НООФЕН® (NOOPHENUM®) 500

НООФЕН® (NOOPHENUM®) 500

Жоқ

Ішке қабылдау үшін ерітінді дайындауға арналған ұнтақ, 500 мг

Бір пакеттің ішінде

белсенді зат – 500 мг фенибут (-амин--фенилмай қышқылы гидрохлориді) бар.

қосымша заттар: мaннитол, аспартам, «Orange Durarome» хош иістендіргіші.

Ақтан ашық крем түстіге дейінгі ұнтақ. Сары түсті қоспаға жол беріледі.

Психоаналептиктер. Психостимуляторлар және ноотроптар. Басқа да психостимуляторлар және ноотроптар. Фенибут.

АТХ коды N06ВX22

Фармакокинетикасы

Сіңірілуі және таралуы

Ішке қабылдағаннан кейін препарат асқазан-ішек жолынан жақсы сіңіріледі және организмнің барлық тіндеріне еніп, гематоэнцефалдық бөгеттен өтеді. Ми тініне препараттың енгізілген дозасының 0,1 %-ға жуығы өтеді, жас және егде жастағы адамдарда ересектерге қарағанда дәрежесі жоғарылау болуы мүмкін. Препарат қандағы ең жоғарғы концентрациясына 3 сағаттан соң жетеді. Байланысуының көп бөлігі бауырда жүреді (80 %), бұл байланысы спецификалық болып табылмайды.

Метаболизмі және шығарылуы

Дозасының 80-95 %-ы бауырда фармакологиялық белсенді емес метаболиттеріне дейін метаболизденеді. Шамамен 5 %-ы бүйрекпен өзгеріссіз күйде шығарылады. Жартылай шығарылу кезеңі 5 сағатты құрайды. Қайталап енгізген кезде жинақталуы байқалмайды.

Фармакодинамикасы

Ноофен мидың жүйке жасушаларындағы метаболизм үдерістеріне әсер етеді. Ноофеннің әсер етуші заты – фенибутты -аминмай қышқылы (ГАМҚ) мен -фенилэтиламиннің туындысы ретінде қарастыруға болады. Ноофен ноотроптық белсенділікке ие, ал ГАМҚ туындысы ретінде анксиолитикалық (транквилизациялаушы) әсерді иеленеді. Ноофен ширығуды, мазасыздықты, қорқынышты азайтады және ұйқыны жақсартады, сондықтан оны невроздарды және операциялардың алдында емдеу үшін пайдаланады. Ноофен нистагмның латенттік кезеңін ұзартады және ұзақтығы мен айқындығын азайтады.

Ноофен астения көріністері мен вазовегетативтік симптомдарды, соның ішінде бас ауыруын, бастағы ауырлық сезімін, ұйқының бұзылуын, ашушаңдықты, көңіл-күйдің құбылмалылығын едәуір төмендетеді. Препарат ақыл-ой еңбегіне қабілеттілікті арттырады.

Ноофеннің әсерінен психикалық көрсеткіштер (зейін, жады, сенсорлық-моторлық реакциялардың жылдамдығы мен дәлдігі) жақсара түседі. Астениясы бар пациенттер мен көңіл-күйі құбылмалы пациенттерде емдеудің алғашқы күндерінен-ақ науқас өзін субъективті түрде жақсы сезіне бастайды, қызығушылық пен ынтасы, әрекеттерге ұмтылысы жоғарылайды.

- астениялық және үрейлі-невроздық жағдайларда: мазасыздық, қорқу, үрейлену; маза бермейтін жай-күйлермен жүретін неврозда, психопатияда

- егде жастағы адамдардағы ұйқысыздық пен түнгі мазасыздықта

- балалардағы тұтығуды, энурезді, тартылуларды емдеуде

- операциялар немесе ауырсынумен жүретін диагностикалық зерттеулер алдындағы стресс жағдайларының профилактикасы үшін

- абстиненция синдромы кезіндегі психопатологиялық және соматовегетативтік бұзылуларды басу үшін қосымша дәрі ретінде

- алкогольдік делирий алдындағы және делирий жағдайларын емдеуге арналған жалпыға ортақ уытсыздандырғыш дәрілермен біріктіріп

- Меньер ауруында, вестибулярлық аппараттың дисфункциясымен байланысты бас айналуында

- тербелудің профилактикасы үшін

Пакеттің ішіндегісін жарты стақан жылы суда ерітеді және тамаққа дейін ішеді.

Ересектерге күніне 1-3 рет 500 мг-ден (1 пакет) тағайындайды. Қажет болса, күндізгі дозасын 2,5 г дейін (5 пакет) арттыруға болады. Емдеу курсы  2-3 апта. Қажеттілігіне қарай, курсын 4-6 аптаға дейін ұзартуға болады.

14 жастан асқан балаларға – ересектерге арналған дозалары.

Алкогольдік абстиненттік синдромды басу үшін емдеудің алғашқы күндері күні бойына 2-3 рет 500 мг-ден және түнге 500 мг тағайындап, тәуліктік дозасын біртіндеп ересектерге арналған әдеттегі дозасына дейін төмендетеді.

Вестибулярлық анализатордың шығу тегі инфекциялық (отогендік лабиринтит) дисфункциясы кезіндегі бас айналуын басу үшін және өршу кезеңіндегі Меньер ауруында 5-7 күн бойы тәулігіне 3 рет 500 мг тағайындайды. Вестибулярлық бұзылыстардың айқындығы азайған кезде – 5-7 күн бойы тәулігіне 2-3 рет 500 мг және содан соң – 5 күн бойы тәулігіне 1 рет 500 мг-ден. Аурулардың ағымы салыстырмалы түрде жеңіл болған жағдайда – 5-7 күн бойы тәулігіне 1 рет 500 мг.

Вестибулярлық анализатордың шығу тегі қантамырлық және жарақаттық дисфункциялары кезіндегі бас айналуын емдеу үшін 12 күн бойы тәулігіне 1 рет 500 мг тағайындайды.

Теңізде жүзу жағдайларындағы тербелудің профилактикасы үшін, болжалды тербелістің басталуынан бір сағат бұрын немесе теңіз ауруының алғашқы симптомдары пайда болған кезде бір рет 500 мг дозада тағайындайды. Бас айналуына қарсы әсері препараттың дозасын арттырған кезде күшейе түседі. Теңіз ауруының айқын көріністері басталса (құсу және т.б.) препаратты тіпті 1000 мг дозада да қабылдаудың тиімділігі аз болады.

Әуе ауруының профилактикасы үшін, ұшуға дейін бір сағат бұрын бір рет 500 мг дозада тағайындайды.

Пациенттердің ерекше топтары

Бауыр функциясының бұзылулары бар пациенттерге Ноофен препаратының жоғары дозалары гепатоуыттылық туғызуы мүмкін. Аталған топтағы пациенттерге азғантай тиімді дозалары тағайындалады.

Ноофен препаратының емдік дозаларын қабылдағанда бүйрек функциясының бұзылулары бар пациенттерге жағымсыз әсер ететіні туралы деректер жоқ.

Дәрілік затқа үйренісу мен тәуелділік байқалмайды, «тоқтату синдромы» жоқ.

Егер қабылдауды өткізіп алсаңыз, препаратты есіңізге түскен бойда қабылдаңыз, бірақ келесі қабылдаудың уақыты жақындап қалса, өткізіп жіберіңіз. Ешқашан екі есе дозасын қабылдамаңыз.

Ноофен әдетте жақсы көтерімді.

Ұнамсыз жағымсыз реакцияларының даму жиілігіне байланысты классификациясы: өте жиі (≥ 1/10); жиі (≥ 1/100 - < 1/10 дейін); жиі емес (≥ 1/1000 - < 1/100дейін); сирек (≥ 1/10 000 - < 1/1000 дейін); өте сирек (< 1/10 000); пайда болуы жиілігі белгісіз (қолжетімді деректер бойынша анықтау мүмкін емес).

Сирек

- аллергиялық реакциялар (тері бөртпесі, қышыну)

Пайда болу жиілігі белгісіз (қолжетімді деректер бойынша анықтау мүмкін емес)

- ұйқышылдық, ашушаңдықтың күшеюі, қозу, үрейлену (емдеудің басында)

- жүрек айнуы (емдеудің басында)

- бас ауыруы, бас айналуы (күніне 2 г асатын дозаларында қабылдағанда; дозасын төмендеткен кезде жағымсыз әсерлерінің айқындығы азаяды)

- гепатоуыттылық (жоғары дозаларын ұзақ уақыт қолданғанда).

Балаларда, дәрілік затты дұрыс қолданбаған кезде, эмоционалдық тұрақсыздық пен ұйқының бұзылуы байқалуы мүмкін екендігі туралы деректер бар.

Егер Сізде осы нұсқаулықта көрсетілмеген қандай-да бір жағымсыз әсерлер пайда болса, немесе жоғарыда аталған әсерлердің қандай-да біреуінің айқындығы өте күшті болса, дәрігерге қаралуыңызды өтінеміз.

- препараттың әсер етуші затына немесе қосымша заттарына жоғары сезімталдық

- жүктілік және лактация кезеңі

- 14 жасқа дейінгі балаларға (осы дозасы үшін)

- фенилкетонурия (ұнтақтың құрамында тәттілендіргіш аспартам бар)

Ноофенді психотроптық препараттармен, Ноофен препаратының және онымен үйлестірілетін дәрілік заттардың дозасын азайта отырып біріктіруге болады.

Ұйықтататын дәрілердің, есірткілік анальгетиктердің, паркинсон ауруына қарсы дәрілердің, транквилизаторлар мен нейролептиктердің әсерін ұзартады және күшейтеді.

Препараттың тітіркендіргіш әсеріне байланысты, асқазан-ішек жолының эрозиялы-ойық жаралы аурулары бар науқастарға сақтық таныту керек. Ол науқастарға препараттың азғантай дозалары тағайындалады. Ұзақ уақыт қолданғанда бауыр функциясының көрсеткіштері мен шеткері қан көрінісін бақылау қажет.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұйқышылдық, бас айналуы немесе орталық жүйке жүйесі тарапынан басқа бұзылулар байқалған науқастарға емделу кезінде көлік құралын басқаруға немесе механизмдермен жұмыс жасауға болмайды.

Артық дозаланған жағдайлары белгісіз. Препараттың уыттылығы аз.

Симптомдары: ұйқышылдық, жүрек айнуы, құсу, бас айналуы. Жоғары дозаларын ұзақ уақыт қолданғанда эозинофилия, артериялық гипотензия, бауырдың майлы дистрофиясы, бүйрек функциясының бұзылуы дамуы мүмкін.

Емі: уланған жағдайда асқазанды шаю, белсендірілген көмірді қабылдау, демеуші және симптоматикалық ем жүргізіледі. Спецификалық антидоты белгісіз.

Артық дозаланғанына күдіктенген жағдайда дәрігер шақырту қажет.

Шығарылу түрі және қаптамасы

2,5 г препараттан ламинаттан жасалған пакеттерге салынған.

5 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Құрғақ жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек.

2 жыл

Препаратты қаптамасында көрсетілген жарамдылық мерзімі өткеннен кейін қолдануға болмайды.

Рецепт арқылы

Өндіруші

«ОЛАЙНФАРМ» АҚ

Мекенжайы: Рупницу к-сі 5, Олайне, LV-2114, Латвия.

Тіркеу куәлігін ұстаушы

«ОЛФА» ЖШҚ

Мекенжайы: Данькевич к-сі 4, Киев, 02232, Украина.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы):

«ОЛАЙНФАРМ» АҚ өкілдігі

050009 Алматы қ., Абай д-лы 151/115, 807 кеңсе

Телефон / факс 007 727 333 46 52

E-mail olainfarm.instr@mail.ru