Ланотан
Инструкция
-
русский
-
қазақша
Саудалық атауы
Ланотан
Халықаралық патенттелмеген атауы
Латанопрост
Дәрілік түрі
Көз тамшы дәрісі
Құрамы
1 мл препараттың құрамында
белсенді зат: латанопрост – 0,05 мг,
қосымша заттар: бензалконий хлориді, натрий дигидрофосфат моногидраты, сусыз натрий гидрофосфаты, натрий хлориді, инъекцияға арналған су.
Сипаттамасы
Мөлдір түссіз сұйықтық.
Фармакотерапиялық тобы
Глаукомаға қарсы препараттар және миотикалық дәрілер. Простагландин аналогтары. Латанопрост.
ATХ коды S01EЕ01
Фармакологиялық қасиеттері
Фармакокинетикасы
Латанопрост - бұл ізашар дәрінің изопропилді эфирі, олар өздігінен белсенді емес, бірақ латанопросттың қышқыл түзетін гидролизінен кейін ол биологиялық тұрғыдан белсенді болып кетеді. Ізашар дәрілер мөлдір қабық арқылы жақсы өтеді, және көзішілік сұйықтыққа түсетін барлық дәрілер мөлдір қабық арқылы өту кезінде гидролизденеді.
Көзішілік сұйықтықтағы ең жоғары концентрацияға жергілікті қолданғаннан кейін шамамен 2 сағат өткенде қол жетеді. Көз тамшы дәрісін қолданғаннан кейін латанопрост бірінші кезекте алдыңғы сегментте, конъюнктивада және қабақта таралады. Тек препараттың аздаған бөлігі ғана артқы сегментке жетеді.
Көзде латанопрост қышқылының метаболизмі іс жүзінде жүрмейді. Негізгі метаболизм бауырда жүреді. Плазмадан жартылай шығарылу кезеңі 17 минутты құрайды. Негізгі метаболиттердің, 1,2-динор- және 1,2,3,4,-тетранор-метаболиттердің биологиялық белсенділігі мүлде жоқ немесе әлсіз және негізінен несеппен шығарылады.
Фармакодинамикасы
Латанопросттың белсенді субстанциясы, F2 простагландиннің аналогы, FР простаноид рецепторының селективті агонисті болып табылады, ол көзішілік сұйықтықтың ағып шығуын ұлғайту арқылы көзішілік қысымды төмендетеді. Көзішілік қысымның төмендеуі препаратты енгізгеннен кейін шамамен 3-4 сағаттан соң басталады, ал ең жоғары әсер 8–12 сағаттан соң байқалады. Гипотензивтік әсер шамамен 24 сағат жалғасады.
Әсер етудің негізгі механизмі увеосклеральді ағынды ұлғайтуға бағытталған.
Латанопрост көзішілік сұйықтық өніміне сенімді ықпал көрсетпейді. Гематоофтальмиялық кедергіге ықпал етпейді.
Латанопрост емдік дозаларда жүрек-қантамыр және тыныс алу жүйелеріне фармакологиялық әсер етпейтіні белгіленген.
Қолданылуы
- ашық бұрышты глаукомасы, созылмалы жабық бұрышты глаукомасы бар және көзішілік қысымы жоғары науқастардағы жоғары көзішілік қысымды төмендету.
Қолдану тәсілі және дозалары
Зақымданған көздің конъюнктивальді қуысына тәулігіне 1 рет 1 тамшыдан тамызу керек. Тиімді әсерге Ланотанды кешке енгізгенде қол жетеді.
Препаратты тамызу жиілігі тәулігіне 1 реттен аспауы тиіс.
Дозаны жіберіп алған жағдайда әрі қарай емді жалғастыра беру керек және келесі дозаны әдеттегідей енгізу керек.
Көз тамшы дәрісін тамызар алдында жанаспалы линзаларды алып тастау керек, тек тамызғаннан кейін 15 минут өткенде ғана тағуға болады.
Жергілікті офтальмологиялық препараттарды біреуден артық қолданған жағдайда дәрілерді кемінде 5 минут интервалмен тағайындау қажет.
Емдеу ұзақтығы әр адамға жекелей анықталады.
Жағымсыз әсерлері
- көз тітіркенуі (шымылдату, бүдірлілігі, қышу, шаншу және бөгде денені сезіну), блефарит, конъюнктива гиперемиясы, көздің ауыруы, нұрлы қабықтың жоғары пигментациясы, уақытша нүктелік эпителиальді эрозиялар, қабақтың ісінуі
- тері бөртпесі
Постмаркетингілік бақылау кезінде келесі қосымша жағымсыз құбылыстар туралы хабарланды:
- бас айналуы, бас ауыруы
- нұрлы қабықтың ісінуі және эрозиялар; конъюнктивит; кірпік және үлпек шаш өсуінің өзгерісі (ұзындығының, қалыңдығының, пигментациясының және санының ұлғаюы); көз нұрлы қабығының қабынуы/увеит; кератит; макулярлық ісіну, кистоздық макулярлық ісінуді қоса; кейде көздің тітіркенуіне әкелетін кірпіктің теріс бағытта өсуі; көрудің тұмандануы, жарықтан қорқу, қабақта сызықтардың түзілуіне әкелетін периорбитальді өзгерістер
- астма (оның ішінде жедел ұстамалар немесе сыртартқысында бронх демікпесі бар емделушілердегі аурудың асқынуы), ентігу
- қабақ терісінің қараюы және қабақтағы жергілікті тері реакциялары
- бұлшықет/буын ауыруы
- кеудедегі атипиялық ауыру
- герпестік кератит
Қолдануға болмайтын жағдайлар
- латанопростқа немесе препараттың кез келген басқа компонентіне жоғары сезімталдық
Дәрілермен өзара әрекеттесуі
Латанопростты көзішілік қысымды төмендетуге арналған басқа препараттармен бірге қолдануға болады.
Егер бір офтальмологиялық препараттан артық жергілікті тағайындалса, оларды кемінде 5 минут аралықпен қолдану қажет.
Простагландиндердің немесе простагландин туындыларының екі аналогын бір уақытта жергілікті қолданғаннан кейін көзішілік қысымның парадоксальді жоғарылауы туралы хабарланды. Демек, екі немесе одан да көп простагландиндерді, простагландин аналогтарын немесе простагландин туындыларын бір уақытта қолдану ұсынылмайды.
Айрықша нұсқаулар
Ланотан нұрлы қабықтағы қоңыр пигмент санының артуы есебінен көздің түсін біртіндеп өзгертуі мүмкін. Көз түсінің өзгеру әсері көбінесе нұрлы қабығы аралас түсті боялған, мысалы, көк-қоңыр, сұр-қоңыр, сары-қоңыр немесе жасыл-қоңыр емделушілерде байқалады. Түстің өзгеруі нұрлы қабықтың стромальді меланоциттеріндегі меланин құрамының артуы есебінен болады. Әдетте, қарашық айналасындағы қоңыр пигментация концентрлі таралады және барлық нұрлы қабық немесе оның бөлігі қанықтау қоңыр түс алуы мүмкін. Нұрлы қабық түсінің өзгеруі баяу жүреді (бірнеше ай немесе тіпті жыл көлемінде) және қандай да бір клиникалық симптомдармен немесе патологиялық өзгерістермен қатар жүрмейді. Препаратты тоқтатқаннан кейін қоңыр пигмент мөлшерінің әрі қарай өсуі байқалмайды.
Ем тағайындар алдында емделушілерге көз түсінің өзгеру мүмкіндігі туралы хабарлау қажет. Тек қана бір көзді емдеу тұрақты гетерохромияға әкелуі мүмкін. Латанопростты қолдануға байланысты қайтымды болуы мүмкін қабақ терісінің қараюы туралы хабарланды. Латанопрост емделетін көздің кірпіктері мен үлпек шаштарын біртіндеп өзгертуі мүмкін; бұл өзгерістерге кірпіктің немесе шаштың өсуі қалыңдығының, пигментациясының және санының ұлғаюы және кірпіктердің теріс бағытта өсуі кіреді. Кірпіктердің өзгеруі қайтымды болып табылады және емді тоқтатқаннан кейін қалпына келеді.
Латанопростпен емделу кезінде цистоидты макулярлық ісінуді қоса, макулярлық ісіну туралы хабарланды. Бұл әсерлер негізінен көз бұршағы жоқ емделушілерде және псевдофакиясы бар емделушілерде, көз бұршағының артқы капсуласы жарылған немесе торқабық сары дағының ісіну қаупінің белгілі факторлары бар емделушілерде орын алды. Латанопростты осы емделушілерде қолдану уақытында сақ болу ұсынылады.
Нұрлы қабықта невустар немесе лентиго (дақтар) болған жағдайда емнің ықпалынан олардың өзгеруі жүрмейді. Трабекулярлық торда немесе көздің алдыңғы камерасының кез келген басқа бөлімінде пигменттің жинақталуы болмайды, алайда науқастарға тұрақты тексерістен өту қажет және клиникалық жағдайға байланысты, егер нұрлы қабықта пигментацияның ұлғаюы жүрсе Ланотанмен емдеу тоқтатылуы мүмкін.
Созылмалы жабық бұрышты глаукомада, псевдофакиясы бар емделушілерде ашық бұрышты глаукомада, сонымен қатар пигменттік глаукома кезінде латанопростты қолданудың шектелген тәжірибесі бар. Бүгінгі күні қабынбалы, неоваскулярлық немесе туа біткен глаукомада, көздің қабынбалы аурулары кезінде латанопростты қолдану туралы деректер жоқ. Ланотан қарашыққа ықпал етпейді немесе елеусіз ықпал етеді, алайда жабық бұрышты глаукома асқынған жағдайда препараттың әсері туралы деректер жоқ. Сондықтан Ланотанды эксперименттік деректердің жеткілікті саны алынғанға дейін бұл жағдайларда сақтықпен қолдану ұсынылады.
Ланотан құрамында бензалконий хлориді бар, ол жанаспалы линзалармен адсорбциялануы мүмкін, сондықтан оларды инстилляция алдында алып тастап, 15–20 минуттан соң кию қажет.
Педиатрияда қолдану
Ланотанды балаларға қолдану қауіпсіздігі мен тиімділігі анықталмаған, сондықтан препаратты педиатриялық тәжірибеде қолдану ұсынылмайды.
Жүктілік және лактация кезеңі
Ланотанды жүктілік кезеңінде ана үшін күтілетін пайда іштегі балаға қатысты потенциал қауіптен басым болғанда ғана қолдануға болады.
Латанопрост және оның метаболиттері ана сүтіне өтуі мүмкін, сондықтан бала емізетін аналарға препаратты қолдануға болмайды. Препаратты қолдану қажет болған жағдайда бала емізуді тоқтату керек.
Препараттың көлік құралдарын және аса қауіпті механизмдерді басқару қабілетіне ықпал ету ерекшеліктері
Көз тамшы дәрісі көрудің транзиторлық бұзылысын тудыруы мүмкін, сондықтан автокөлік пен басқа механизмдерді басқарудан бас тарту қажет.
Артық дозалануы
Артық дозалану жағдайында мыналар байқалады: көздің тітіркенуі, конъюнктивальді гиперемия.
Ланотанды ішке байқаусыз қабылдаған жағдайда бір құтының ішінде 125 мкг латанопрост бар екенін ескеру қажет; 90 %-дан астамы бауыр арқылы бірінші өткен кезде метаболизденеді. Егер латанопрост дозасы 5,5-10 мкг/кг құраса жүрек айнуы, іштің ауыруы, бас айналу, бас ауыру, әлсіздік, бетке қан тебуі және тершеңдік байқалуы мүмкін. Емдік дозадан 7 есе жоғары латанопрост дозасын қолданған жағдайда, бронх демікпесі қалыпты емделушілерде бронхоконстрикция байқалмады.
Емі: симптоматикалық.
Шығарылу түрі және қаптамасы
2,5 мл препараттан ашылуы бақыланатын бұрандалы қақпақпен және тамшылатқышпен тығындалған полиэтилен құтыларға құяды.
Әрбір құтыға өздігінен желімделетін заттаңба жапсырады.
1 құтыдан мемлекеттік және орыс тілдеріндегі медицинада қолданылуы жөніндегі нұсқаулықпен бірге картон пәшкеге салынады.
Сақтау шарттары
Жарықтан қорғалған жерде 2 ºС-ден 8 ºС-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Құты ашылғаннан кейінгі жарамдылық мерзімі – 28 тәулік
Қаптамасында көрсетілген жарамдылық мерзімі өткеннен кейін пайдалануға болмайды.
Дәріханадан босатылу шарттары
Рецепт арқылы
Өндіруші
«Фармак» ЖАҚ, Украина, 04080, Киев қ-сы, Фрунзе к-сі, 63.
Тіркеу куәлігінің иесі
«Фармак» ЖАҚ, Украина
Қазақстан Республикасы аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы
Қазақстан Республикасы, 050009 Алматы қ-сы, Абай к-сі 157, 5 кеңсе
Тел/факс: +7 (727) 250 66 23, электронды мекенжайы: Djatlova88@mail.ru