НОВАВЕРДЕ (0.16 %)

НОВАВЕРДЕ

Кетопрофен

Дəрілік түрі, дозалануы

Ауыз қуысына және тамаққа арналған спрей 0,16 %

Асқорыту жүйесі және зат алмасу. Стоматологиялық препараттар. Ауыз қуысы ауруларына шалдыққанда жергілікті пайдалануға арналған басқа препараттар. Басқалары.

АТХ коды: А01АD11.

Тітіркенумен және қабынумен қатар жүретін, оның ішінде ауызжұтқыншақ қуысындағы (мысалы, гингивит, стоматит, фарингит), сондай-ақ консервативті стоматологиялық емдеу салдарынан және тісті жұлғаннан кейінгі ауырсынумен байланысты ауруларды симптоматикалық емдеу.

Дəрілік препаратты қолданудың басталуына дейінгі қажетті мəліметтер тізбесі.

Қолдануға болмайтын жағдайлар.

• белсенді затқа, басқа да қабынуға қарсы стероидты емес препараттарға (ҚҚСП) немесе қосымша заттардың кез келгеніне жоғары сезімталдық

• бронх демікпесінің, бронх түйілуінің, жедел риниттің ұстамаларын тудыратын немесе мұрын полиптерінің, есекжемнің немесе ангионевроздық ісінудің дамуына әкелетін, әсер ету механизмі ұқсас заттары (мысалы, ацетилсалицил қышқылы және басқа да ҚҚСД) бар пациенттерге қолдануға болмайды

• анамнезінде бронх демікпесі жағдайында

• жүктілік және лактация кезеңі

Қолдану кезіндегі қажетті сақтандыру шаралары.

Егерде препараттарды жергілікті, әсіресе ұзақ мерзімде қолданса, сенсибилизация құбылысын тудыруы мүмкін. Бұл жағдайда препаратты қолдауды тоқтатып, тиісті емдеуді бастау керек.

Басқа дəрілік препараттармен өзара əрекеттесуі.

Басқа дəрілік заттармен əрекеттесу зерттеулері жүргізілмеген.

Арнайы сақтандырулар.

Кейбір қосымша заттар туралы маңызды деректер:

Препараттың құрамында аллергиялық реакция тудыратын (соның ішінде баяу əрекет) парагидроксибензоаттар (метилпарагидроксибензоат жəне пропилпарагидроксибензоат) бар.

Жүктілік жəне лактация кезеңі.

НОВАВЕРДЕ ауыз қуысына және тамаққа арналған спрейді белгілі немесе болжамды жүктілік жəне емізу кезеңінде қолдануға болмайды.

Дəрілік заттың көлік құралын жəне қауіптілігі зор механизмдерді басқару қабілетіне əсер ету ерекшеліктері.

Препараттың көлік құралын жүргізуіне және механизмдермен жұмыс істеу қабілетіне əсер келтіру деректері табылмаған.

Қолдану жөніндегі нұсқаулар

Дозалану режимі.

Тікелей тиісті аумаққа бағытталған, тәулігіне 3 ретке дейін 1-2 бүрку. Әр бүрку - 0,32 мг белсенді затқа баламалы 0,2 мл ерітінді.

Артық дозалану жағдайында қабылдау қажет болатын шаралар.

Препаратпен артық дозалану жағдайы тіркелген емес.

Дәрілік препаратты қалай қолдану керектігі туралы медициналық қызметкерлерінен кеңес алған жөн.

Қосымша сұрақтарыңыз болса, дәрігер немесе фармацевтке хабарласыңыз.

Дəрілік препаратты стандартты қолдану кезінде көрініс беретін жағымсыз реакциялар сипаттамасы жəне осы жағдайда қабылдау керек шаралар

Жағымсыз реакциялар туындау жиілігі бойынша жіктелген: өте жиі (≥ 1/10), жиі (≥1/100-ден <1/10-ға дейін), сирек (≥1/1000-нан <1/100-ге дейін), сирек (≥1/10000-нан <1/1000-ға дейін), өте сирек (<1/10000), белгісіз (қолда бар деректер негізінде бағалау мүмкін емес).

Кетопрофен лизин тұзының ерітіндісі шырышты ауыз қуысына жергілікті қолдануынан жағымсыз реакциялар өте сирек кездеседі, тек тітіркендіру немесе аллергиялық көріністер (ангионевротикалық ісіну), әсіресе НҚП-қа өте жоғары сезімталдығы бар пациенттер.

Алайда жүйелік көріністен ешқандай жағымсыз реакциялар анықталмаған, еңгізуін және де дозасын ескере отырып.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мəліметтер.

100 мл спрейдің құрамында

белсенді зат - кетопрофен лизин тұзы, 0,16 г, ол 0,10 г кетопрофенге сай келеді;

қосымша заттар: глицерин (85 %), ксилитол, метилпарагидроксибензоат, пропилпарагидроксибензоат, натрий дигидрофосфаты, полоксамер, жалбыз хош иістендіргіші1, тазартылған су.

1 - Этанолдың мөлшері 21.25 мг/100 мл құрайды, бұл 0.255 мг/макс.тәуліктік доза (күніне 3 рет 2 бүрку) және 0.085 мг/макс. бір реттік тәуліктік доза (2 бүрку).

Мөлдір түссіз ерітіндісі.

Шығарылу түрі жəне қаптамасы.

15 мл препарат микропомпа мөлшерімен жабдықталған III янтар түсті шыныдан жасалған пластиктендірілген құтыға салынған.

1 құтыдан медициналық қолдану жөніндегі қазақ жəне орыс тіліндегі нұсқаулықпен картон қорапшаға салынады.

Сақтау мерзімі.

3 жыл.

Құтыны алғаш ашқаннан кейінгі сақтау мерзімі 21 аптаны құрайды.

Жарамдылық мерзімі өткеннен кейін қолдануға болмайды.

Сақтау шарттары.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дəріханалардан босатылу шарттары.

Рецептісіз

Өндіруші туралы мəліметтер

ДОППЕЛЬ ФАРМАЦЕУТИЦИ С.Р.Л.

Мекенжайы: Виа Мартири делле Фоибе, 1 – 29016 Кортемаггиоре (ПС), Италия

Тел: +39 0523 8335200

факс: +39 0523 8335299

Электронды пошта: info@doppel.it

Тіркеу куәлігінің ұстаушысы

ЮАБ «МРА»

Мекенжайы: Тоторю к-сі 20-9, LT – 01121 Вильнюс, Литва Республикасы

Тел: +37052649010

Факс: + 37052124270

Электронды пошта: info@mra.lt

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«MERLIN CAPITAL INVESTMENTS LLP» (МЕРЛИН КЭПИТАЛ ИНВЕСТМЕНТС ЛЛП) Серіктестік Өкілдігі, Достық даңғ., 105, 050051, кеңсе 301А, Алматы қ., Қазақстан Республикасы

Тел/факс: +772 731 71464

Электронды пошта: gulmira.pharm@yahoo.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Registrarius» ЖШС. Қазақстан Республикасы, 050036, Алматы қ., Мамыр-1 шағынауд., 29 үй, 159 пәтер. Тәулік бойы жұмыс істейтін телефон: +7-717-272-72-31; e-mail: pv.kz@biomapas.eu