Мелоксикам (7.5 мг, Борисовский завод медицинских препаратов ОАО)

Мелоксикам

Мелоксикам

7,5 мг және 15 мг таблеткалар

Бір таблетканың құрамында:

белсенді зат – мелоксикам – 7,5 мг немесе 15 мг;

қосымша заттар – микрокристалды целлюлоза, натрий цитраты, сусыз коллоидты кремнийдің қостотығы, повидон, кросповидон, магний стеараты, лактоза моногидраты.

Жалпақ цилиндр пішінді, ойығы бар сары түсті таблеткалар (7,5 мг доза үшін).

Жалпақ цилиндр пішінді, бір жағында ойығы мен сызығы бар сары түсті таблеткалар (15 мг доза үшін).

Қабынуға қарсы және ревматизмге қарсы препараттар. Стероидты емес қабынуға қарсы препараттар. Мелоксикам.

АТХ коды M01AC06.

Фармакокинетикасы

Мелоксикам асқазан-ішек жолынан жақсы сіңеді, мелоксикамның абсолютті биожетімділігі – 89 %, ас қабылдауға тәуелді емес. Препаратты таблетка түрінде бір рет қабылдағанда плазмадағы орташа ең жоғары концентрациясына 5-6 сағат ішінде жетеді. Бірнеше рет қабылдағанда тұрақты жағдайға 3-тен 5 күнге дейінгі аралықта жетеді.

Плазма ақуыздарымен байланысуы 99 % құрайды. Препараттың ең жоғары және ең төмен концентрациялары аралығындағы айырмашылық диапазоны оны күніне бір рет қабылдағаннан кейін салыстырмалы жоғары емес және 7,5 мг дозасын қолданғанда 0,4-1,0 мкг/мл, ал 15 мг дозасын қолданғанда – 0,8-2,0 мкг/мл (Сmin және Cmax мәндеріне сәйкес берілген) құрайды.

Мелоксикам гистогематикалық бөгет арқылы өтеді, синовиальді сұйықтықтағы концентрациясы препараттың плазмадағы ең жоғары концентрациясының 50% жетеді. CYP 2C9, CYP 3A4 фармакологиялық тұрғыда белсенді емес төрт туындылардың түзілуімен, пероксидазаның қатысуымен толығымен дерлік бауырда метаболизденеді.

Тең дәрежеде нәжіспен және несеппен шығарылады. Негізінен метаболиттер түрінде. Нәжіспен өзгермеген түрінде тәуліктік дозасының мөлшерінің 5%-дан кемі шығарылады, несепте препарат өзгермеген түрінде іздік мөлшерде анықталады. Мелоксикамның жартылай шығарылу кезеңі (T½) 15-20 сағат құрайды. Плазмалық клиренсі орташа 8 мл/минут құрайды.

Егде жастағы адамдарда препарат клиренсі төмендейді. Таралу көлемі төмен, орташа 11 л құрайды. Орташа дәрежедегі ауырлықтағы бауыр немесе бүйрек жеткіліксіздігі мелоксикамның фармакокинетикасына айтарлықтай әсер етпейді. Терминальді бүйрек жеткіліксіздігінде таралу көлемінің жоғарылауы бос мелоксикамның жоғары концентрациясына әкелуі мүмкін, сондықтан осы пациенттерде тәуліктік дозасы 7,5 мг аспауы керек.

Фармакодинамикасы

Мелоксикам – ауыруды басатын, қабынуға қарсы және ыстықты төмендететін әсерге ие стероидты емес қабынуға қарсы препарат, тромбоциттер белсенділенуі факторын, гистамин мен протеазалар босауы альфа ісік некрозы факторын басады. Әсер ету механизмі – қабыну аймағында простагландиндер биосинтезіне қатысатын циклооксигеназа-2 (ЦОГ-2) ферменттік белсенділігінің іріктелген тежелуі.

Асқазан-ішек жолының шырышты қабығында және бүйректегіге қарағанда қабыну аймағында жоғары дәрежеде простагландиндер синтезін басады. Буындардағы ертеңгілік сіресушілікті және ісінуді азайтады, қимыл ауқымының кеңеюіне ықпал етеді. Жоғары дозаларда тағайындағанда және ЦОГ-2 ұзақ уақыт қолданғанда селективтілігі төмендеуі мүмкін.

Остеоартроздың өршуін симптоматикалық қысқа мерзімдік емдеуде.

Ревматоидты артритті, шорбуынданған спондилоартритті симптоматикалық емдеуде.

Күніне бір рет, аспен бірге, бір стакан су немесе басқа сұйықтықпен ішке қабылданады.

Мүмкіндігінше емдеу ұзақтығы мен дозаны жоғарылатумен байланысты жағымсыз құбылыстардың дамуынан аулақ болу үшін, емдеу ұзақтығы мен ең төмен тәуліктік дозасын азайту керек.

Ең жоғары тәуліктік доза 15 мг аспауы керек.

Пациенттердің айрықша тобы:

Егде жастағы пациенттер мен жағымсыз реакциялардың жоғары қаупімен пациенттерде ревматоидты артрит немесе шорбуынданған спондилоартритті ұзақ уақыт емдеуде ұсынылатын доза күніне 7,5 мг аспауы керек. Сондай-ақ жағымсыз реакциялардың дамуының жоғары қаупімен пациенттерде бастапқы доза 7,5 мг аспауы керек.

Бүйрек жеткіліксіздігімен пациенттерде. Бүйрек жеткіліксіздігінің терминальді сатысында және гемодиализдегі адамдарда тәуліктік доза 7,5 мг аспауы керек.

Жеңілден орташа дәрежедегіге дейінгі бүйрек жеткіліксіздігімен адамдарда

(креатинин клиренсінің қалыптан 25 мл/мин аспайтын төмендеуінде) дозалау режимін түзету немесе өзгерту талап етілмейді). Ауыр дәрежедегі бүйрек жеткіліксіздігімен гемодиализдегі пациенттерге мелоксикамды қабылдауға болмайды («Қолдануға болмайтын жағдайлар» бөлімін қара).

Бауыр функциясының жеңілден орташа дәрежеге дейінгі шектелуімен пациенттерде дозаны төмендету талап етілмейді. Бауыр функциясының ауыр бұзылыстарында «Қолдануға болмайтын жағдайлар» бөлімін қара.

Балалар мен жасөспірімдер. 16 жастан асқан жасөспірімдерде мелоксикамның ең жоғары дозасы 0,25 мг/кг құрайды және тәулігіне 15 мг аспауы керек.

Жағымсыз құбылыстар келесі жіктеуді қолданумен төменде берілген: өте жиі ≥ 1/10, жиі ≥1/100 <1/10 дейін, жиі емес ≥1/1000 <1/100 дейін, сирек ≥1/10000 <1/1000 дейін, өте сирек <10000, белгісіз – бар деректерден анықтау мүмкін емес.

Қан түзу және лимфа жүйесі тарапынан: жиі емес – анемия; сирек – жалпы қан талдауының өзгеруі (лейкоцитарлық формуланың өзгеруін қоса), лейкопения, тромбоцитопения; өте сирек – агранулоцитоз жағдайы

(потенциалды миелоуытты дәрілермен бір мезгілде қолданғанда).

Иммундық жүйе тарапынан: жиі емес – дереу типті аса жоғары сезімталдықтың әртүрлі реакциялары; жиілігі белгісіз – анафилаксиялық және анафилактоидты реакциялар.

Психикалық бұзылыстар: сирек – көңіл кұйдің өзгеруі, қорқынышты түстер көру; жиілігі белгісіз – сананың шатасуы, бағдарсыздық.

Орталық және шеткері жүйке жүйесі тарапынан: жиі– бас ауыруы; жиі емес – бас айналуы, ұйқышылдық.

Көру ағзасы тарапынан: сирек – конъюнктивит, көрудің бұзылуы (оның ішінде анық көрмеу).

Есту және тепе-теңдік ағзалары тарапынан: жиі емес – бас айналуы; сирек – құлақтағы шуыл.

Жүрек-қантамыры жүйесі тарапынан: жиі емес –артериялық қысымның жоғарылауы, бетке қан тебу сезімі; сирек – тахикардия; жиілігі белгісіз – жүрек жеткіліксіздігі.

Тыныс алу жүйесі тарапынан: сирек – ацетилсалицил қышқылы және басқа да ҚҚСП аллергиямен пациенттерде демікпе ағымының асқынуы.

Ас қорыту жүйесі тарапынан: жиі – жүрек айнуы, құсу, диспепсия, іштің ауыру, диарея, іш қатуы, метеоризм; жиі емес – жасырын немесе айқын асқазан-ішектік қан кету, гастрит, кекіру, стоматит; сирек – асқазан-ішектің эрозия - ойық жаралық зақымдануы, колит, эзофагит; өте сирек – асқазан немесе ішектің тесілуі (потенциалды – өліммен асқыну).

Гепатобилиарлы жүйе тарапынан: жиі емес – «бауыр» ферменттері белсенділігінің қайтымды жоғарылауы, гипербилирубинемия; өте сирек – гепатит.

Дерматологиялық реакциялар: жиі емес – қышыну, ангионевроздық ісіну, тері бөртпесі; сирек – есекжем, Стивенс-Джонс синдром, уытты эпидермалдық некролиз (Лайелл синдромы); өте сирек – буллезді дерматиттер, мультиформалы эритема; жиілігі белгісіз – жоғары фотосезімталдық.

Несеп-жыныс жүйесі тарапынан: жиі емес – ісінулер (натрий мен судың іркілуі), гиперкалиемия, гиперкреатинемия және/немесе қан сарысуында мочевинаның жоғарылауы; өте сирек – жедел бүйрек жеткіліксіздігі, несеп шығарудың қиындауы, несептің жедел іркілуі.

Репродуктивті жүйе тарапынан: жиілігі белгісіз – әйелдердің бедеулігі, овуляцияның іркілуі.

Жалпы бұзылыстар және енгізген жердегі асқынулар: жиі емес – ісіну (оның ішінде – аяқтың ісінуі).

-мелоксикамға немесе препараттың кез келген басқа компонентіне аса жоғары сезімталдық

-сыртартқысында ацетилсалицил қышқылын немесе басқа да ҚҚСП бір мезгілде қолданғанда демікпе белгілері, мұрын полиптері, ангионевроздық ісіну немесе есекжем болғанда

-коронарлық артерияны шунттау үшін трансплантат (КАШТ) орнатылған аймақтағы операция маңайы ауыруы

-асқазан мен он екі елі ішектің шырышты қабатының эрозиялық-ойық жаралық өзгерістері/асқыну сатысындағы тесілу, оның ішінде анамнезінде

-ішектің жуық арада өткерген жедел қабыну аурулары (асқыну сатысындағы спецификалық емес ойық жаралы колит, Крон ауруы)

-ауыр бауыр жеткіліксіздігі

-ауыр бүйрек жеткіліксіздігі (егер гемодиализ жүргізілмесе)

-ойық жаралы асқазан-ішектік қан кету, жуық арада өткерген цереброваскулярлық қан кету немесе басқа да геморрагиялық аурулар, оның ішінде анамнезінде

-қалпына келмейтін жүрек жеткіліксіздігі

-жүктілік, емшекпен қоректендіру

-16 жасқа дейінгі балалар

Глюкокортикостероидтар немесе салицилаттарды (ацетилсалицил қышқылын) қоса, простагландиндер синтезінің басқа да тежегіштері (ПСТ): асқазан-ішектік қан кету немесе ойық жараланудың даму қаупі артатын болғандықтан бір мезгілде ПСТ тағайындау ұсынылмайды.

Пероральді антикоагулянттар, гепарин, тромболитиктер: қан кету қаупі артады. Егер бір мезгілде тағайындамау мүмкін болмаса, антикоагулянттардың коагуляцияға әсерін мұқият бақылау керек.

Антиагреганттар мен серотонинді кері қармаудың іріктелген тежегіштері (СКҚТ ): тромбоциттер функциясы төмендейтін болғандықтан қан кету қаупін арттырады.

Литий: ҚҚСП литийдің қан плазмасындағы деңгейін арттырады. Бір мезгілде тағайындауға болмайды. Егер препараттарды бір мезгілде тағайындамау мүмкін болмаса, плазмадағы литий деңгейін емнің басында және соңында, сондай-ақ мелоксикам дозасын өзгерткеннен кейін қадағалау керек.

Метотрексат: ҚҚСП метотрексаттың өзекшелік сөлінісін төмендетеді, осылайша метотрексаттың плазмадағы концентрациясын арттырады. Метотрексатты жоғары дозаларда қабылдайтын (аптасына 15 мг аса) пациенттер үшін ҚҚСП қатар қолдануға болмайды.

ҚҚСП мен метотрексаттың өзара әрекеттесу қаупін, әсіресе бүйрек функциясының бұзылуында метотрексатты төмен дозаларда қабылдайтын пациенттерде де қарастыру керек. Біріктірілген ем қажеттігінде қанның жалпы талдауын және бүйрек функциясын қадағалау керек.

Метотрексаттың плазмадағы деңгейі артуы мүмкін және уыттылығының күшеюіне әкелетін ҚҚСП мен метотрексатты 3 күн бойы бір мезгілде қабылдаған жағдайда сақтық шараларын сақтау керек.

Контрацепция: ҚҚСП жатырішілік контрацептивтердің тиімділігін төмендетеді.

Диуретиктер: ҚҚСП емдеуде дегидратациямен пациенттерде жедел бүйрек жеткіліксіздігі дамуының жоғары қаупі бар. Мелоксикамды диуретиктермен бір мезгілде қабылдайтын пациенттер сұйықтықтың жеткілікті мөлшерін қабылдауы керек, емді бастар алдында бүйрек функциясын тексеруі керек.

Антигипертензивті дәрілер (мысалы, бета-блокаторлар, ангиотензин өзгертуші ферменттердің [АӨФ] тежегіштері, вазодилататорлар, диуретиктер): ҚҚСП емдеу кезінде простагландиндер-вазодилататорлардың бөгелуі салдарынан антигипертензиялық препараттар тиімділігінің төмендеуі байқалды.

ҚҚСП мен ангиотензин II рецепторлары антагонистерін (АӨФ тежегіштері секілді) бір мезгілде қолдану гломерулярлық фильтрация әсерін төмендетеді. Бүйрек функциясының нашарлауымен пациенттерде бұл жедел бүйрек жеткіліксіздігінің дамуына әкелуі мүмкін.

Холестирамин мелоксикамды асқазан-ішек жолында байланыстырады ол препараттың организмнен жеделдетіп шығарылуына әкеледі.

Циклоспориндер: ҚҚСП бүйрек простагландиндері арқылы циклоспориндердің нефроуыттылығын күшейтеді. Осы препараттарды бір мезгілде тағайындаған кезде бүйрек функциясын қадағалау керек.

Пеметрексед: мелоксикамды пеметрекседпен бір мезгілде қолдану үшін креатинин клиренсі 45-тен 79 мл/минутқа дейінгі пациенттерде мелоксикамды қабылдауды қабылдағанға дейін 5 күн бұрын, қабылдаған күні және пеметрекседті қабылдағаннан кейін 2 күннен соң тоқтату керек.

Егер мелоксикамның пеметрекседпен біріктірілімі қажет болса, әсіресе миелосупрессия және асқазан-ішектік жағымсыз реакцияларды анықтау үшін пациенттерді мұқият бақылауға алу керек. Креатинин клиренсі минутына 45 мл төмен пациенттерде мелоксикамды пеметрекседпен қатар қабылдау ұсынылмайды.

Мелоксикам бауырдағы метаболизмі есебінен, шамамен үштің екісіне Р450 (негізгі жолы CYP 2C9 және минорлы жолы CYP 3A4) цитохромы ферменттері арқылы (CYP) және басқа жолдармен үштің біріне, мысалы, пероксидазалы тотығумен толық дерлік шығарылады.

Мелоксикам мен CYP 2C9 және/немесе CYP 3A4 тежелетін және метаболизденетін препараттарды бір мезгілде енгізгенде фармакокинетикалық өзара әрекеттесу мүмкіндігін ескеру керек.

CYP 2C9 байланысты өзара әрекеттесуін пероральді диабетке қарсы препараттар (сульфонилмочевина туындылары, натеглинид) секілді дәрілік заттармен біріктірілімде күтуге болады; бұл өзара әрекеттесу плазмада осы препараттар мен мелоксикам деңгейінің жоғарылауына әкелуі мүмкін.

Мелоксикам мен сульфонилмочевина препараттары немесе натеглинид қабылдайтын пациенттерді гипогликемия даму қаупіне мұқият бақылау керек.

Мелоксикам мен антацидтерді, циметидинді, дигоксин, фуросемидті бір мезгілде тағайындағанда ешқандай фармакокинетикалық дәрілік өзара әрекеттесу анықталған жоқ.

Мелоксикаммен емдеуде анамнезінде «үрейлену симптомдарының» болуымен, сондай-ақ оларсыз өмірге қауіпті асқазан-ішектік қан кету, ойық жаралану немесе тесілу дамуының жоғары қаупі бар. Осындай бұзылыстардың салдары әдетте егде жастағы адамдарда елеулі. Анамнезінде асқазан-ішектік аурулармен науқастарды емдеуде сақ болу керек. Асқазан-ішектік симптомдармен пациенттерді қадағалау керек. Пептикалық ойық жара немесе асқазан-ішектік қан кету пайда болғанда мелоксикамды қабылдауды тоқтату керек.

Антикоагулянттар қабылдайтын пациенттерге сақ болу керек.

Мелоксикамды қабылдаумен байланысты сирек елеулі тері реакциялары оның ішінде эксфолиативті дерматит, Стивенс-Джонсон синдромы және уытты – эпидермальді некролиз туралы хабарланды (олардың кейбіреуі өліммен аяқталды).

Пациенттерде осы реакциялардың дамуының жоғарырақ қаупі емнің басында орын алады, көп жағдайларда тері реакцияларының басталуы емнің бірінші айы ішінде байқалады. Тері бөртпесінің, шырышты қабаттардың зақымдануының алғашқы белгілері байқалғанда немесе аса жоғары сезімталдықтың кез келген басқа белгілерінде препаратты қабылдауды тоқтату керек.

ҚҚСП өліммен аяқталуы мүмкін елеулі жүрек-қантамырлық тромбоздық аурулардың, миокард инфарктісі және инсульттің даму қаупін жоғарылатуы мүмкін. Бұндай қауіп препаратты ұзақ уақыт қолданғанда артады. Жүрек-қантамырлық аурулар немесе жүрек-қантамырлық аурулардың қауіп факторларымен пациенттер қауіпке бейім.

ҚҚСП бүйректердегі қанағымын демеуде қосымша роль атқаратын простагландиндер синтезін тежейді. Төмендеген бүйрек қанағымы және қан көлемімен пациенттерге ҚҚСП енгізу айқын бүйрек декомпенсациясын туындатуы мүмкін; ҚҚСП емді тоқтатқаннан кейін бүйрек функциясы әдетте бастапқы шегіне дейін қалпына келеді.

Бүйрек тарапынан асқынулардың жоғары қаупіне егде жастағы адамдар, сусызданумен пациенттер, іркілген жүрек-қантамырлық жеткіліксіздікпен, бауыр циррозымен, нефроздық синдроммен және диуретиктер, АӨФ тежегіштері немесе ангиотензин II рецепторлары антагонистерін қабылдайтын бүйрек функциясының айқын бұзылуымен пациенттер немесе гиповолемияға әкелген ауқымды операциялық араласым өткерген пациенттер бейім.

Осындай науқастарда емнің басында бүйрек функциясын, оның ішінде диурез көлемін мұқият қадағалау керек.

Сирек жағдайларда ҚҚСП интерстициальді нефрит, гломерулонефрит, бүйректің медуллярлы некрозы немесе нефроздық синдромды туындатуы мүмкін. Қан сарысуында трансаминазалар деңгейі немесе бауыр функциясының басқа параметрлері, атап айтсақ қан сарысуында трансаминазалар деңгейі аздап қайтымды жоғарылауы мүмкін. Көптеген жағдайларда бұл әсерлер параметрлердің қалыптағыдай мәндерден аса аздап қайтымды жоғарылауын білдіреді. Егер осындай өзгерістер айтарлықтай немесе тұрақты болса мелоксикам қабылдауды тоқтату және пациенттерді кейіннен бақылаумен қажет тексерулерді жүргізу керек.

Бауырдың клиникалық тұрақты циррозымен науқастар үшін дозаны төмендету талап етілмейді.

Әлсіреген пациенттер жағымсыз әсерлерін нашар өткеруі мүмкін, бұл жағдайда мұқият бақылау керек. Бүйрек, бауыр немесе жүрек функциясының бұзылуымен зардап шегу мүмкіндігі жоғары егде жастағы пациенттерді емдеуде сақ болу керек.

ҚҚСП натрий, калий және судың іркілуін туындатуы мүмкін және диуретиктердің натрийурездік әсеріне кедергі жасау жүрек-қантамырлық жеткіліксіздік немесе гипертензияның күшеюі немесе асқынуына әкелуі мүмкін. Қауіп тобындағы пациенттер үшін клиникалық мониторинг ұсынылады.

Мелоксикам, кез келген басқа да ҚҚСП секілді негізгі инфекциялық аурулар симптомдарын бүркемелеуі мүмкін.

Мелоксикамның құрамында лактоза бар. Сирек кездесетін туа біткен галактозаның жетіспеушілігімен мысалы, галактоземиямен пациенттерге препаратты қабылдауға болмайды.

Фертильділік. Простагландиндер синтезін тежейтін басқа да препараттарды қолданғандай, мелоксикамды қолдану репродуктивті қабілетіне әсер етуі мүмкін және жүктілікті жоспарлаған әйелдерге ұсынылмайды. Жүкті бола алмай жүрген немесе бедеулікпен байланысты тексеріліп жүрген әйелдерге мелоксикамды қабылдауды тоқтату ұсынылады.

Жүктілік. Мелоксикамды жүктілік кезінде қолдануға болмайды. Простагландиндер синтезінің тежелуі жүктілік және/немесе эмбрион мен ұрықтың дамуына жағымсыз әсер етуі мүмкін. Аталған эпидемиологиялық зерттеулер жүктіліктің ерте мерзімінде простагландиндер синтезінің тежегіштерін қабылдағаннан кейін түсік, жүрек ақаулары және гастрошизистің жоғары қаупін білдіреді. Жүктіліктің үшінші триместрі кезінде простагландиндер синтезінің барлық тежегіштері шарананы келесілердің пайда болу қаупіне әкеп соқтыруы мүмкін:

– жүрек-өкпелік уыттылық (боталлов түтігінің уақытынан ерте жабылуы және өкпе гипертензиясы;

– бүйрек функциясының бұзылуы, су аздықпен бүйрек жеткіліксіздігіне дейін өршуі мүмкін;

Жүктіліктің соңында ана мен шарана:

– қан кету уақытының ұзару мүмкіндігі, тіпті төмен дозаларда пайда болуы мүмкін антиагрегация әсері;

– босану ұзақтығының артуына немесе іркілуіне әкелетін жатыр жиырылуын бәсеңдету;

Лактация кезеңі. Мелоксикамды емшекпен қоректендіретін әйелдерге қолдануға болмайды.

Дәрілік заттың көлік құралдарын басқару және қауіптілігі зор механизмдермен жұмыс жасау қабілетіне ықпал ету ерекшеліктері

Көлік басқару және механизмдерді қолдану қабілетіне әсер етуіне зерттеулер жүргізілген жоқ. Дегенмен, пациенттерді көрудің бұзылуы, оның ішінде бұлыңғырланып көру, бас айналу, ұйқышылдық, орталық жүйке жүйесінің басқа да бұзылыстары секілді жағымсыз әсерлердің пайда болу мүмкіндігі туралы ескерту керек. Аталған жағымсыз әсерлердің кез келгені пайда болған жағдайда пациенттер көлік құралын басқару және қаупі зор механизмдермен жұмыс жасаудан бас тартуы керек.

Симптомдары: сипатталған жағымсыз әсерлері күшеюі мүмкін.

Емі: арнайы антидоты жоқ. Асқазанды шаю, белсенділендірілген көмір қабылдау (жуырдағы бір сағат ішінде), симптомдық ем жүргізу керек. Холестирамин препараттың организмнен шығарылуын жеделдетеді.

Шығарылу түрі және қаптамасы

10 таблеткадан поливинилхлоридті үлбір мен баспалы лакталған алюминий фольгадан жасалған пішінді ұяшықты қаптамада.

2 пішінді ұяшықты қаптамадан қолдану жөнінде мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек.

2 жыл

Жарамдылық мерзімі өткеннен кейін пайдалануға болмайды.

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ- сы, Чапаев к- сі, 64,

тел/факс +375 (177) 734043

«Борисов медициналық препараттар зауыты» ашық акционерлік қоғамы, Беларусь Республикасы.

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ- сы, Чапаев к- сі, 64,

тел/факс +375(177) 734043, электрондық поштасы market@borimed.com