Магвифорт B6

Магвифорт B6

Жоқ

Дәрілік түрі, дозалануы

Капсулалар

Ас қорыту жолы және зат алмасу. Минералды қоспалар. Басқа да минералды заттар. Магний препараттары. Әртүрлі магний тұздарының біріктірілімі.

АТХ коды A12CC30

Анықталған, оқшауланған немесе астасқан магний тапшылығында.

Келесі симптомдардың біріктірілімі магний тапшылығын білдіруі мүмкін:

- күйгелектік, ашушаңдық, жеңіл дәрежелі үрейлену жағдайлары, өтпелі шаршау, ұйқының болар-болмас бұзылулары

- асқазан-ішек түйілулері немесе жүрек соғуының жиілеуі (жүрек тарапынан қандай-да бір патологиясыз) сияқты үрейлену белгілері кезінде

- бұлшықет құрысуларында, бұлшықеттердің шаншу сезімінде

Қолданудың басталуына дейінгі қажетті мәліметтер тізбесі

- препарат компоненттеріне жоғары сезімталдық

- бүйректің айқын жеткіліксіздігі (креатинин клиренсі 30 мл/минуттан аз)

- фенилкетонурия

- тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдарға

- препараттың құрамында пиридоксин болуына байланысты, леводопамен бір мезгілде қабылдау ұсынылмайды

- су-тұз теңгерімінің ауыр бұзылулары

- 18 жасқа дейінгі балаларға

Сақтық: бүйректің орташа жеткіліксіздігі бар пациенттерге, өйткені гипермагниемияның даму қаупі бар

Қолдану кезіндегі қажетті сақтандыру шаралары

Бүйректің орташа жеткіліксіздігі бар пациенттерге сақтықпен қолдану керек, өйткені гипермагниемияның даму қаупі бар.

Кальцийдің қатарлас тапшылығы жағдайында, алдымен организмдегі магний тапшылығын түзету және содан кейін ғана кальцийді қабылдау қажет. Бүйректің орташа дәрежелі жеткіліксіздігі жағдайында, гипермагниемияның туындау қаупіне байланысты, препаратты сақтықпен қабылдау қажет.

Тетрациклин препараттары мен Магвифорт B6 препаратын бірге қолданғанда, аталған препараттарды қабылдаулар арасында 3 сағаттық аралықты сақтау керек.

Басқа дәрілік препараттармен өзара әрекеттесуі

Қолдануға болмайтын жағдайлары бар біріктірілімдер

- Леводопамен бір мезгілде тағайындаудан аулақ болу керек, өйткені леводопаның белсенділігі, егер бұл препаратты қабылдау шеткері допа-декарбоксилаза тежегіштерін қабылдаумен біріктірілмесе және леводопа гематоэнцефалді бөгеттен өте алмаса, В6 дәруменімен шеткергі тежеледі. Осылайша, леводопаның әрекеті бәсеңделеді.

Ұсынылмайтын біріктірілімдер

- Фосфаттар немесе кальций тұздары негізіндегі препараттарды және құрамында темір II иондары бар препараттарды бір мезгілде қабылдау ұсынылмайды, өйткені мұндай өнімдер ішекте магнийдің сіңуіне кедергі келтіреді.

Сақтықпен пайдалану керек біріктірілімдер

- Пероральді тағайындалған тетрациклиндермен, бифосфонаттармен, оймақгүл гликозидтерімен және натрий фторидімен қатар емдеу жағдайында, Магвифорт B6 капсулаларын, осы препараттардың кез-келгенін қабылдағаннан кейін кем дегенде 3 сағат аралықты сақтау керек, өйткені магний олардың асқазан-ішек жолында сіңуін төмендетеді.

Арнайы сақтандырулар

Педиатрияда қолдану

Препарат педиатриялық практикада қолданылмайды.

Бауыр және/немесе бүйрек функциясы бұзылған адамдарда қолданылуы

Бүйректің орташа жеткіліксіздігі бар пациенттерге сақтықпен қолдану керек, өйткені гипермагниемияның даму қаупі бар

Жүктілік немесе лактация кезінде

Жүкті немесе бала емізетін әйелдерде қолданудың қауіпсіздігіне қатысты қолжетімді деректердің жоқтығына байланысты, ұсынылған ең жоғарғы емдік дозаларын арттыру ұсынылмайды (яғни, компоненттерінің әрқайсысының, атап айтқанда, магнийдің ұсынылатын тәуліктік нормасы: күніне 250 мг; B6 дәруменінің ұсынылатын тәуліктік нормасы: күніне 25 мг).

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Тәулігіне 2-3 қабылдауға бөліп, 6-8 капсуладан.

Енгізу әдісі және жолы

Тамақтану кезінде ішке қабылдау керек.

Қабылдау уақыты көрсетілген қолдану жиілігі

Тәулігіне 2-3 рет.

Емдеу ұзақтығы

Қандағы магний концентрациясын қалыпқа келтіргеннен кейін емдеуді тоқтату керек.

Артық дозалану жағдайында қабылдау қажет болатын шаралар

Үлкен дозаларды ұзақ мерзімді қабылдау гипермагнезиемияға әкелуі мүмкін. Магнийдің артық дозалануы оны ішке қабылдаған кезде бүйрек функциясы қалыпты пациенттерде уыттану реакцияларының туындауына әкелмейді. Бүйрек жеткіліксіздігі бар пациенттерде магниймен улану дамуы ықтимал.

Уыттану деңгейі қандағы магний концентрациясына байланысты және мынадай белгілері мен симптомдарын туындатуы мүмкін:

- артериялық қысымының түсіп кетуі

- жүрек айнуы, құсу

- ОЖЖ бәсеңдеуі, рефлекстердің бұзылуы

- ЭКГ патологиялық өзгерістері

- тыныс алудың тарылуы, кома, жүректің тоқтап қалуы және тыныс алудың салдануы

- анурия

Емі: регидратация, қарқынды диурез. Бүйрек жеткіліксіздігінде гемодиализ немесе перитонеальді диализ қажет.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Препаратты қолдану бойынша сұрақтар болса, емдеуші дәрігерге немесе дәріхана қызметкеріне хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сирек

- тері бөртпелері

- қышыну

- жүрек айну, құсу

- іш ауыруы

- диарея, іш қатуы

- метеоризм

Өте сирек

- аллергиялық реакциялар

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

белсенді заттар: 50 мг магний (309,4 мг магний цитраты түрінде),

5 мг пиридоксин гидрохлориді (В6 дәрумені),

Қосымша заттар: картоп крахмалы, магний стеараты, лактоза моногидраты,

желатинді капсуланың құрамы: желатин, тазартылған су, титанның қостотығы Е-171, хинолинді сары Е-104, керемет қызыл Е-129.

Сыртқы түрінің, иісінің, дәмінің сипаттамасы

Сары түсті, № 0 цилиндр пішінді, ұштары жарты сфера тәрізді қатты желатинді капсулалар.

Капсулалардың ішіндегісі – аздап сарғыштау немесе сұрғылт реңді ақ немесе ақ дерлік түсті ұнтақ.

Шығарылу түрі және қаптамасы

Қатты желатинді капсулалар.

Поливинилхлорид үлбір мен алюминий фольгадан жасалған пішінді ұяшықты қаптамада 10 капсуладан.

Пішінді ұяшықты 3 немесе 5 қаптама медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынған.

2 жыл

Жарамдылық мерзімі өткеннен кейін қолдануға болмайды.

Жарық пен ылғалдан қорғалған жерде, 15°С-ден 25 °С-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Минскинтеркапс» УК, Беларусь Республикасы,

220075, Минск қ., а/ж 112, Инженерная к., 26/3 үй

Тел./факс (+ 37517) 267-01-59

E-mail: info@mic.by, www.mic.by

Тіркеу куәлігінің ұстаушысы

«Минскинтеркапс» УК, Беларусь Республикасы,

220075, Минск қ., а/ж 112, Инженерная к., 26 үй

Тел./факс (+ 37517) 267-01-59

E-mail: info@mic.by, www.mic.by

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Рахметова» ЖК

Қазақстан Республикасы, Алматы қ., Байзақов к-сі, 116 үй, 35 пәтер

Тел. 8-777-324-23-37

E-mail: al.rakhmetova@ yandex.kz