Левомицетин (0.25%) (Славянская аптека ООО)

• русский
• қазақша

• Скачать инструкцию медикамента

Саудалық атауы

Левомицетин

Халықаралық патенттелмеген атауы

Хлорамфеникол

Дәрілік түрі

0,25% көз тамшы дәрісі

Құрамы

100 мл препараттың құрамында

белсенді зат - хлорамфеникол – 250 мг;

қосымша заттар: бор қышқылы, тазартылған су.

Сипаттамасы

Мөлдір түссіз сұйықтық.

Фармакотерапиялық тобы

Көз ауруларын емдеуге арналған препараттар. Антибиотиктер.

АТХ коды S01АА01

Фармакологиялық қасиеттері

Фармакокинетикасы

Көзге препаратты инстилляциялағанда көзішілік және ішінара жүйелік сіңу жүзеге асады. Көздің сулы ылғалында жеткілікті концентрация түзеді.

Фармакодинамикасы

Әсер ету өрісі ауқымды бактериостатикалық антибиотик, микроб жасушасында ақуыздың синтезделу үдерісін бұзады (майда еритіндіктен, бактериялардың жасушалық жарғақшалары арқылы енеді және бактериялық рибосомдардың 50S суббірлігімен қайтымды байланысады, онда амин қышқылдарының өсудегі пептидтік тізбектерге ығысып ауысуы кідіреді, ол ақуыздың синтезін бұзады). Пенициллинге, тетрациклиндерге, сульфаниламидтерге төзімді бактерия штамдарына қарсы тиімді.

Escherichia coli, Haemophilus influenzae, Klebsiella pneumoniae, кейбір Enterobacter (Aerobacter) түрлеріне, виды Neisseria, Staphilococcus aureus, Streptococcus spp. түрлеріне (соның ішінде Streptococcus pneumoniae, Streptococcus hemolуcus), Moraxella lacunata, риккетсияларға және микоплазмаларға қатысы белсенді.

Pseudomonas aeruginasa, Serratia marcescens-ге қарсы тиімді емес.

Қолданылуы

Көздің сезімтал микрофлорадан болған бактериялық жұқпаларында:

- конъюнктивитте

- кератитте

- блефаритте

- блефароконъюнктивитте

- кератоконъюнктивитте

- екінші қайталанған бактериялық жұқпаларда болған нейросалданған кератитте

Қолдану тәсілі және дозалары

Препаратты конъюнктивальді қапқа 1-2 тамшыдан әрбір 1-4 сағат сайын күніне 3-4 рет тамызады.

Емдеу курсы 5-10 күнді құрайды.

Жағымсыз әсерлері

- жергілікті аллергиялық реакциялар

Ұзақ уақыт қолданғанда:

- ретикулоцитопения, лейкопения, гранулоцитопения, тромбоцитопения, эритроцитопения

Сирек

- апластикалық анемия, агранулоцитоз; екінші қайтара болған зеңді жұқпа.

Қолдануға болмайтын жағдайлар

- препарат компоненттеріне жекелей жоғары сезімталдық

- сүйек кемігі қан түзілуінің бәсеңдеуі

- жедел ағымды интермиттирлеуші порфирия

- глюкозо-6-фосфатдегидрогеназа тапшылығы

- бауыр және/немесе бүйрек қызметінің жеткіліксіздігі

Препаратты мыналарда сақтықпен қолданған жөн:

- тері ауруларында (псориазда, экземада, зеңді зақымдарда)

- жүктілікте, лактация кезеңінде, жаңа туған кезеңде (4 аптаға дейін)

- ерте балалық шақта

Дәрілермен өзара әрекеттесуі

Қан түзуді басатын препараттармен (сульфаниламидтермен, цитостатиктермен), бауырда зат алмасуға ықпал ететін препараттармен, сәуле емімен бір мезгілде тағайындау – жағымсыз әсердің даму қаупін арттырады.

Эритромицинмен, клиндамицинмен, линкомицинмен бір мезгілде қолданған кезде, осы препараттарды байланысқан күйінен ығыстыратын немесе олардың бактериялық рибосомдардың 50S суббірлігімен байланысуына кедергі жасайтын болғандықтан, әсерінің өзара әлсірегені білінеді.

Ішу арқылы қабылданатын гипогликемиялық препараттармен бірге тағайындаған кезде, бауырда метаболизмінің төмендеуі және олардың плазмадағы концентрациясының жоғарылауы есебінен, олардың әсерлерінің күшейгені білінеді.

Хлорамфеникол Р450 цитохромының ферменттік жүйесін басады, сондықтан фенобарбиталмен, фенитоинмен, әсері тікелей емес антикоагулянттармен бір мезгілде тағайындаған кезде осы препараттардың метаболизмінің бәсеңдегені, шығарылуының баяулағаны және олардың плазмадағы концентрацияларының жоғарылағаны байқалады.

Пенициллиндер мен цефалоспориндердің бактерияларға қарсы әсерін төмендетеді.

Айрықша нұсқаулар

Офтальмологиялық түрлерін қолданғаннан кейін сүйек кемігінің гипоплазиясының дамығаны жөнінде жекелеген мәліметтер бар (емдеу барысында шеткергі қан көріністерін жүйелі бақылау қажет).

Бұрын цитостатикалық препараттармен ем қабылдаған немесе сәулемен емделген емделушілерге абайлап тағайындайды.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Препаратты тамызғаннан кейін 30 минут ішінде көлікті басқаруды тоқтата тұру қажет, өйткені көру өткірлігі қысқа уақытқа бұзылуы және көзден жас ағуы мүмкін.

Артық дозаланғанда

Препаратты артық лозалануы жөнінде деректер жоқ.

Шығарылу түрі және қаптамасы

Полимерлі тығын-тамызғышпен және бұралатын қақпақпен тығыз жабылған стерильді полимерлі құты-тамызғышта 10 мл-ден.

По 1 құты-тамызғыш медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Құты-тамызғышты ашқаннан кейін 30 тәулік ішінде пайдалану керек.

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

«Славянская аптека» ЖШҚ, Ресей Федерациясы

601125, Владимирская обл., Петушинский ауданы, Вольгинский кенті,

тел./факс: 8(495) 742-60-36, 8(495)450-42-48.

Тіркеу куәлігі иесінің атауы және елі

«Славянская аптека» ФК ЖШҚ, Ресей Федерациясы

Тұтынушылардан өнім сапасы жөнінде шағымдарды қабылдайтын ұйымның мекенжайы:

«Славянская аптека» ЖШҚ,

601125, Владимирская обл., Петушинский ауданы, Вольгинский кенті,

тел./факс: 8(495) 742-60-36, 8(495)450-42-48.