Меробактрин

• русский
• қазақша

• Скачать инструкцию медикамента

Саудалық атауы

Меробактрин

Халықаралық патенттелмеген атауы

Меропенем

Дәрілік түрі

Инъекция үшін ерітінді дайындауға арналған ұнтақ, 1 г

Құрамы

Бір құтының ішінде

белсенді зат –1000 мг меропенем (1130 мг меропенем үшгидраты түрінде)

қосымша зат: сусыз натрий карбонаты 90,2 мг.

Сипаттамасы

Ақ түстен сарғыш реңді ақ түске дейін болатын ұнтақ.

Фармакотерапиялық тобы

Микробтарға қарсы жүйелі қолдануға арналған препараттар. Жүйелі қолдануға арналған бактерияға қарсы препараттар. Басқа да бета-лактамды бактерияға қарсы препараттар. Карбапенемдер. Меропенем

АТХ коды J01DH02

Фармакологиялық қасиеттері

Фармакокинетикасы

Дені сау еріктілерге препараттың бір дозасын вена ішіне 30 минут ішінде енгізу 250 мг доза үшін шамамен 11 мкг/мл-ге, 500 мг доза үшін 23 мкг/мл-ге тең және 1 г доза үшін 49 мкг/мл-ге жуық ең жоғары концентрациялардың түзілуіне әкеледі.

Алайда ең жоғары концентрация үшін де, «концентрация-уақыт» қисығы астындағы аудан үшін де енгізілген дозаға толық фармакокинетикалық пропорциональды тәуелділік жоқ.

Әсіресе 250 мг-дан 2 г-ға дейінгі дозада плазмалық клиренстің минутына 287-ден 205 мл-ге дейін азайғаны байқалды.

Меробактриннің бір дозасын вена ішіне 5 минут бойы сорғалатып енгізуде (болюсті) 500 мг доза үшін шамамен 52 мкг/мл-ге тең және 1 г доза үшін 112 мкг/мл-ге тең ең жоғары концентрацияға қол жеткізді.

1 г препаратты вена ішіне 2 минут, 3 минут және 5 минут ішінде енгізген кезде қан плазмасында ең жоғары концентрациялар, тиісінше, 110, 91 және 94 мкг/мл болды.

Қан плазмасы ақуыздарымен байланысуы – шамамен 2% жуық. Меропенем организмнің көптеген тіндеріне және сұйықтықтарына, соның ішінде бактериялық менингитпен пациенттердің жұлын сұйықтығына жақсы өтіп, көптеген бактерияларды басу үшін қажетті шамадан жоғары концентрацияларға жетеді.

Вена ішіне 500 мг енгізгеннен кейін 6 сағаттан соң қан плазмасында меропенем деңгейі 1 мкг/мл және одан да аз мәнге дейін төмендейді. Дозаларды 8 сағат аралықпен бірнеше рет енгізген кезде бүйрек функциясы қалыпты пациенттерде меропенемнің жиналып қалуы байқалмайды.

Меропенемнің жалғыз метаболиті микробиологиялық тұрғыдан белсенді емес.

Енгізілген дозаның шамамен 70%-ға жуығы 12 сағаттың ішінде несеппен бірге өзгермеген күйінде шығарылады, содан кейін әрі қарай несеппен бірге шығарылуы мардымсыз. Меропенемнің несептегі 10 мкг/мл-ден асатын концентрациясы 500 мг дозаны енгізгеннен кейін 5 сағат бойы сақталады. 500 мг-ды әрбір 8 сағат сайын немесе 1 г-ды әрбір 6 сағат сайын енгізу режимінде бауыр функциясы қалыпты болғанда меропенемнің қан плазмасында және несебінде жиналып қалу жағдайлары байқалған жоқ. Бүйрек функциясы қалыпты пациенттерде T1/2 шамамен 1 сағатты құрайды.

Ерекше клиникалық жағдайлардағы фармакокинетикасы

Меропенемнің балалардағы фармакокинетикасы ересектердегіге ұқсас. Меропенемнің жартылай шығарылу кезеңі 2 жасқа дейінгі балаларда –шамамен 1,5 - 2,3 сағат, дене салмағының әр кг-на шаққанда 10 - 40 мг дозалар аралығында дозаға байланысты фармакокинетика байқалады.

Бүйрек жеткіліксіздігімен пациенттерде препараттың фармакокинетикасын зерттеу меропенемнің клиренсі креатинин клиренсімен өзара байланысты екендігін көрсетті. Мұндай пациенттерде дозаны түзету қажет.

Егде жастағы пациенттерде препараттың фармакокинетикасын зерттеу меропенем клиренсінің төмендейтінін көрсетті, ол креатинин клиренсінің жасқа қарай төмендеуімен өзара байланысты.

Бауыр ауруымен науқастарда препараттың фармакокинетикасын зерттеу бауыр ауруының меропенемнің фармакокинетикасына ықпалын тигізбейтіндігін көрсетті.

Фармакодинамикасы

Карбапенемдер тобына жататын, парeнтеральді түрде қолдануға арналған, 1-дегидропептидазаға (ДГП-1) төзімді антибиотик, 1-дегидропептидаза тежегішін қосымша енгізуді қажет етпейді.

Меропенем бактериялардың жасушалық қабырғасының синтезіне әсер етуі есебінен бактерицидтік әсер береді. Меропенемнің аэробты және анаэробты бактериялардың кең ауқымына қарсы күшті бактерицидтік әсер етуі оның бактериялардың жасушалық қабырғасы арқылы өту қабілетінің жоғарылығымен, бета-лактамазаның көпшілігіне тұрақтылығының жоғары деңгейде болуымен және пенициллинді байланыстыратын ақуыздарға (ПБА) елеулі аффинділігімен түсіндіріледі.

Ең төмен бактерицидтік концентрациялар (ЕТБК) әдетте ең төмен тежегіш концентрациялардағыдай (ЕТТК) болады. Тестіленген бактериялар түрлерінің 76%-да ЕТБК/ЕТТК арақатынасы 2 немесе одан аз болды.

Меропенемге сезімталдықтың жалғыз ғана тиісті критерийі препараттың фармакокинетикасы мен клиникалық және микробиологиялық деректеріне – тиісті қоздырғыштарда анықталған аймақ диаметрі мен МТК-нің өзара байланыстылығына негізделеді.

Меропенемнің бактерияларға қарсы зертханаларда анықталған белсенділігінің өрісі клиникалық тұрғыдан маңызды барлық грамоң және грамтеріс аэробты және анаэробты микроорганизмдерді қамтиды.

Препарат келесі аэробты грамоң бактерияларға қарсы белсенді: Bacillus spp., Corynebacterium diphtheriae, Enterococcus liquifaciens, Enterococcus avium, Listeria monocytogenes, Lactobacillus spp., Nocardia asteroides, Staphylococcus aureus (пенициллиназаны өндіретін немесе өндірмейтін штаммдар), коагуляза-теріс стафилококк, сондай-ақ Staphylococcus saprophyticus, Staphylococcus capitis, Staphylococcus cohnii, Staphylococcus xylosus, Staphylococcus warneri, Staphylococcus hominis, Staphylococcus simulans, Staphylococcus intermedius, Staphylococcus sciuri, Staphylococcus lugdenensis, Streptococcus pneumoniae (сезімтал және пенициллинге төзімді), Streptococcus agalactiae, Streptococcus pyogenes, Streptococcus equi, Streptococcus bovis, Streptococcus mitis, Streptococcus mitior, Streptococcus milleri, Streptococcus sanguis, Streptococcus viridans, Streptococcus salivarius, Streptococcus morbillorum, G тобы, F тобы стрептококктары Rhodococcus equi; аэробты грамтеріс бактериялар: Achromobacter xylosoxidans, Acinetobacter anitratus, Acinetobacter lwoffii, Acinetobacter baumannii, Aeromonas hydrophila, Aeromonas sorbria, Aeromonas caviae, Alcaligenes faecalis, Bordetella bronchiseptica, Brucella melitensis, Campylobacter coli, Campylobacter jejuni, Citrobacter freundii, Citrobacter diversus, Citrobacter koseri, Citrobacter amalonaticus, Enterobacter aerogenes, Enterobacter agglomerans, Enterobacter cloacae, Enterobacter sakazakii, Escherichia coli, Escherichia hermannii, Gardnerella vaginalis, Haemophilus influenzae (ампициллинге төзімді β-лактамазаны өндіретін штаммдарды қоса), Haemophilus parainfluenzae, Haemophilus ducreyi, Helicobacter pylori, Neisseria meningitidis, Neisseria gonorrhoeae (пенициллинге және спектиномицинге төзімді β-лактамазаны өндіретін штаммдарды қоса), Hafnia alvei, Klebsiella pneumoniae, Klebsiella aerogenes, Klebsiella ozaenae, Klebsiella oxytoca, Moraxella catarrhalis, Morganella morgannii, Proteus mirabilis, Proteus vulgaris, Proteus penneri, Providencia rettgeri, Providencia stuartii, Providencia alcalifaciens, Pasteurella multocida, Plesiomonas shigelloides, Pseudomonas aeruginosa, Pseudomonas putida, Pseudomonas alcaligenes, Pseudomonas cepacia, Pseudomonas fluorescens, Pseudomonas stutzeri, Pseudomonas pseudomallei, Pseudomonas acidovorans, Salmonella spp., Salmonella enteritidis, Salmonella typhi, Serratia marcescens, Serratia liquefaciens, Serratia rubidaea, Shigella sonnei, Shigella flexneri, Shigella boydii, Shigella dysenteriae, Vibrio cholerae, Vibrio parahaemolyticus, Vibrio vulnificus, Yersinia enterocolitica қоса; анаэробты бактериялар: Actinomyces odontolyticus, Actinomyces meyeri, Bacteroides-Prevotella- Porphyromonas spp., Bacteroides fragilis, Bacteroides vulgatus, Bacteroides variabilis, Bacteroides pneumosintes, Bacteroides coagulans, Bacteroides uniformis, Bacteroides distasonis, Bacteroides ovatus, Bacteroides thetaiotaomicron, Bacteroides eggerthii, Bacteroides capsillosis, Prevotella buccаlis, Prevotella corporis, Bacteroides gracilis, Prevotella melaninogenica, Prevotella intermedia, Prevotella bivia, Prevotella splanchnicus, Prevotella oralis, Prevotella disiens, Prevotella rumenicola, Prevotella ureolyticus, Prevotella oris, Prevotella buccae, Prevotella denticola, Prevotella levii, Porphyromonas asaccharolyticus, Bifidobacterium spp., Bilophilia wadsworthia, Clostridium perfringens, Clostridium bifermentans, Clostridium ramosum, Clostridium sporogenes, Clostridium cadaveris, Clostridium sordellii, Clostridium butyricum, Clostridium clostridiiformis, Clostridium innocuum, Clostridium subterminale, Clostridium tertium, Eubacterium lentum, Eubacterium aerofaciens, Fusobacterium mortiferum, Fusobacterium necrophorum, Fusobacterium nucleatum, Fusobacterium varium, Mobiluncus curtisii, Mobiluncus mulieris, Peptostreptococcus anaerobius, Peptostreptococcus micros, Peptostreptococcus saccharolyticus, Peptococcus saccharolyticus, Peptococcus asaccharolyticus, Peptostreptococcus magnus, Peptostreptococcus prevotii, Propionibacterium acnes, Propionibacterium avidium, Propionibacterium granulosum.

Препаратқа Stenotrophomonas maltophilia, Enterococcus faecium және метициллинге төзімді стафилококтар төзімді.

Меробактрин полимикробтық инфекцияларды емдеген кезде монотерапия түрінде және микробтарға қарсы басқа дәрілермен біріктіріп қолданғанда тиімділік көрсетті.

Қолданылуы

3 жастан асқан балалар мен ересектерде препаратқа сезімтал бір немесе бірнеше қоздырғыштардан болған келесі ауруларды емдеуге:

- пневмонияда (соның ішінде ауруханаішілік пневмония)

- несеп шығару жүйесінің инфекцияларынды

- құрсақ қуысының инфекцияларынды

- гинекологиялық инфекцияларды (мысалы, эндометритте және кіші жамбас ағзаларының қабыну ауруларында)

- тері мен жұмсақ тіндердің инфекцияларынды

- менингитте

- сепсисте

- нейтропения аясында қызба ұстамаларымен ересек пациенттерде бактериялық инфекцияға күдіктенгенде монотерапия түрінде немесе вирусқа қарсы немесе зеңге қарсы препараттармен біріктіріп, эмпириялық ем жүргізуге.

Қолдану тәсілі және дозалары

Ересек пациенттер үшін дәрілік заттарды қабылдау сызбасын және емдеу ұзақтығын инфекциялардың типі мен ауырлығына және пациенттің жағдайына байланысты белгіленеді. Келесі тәуліктік дозалар ұсынылады:

Пневмонияны, несеп шығару жолдарының инфекцияларын гинекологиялық инфекцияларды (эндометритті және кіші жамбас ағзаларының қабыну ауруларын) тері мен жұмсақ тіндердің инфекцияларын емдеген кезде – вена ішіне әрбір 8 сағат сайын 500 мг.

Госпитальдық пневмонияны, перитонитті емдегенде, нейтропения, сондай-ақ септицемия симптомдары бар науқастарда бактериялық инфекцияларға күдіктенгенде – вена ішіне әрбір 8 сағат сайын 1 г.

Менингитті емдеген кезде – вена ішіне әрбір 8 сағат сайын 2 г.

Бүйрек функциясы бұзылған пациенттерде креатинин клиренсі минутына 51 мл-ден төмен болғанда доза келесі үлгіде азайтылуы тиіс:

Меропенем гемодиализ кезінде шығарылады, осыған байланысты, егер емдеуді жалғастыру қажет етілсе, плазмадағы тиімді концентрацияны қалпына келтіру үшін, доза бірлігі (инфекцияның түріне және ауырлығына байланысты белгіленеді) гемодиализ емшарасы аяқталғаннан кейін енгізіледі. Перитониальді диализге шалдыққан науқастарда Меробактринді қолдану тәжірибесі шектеулі.

Бауыр жеткіліксіздігімен пациенттер үшін дозаны түзетудің қажеті жоқ.

Бүйрек функциясы қызметі қалыпты немесе КК минутына 50 мл-ден асатын егде жастағы пациенттерде дозаны түзету қажет емес.

3 айлықтан 12 жасқа дейінгі балалар үшін в/і енгізуге арналған тиісті доза, инфекцияның түрі мен ауырлығына, патогенді микроорганизмдердің сезімталдығы мен пациенттің жағдайына байланысты, әрбір 8 сағат сайын қабылданатын, дене салмағының әр кг-на шаққанда 10 - 20 мг құрайды. Дене салмағы 50 кг-нан асатын балаларға ересектердегідей дозаны қолданған жөн.

Менингитте тиісті доза әрбір 8 сағат сайын қабылданатын, дене салмағының әр кг-на шаққанда 40 мг құрайды.

Ерітіндіні дайындау және енгізу ережесі

Меробактринді кем дегенде 5 минут бойы венаішілік болюсті инъекциялар түрінде, немесе 15-30 минут бойы венаішілік инфузия түрінде енгізген жөн.

Венаішілік сорғалатып (болюсті) енгізуге арналған Меробактринді инъекцияға арналған стерильді сумен (250 мг меропенемге 5 мл су) сұйылтқан жөн, бұл 50 мг/мл ерітіндінің концентрациясын қамтамасыз етеді.

Венаішілік инфузия үшін Меробактринді инъекцияға арналған стерильді сумен немесе үйлесетін инфузиялық сұйықтықпен (50-200 мл-ге дейін) сұйылтқан жөн.

Меробактрин келесі инфузиялық ерітінділермен үйлеседі: венаішілік инфузияға арналған натрий хлоридінің 0,9% ерітіндісімен; венаішілік инфузия арналған глюкозаның 5% немесе 10% ерітіндісімен; венаішілік инфузияға арналған глюкозаның 5% ерітіндісі натрий бикарбонатының 0,02% ерітіндісімен; венаішілік инфузияға арналған глюкозаның 5% ерітіндісі натрий хлоридінің 0,9% ерітіндісімен; венаішілік инфузияға арналған глюкозаның 5% ерітіндісі калий хлоридінің 0,15% ерітіндісімен.

Меробактринді құрамында басқа препараттар бар ерітінділермен араластырмаған жөн.

Ерітіндіні қолданар алдында шайқап араластырыңыз. Барлық құтылар тек бір рет қолдануға ғана арналған. Меробактринді сұйылтқан кезде дезинфекцияның стандартты ережесі қолданылуы тиіс.

Жағымсыз әсерлері

Жиі

• қайтымды тромбоцитопения

• бас ауыру

• іштің ауыруы, жүректің айнуы, құсу, диарея

• қан сарысуында сілтілік фосфатаза және лактат-дегидрогеназа концентрацияларының жоғарылауы

• бөртпе, қышу

• енгізген жердің қабынуы және ауыруы

Жиі емес:

• қынап кандидозы және ауыз қуысының шырышты қабығының кандидозы

• эозинофилия, тромбоцитопения нейтропения, агранулоцитоз, гемолитикалық анемия

• қан сарысуында билирубин концентрациясының жоғарылауы

• ангионевроздық ісіну, анафилаксиялық шок

• парестезиялар

• жалғанжарғақшалы колит

• қандағы билирубин деңгейінің артуы

• есекжем, мультиформалы эритема, Стивенс-Джонсон синдромы және уытты эпидермальді некроз

• тромбофлебит

Сирек

• конвульсиялар

Өте сирек

• оң тікелей немесе тікелей емес Кумбс сынамасы

• шектеулі тромбопластинді уақыттың төмендеуі.

Қолдануға болмайтын жағдайлар

• анамнезінде меропенемге немесе басқа да карбапенемдерге жоғары сезімталдық;

• бета-лактамды бактерияға қарсы препараттарға (мысалы, пенициллиндерге немесе цефалоспориндерге) жоғары сезімталдық;

• үш айлыққа дейінгі балаларға (пациенттердің осы тобы үшін тиімділігі және қауіпсіздігі зерттелген жоқ).

Сақтықпен:

Асқазан-ішек бұзылыстарымен (колиттермен) пациенттерге Меробактринді әлеуетті нефроуытты препараттармен бірге тағайындағанда.

Дәрілермен өзара әрекеттесуі

Пробенецид өзекшелі секрецияны белсенді ету үшін, меропенеммен бәсекелеседі, осылайша, меропенемнің бүйректік шығарылуын тежеп, оның қан плазмасындағы концентрациялары мен жартылай шығарылу кезеңін арттырады.

Пробенецидсіз енгізілетін Меробактриннің тиімділігі және әсер ету ұзақтығы талапқа сай болатындықтан, пробенецидті Меробактринмен бірге енгізуге болмайды.

Меробактриннің басқа препараттардың ақуызбен байланысуына немесе метаболизміне ықтимал әсері зерттелген жоқ. Алайда меропенемнің плазма ақуыздарымен байланысуы төмен (2%-ға жуық) екендігін ескеріп, басқа препараттармен өзара әрекеттесуі болмауы тиіс деп шамалауға болады.

Меробактрин басқа препараттарды қабылдау кезінде енгізілді, мұндайда қандай да болсын жағымсыз фармакологиялық өзара әрекеттесулер байқалған жоқ.

Меробактрин қан сарысуында вальпрой қышқылының деңгейін азайта алады. Кейбір пациенттерде емдік дәрежеден төмен дәрежеге жетуі мүмкін. Меропенем мен вальпрой қышқылын бір мезгілде қолдануға болмайды.

Алайда ықтимал дәрілік өзара әрекеттесулер жөнінде нақты деректер жоқ.

Пероральді антикоагулянттармен (варфаринмен) антибиотиктерді бір мезгілде қолданғанда антикоагуляциялық әсерінің күшею қаупі бар. Емдеу кезінде және одан кейін халықаралық қалыптастырылған қатынасты (ХҚҚ) қадағалау ұсынылады.

Айрықша нұсқаулар

Меропенемді монотерапия ретінде қолданғанда, басқа антибиотиктерді қолданған кездегідей жағдайда, тыныс жолдарының төменгі бөлімдерінің Pseudomonas aeruginosa-дан болған инфекциялары белгілі немесе оған күдіктенетін пациенттерде қоздырғыштардың сезімталдығын жүйелі анықтап отыру керек.

Жалғанжарғақшалы колиттің барлық дерлік антибиотиктерді қолданған кезде дамуы байқалады және ол ауырлығы бойынша жеңілден өмірге қауіп төндіретін түрге дейін өзгеріп отыруы мүмкін. Сондықтан антибиотиктер асқазан-ішек ауруларына шағымы бар, әсіресе тоқ ішегі қабынған пациенттерге сақтықпен тағайындалуы тиіс. Антибиотикті қабылдау аясында диарея дамыған жағдайда "жалғанжарғақшалы колит" диагнозы болуы мүмкін екендігін есте ұстау маңызды. Clostridium difficile жасап шығаратын уыт антибиотиктерді қолданумен байланысты колиттердің пайда болуының негізгі себепшісінің бірі болып табылатындығын зерттеу көрсетсе де, оның басқа да себептерінің болатындығын ескеру қажет.

Басқа карбапенемдер мен бета-лактамды антибиотиктер, пенициллиндер мен цефалоспориндер арасында ішінара айқаспалы жоғары сезімталдықтың клиникалық және зертханалық белгілері бар. Бета-лактамды антибиотиктерді қолданған кезде аллергиялық реакциялардың жиі кездескеніне қарамастан, Меробактринді енгізу кезінде асқын сезімталдық реакциялары сирек мәлімделді. Меропенеммен емдеуді бастар алдында, сыртартқысында бета-лактамды антибиотиктерге асқын сезімталдық реакциялардың бар-жоқтығына ерекше көңіл бөле отырып, пациенттен мұқият анықтап алу қажет. Меробактрин сыртартқысында осындай құбылыстар көрсетілген пациенттерге абайлап қолданылуы тиіс. Егер Меропенемге аллергиялық реакция пайда болса, онда препаратты енгізуді тоқтату және тиісті шаралар қабылдау қажет.

Препаратты нефроуытты препараттармен бір мезгілде тағайындағанда, сондай-ақ колиттермен байланысты диспепсия симптомдары бар пациенттерге тағайындағанда сақ болған жөн. Меронемді бауыр аурулары бар пациенттерге қолдану трансаминаза мен билирубин деңгейлерін мұқият бақылай отырып, жүргізілуі тиіс.

Басқа антибиотиктерді қолданған жағдайдағыдай, сезімтал емес микроорганизмдердің өсуі басым болуы мүмкін, сондықтан әрбір пациент ұдайы бақылауда болуы қажет.

Метициллинге төзімді стафилококтен болған инфекцияларда енгізуге болмайды.

Меробактрин мен вальпрой қышқылын бір мезгілде қолдануға болмайды.

Препаратты 3 айға дейінгі балаларда қолдануға болмайды.

Жүктілік және лактация

Меробактринді жүктілік кезінде, егер оны қолданудың пайдасы ұрық үшін мүмкін болатын қауіптен басым болмаса, қолданбаған жөн. Әрбір жағдайда препаратты дәрігердің тікелей бақылауымен қолдану қажет.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Көлік құралдарын басқару және механизмдермен жұмыс жасау әсеріне ешқандай зерттеулер жүргізілген жоқ.

Артық дозалануы

Симптомдары: жағымсыз әсерлердің күшеюі

Емдеу: симптоматикалық ем жүргізеді. Бүйрек функциясының бұзылыстарымен науқастарда меропенем және оның метаболиттері гемодиализбен тиімді шығарылады.

Шығарылу түрі және қаптамасы

Препарат резеңке тығынмен тығындалған, алюминий қалпақпен қаусырылған және қорғаныш пластмасса қалпақпен жабылған, сыйымдылығы 20 мл мөлдір шыны құтыға салынған. Құтыға өзігінен жабысатын заттаңбалық қағаздан жасалған заттаңба жапсырылады.

1 құтыдан қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек.

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

AKRITI PHARMACEUTICALS PVT. LTD.

117, Block No. 2, Emerald Plaza,

Hiranandani Meadows,

Thane (W) - 400 610, Үндістан

Қаптаушы ұйымның атауы мен елі

AKRITI PHARMACEUTICALS PVT. LTD.

117, Block No. 2, Emerald Plaza,

Hiranandani Meadows,

Thane (W) - 400 610, Үндістан

Тіркеу куәлігінің иесі

«Авицена-Лтд» ЖШС, Қазақстан

050002, Алматы қ-сы, Жангелдин к-сі, 31, 416 кеңсе

тел./факс: +7727 3572387 /88/ 89

e-mail: reg@avitsena.kz

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«СonsultAsia» ЖШС,

E-mail: registration@consultingasia.kz

Тел/факс: +77051708876; +77051708825

Дәрілік заттың қауіпсіздігін тіркеуден кейінгі бақылауға жауапты ұйымның мекенжайы

ConsultAsia ЖШС,

Шевченко к-сі, 165 Б 307кеңсе

тел./факс: +77051708876/+77051708825

e-mail: pv@consultingasia.kz