НООФЕН® (NOOPHENUM®) (250 мг)

• русский
• қазақша

• Скачать инструкцию медикамента

Саудалық атауы

НООФЕН® (NOOPHENUM®)

Халықаралық патенттелмеген атауы

Жоқ

Дәрілік түрі

Таблеткалар 250 мг

Құрамы

Бір таблетканың құрамында

белсенді зат: 250 мг -амино--фенилмай қышқылы гидрохлориді бар,

қосымша заттар: картоп крахмалы, лактоза моногидраты, кальций стеараты.

Сипаттамасы

Жалпақ цилиндр пішінді, бір жағында ойығы мен сызығы бар, ақтан сарғыштау реңді ақ түске дейінгі таблеткалар

Фармакотерапиялық тобы

Психоаналептиктер. Психостимуляторлар және ноотроптар. Психостимуляторлар және басқа да ноотроптар.

АТХ коды N06ВХ

Фармакологиялық қасиеттері

Фармакокинетикасы

Ішке қабылдағаннан кейін препарат асқазан-ішек жолынан жақсы сіңеді және организмнің барлық тіндеріне өтеді, гематоэнцефалдық бөгеттен оңай өтеді. Ми тіндеріне препараттың енгізілен дозасының 0,1 %-ға жуығы, жас және егде жастағы адамдарда айтарлықтай көп дәрежеде өтеді. Басым байланысы бауырда жүреді (80 %), бұл байланысы спецификалық болып табылмайды, дозасының 80-95 % бауырда фармакологиялық белсенді емес метаболиттерге дейін метаболизденеді. Шамамен 5 %-ы бүйрекпен өзгеріссіз күйде шығарылады. Қайталап енгізгенде жинақталуы байқалмаған.

Фармакодинамикасы

Ноофен мидың жүйке жасушаларындағы метаболизмдік үдерістерге жағымды әсер етеді. Ноофеннің әсер етуші затын (-амино--фенилмай қышқылының гидрохлоридін) (ГАМК) -амино-май қышқылының туындысы немесе -фенилэтиламин туындысы ретінде қарастыруға болады. Ноофен ноотропты белсенділікке ие, ал ГАМК туындысы ретінде анксиолитикалық (транквилизациялаушы) әсері бар. Холин- және адренорецепторларға әсер етпейді.

Препарат ширығуды, мазасыздықты, қорқынышты азайтады және ұйқыны жақсартады, сондықтан оны невроздарды емдеу үшін және операциялар алдында пайдаланады. Ноофен ұйықтататын, есірткілік және паркинсон ауруына қарсы дәрілердің әсерін ұзартады және күшейтеді. Ноофеннің құрысуға қарсы белсенділігі жоқ. Ноофен нистагмның жасырын кезеңін ұзартады және оның ұзақтығы мен айқындығын азайтады. Препарат астения көріністері мен вазовегетативтік симптомдарды, соның ішінде бас ауыруын, бастағы ауырлық сезімін, ұйқының бұзылуын, ашушаңдықты, көңіл-күйдің құбылмалылығын едәуір азайтады және ақыл-ой еңбегіне қабілеттілікті арттырады. Транквилизаторлардың әсеріне қарағанда, Ноофеннің әсерінен психологиялық көрсеткіштер (зейін, жады, сенсорлық-моторлық реакциялардың жылдамдығы мен дәлдігі) жақсарады. Астениясы бар және көңіл-күйі құбылмалы пациенттерде емдеудің алғашқы күндерінен-ақ субъективті көңіл-күй жақсарады, қызығушылығы мен ынталылығы, седациясыз немесе қозусыз іс-әрекет мотивациясы артады.

Қолданылуы

- астениялық және үрейлі-невроздық жағдайларда: мазасыздық, қорқыныш, үрей; маза бермейтін жағдайлар неврозы, психопатия

- ұйқысыздық, егде жастағы адамдардағы түнгі мазасыздықта

- тұтығуды, энурезді, балалардағы жыбырлап тартылуды емдеуде

- стресс жағдайларының профилактикасында, операциялар немесе ауырсынумен жүретін диагностикалық зерттеулер алдында

- маскүнемдікті емдеу кезінде абстиненция синдромы кезіндегі психопатологиялық және соматовегетативтік бұзылуларды қайтару үшін, қосымша дәрі ретінде

- алкогольдік делириоз алды және делириоздық жағдайларды емдеу үшін жалпыға ортақ уытсыздандырғыш дәрілермен біріктірілімде

- Меньер ауруында, вестибулярлық аппарат функциясының бұзылуына байланысты бас айналуында

- тербелуден бас айналуының профилактикасында

Қолдану тәсілі және дозалары

Ноофенді тамақтан кейін ішке, сумен ішіп қабылдайды. Таблеткаларды бөлуге болады.

Ересектерге күніне 3 рет 250-500 мг-ден тағайындайды. Жоғары бір реттік дозалары: ересектер үшін  750 мг, 60 жастан асқандар үшін - 500 мг. Қажет болса күндізгі дозасын 2,5 г (2500 мг) дейін арттыруға болады. Емдеу курсы  2-3 апта. Қажет болса, курсын 4-6 аптаға дейін ұзартуға болады.

Балалар: 11-ден 14 жасқа дейінгі балаларға  күніне 3 рет 250 мг құрайды. 14 жастан асқан балаларға – ересектерге арналған доза.

11 жасқа дейінгі балаларға Ноофен 100 препаратының ішке қабылдау үшін ерітінді дайындауға арналған ұнтағын қолдану ұсынылады.

Алкогольдік абстинентті синдромды басу үшін емдеудің алғашқы күндері тәуліктік дозасын біртіндеп әдеттегіге дейін төмендете отырып, күні бойы 3 рет 250-500 мг және түнге 750 мг қабылдайды.

Шығу тегі инфекциялы вестибулярлық анализатор дисфункциясы кезінде (отогендік лабиринтит) және Меньер ауруында өршу кезеңінде 5-7 күн бойы тәулігіне 3 рет 750 мг, вестибулярлық бұзылыстардың айқындығы төмендегенде  5-7 күн бойы тәулігіне 3 рет 250-500 мг препараттан және содан кейін  5 күн бойы тәулігіне 1 рет 250 мг-ден тағайындайды. Аурудың салыстырмалы түрде жеңіл ағымында 5-7 күн бойы тәулігіне 2 рет 250 мг-ден, сосын 7-10 күн бойы тәулігіне 1 рет 250 мг-ден қабылдайды.

Вестибулярлық анализатор функциясының шығу тегі тамырлық және жарақаттық бұзылуларындағы бас айналуын емдеуде 12 күн бойы тәулігіне 3 рет 250 мг тағайындайды.

Кинетоздар кезіндегі тербелуден болатын бас айналудың профилактикасы үшін: жоспарланған саяхатқа дейін 1 сағат бұрын немесе тербелуден бас айналуының алғашқы симптомдары пайда бола бастағанда бір рет 250-500 мг. Тербелуден болатын бас айналуға қарсы әсері препараттың дозасын арттырған кезде күшейеді. Препараттың тербелуден бас айналуының айқын („тоқтаусыз” құсу және басқалары) құбылыстары кезінде тиімділігі аз.

Өткізіліп алған дозасының орнын толтыру үшін ешқашан екі дозасын қабылдамаңыз.

Жағымсыз әсерлері

Ноофен 250 әдетте жақсы көтерімді.

- ұйқышылдық, жүрек айнуы, ашушаңдықтың күшеюі, қозу, үрейлену, бас ауыруы, бас айналуы (алғашқы қабылдаулардан кейін)

- аллергиялық реакциялар (тері бөрпесі, қышыну) кейде

- гепатоуыттылық (жоғары дозаларын ұзақ уақыт қабылдағанда)

Егер Сізде аталған нұсқаулықта көрсетілмеген қандай-да бір жағымсыз әсерлері пайда болса, немесе айтылған жағымсыз әсерлердің қандай да біреуі өте күшті білінсе, дәрігерге қаралуыңызды өтінеміз.

Қолдануға болмайтын жағдайлар

- препараттың әсер етуші затына немес қосымша заттарына жоғары сезімталдық

- жедел бүйрек жеткіліксіздігі

- галактоза жақпаушылығының, глюкоза/галактоза мальабсорбциясының тұқым қуалайтын түрлері

- лактаза жеткіліксіздігі

- жүктілік және лактация кезеңі

- 11 жасқа дейінгі балаларға (аталған дәрілік түр үшін)

Дәрілермен өзара әрекеттесуі

Ұйықтататын, есірткілік анальгетиктердің, эпилепсияға қарсы және паркинсон ауруына қарсы дәрілердің, транквилизаторлар мен нейролептиктердің әсерлерін күшейтеді.

Айрықша нұсқаулар

Препараттың тітіркендіргіштік әсері болғандықтан, асқазан-ішек жолының эрозиялы-ойық жаралы аурулары бар науқастарға сақ болу керек. Мұндай науқастарға препараттың азғантай дозалары тағайындалады. Ұзақ уақыт қолданғанда бауыр функциясының көрсеткіштері мен шеткері қан көрінісін бақылауға алу қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұйқышылдық, бас айналуы немесе жүйке жүйесі тарапынан бұзылулар байқалған науқастарға емдеу кезінде көлік құралдарын басқаруға немесе механизмдермен жұмыс жасауға болмайды.

Артық дозалануы

Ноофен – уыттылығы аз препарат, тек тәуліктік 7-14 г дозада ұзақ уақыт қолданғанда ғана ол гепатоуытты болуы мүмкін.

Аталған дозалары ұсынылған дозасынан едәуір артық (орташа емдік дозасы 500 – 2500 мг құрайды). Тек жоғары дозасы қолданылғанда ғана эозинофилия және бауырдың майлы дистрофиясы байқалған. Препаратты азғантай дозаларда қолданғанда ондай өзгерістер болмаған.

Симптомдары: ұйқышылдық, жүрек айнуы, құсу, бас айналуы болуы мүмкін. Жоғары дозаларын (7 г асатын) ұзақ уақыт қолданғанда, эозинофилия, артериялық гипотензия, бүйрек функциясының бұзылулары, бауырдың майлы дистрофиясы дамуы мүмкін.

Емі: асқазанды шаю, белсендірілген көмірді қабылдау, демеуші және симптоматикалық ем. Арнайы антидоты жоқ.

Шығарылу түрі мен қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Препаратты жарамдылық мерзімі өткеннен кейін қолдануға болмайды

Дәріханалардан босатылу шарттары

Рецепт арқылы

Тіркеу куәлігінің ұстаушысы/Өндіруші

“ОЛАЙНФАРМ” АҚ

Мекенжайы: Рупницу к-сі 5, Олайне, LV- 2114, Латвия.

Қазақстан Республикасы аумағында тұтынушылардан өнім (тауар) сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

“ОЛАЙНФАРМ” АҚ өкілдігі

050009 Алматы қ., Абай д-лы 151/115, 807 кеңсе,

Телефон / Факс 007 727 333 46 52

E-mail olainfarm.instr@mail.ru