Мукосат (Раствор для инъекций)

МНН: Хондроитина сульфат
Производитель: Белмедпрепараты РУП
Анатомо-терапевтическо-химическая классификация: Chondroitin sulfate
Номер регистрации в РК: № РК-ЛС-5№014650
Период регистрации: 14.10.2015 - 14.10.2020

Инструкция

Саудалық атауы

Мукосат

Халықаралық патенттелмеген атауы

Жоқ

Дәрілік түрі

Инъекцияға арналған ерітінді

Құрамы

Бір ампуланың ішінде

белсенді зат: хондроитин сульфаты - 100 мг (1 мл көлемге арналған) немесе 200 мг (2 мл көлемге арналған),

қосымша заттар: бензил спирті, инъекцияға арналған су.

Сипаттамасы

Бензил спиртінің иісі бар, мөлдір түссіз немесе сәл сарғыш реңді сұйықтық.

Фармакотерапиялық тобы

Сүйек-бұлшықеті жүйесі ауруларын емдеуге арналған препараттар.

Қабынуға қарсы және ревматизмге қарсы препараттар. Қабынуға қарсы стероидты емес басқа да препараттар. Хондроитин сульфаты.

АТХ коды M01AX25

Фармакологиялық қасиеттері

Фармакокинетикасы

Бұлшықет ішіне енгізгеннен кейін 30 минут өткен соң хондроитин сульфаты қанда елеулі концентрацияларда, 15 минуттан соң синовиальді сұйықтықта байқалады. Ең жоғарғы концентрациясы – 1 сағат, содан соң препарат концентрациясы 2 тәулік ішінде баяу төмендейді. Негізінен шеміршек тінінде жиналады (буын шеміршегінде ең жоғарғы концентрациясына 48 сағаттан кейін жетеді). Организмнен 24 сағат ішінде шығарылады. Көбінесе бүйрекпен элиминацияланады.

Фармакодинамикасы

Препараттың негізгі әсер етуші заттары - А және С хондроитинсульфатының натрий тұздары (орташа молекулалық массасы 11000 дальтон). Хондроитин сульфат – жоғары молекулалы мукополисахарид. Коллаген талшықтарымен бірлесіп шеміршек матриксін құратын протеогликандардың негізгі компоненті болып табылады. Препарат дегенерация үдерісін тежейді және шеміршек тіні регенерациясын көтермелейді, хондропротективтік, қабынуға қарсы, ауыруды басатын әсер көрсетеді. Қосымша субстрат ретінде қызмет етеді және патологиялық үдеріспен катаболизденген буын шеміршегі репарациясына қатысады. Буын шеміршегінің деградациясын туғызатын энзимдердің белсенділігін бәсеңдетеді: металлопротеиназаларды, жекелей алғанда, лейкоцитарлық эластазаны тежейді. Гиалуронидаза белсенділігін төмендетеді. Оттегінің бос радикалдарының шығарылуын ішінара тежейді; хемотаксистің, антигенді детерминанттардың бөгелуіне ықпал етеді. Хондроциттермен протеогликандардың бөлінуін стимуляциялайды. Шеміршек тінінде фосфор-кальций алмасуына әсер етеді. Шеміршек матриксінің механикалық және созылғыш тұтастығын қалпына келтіруге мүмкіндік береді. Қабынуға қарсы және ауыруды басатын әсерлеріне қабыну медиаторлары мен ауыру факторларының синовиальді қабықтың синовиоциттері мен макрофагтары арқылы, сондай-ақ, лейкотриен B4 және простагландин E2 секрециясын басу салдарынан синовиальді сұйықтыққа шығарылуын төмендетудің арқасында жетеді.

Препаратты қолдану буын қалтасы мен буындардың шеміршек беткейлерінің қалпына келуіне ықпал етеді, дәнекер тіннің қысылуына кедергі келтіреді, буын беткейлерінің майлағыш рөлін атқарады, буын сұйықтығының өнімін қалпына келтіреді, буындардың қозғалғыштығын жақсартады, ауыру қарқындылығының азаюына ықпал етеді.

Хондроитин сульфаты сүйек тіні резорбциясын баяулатады және кальций жоғалуын төмендетеді, сүйек тінінің қалыпқа келу үдерістерін жылдамдатады.

Қолданылуы

- біріншілік артрозда

- ірі буындардың зақымдануы басым остеоартрозда

- омыртқааралық остеохондрозда.

Қолдану тәсілі және дозалары

Препаратты бұлшықет ішіне 1 мл-ден күнара енгізеді. Жақсы көтерімділікте төртінші инъекциядан бастап дозаны 2 мл-ге дейін арттырады. Емдеу курсы – 25-35 инъекция. Қайталау курсы – 6 айдан кейін.

Жағымсыз әсерлері

- аллергиялық реакциялар- инъекция орнындағы қан кетулер

- тері жабындылары тарапынан жекелеген жағдайларда реакциялардың дамуы; эритема, есекжем, дерматит, қышынумен немесе онсыз макулопапулезді бөртпелер, және/немесе ісінумен

Қолдануға болмайтын жағдайлар

- препараттың кез келген компоненттеріне жекелей жоғары сезімталдық

- фенилкетонурия

- қанағыштыққа бейімділік - тромбофлебит

- 18 жасқа дейінгі балалар мен жасөспірімдер

- жүктілік және лактация кезеңі

Дәрілермен өзара әрекеттесуі

Мукосатты қабынуға қарсы стероидты емес дәрілермен үйлестіре қолданғанда қабынуға қарсы стероидты емес дәрілердің дозасын төмендетуге болады. Препарат тікелей емес антикоагулянттардың, антиагреганттардың, фибринолитиктердің әсерін күшейтеді, бұл бірге қолданғанда қан ұю көрсеткіштерін барынша жиі бақылауды қажет етеді.

Айрықша нұсқаулар

Тұрақты клиникалық әсерге қол жеткізу үшін Мукосаттың кемінде 25 инъекциясы қажет, алайда әсері емдеу курсы аяқталғаннан кейін көптеген айлар бойы сақталады. Өршудің алдын алу үшін екінші қайтара емдеу курстары көрсетілген.

Жүктілік және лактация

Жүктілік және лактация кезінде қабылдауға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері:

Әсер етпейді.

Артық дозалануы

Препарат айтарлықтай артық дозаланғанда да уытты емес.

Симптомдары: аллергиялық реакциялар, инъекция орнындағы геморрагиялар.

Кездейсоқ жедел артық дозалануда — симптоматикалық емдеу. Барлық іс-шаралар Мукосатты тоқтату аясында жүргізіледі.

Шығарылу түрі және қаптамасы

1 немесе 2 мл-ден ампулада. 5 ампуладан пішінді ұяшықты қаптамада. 1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен және ампулалық скарификатормен бірге картон қорапшада.

Сындыру сақинасы бар ампулаларды пайдаланған кезде ампулаларды ампулалық скарификаторсыз қаптау ұсынылады.

Сақтау шарттары

Жарықтан қорғалған жерде, 200С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші/қаптаушы

«Белмедпрепараты» РУК, Беларусь Республикасы

220007, Минск қ., Фабрициус к-сі, 30,

т./ф.: (+375 17) 220 37 16,

e-mail: medic@belmedpreparaty.com.

Тіркеу куәлігі иесінің атауы мен елі

«Белмедпрепараты» РУК, Беларусь Республикасы

220007, Минск қ., Фабрициус к-сі, 30,

т./ф.: (+375 17) 220 37 16,

e-mail: medic@belmedpreparaty.com.

 

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«КазБелМедФарм» ЖШС, 050028, Қазақстан Республикасы,

Алматы қ., Қызыл гвардияшылар жолы 258 В

Телефон: 8(727) 383-93-74; 383-93-69

Электронды поштасы: info@kmbf.kz

 

 

 

 

Прикрепленные файлы

361031641477976387_ru.doc 54.5 кб
762074031477977588_kz.doc 63 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники