенезмінде.
Мыналарда қосымша емдеу ретінде:
- асқазан-ішек жолдарының тегіс бұлшық еттерінің түйілулерінде: асқазанның және он екі елі ішектің ойық жара ауруында, гастритте, кардио- және/немесе пилороспазмда, энтеритте, колитте, іш қатуы бар түйілетін колитте және метеоризммен қатар жүретін ішек тітіркенуі синдромында
- ширығудан болған бас ауыруында
- гинекологиялық ауруларда (дисменорея).
Қолдану тәсілі және дозалары
Ересектер: әдеттегі орташа доза тәулігіне 2-3 қабылдауға 120-240 мг құрайды.
6 жастан 12 жасқа дейінгі балаларға: ең жоғары тәуліктік доза 80 мг құрайды (2 қабылдауға бөлінген, 1 таблеткадан (40 мг) тәулігіне 2 рет).
12 жастан үлкен балаларға: ең жоғары тәуліктік доза 160 мг құрайды (2-4 қабылдауға бөлінген, 1 таблеткадан (40 мг) тәулігіне 2-4 рет).
Емдеу ұзақтығын ауру сипаты және барысына қарай дәрігер анықтайды.
Жағымсыз әсерлері
Клиникалық сынақтар кезінде байқалатын дротаверинді қолданумен байланысты ықтимал жағымсыз әсерлері төменде атап көрсетілген: өте жиі (> 1/10); жиі (> 1/100, < 1/10); кейде (> 1/1,000, < 1/100); сирек (> 1/10,000, < 1/1,000); өте сирек (< 1/10,000), белгісіз: қолда бар деректер бойынша бағалау мүмкін емес:
Иммун жүйесі тарапынан бұзылулар
Сирек: аллергиялық реакция (Квинке ісінуі, есекжем, бөртпе, қышыну). Белгісіз: өліммен аяқталатын немесе өлімге әкеп соқтырмайтын анафилаксиялық шок инъекция түрінде ем алған пациенттерде тіркелген.
Жүйке жүйесі тарапынан бұзылулар
Сирек: бас ауыру, бас айналу, ұйқысыздық.
Жүрек тарапынан бұзылулар
Сирек: жүрек қағуының жиілеуі.
Қантамырлар тарапынан бұзылулар
Сирек: гипотензия.
Жалпы бұзылыстар және енгізген жердегі бұзылулар:
Сирек: инъекция енгізген жердегі жергілікті реакция.
Потенциалды жағымсыз дәрілік реакциялар туралы хабарлама
Потенциалды жағымсыз дәрілік реакциялар туралы хабарламаның дәрілік заттың авторизациясынан кейінгі мәні зор. Олар дәрілік заттың пайда/қауіп теңгерімін мониторингтеуін жалғастыруға мүмкіндік береді. Медициналық мамандар кез келген болжамды жағымсыз реакциялары туралы сауда лицензиясы иесіне, немесе, егер ондайлар болса, ұлттық есептілік жүйесі арқылы хабарлауды өтінеді.
Қолдануға болмайтын жағдайлар
- дротаверинге немесе препараттың басқа компоненттеріне жоғары сезімталдық
- бауыр, бүйрек функциясының ауыр бұзылулары
- жүрек функциясының айқын жеткіліксіздігі
- тұқым қуалайтын фруктоза көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы
- тұқым қуалайтын фруктоза жақпаушылығы, Lapp-лактаза ферменті тапшылығы, глюкоза-галактоза мальабсорбциясы бар адамдарға
- 6 жасқа дейінгі балаларға
- лактация кезеңі
Дәрілермен өзара әрекеттесуі
Холинолитиктермен үйлестіріп, сондай-ақ гипертониялық кризді басу үшін біріктірілген ем құрамында қолдануға болады. Леводопа препараттарымен бір мезгілде қолданған кезде соңғысының паркинсон ауруына қарсы әсері төмендеуі мүмкін. Аритмияға қарсы дәрілер, антидепрессанттар аясында гипотензиялық әсер күшейеді. Барбитураттармен қолдануда (фенобарбитал) спазмолитикалық әсері күшейеді.
Айрықша нұсқаулар
Коронарлы артериялардың айқын атеросклерозы, қуық асты безінің аденомасы, глаукомасы бар пациенттерге сақтықпен тағайындаған жөн. Препарат лактоза жақпайтын науқастарда, таблетка құрамында лактозаның болуына байланысты, диспепсиялық құбылыстарды тудыруы мүмкін.
Педиатрияда қолданылуы
Препараттың берілген дәрілік түрін 6 жасқа дейінгі балаларға тағайындамайды.
Жүктілік
Жүктілік кезеңінде препаратты қолданудың қауіпсіздігі жеткіліксіз, осыған байланысты жүкті әйелдерге шұғыл жағдайларда және ықтимал қаупі мен пайдасын салыстырғаннан кейін ғана қолдану керек.
Лактация кезеңі
Препаратты лактация кезеңінде тағайындау ұсынылмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың жағымсыз әсерлерін ескере отырып, автокөлік басқарған кезде және жоғары зейін қоюды талап ететін жұмыстарды орындағанда сақ болған жөн.
Артық дозалануы
Симптомдары: препараттың жағымсыз әсерлерінің күшеюі, атрио-вентрикулярлы блокада (AV-блокада), жүректің тоқтап қалуы, тыныс алу орталығының салдануы дамуы мүмкін.
Емі: АV-блокаданы жеңілдету мақсатында атропинді немесе изопреналинді вена ішіне, жүректің соғу ырғағын қалпына келтіру үшін атропинді немесе адреналинді вена ішіне қолданады, тыныс алу орталығы салданғанда өкпелерді жасанды жолмен желдету жүргізіледі.
Шығарылу түрі және қаптамасы
10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.
3 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картоннан жасалған қорапшаға салады.
Сақтау шарттары
Жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Лекхим-Харьков» ЖАҚ,
Украина, 61115, Харьков обл., Харьков қаласы, Северин Потоцкий көшесі, 36 үй.
Тіркеу куәлігінің иесі
«Лекхим-Харьков» ЖАҚ, Украина
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«L-Фарма» ЖШС
050061, Қазақстан Республикасы
Алматы қ., Тастақ-1 ы/а, 3 үй
тел./факс: (727) 374-88-75, 374-88-72
elfarma@rambler.ru