Максигра® GO

• русский
• қазақша

• Скачать инструкцию медикамента

Саудалық атауы

Максигра® GO

Халықаралық патенттелмеген атауы

Силденафил

Дәрілік түрі

Шайнайтын таблеткалар

Құрамы

белсенді зат: 25 мг силденафил (35.12 мг силденафил цитраты түрінде);

қосымша заттар: калий полакрилині; магний стеараты; сусыз коллоидты кремний; аспартам; натрий кроскармеллозасы; жалбыз хош иістендіргіші; лактоза моногидраты; повидон К-30; калий гидроксиді немесе хлорсутек қышқылы.

Сипаттамасы

Ақ түсті, екі жағы дөңес, бір жағында «25» таңбаланған үшбұрыш пішінді таблеткалар.

Фармакотерапиялық тобы

Урологиялық ауруларды емдеуге арналған препараттар. Урологиялық ауруларды емдеуге арналған басқа препараттар, спазмолитиктерді қоса. Эрекция бұзылуын емдеуге арналған препараттар. Силденафил.

ATХ коды G04BE03

Фармакологиялық қасиеттері

Фармакокинетикасы

Сіңуі

Силденафил жылдам сіңеді. Препаратты ашқарынға пероральді қабылдағаннан кейін қан плазмасындағы ең жоғары концентрацияларына 30-дан 120-ға дейінгі минут ішінде жетеді. Ішке қабылдаған кезде орташа абсолютті биожетімділігі 41%-ды (25-63% диапазонды) құрайды. Силденафилді пероральді қабылдағаннан кейін AUC және Cmax мәндері ұсынылатын дозалар диапазонында (25-100 мг) қабылдаған кезде дозаға пропорционалды артады.

Силденафилді аспен бірге қабылдаған кезде сіңу жылдамдығы төмендейді, мұндайда Тmax орташа кідіруі 60 минутты, ал Cmax орташа төмендеуі 29%-ды құрайды.

Таралуы

Тепе-тең концентрация (Vd) жағдайында силденафилдің орташа таралу көлемі 105 л-ді құрайды, бұл оның тіндерге таралғанын дәлелдейді. 100 мг дозада бір реттік пероральді қабылдағаннан кейін плазмадағы силденафилдің орташа ең жоғары жалпы концентрациясы шамамен 440 нг/мл-ді құрайды.

Силденафил (және оның негізгі айналымдағы метаболиті N-дезметил) плазманың ақуыздарымен 96%-ға байланысатын болғандықтан, плазмадағы бос силденафилдің орташа ең жоғары концентрациясы 18 нг/мл-ді (38 нМ) құрайды. Ақуыздармен байланысуы препараттың жалпы концентрациясына әсер етпейді.

Силденафилді қабылдап жүрген дені сау адамдарда (100 мг дозада бір реттік қабылдау) енгізілгеннен кейін 90 минуттан соң енгізілген дозаның 0,0002%-дан азы (орта есеппен 188 нг) ұрық сұйықтығынан табылды.

Метаболизмі

Силденафил көбіне бауырдың CYP3A4 (негізгі жолы) және CYP2C9 (қосалқы жолы) микросомальді изоферменттерімен метаболизденеді.

Негізгі айналымдағы метаболит N-деметилдену арқылы силденафилден түзіледі. Бұл метаболиттің фосфодиэстеразаларға қатысты силденафилге ұқсас осындай селективтілік бейіні бар, оның ФДЭ5-ке қатысты in vitro белсенділігі бастапқы препарат белсенділігінің шамамен 50%-ын құрайды. Плазмадағы осы метаболиттің концентрациясы силденафил концентрациясының шамамен 40%-ын құрайды. Әрі қарай N-дезметил метаболиті метаболизденеді, бұл жағдайда оның жартылай шығарылу кезеңі 4 сағ-қа жуықты құрайды.

Шығарылуы

Силденафилдің жалпы клиренсі сағатына 41 л құрайды, мұндай жағдайда терминальді жартылай шығарылу кезеңі 3-5 сағ. құрайды. Пероральді немесе венаішілік енгізгеннен кейін силденафил метаболиттер түрінде көбіне нәжіспен (пероральді енгізілген дозаның шамамен 80%-ы) және аз мөлшерде несеппен (пероральді енгізілген дозаның шамамен 13%-ы) шығарылады.

Пациенттердің жекелеген топтарындағы препараттың фармакокинетикасы

Егде жастағылар

Егде жастағы (жасы 65-тен асқан) сау адамдарда силденафил клиренсінің төмендегені байқалды, бұл жасы едәуір кіші (18-45 жастағы) сау адамдармен салыстырғанда, плазмадағы силденафил мен белсенді метаболит N-дезметил концентрацияларының 90%-ға дейін артуына әкелді. Плазманың ақуыздарымен байланысуда жас айырмашылықтарының болуы салдарынан, плазмадағы бос силденафил концентрациясының тиісінше артуы шамамен 40%-ды құрады.

Бүйрек жеткіліксіздігімен пациенттер

Бүйрек функциясы жеңіл және орташа дәрежеде бұзылуымен еріктілерде (креатинин клиренсі = 30-80 мл/мин) силденафилді 50 мг дозада пероральді бір реттік енгізгеннен кейін оның фармакокинетикалық параметрлері өзгермеген. N-десметил метаболиттің AUC және Cmax орташа мәндері бүйрек функциясы бұзылмаған осы жастағы сау адамдармен салыстырғанда, тиісінше, 126%-ға және 73%-ға дейін артты. Алайда, жеке аралық ауытқудың жоғары болуы салдарынан, осы айырмашылықтар статистикалық тұрғыдан маңызды болып табылған жоқ. Бүйрек функциясының ауыр бұзылуларымен еріктілерде (креатинин клиренсі < 30 мл/мин) силденафил клиренсі төмендеді, бұл бүйрек функциясы бұзылмаған осы жастағы еріктілермен салыстырғанда, AUC және Cmax орташа мәндерінің тиісінше, 100%-ға және 88%-ға дейін жоғарылауына әкелді. Бұдан басқа, N-десметил метаболиті үшін AUC және Cmax мәндері тиісінше, 79%-ға және 200%-ға дейін едәуір артты.

Бауыр функциясының жеткіліксіздігі бар пациенттер

Жеңіл және орташа дәрежедегі бауыр циррозымен еріктілерде (Чайлд-Пью жіктеуі бойынша А және В класс) силденафил клиренсінің төмендегені анықталды, бұл бауыр функциясы бұзылмаған осы жастағы сау адамдармен салыстырғанда, AUC (84%) және Cmax (47%) мәндерінің артуына әкелді.

Бауыр функциясының ауыр бұзылуы бар пациенттерде силденафилдің фармакокинетикалық параметрлері зерттелген жоқ.

Фармакодинамикасы

Силденафил эректильді дисфункцияны емдеуге арналған пероральді препарат болып табылады. Табиғи жағдайда, мысалы, сексуалды стимуляция кезінде, препарат бұзылған эрекциялық функцияны жыныстық мүшеге қанның құйылуын күшейту арқылы қалпына келтіреді.

Жыныстық мүшенің эрекциясын жүзеге асыратын физиологиялық механизм сексуальді стимуляция кезіндегі қуысты денедегі азот тотығының (NO) босап шығуын қамтиды. Әрі қарай азот тотығы гуанилатциклаза ферментін белсенділендіреді, бұл қуысты денедегі тегіс бұлшық еттің босаңсуын тудыратын және қанның құйылуына мүмкіндік беретін циклдік гуанозинмонофосфаты (цГМФ) деңгейінің артуына әкеледі.

Силденафил қуысты денедегі 5-ші типті цГМФ-спецификалық фосфодиэстеразаның (ФДЭ5) селективтік тежегіші болып табылады, мұнда ФДЭ5 цГМФ-тың ыдырауына жауапты. Силденафил эрекцияға әсер етудің шеткері типіне ие. Силденафил адамның оқшауланған қуысты денесіне тікелей босаңсытатын әсер бермейді, бірақ кеуекті тінге NO-ның босаңсытатын әсерін белсенді түрде күшейтеді. NO/цГМФ-тің жолдарын белсендіргенде, сексуальді стимуляция жағдайындағы сияқты, силденафилдің әсер етуімен ФДЭ5 тежелуі қуысты денедегі цГМФ деңгейінің артуына әкеледі. Сондықтан силденафил күтілген тиімді фармакологиялық әсерді беруі үшін, сексуальді стимуляция қажет. Силденафил эрекция үдерісі барысында қатысатын ФДЭ5-ке қатысты селективті. Оның ФДЭ5-ке қатысты белсенділігі басқа белгілі фосфодиэстеразаларға қатысты белсенділігінен асып түседі. Бұл белсенділік жарықты көздің торқабығына беру үдерісіне қатысатын ФДЭ6 белсенділігінен 10 есе асып түседі. Силденафил артериялық қысымның, көпшілік жағдайда клиникалық тұрғыдан көрініс бермейтін, елеусіз және өткінші төмендеуін туындатады. Силденафилді 100 мг дозада пероральді қабылдағаннан кейін, шалқасынан жатқан қалыпта систолалық артериялық қысымның орташа барынша төмендеуі 8,4 мм с.б.-ны құрады. Шалқасынан жату қалпында диастолалық артериялық қысымның тиісінше өзгеруі 5,5 мм с.б. құрады. Артериялық қысымның осылай төмендеуі сиденафилдің вазодилатациялық әсерімен үйлеседі, бұл қантамырлардың тегіс бұлшық етіндегі цГМФ деңгейінің жоғарылауымен байланысты болуы ықтимал. Силденафилді 100 мг дейінгі дозада бір реттік пероральді енгізу ЭКГ параметрлеріне клиникалық тұрғыдан маңызды әсерін тигізген жоқ.

Силденафилді 100 мг дозада бір реттік қабылдағаннан кейін сперматозоидтардың қозғалғыштығы мен морфологиясына әсері байқалған жоқ.

Қолданылуы

• жыныстық қатынасты жеткілікті түрде қанағаттандыру үшін жыныс мүшесін эрекцияға жеткізуге немесе оны сақтауға қабілетсіздігімен сипатталатын эректильді дисфункцияда.

Максигра GO сексуальді стимуляция кезінде ғана тиімді.

Дәрілік препаратты қолданбас бұрын, тұтынушыға арналған нұсқаулықты мұқият оқып шығу және қаптамаға қоса берілген «Пациентке арналған ақпарат» қосымшасымен танысу керек. Препаратты қауіпсіз қолдану мақсатында сауалнамада көрсеетілген барлық сұрақтарға жауап беру керек.

Қолдану тәсілі және дозалары

Дәрілік препаратты әрдайым нұсқаулықтағы нұсқауларға немесе дәрігердің немесе фармацевтің ұсынымдарына сәйкес қолдану керек. Сұрақтар туындағанда және күмәнданғанда дәрігерге немесе фармацевтке жүгіну керек.

Ұсынылған доза 25 мг құрайды. Кеңескеннен кейін дәрігер басқа қолдану сызбасын тағайындай алады.

Максигра GO дәрілік препаратын тәулігіне бір реттен артық қабылдауға болмайды.

Максигра GO препаратын құрамында силденафил бар басқа дәрілік заттармен (мысалы, Максиграмен, Виаграмен) бір мезгілде қолдануға болмайды.

Максигра GO жыныстық белсенділіктің басталуына дейін шамамен 60 минут бұрын қабылдануы керек.

Таблеткаларды шайнау керек, содан кейін жұту керек.

Егер пациентте Максигра GO дәрілік препаратының әсері тым күшті немесе керісінше жеткіліксіз болса, дәрігерге немесе фармацевтқа жүгіну керек. Максигра GO дәрілік препараты сексуальді стимуляция болуы кезінде ғана эрекцияға қол жеткізуге немесе демеуге көмектеседі. Бұдан кейін Максигра GO препаратының әсері орын алған кезең пациенттерде әртүрлі және әдетте жарты сағаттан бір сағатқа дейін болады. Егер препаратты көп мөлшердегі ас ішкеннен кейін қабылдаса, нәтиже кешірек пайда болуы мүмкін.

Егер Максигра GO препаратын қабылдағаннан кейін эрекция болмаса немесе оның ұзақтығы жыныстық қатынасты жүзеге асыру үшін жеткіліксіз болса, дәрігерге жүгіну керек.

Жағымсыз әсерлері

Әрбір дәрілік препарат сияқты, Максигра GO жағымсыз әсерлерді тудыруы мүмкін, бірақ олар әрбір пациентте болмайды. Максигра GO препаратының қолданылуына байланысты туындаған жағымсыз әсерлер әдетте қысқа уақытқа созылады және жеңіл немесе орташа сипатта болады.

Келесі жағымсыз әсерлердің кез келгені орын алса, дереу Максигра GO дәрілік препаратын қабылдауды дереу тоқтатып, медициналық көмекке жүгіну керек:

• Аллергиялық реакция – сирек байқалады (100 пациенттің 1-нен сирек байқалуы мүмкін).

Симптомдары: кенеттен ысқырықты тыныс алу, тыныс алу кезінде қиындықтар немесе бас айналу, қабақтың, беттің, еріннің немесе жұтқыншақтың ісінуі.

• Кеуде қуысының ауыруы – өте сирек байқалады.

Егер олар жыныстық қатынас кезінде немесе одан кейін пайда болса:

• жартылай отырған жағдайда қабылдау және денені бос ұстауға тырысу керек.

• кеуде қуысының ауыруын төмендету мақсатында нитраттарды қабылдамау керек.

• Көбіне ауырумен жүретін, ұзаққа созылған эрекциялар - сирек байқалады (1000 пациенттен 1-інде байқалуы мүмкін).

Егер жыныс мүшесінің эрекциясы 4 сағаттан астамға созылса, дәрігерге дереу жүгіну керек.

• Кенеттен нашарлау немесе көру қабілетінің жоғалуы – сирек байқалады.

• Терінің ауыр реакциялары – сирек байқалады.

Симптомдар терінің қабыршақтануымен және ісінуімен, ауыз қуысының шырышты қабатындағы, жыныс мүшелеріндегі және көз айналасындағы күлдіреуіктермен, қызбаның пайда болуымен ауыр тері реакциялары түрінде пайда болуы мүмкін.

• Құрысу ұстамасы немесе құрысулар - сирек байқалады.

Басқа жағымсыз әсерлері:

Өте жиі (10 пациенттің 1-ден астамында туындайтын)

• бас ауыру.

Жиі (10 пациенттің 1-ден кемінде білінеді):

• жүректің айнуы,

• беттің кенет қызаруы,

• ысыну сезімі (дененің жоғарғы бөлігінің ысынуын қамтитын симптомдар),

• диспепсия,

• түрлі-түсті жыпылықтаумен көру, бұлдырлап көру, көру бұзылыстары,

• мұрынның бітелу сезімі,

• бас айналуы.

Жиі емес (100 пациенттің 1-ден кемінде білінеді):

• құсу,

• тері бөртпесі,

• көздің тітіркенуі, көздің қызаруы,

• көздің ауыруы, жарықтың жарқылдауымен көру, көру жарықтығының күшеюі,

• жарықтан қорқу, көзден жас ағу,

• жүрек соғысының күшеюі, жеделдетілген жүрек соғу ритмі,

• артериялық гипертензия, артериялық гипотензия,

• бұлшықеттің ауыруы,

• ұйқышылдық,

• иіс сезудің төмендеуі,

• шығу тегі вестибулярлық бас айналу, құлақтың шыңылдауы,

• ауыздың құрғауы,

• қосалқы қойнауларда кедергігіні сезіну немесе бітелуі,

• мұрын шырышты қабығының қабынуы (ринитпен, түшкірумен, мұрынның бітелуімен білінетін),

• іштің жоғарғы бөлігінің ауыруы,

• гастроэзофагеальді рефлюксті ауру (симптомдары қыжылды қамтиды)

• несептегі қан,

• қолдардың немесе аяқтардың ауыруы,

• мұрыннан қан кету,

• қызу мен шаршау сезімі.

Сирек (1000 пациенттің 1-ден кемінде білінеді):

• естен тану,

• инсульт, миокард инфарктісі,

• жүйелі емес жүрек соғысы,

• мидың кейбір бөліктерінде ми қанағымының өтпелі баяулауы

• көмейдің қысылу сезімі, еріннің жансыздануы,

• көздің арт жағынан қан кету,

• қосарланып көру, көру жітілігінің төмендеуі,

• көздің ішіндегі жайсыздық сезімі,

• көздің немесе қабақтың ісінуі,

• көру аймағында бөлшектердің немесе дақтардың пайда болуы, жарық көздері айналасында дөңгелектерді көру,

• көз қарашығының кеңеюі,

• склера түсінің өзгертуі,

• жыныс мүшесінен қан кету, спермада қанның болуы,

• мұрынның құрғауы, мұрын шырышты қабығының ісінуі,

• ашушаңдық,

• естудің кенеттен нашарлауы немесе есту қабілетінің жоғалуы.

Болжамды жағымсыз реакциялар жөніндегі мәліметтерді мәлімдеу

Дәрілік препаратты тіркегеннен кейін байқалған болжамды жағымсыз реакциялар жөніндегі мәліметтерді мәлімдеудің үлкен маңызы бар. Бұл дәрілік препараттың пайдасы мен қаупінің арақатынасына мониторингті жалғастыруға мүмкіндік береді.

Медицина қызметкерлерінен және пациенттерден кез келген жағымсыз реакцияларды медициналық қолдану жөніндегі осы нұсқаулықтың соңында көрсетілген мекенжайға мәлімдеп отыруын сұраймыз.

Қолдануға болмайын жағдайлар

Максигра GO дәрілік препаратын мынадай жағдайларда қабылдауға болмайды:

• Егер пациентте силденафилге немесе осы препараттың қандай да болсын басқа ингредиенттеріне жоғары сезімталдық болса («Құрамы» бөлімінде көрсетілген).

• Егер пациент құрамында нитраттар бар препараттарды қабылдаса, олардың бір мезгілде қолданылуы артериялық қан қысымының қауіпті төмендеуіне әкелуі мүмкін. Дәрігерге пациенттің дәрілік заттардың аталған тобынан қандай да болсын препаратты қабылдайтынын хабарлау керек. Нитраттар тобына келесі дәрілік препараттар жатады: нитроглицерин (мысалы: Нитроспрей, Сустонит), изосорбид (мысалы: Изо-Мик, Кардикет, Изокет, Изо-мик Донг, Моносан, Нитросорбид, Монокард, Оликард 40 ретард), пентаэритрил (мысалы: Эринит), молсидомин (мысалы, Корватон, Корвамин, Диласидом, Сиднофарм), никорандил, мысалы, Кординик). Аталған дәрілік препараттар стенокардияны («кеуде тұсының ауыруы») басу үшін жиі қолданылады. Сұрақтар туындағанда және күмәнданғанда дәрігерге немесе фармацевтке хабарласу керек.

• Егер пациент азот тотығын шығаратын препараттарды немесе басқа да дәрілерді (мысалы, амилнитритті, жалған атауы «попперсті») қабылдаса, олардың бір мезгілде қолданылуы артериялық қан қысымының қауіпті төмендеуіне әкелуі мүмкін.

• Егер пациент риоцигуатты (мысалы, Адемпас) қабылдаса. Бұл өкпе артериялық гипертензияны (яғни өкпенің жоғары қан қысымынан) және созылмалы тромбоэмболиялық өкпе гипертензиясын (яғни, тромбылардың болуымен туындаған өкпедегі жоғары қан қысымынан) емдеу үшін қолданылатын препарат. Максигра GO сияқты фосфодиэстераз 5 типті фосфодиэстераза (ФДЭ -5) тежегіштері осы препараттың гипотензивті әсерін күшейтетіні анықталды. Егер пациент риоцигуатты қабылдаса немесе оған сенімді болмаса, дәрігерге бұл туралы хабарлауы керек.

• Егер пациентте күрделі жүрек немесе бауыр ауруларының бары байқалса.

• Егер пациент соңғы бірнеше ай ішінде инсульт немесе миокард инфарктісін басынан өткерген болса, сондай-ақ артериялық гипотония болған жағдайда.

• Егер пациентте торқабықтың тұқым қуалайтын дегенеративті аурулары, мысалы торқабықтың пигменттік дегенерациясы (retinitis pigmentosa) байқалса.

• Егер пациентте шығу тегі қабынудан емес, көру жүйкесінің алдыңғы ишемиялық нейропатиясы салдарынан бұрыннан болған көру қабілетін жоғалту байқалса.

• Егер пациентте лактозаны көтере алмаушылық, лактаза тапшылығы, глюкоза-галактозалық мальабсорбция байқалса.

• Егер пациент 18 жасқа дейінгі бала болса.

Дәрілермен өзара әрекеттесуі

Пациент қабылдайтын немесе жақында қабылдаған, сондай-ақ пациент қабылдауға жоспарлаған барлық дәрілік препараттар туралы дәрігерге немесе фармацевтке хабарлау керек.

Төменде келтірілген дәрілік препараттардың бірнеше әртүрлі сауда атаулары болуы мүмкін. Сондықтан, қабылдаған дәрілік препараттың қаптамасында және қосымша парағында өзінің қолданысындағы заттың атауын мұқият тексеру қажет.

Максигра GO әсіресе, стенокардияны емдеуде қолданылатын кейбір препараттармен өзара әрекеттесуді көрсете алады.

Шұғыл медициналық жәрдем талап етілетін пациенттің денсаулық жағдайы нашарлаған жағдайда, дәрігерге Максигра GO препаратын қабылдау және оны қабылдау уақыты туралы хабарлау қажет.

Максигра GO препаратын басқа дәрілік заттармен бір мезгілде медициналық кеңессіз қолдануға болмайды.

Егер пациент құрамында нитраттар бар препараттарды қабылдайтын болса, Максигра GO препаратын қолдануға болмайды, оларды бір мезгілде қолдану артериялық қан қысымының қауіпті төмендеуіне әкелуі мүмкін. Келесі дәрілік препараттар нитраттар тобына жатады:

• нитроглицерин, мысалы: Нитроспрей, Сустонит

• изосорбид, мысалы: Изо-Мик, Кардикет, Изокет, Изо-мик Донг, Моносан, Нитросорбид, Монокард, Оликард 40 ретард

• пентаэритрил, мысалы: Эринит

• молсидомин мысалы, Корватон, Корвамин, Диласидом, Сиднофарм

• никорандил, мысалы, Кординик.

Барлық жағдайларда, егер пациент стенокардияны («кеуде ауыруын») емдеуде қолданылатын нитраттарды қабылдаса, дәрігерге немесе фармацевтке хабарлау керек.

Егер пациент азот тотығын шығаратын препараттарды немесе басқа да дәрілерді (мысалы, амилнитритті, жалған атауы «попперсті») қабылдаса, Максигра GO препаратын қабылдауға болмайды, себебі олардың бір мезгілде қолданылуы артериялық қан қысымының қауіпті төмендеуіне әкелуі мүмкін.

Егер пациент риоцигуатты қабылдаса, бұл туралы дәрігерге немесе фармацевтке хабарлау қажет.

АИТВ-инфекциясын емдеуде пайдаланылатын протеаза тежегіштерінің тобынан препараттарды (мысалы: ритонавирді, сакуинавирді) қабылдаған жағдайда, препаратты қабылдағанға дейін дәрігерге жүгіну керек.

Артериялық гипертензияны немесе простата безінің гипертрофиясын емдеу үшін қолданылатын альфа-адреноблокаторларды (мысалы доксазозинді, празозинді, теразозинді) қабылдайтын кейбір пациенттерде бас айналу немесе естен тану жағдайы болуы мүмкін, олар денені тігінен тұрған жағдайға жылдам өзгерту кезінде қан қысымының төмендеуін тудыратын артериялық қысымның төмендеу симптомдары болып табылады. Мұндай симптомдар силденафил мен альфа-адреноблокаторларды бір мезгілде қабылдайтын кейбір пациенттерде байқалды. Олардың пайда болуы, Максигра GO препаратын қабылдау сәтінен бастап 4 сағат ішінде неғұрлым ықтимал.

Осы симптомдардың туындау қаупін азайту мақсатында, пациент Максигра GO препаратын қабылдай бастағанға дейін альфа-адреноблокатордың тұрақты дозасын жүйелі қабылдауы керек. Препаратты қабылдар алдында дәрігерге бару керек.

Артериялық қысымның төмендеу симптомдары (бас айналу, сылбырлық, естен тану алдындағы жағдайлар) симптомдары пайда болған жағдайда, алдымен жату немесе отыру және симптомдар жоғалғанға дейін күту керек.

Сондай-ақ су ішу, таза ауаға қол жеткізу, аяққа аяқты қою көмектесуі мүмкін. Жылдам тұрудан немесе отырудан аулақ болу керек.

Эрекцияға қол жеткізу қабілеті алкоголь ішкеннен кейін уақытша бұзылуы мүмкін.

Максигра GO препаратының терапиялық әсерін барынша пайдалану үшін препаратты қабылдар алдында алкогольді көп мөлшерде ішуге болмайды.

Айрықша нұсқаулар

Максигра GO препаратын қолданар алдында, егер пациентте келесі жағдайлар байқалса, дәрігерге немесе фармацевтке кеңес алуға жүгіну керек:

• орақжасушалы анемия (қызыл қан денелері тарапынан бұзылулар), лейкоз (қанның ісігі), көптеген миеломалар (қатерлі лимфопролиферативтік сүйек кемігі ауруы);

• жыныс мүшесінің қисаюы немесе Пейрони ауруы;

• жүрек тарапынан бұзылулар. Мұндай жағдайда дәрігер сексуальді белсенділікпен байланысты қосымша жүктеме пациенттің миокард жағдайы үшін қаншалықты қолайлы деп бағалауы керек;

• ойықжара ауруы;

• қан ұюының бұзылуы (мысалы, гемофилия)

Егер кенеттен көрудің нашарлауы немесе кенеттен көрудің жоғалуы байқалса, Максигра GO препаратын қолдануды тоқтату және дәрігерге дереу жүгіну керек.

Максигра GO препаратын эректильді дисфункцияны емдеуге арналған басқа дәрілік заттармен (ішке қабылдау немесе жергілікті қолдану үшін) бір мезгілде қабылдауға болмайды.

Максигра GO препаратын силденафилді немесе 5-типті фосфодиэстеразаның басқа тежегіштерін қолданумен өкпе артериялық гипертензиясын (ӨАГ) емдеу әдістерімен бірлесе қолдануға болмайды.

Максигра GO шайнауға арналған таблеткаларының құрамында фенилаланиннің көзі болып табылатын аспартам бар.

Егер пациент фенилкетонуриямен (сирек тұқым қуалайтын метаболизмдік аурумен) ауырса, бұл айғақты препаратты қабылдар алдында ескерген жөн.

Максигра GO шайнауға арналған таблеткаларының құрамында лактоза бар. Егер пациентте бұрын кейбір қанттарды көтере алмаушылық анықталса, онда ол дәрілік препаратты қабылдар алдында дәрігермен кеңесу керек.

Бүйрек немесе бауыр функциясының бұзылуымен пациенттерге қатысты айрықша нұсқаулар

Бүйрек немесе бауыр функциясының бұзылуымен пациенттер препаратты қолданар алдында дәрігерге жүгінуі керек.

Жүктілік және лактация кезеңі

Максигра GO препараты әйелдерге арналған дәрілік препарат болып табылмайды.

Көлік құралын немесе қауіпті механизмдерді басқару қабілетіне дәрілік заттың ықпал ету ерекшеліктері

Автокөлік құралдарын басқару немесе потенциалды қауіпті механизмдермен жұмыс жасау қабілетіне силденафилдің ықпалы зерттелген жоқ. Автокөлік құралын басқарар немесе механизмдермен жұмыс жасар алдында пациенттерге, бас айналу және көру сезімінің бұзылуы сияқты препараттың жағымсыз әсерлерімен байланысты, олардың организмінің Максигра GO-ны қабылдауға қалай әсер беретіндігін түсіндірген жөн.

Артық дозалануы

Максигра GO препаратының жоғары дозаларын (200 мг) қабылдау препараттың тиімділігінің артуына әкелмейді, ол тек жағымсыз реакциялар (бас ауыру, гиперемия, бас айналу, диспепсия, мұрынның бітелуі және көру жүйкесінің бұзылуы) жиілігінің артуына әкеледі.

Артық дозаланған жағдайда стандартты симптоматикалық шараларды қабылдаған жөн.

Шығарылу түрі және қаптамасы

ПВХ/ПТФЭ үлбірден және алюминий фольгадан жасалған пішінді ұяшықты қаптамаға 1 немесе 2 таблеткадан салынған.

1 қаптамадан медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамасында, жарықтан қорғалған жерде, 30 0С-ден төмен температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босату шарттары

Рецепт арқылы

Өндіруші/қаптаушы

Генефарм АҚ, Греция

Тіркеу куәлігі иесінің атауы және елі

«Химфарм» АҚ, Қазақстан Республикасы

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Электронды пошта: complaints@santo.kz

Қазақстан Республикасы аумағында дәрілік заттың тіркеуден кейінгі қауіпсіздігін бақылауға жауапты ұйымның атауы, мекенжайы және байланыс деректері

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610150)

Электронды пошта: phv@santo.kz; infomed@santo.kz

12