мультиЛак 4 ммоль/л калия

мультиЛак 2 ммоль/л калий

мультиЛак 4 ммоль/л калий

Жоқ

Гемодиализге/гемофильтрацияға арналған ерітінді

1 л препаратқа, граммен:

Қосымша заттар:

Мөлдір және түссіз ерітінді, құрамында көрінетін бөлшектер жоқ.

Қан және қан түзу ағзалары. Қан алмастырғыштар және перфузиялық ерітінділер. Гемодиализаттар және гемофильтраттар. Гемофильтраттар

ATX КОДЫ B05ZB

Фармакологиялық қасиеттері:

Фармакокинетикасы

Таралуы

Электролиттер мен бикарбонаттың таралуы зат алмасу талаптарына және резидуальді бүйрек функциясына сәйкес реттеледі.

Метаболизмі

МультиЛактың белсенді заттары, глюкоза мен лактатты қоспағанда, метаболизденбейді. Инфузия/енгізу кезінде лактат метаболизденеді, бұл бикарбонаттың эквимолярлы мөлшерінің түзілуіне әкеледі.

Шығарылуы

Судың және электролиттердің шығарылуы жасушалардың қажеттілігіне, зат алмасу жағдайына, резидуальді бүйрек функциясына және басқа да сұйықтық жоғалту жолдарына (мысалы, ішек, өкпе және тері арқылы) байланысты.

Фармакодинамикасы

Әсер ету механизмі

Гемодиализдің, гемофильтрацияның және гемодиафильтрацияның негізгі принциптері:

гемодиализ жүргізу барысында, уремиялық токсиндер, электролиттер, бикарбонат және басқа төмен молекулалы қосылыстар сияқты еріген заттар диффузия арқылы пациенттің қаны мен гемодиализге арналған ерітінді арасында алмасады; диффузия үдерісінің бағыты мен магнитудасы қан мен гемодиализге арналған ерітінді арасында еріген заттың концентрациясының тиісті градиенттеріне байланысты.

Гемофильтрация барысында су және уремиялық токсиндер, электролиттер және бикарбонат сияқты еріген заттар ультрафильтрация арқылы қаннан шығарылады. Ойдағы сұйықтық теңгеріміне сәйкес ультрафильтратты гемофильтрацияға арналған ерітіндіге алмастырады, онда электролиттер мен буферлік компоненттердің теңгерілген құрамы бар.

Гемодиафильтрация кезінде, гемофильтрация мен гемодиализдің негізгі принциптері біріктірілген.

мультиЛак бұл бүйрекке үздіксіз орын басу емін жүргізгенде су мен электролиттердің шығарылуын теңгеру үшін гемодиализге арналған ерітінді ретінде пайдаланылатын вена ішіне енгізуге арналған лактатты буфер ерітіндісі, ол мысалы, жедел бүйрек жеткіліксіздігін емдеуде қолданылады.

Инфузия түрінде енгізілген лактат метаболизденеді, бұл бикарбонаттың эквимолярлы мөлшерінің түзілуіне әкеледі.

Nа+,K+,Mg2+,Ca2+,Cl электролиттері және бикарбонат су-электролиттік гомеостазды (қанның, осмотикалық тепе-теңдіктің, қышқылдық-сілтілік теңгерімнің көлемі) демеу және түзету үшін қажетті болып табылады.

Балалар

Клиникалық тәжірибенің болмауына байланысты мультиЛак балаларда қолдануға ұсынылмайды.

мультиЛак гемофильтрация және гемодиафильтрация кезінде орын басатын ерітінді ретінде вена ішіне қолдану үшін және ересектерде гемодиализ және гемодиафильтрация кезінде диализге арналған ерітінді ретінде қолдану үшін көрсетілген:

- бүйрекке үздіксіз орын басу емін жүргізуді талап ететін жедел бүйрек жеткіліксіздігі бар пациенттер: үздіксіз гемодиализ, гемофильтрация немесе гемодиафильтрациялық ем.

- уақытша ем көрсетілген созылмалы бүйрек жеткіліксіздігі бар пациенттер, мысалы, қарқынды емдеу бөлімшесінде болу уақытында.

- бүйрекке үздіксіз орын басу емі гемофильтрация және диализ көмегімен кететін суда еритін токсиндермен дезинтоксикациялық емнің бір бөлігі ретінде көрсетілген жағдайда.

Бүйректің жедел жеткіліксіздігінде мультиЛакпен емдеу шектеулі уақыт ішінде жүргізіледі және бүйрек функциясы толық қалпына келгенде немесе басқа емдеу тәсілдеріне ауыстыруға жол беру үшін жеткілікті болғанда тоқтатылады.

мультиЛакты бүйректің созылмалы жеткіліксіздігінде емдеу үшін қолдануды пациентті бүйректің созылмалы жеткіліксіздігін стандартты емдеуге, мысалы, интермиттирлеуші гемодиализге ауыстыруға болатын кезде тоқтату керек.

Интоксикацияны емдеудің бір бөлігі ретінде пайдаланылатын бүйрекке үздіксіз орын басу емі детоксикация дәрежесі жеткілікті болған кезде тоқтатылады.

мультиЛак дәрілік затымен емдеуді қоса, бүйректің үздіксіз орын басатын емін осындай ем қолдану тәжірибесі бар дәрігер жүргізуі тиіс.

Енгізу тәсілі

Вена ішіне енгізу және гемодиализ үшін

мультиЛакты қолданар алдында тиісті құралдың көмегімен дене температурасына жуық жылыту керек және ол бөлме температурасынан төмен болғанда пайдаланылмауы тиіс.

Дозалау режимі

Пациенттің клиникалық статусы мен дене салмағын назарға алып, емдеуші дәрігер осы дәрілік заттың мөлшерін, емдеу тәсілін (гемодиализ, гемофильтрация немесе гемодиафильтрация), сондай-ақ жиілігін және емдеу ұзақтығын жазып береді. Орын басатын ерітіндінің ағыны клиникалық тұрғыдан пациенттен сұйықтықтың қажетті шығуының (жиынтық ультрафильтрация) көмегімен гемодиализге/гемофильтрацияға арналған ерітіндінің жалпы ағынынан жоғары болуы тиіс.

Бүйректің жедел жеткіліксіздігінде мультиЛак препаратының 2000 мл/сағ дозамен үздіксіз емдеу пациенттің зат алмасу статусының жағдайына байланысты және егер өзгеше жазылмаса, метаболизмнің соңғы өнімдерін жою үшін дене салмағы 70 кг ересектер үшін жарамды. Доза пациенттің дене салмағына бейімделуі тиіс. Гемофильтрациялық емнің қарқындылығы плазмадағы су алмасуының 6000 мл/сағ аспауы тиіс. Ең жоғарғы ұсынылған тәуліктік көлемі 75 л құрайды.

Бүйректің созылмалы жеткіліксіздігінен зардап шегетін пациенттер үшін мультиЛак ерітіндісінің дозасы кемінде, аптасына үш рет емдеу режимінде пациенттің дене салмағының үштен бірін құрауы тиіс.

Гемодиализдің, гемофильтрацияның немесе гемодиафильтрацияның жедел уыттану жағдайларын емдеу үшін қажетті дозасы мен ұзақтығы токсин мен оның концентрациясына және клиникалық симптомдардың ауырлық дәрежесіне байланысты және әрбір жеке пациенттің жағдайы бойынша клиникалық тұрғыдан анықталуы тиіс.

Лактаттың жүйелі концентрациясының айқын өсуі немесе лактат-ацидоздың дамуы лактаттың жеткіліксіз метаболизмі туралы растай алады. Бұл жағдайда басқа буфер негізіндегі ерітіндіге, мысалы, бикарбонатқа ауысқан жөн.

Қолдану бойынша айрықша нұсқаулар және сақтық шаралары

Ерітінді мөлдір және түссіз және қап пен жалғағыштар зақымданбаған жағдайда ғана пайдаланады.

Тек бір рет пайдалану үшін. Кез келген пайдаланылмаған ерітіндіні жою қажет. Дозалағыш сорғылардың көмегімен пайдалану қажет.

Гемодиализге/гемофильтрацияға арналған ерітіндіні екі кезеңмен енгізу керек:

Қорғағыш үлбірді тура енгізер алдында алып тастау керек.

Пластик контейнерлер сирек жағдайларда өндірушіден клиникаға дейін тасымалдау кезінде немесе клиниканың өзінде бүлінуі мүмкін. Бұл ластануға және ерітіндіде бактериялар мен зеңдердің көбеюіне әкелуі мүмкін. Сондықтан пайдалану алдында қапты және ерітіндіні мұқият көзбен көріп тексеру керек. Қапты тығындау құралын, дәнекерлейтін тігісті және қаптың бұрыштарын тіпті аздаған бүлінуіне де назар аудару керек.

Қоспаны кез келген қосудан кейін ерітіндіні пайдалану алдында мұқият араластыру қажет.

Физиологиялық ерітінді (30% дейін) мен инъекцияға арналған суды араластыру аталған дәрілік затпен үйлесімді және келесідей пайдаланылуы мүмкін:

Гипернатриемиясы бар пациенттерде қолдануға арналған физиологиялық ерітінді (30% дейін):

Гипернатриемияның баяу түзетілуіне қол жеткізу үшін инфузияға арналған ерітінділерге, ерітіндіге қоспа ретінде мақұлданған концентрацияланған физиологиялық ерітіндінің белгілі бір көлемін қосып, ерітіндідегі натрий концентрациясын пациент сарысуындағы натрийдің қазіргі деңгейінен аздап төмен концентрацияға дейін ұлғайтуға болады. Натрий концентрациясын ұлғайтумен қатар хлорид концентрациясы да өседі. Басқа электролиттер және глюкоза осындай модификациямен сұйылтылатынын ескеру қажет. Физиологиялық ерітіндінің қосылуы қажет концентрациясы 500 ммоль/л төмен болмауы тиіс. Көбірек концентрацияланған физиологиялық ерітіндіні пайдалану қосылатын көлемдерді төменгі деңгейде ұстап тұрады және басқа электролиттер мен глюкоза концентрациясына әсерді шектейді.

Натрийдің жоспарланған концентрациясына (Namixed, ммоль/л-мен) қол жеткізу үшін әрбір 5000-мл қапқа қосылуы тиіс концентрацияланған физиологиялық ерітіндінің қажетті көлемі (VNaCl; мл-мен) төмендегідей есептеуге болады:

VNaCl = 5000 мл * (Namixed - 140 ммоль/л) / (cNaCl - Namixed)

- мұндай cNaCl бұл қосылатын физиологиялық ерітіндінің концентрациясы (ммоль/л-мен).

Физиологиялық ерітіндінің қажетті көлемін Люэр ұштығына арналған жалғағышты пайдалану арқылы ерітіндіге ауыстырыңыз. Қосылған сұйықтық мұқият араластырылғанына және түтікте бөгеліп қалмағанына көз жеткізіңіз. Асептикалық жұмыс тәсілдерін қолдану қажет.

Үйлесімділігі 5000-мл қапқа вена ішіне қолдану үшін мақұлданған NaCl концентрацияланған ерітіндісін қосу арқылы натрий хлоридінің (NaCl) 250 ммольіне дейін қосу үшін расталған, бұл натрийдің соңғы 190 ммоль/л концентрациясына әкеледі.

Гипонатриемиясы бар пациенттерде қолдану үшін инъекцияға арналған су (ИАС):

Гипонатриемияның жеткілікті баяу түзетілуіне қол жеткізу үшін ерітіндідегі натрий концентрациясын ерітіндіге ИАС қосып, пациент сарысуындағы натрийдің қазіргі деңгейінен аздап жоғары концентрацияға дейін төмендетуге болады. Барлық басқа электролиттер мен глюкозаның концентрациясы да төмендейтінін ескеру қажет және пациентке қосымша қоспалар енгізу керек болуы мүмкін.

Натрийдің жоспарланған концентрациясына (Namixed) қол жеткізу үшін, әрбір 5000-мл қапқа қосылуы тиіс натрийдің қажетті концентрациясына қол жеткізу үшін ИАС (мл-мен) (VWfI, мл-мен) қажетті көлемін төмендегідей есептеуге болады:

VWfI = 5000 мл * (140 ммоль/л - Namixed) / Namixed.

ИАС қажетті көлемін Люэр ұштығына арналған жалғағышты пайдалану арқылы ерітіндіге ауыстырыңыз. Қосылған сұйықтық мұқият араластырылғанына және түтікте бөгеліп қалмағанына көз жеткізіңіз. Асептикалық жұмыс тәсілдерін қолдану қажет.

Үйлесімділігі 1250 мл дейін ИАС 5000-мл қапқа қосу үшін расталған, натрийдің соңғы 112 ммоль/л концентрациясына әкеледі.

Араластырғаннан кейінгі жарамдылық мерзімі

Араластырылған өнімді физиологиялық ерітіндіні (30% дейін) немесе ИАС араластырғаннан кейін 48 сағат ішінде пайдаланыңыз және 22 ± 2°C-де сақтаңыз.

Микробиологиялық тұрғыдан араластырылған өнімді дереу пайдалану керек.

Егер өзгеше жазылмаса, ерітіндіні тура пайдалану алдында 36.5 – 38.0 °C-ге дейін жылыту керек. Нақты температураны клиникалық талаптарға және пайдаланылатын техникалық құралға байланысты таңдау қажет.

Утилизацияға қатысты ешқандай арнайы талаптар жоқ.

Жағымсыз әсерлер

Жиілігі келесі жіктемені пайдалану арқылы анықталады: өте жиі (≥1 / 10), жиі (≥1 / 100, <1/10), кейде (≥1 / 1000, <1/100), сирек (≥1 / 10000, <1/1000), өте сирек (<1/10000), белгісіз (қола бар деректер бойынша бағалауға болмайды).

Белгісіз

Жағымсыз реакциялар емдеу тәсілінің өздігінен болған нәтижесі немесе осы мультиЛак дәрілік затынан туындаған болуы мүмкін:

- жүрек айнуы, құсу, бұлшықет құрысуы, гипотония және гипертония

Емдеу тәсілімен байланысты келесі күтілетін жағымсыз құбылыстар:

- гипергидротация немесе дегидротация, электролиттердің бұзылуы (мысалы, гипокалиемия), гипофосфатемия, гипергликемия, метаболизмдік алкалоз және гиперлактатемия.

Болжамды жағымсыз реакциялар туралы хабарламалар

Препараттың болжамды жағымсыз реакциялары туралы деректер ұсыну дәрілік заттың қауіп/пайда арақатынасына мұқият үздіксіз мониторинг жасауға мүмкіндік беретін маңызды сәт болып табылады. Медицина қызметкерлері кез келген болжамды жағымсыз реакциялар туралы ақпаратты нұсқаулықтың соңында көрсетілген байланыс деректері бойынша, сондай-ақ ұлттық ақпарат жинау жүйесі арқылы ұсынулары керек.

- белсенді субстанцияларға немесе қосымша заттардың кез келгеніне жоғары сезімталдық

- гипокалиемия (тек құрамында 2ммоль/л калий бар мультиЛак үшін)

- метаболизмдік алкалоз

- гиперлактатемия, лактацидоз, ағза функциясының едәуір төмендеуімен қатар жүретін бауыр аурулары және лактат метаболизмінің басқа да себептер бойынша төмендеуі;

- жүректің айқын қатарлас ауруы (мысалы: жүрек жеткіліксіздігі)

- метформинмен бірге қолдану

- жүктілік және лактация

- 18 жасқа дейінгі балалар

Дәрілердің өзара әрекеттесуі бойынша зерттеулер жүргізілмеді.

МультиЛактың дұрыс дозасы, клиникалық химиялық параметрлер мен өмірлік маңызды функциялардың көрсеткіштерін қатаң мониторингілеу басқа дәрілік заттармен өзара әрекеттесуіне байланысты қауіптерден аулақ болуға көмектеседі.

Келесі өзара әрекеттесулерге жол беріледі:

- метформин мен мультиЛакты бірге қабылдау сарысудағы лактат деңгейлерінің клиникалық тұрғыдан ұлғаюының және лактацидоз дамуының жоғарғы қаупімен байланысты болуы мүмкін. Демек, метформин мен мультиЛакты бірге қабылдауға болмайды.

- дигиталистің уытты әсерлерін гиперкалиемия, гипермагниемия және гипокальциемия жасыруы мүмкін. Осы электролиттерді үздіксіз орын басу емімен түзету дигиталистің уытты әсерлерінің, мысалы, жүрек аритмиясының белгілері мен симптомдарына түрткі болуы мүмкін.

- антиретровирустық дәрілік заттар (яғни, кері транскриптаза тежегіштері) сарысудағы лактат және лактацидоз деңгейлерінің белгілі бір жоғарғы қаупімен байланысты. Клиникалық деректер болмағанымен, осы дәрілік затты және кері транскриптаза тежегіштерін қатар қолдану кезінде сарысудағы лактат деңгейлеріне қосымша әсері болуы ықтимал сияқты. Тиісті мониторинг (pH мәндерін және сарысудағы лактат концентрациясын бақылауды қоса) керек.

- электролиттердің орнын толтыру, парентеральді қоректендіру және әдетте қарқынды ем кезінде енгізілетін басқа инфузиялар пациенттің қан плазмасының құрамымен және сұйықтық статусымен өзара әрекеттеседі. Бұл бүйрекке үздіксіз орын басу емін қолдану уақытында назарға алынуы тиіс.

- бүйрекке үздіксіз орын басу емі дәрілік заттардың, әсіресе ақуыздармен байланысу қабілеті төмен, таралу көлемі шағын, молекулалық массасы гемофильтрдің шекаралық мәнінен төмен дәрілік заттардың және гемофильтрмен сіңірілетін дәрілік заттардың қандағы концентрациясын қысқартуы мүмкін. Мұндай дәрілік заттар үшін дозаны тиісінше қайта қарау керек болуы мүмкін.

МультиЛактың бір бөлігі ретінде енгізілетін лактат метаболизденгені қажет, осының нәтижесінде бикарбонат буферлік негіздің функциясына жетеді. Лактаттың жүйелі концентрациясының айқын өсуі немесе лактат-ацидоздың дамуы лактаттың жеткіліксіз метаболизмі туралы растай алады. Бұл жағдайда басқа буфер негізіндегі ерітіндіге, мысалы, бикарбонатқа ауысқан жөн.

Лактаттың жүйелі инфузиясы пациенттердің қанындағы лактат пен пируват арақатынасын ұлғайтуы мүмкін, бұл жасушалық тотығу-тотықсыздану статусымен байланысты. Бұл, әсіресе айқын қатарлас жүрек ауруы (мыс, жүрек жеткіліксіздігі) бар пациенттерде жүрек жұмысына кері ықпал етуге әкелуі мүмкін. Осылайша, осы дәрілік затты айқын қатарлас жүрек ауруы бар пациенттерде қолдануға болмайды.

Кері транскриптаза тежегіштерін қатар қолдану жоғарғы қауіппен байланысты болуы мүмкін.

Сарысудағы калий концентрациясын бүйрекке үздіксіз орын басу емі кезінде және оған дейін жүйелі түрде тексеру қажет. Пациенттегі калий деңгейін және оның емдеу уақытындағы үрдістерін ескеру керек:

- гипокалиемия жағдайында калий қосу және/немесе гемодиализге/гемофильтрацияға арналған калий концентрациясы анағұрлым жоғары ерітіндіге алмастыру талап етілуі мүмкін.

- гиперкалиемия жағдайында қолданылатын дозаны ұлғайту және/немесе гемодиализге/гемофильтрацияға арналған калий концентрациясы анағұрлым төмен ерітіндіге алмастыру, сондай-ақ жалпыға бірдей реанимация шаралары талап етілуі мүмкін.

Сарысудағы натрий концентрациясын бүйрекке үздіксіз орын басу емі кезінде және оған дейін жүйелі түрде тексеру қажет. Натрийдің аса аномалиялық концентрациялары болғанда дәрігер натрийдің сарысудағы қажетті қалпына келуі жылдамдығын анықтауы тиіс. Тым жылдам қалпына келтіру ауыр жағымсыз әсерлерге (понтиндік миелинолиз, тұрақты неврологиялық зақымданумен, ықтимал комамен ми ісінуі, құрысулар немесе өлім) әкелуі мүмкін. Сағатына қолданылатын көлемнің қысқаруы мультиЛак қолданғанда сарысудағы натрий концентрациясының ұлғаюын/азаюын шектейді.

Едәуір гипонатриемия жағдайында ерітіндіні жеткілікті мөлшердегі инъекцияға арналған сумен сұйылту керек болуы мүмкін.

Едәуір гипернатриемия жағдайында ерітіндіге концентрацияланған физиологиялық ерітіндінің жеткілікті мөлшерін қосу керек болуы мүмкін.

Одан бөлек, бүйрекке үздіксіз орын басу емі кезінде және оған дейін келесі параметрлерді қадағалау керек:

сарысулық кальций, сарысулық магний, сарысулық фосфат, сарысулық глюкоза, қышқылды-сілтілік статус, сарысулық лактат, мочевина және креатинин деңгейлері, дене салмағы және сұйықтық теңгерімі (гипер- және дегидратацияны ерте анықтау үшін).

Клиникалық тұрғыдан маңызды заттар гемодиализбен, гемофильтрациямен және гемодиафильтрациямен емдеу кезінде жойылуы мүмкін және мультиЛакпен орны толмайды. Маңызды қоректі заттардың бұл шығарылуы дұрыс тамақтанумен, тағамдық қоспалармен немесе жарамды парентеральді қоректенумен өтелуі мүмкін.

Жүктілік

МультиЛакты жүкті әйелдерде қолдану туралы деректер жоқ немесе шектеулі, сондықтан, егер тек әйелдің клиникалық жағдайы бүйрекке үздіксіз орын басу емін талап етпесе, жүктілік уақытында пайдалануға болмайды.

Лактация

МультиЛактың белсенді заттарының/метаболиттерінің емшек сүтімен шығарылуы бойынша деректер шектеулі. Препаратпен емделу кезінде емшек емізу қарсы көрсетілген.

Көлік құралдарын басқару және күрделі механизмдерді пайдалану қабілетіне әсері.

Әсер етпейді.

Ұсынылған дозаларда пайдаланғаннан кейін шұғыл оқиғалар туралы ешқандай хабарлар болған жоқ, оған қоса, ерітіндіні енгізуді кез келген уақытта тоқтатуға болады. Егер сұйықтық теңгерімі дәл есептелмеген болса және мониторингіленбесе қатар циркуляторлық реакцияларға әкелетін гипер- немесе дегидратация дамуы мүмкін. Бұл реакциялар артериялық қысымның, орталық веналық қысымның, жүрек жиырылуы жиілігінің және өкпе артериясындағы қысым түрінде көрініс табуы мүмкін. Гипергидратация жағдайында іркілісті жүрек жеткіліксіздігі және/немесе өкпенің іркілуі дамуы мүмкін.

Гипергидратация жағдайында, бүйрекке үздіксіз орын басу емі үшін пайдаланылатын аспапта шығарылатын сұйықтықтың мөлшерін ұлғайту керек. Айқын гипогидратация жағдайында бүйрекке үздіксіз орын басу емі үшін пайдаланылатын аспапта шығарылатын сұйықтықтың мөлшерін төмендету немесе тоқтату, немесе альтернатива ретінде, керісінше, гидратация статусын қалпына келтіру үшін инфузиялық емді қолдануға болады.

Егер тым үлкен көлем қолданылса бұл электролиттер концентрациясының және қышқылдық-сілтілік теңгерімнің бұзылуына әкелуі мүмкін, мысалы, егер гемодиализ/гемофильтрация үшін ерітіндінің шамадан тыс үлкен көлемі құйылса/енгізілсе лактатпен артық дозалану (буферлік негіз) туындауы мүмкін. Бұл метаболизмдік алкалозға, иондалған кальций деңгейінің төмендеуіне немесе тетанияға әкелуі мүмкін.

Шығарылу түрі және қаптамасы

5000 мл ерітіндіден полиолефин негізіндегі фольгадан жасалған қапқа салынады. Әрбір қап HF және Luer lock коннектормен жабдықталған және қорғағыш үлбірмен жабылған. 5000 мл-ден 2 қап медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

4°С-ден төмен емес температурада сақтау керек. Ешқандай жағдайда бөлме температурасынан төмен пайдаланылмауы тиіс.

Балалардың қолы жетпейтін жерде сақтау керек.

2 жыл.

Жарамдылық мерзімі өткеннен кейін қолдануға болмайды.

Рецепт арқылы

Өндіруші:

Fresenius Medical Care Deutschland GmbH

66606 St Wendel, Frankfurter Strabe. 6-8, Germany/Германия

Тіркеу куәлігінің ұстаушысы

Fresenius Medical Care Deutschland GmbH

61352 Bad Homburg v.d.H. Else-Kröner-Straße 1.

Germany/ Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Фрезениус Медикал Кейр Казахстан» ЖШС,

Қазақстан Республикасы, Алматы қ-сы,

Жібек-Жолы к-сі, 76 үй, 700 кеңсе

тел: +7 (727) 273-16-56

ұялы тел: +7 702 547 534 57 94

e-mail: yerkebulan.karibayev@fmc-ag.com