Ламистар-30

• русский
• қазақша

• Скачать инструкцию медикамента

Саудалық атауы

Ламистар-30

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетканың құрамында

белсенді зат: 150 мг ламивудин

30 мг ставудин,

қосымша заттар: микрокристалды целлюлоза, сусыз лактоза, жүгері крахмалы, натрий кроскармеллозасы, FD&C сары №6,

қабықтың құрамы: повидон, натрий крахмалы гликоляты, натрий кроскармеллозасы, кремнийдің коллоидты қостотығы, магний стеараты, изопропил спирті

Сипаттамасы

Дөңгелек, жалпақ цилиндр пішінді, қос қабатты таблеткалар. Бір қабаты ақ түсті, екінші қабаты қызғылт-сары түсті, бір жағында «Н» және екінші жағында «76» деп өрнектелген.

Фармакотерапиялық тобы

Жүйелі қолдануға арналған вирусқа қарсы дәрілер. Вирустарға қарсы тікелей әсер ететін препараттар. АИВ-жұқпасын емдеуге арналған вирустарға қарсы препараттар, біріктірілімдер.

АТХ коды J05A R

Фармакологиялық қасиеттері

Фармакокинетикасы

Ламивудин асқазан-ішек жолынан жақсы сіңеді, оның ересектердегі биожетімділігі 86% дерлік құрайды. Қабылдағаннан кейін қан сарысуында ең жоғары концентрациясына орташа жету уақыты 1 сағат құрайды. Ламивудинді тамақпен бір мезгілде қабылдау оның сіңуінің баяулауына әкеледі, дегенмен сіңу дәрежесі өзгермейді. Ламивудиннің орташа таралу көлемі 1,3 ± 0,4 л/кг, жартылай шығарылу кезеңі 5-7 сағат құрайды. Ламивудин емдік дозаларының бүкіл кеңдігінде дозаға байланысты фармакокинетика иеленеді және альбуминмен байланысының шектелуімен сипатталады. Ламивудин гематоэнцефалдық кедергі арқылы өтеді. Ламивудиннің жұлын сұйықтығындағы және қан сарысуындағы концентрациясының арақатынасы ішу арқылы қабылдағаннан кейін 2-4 сағаттан соң 0,12 құрайды. Ламивудин бүйрекпен бөліну жолымен организмнен өзгермеген күйде шығарылады. Ламивудиннің басқа дәрілік заттармен метаболикалық өзара әрекеттесу ықтималдығы бауыр метаболизмінің төмен дәрежесінің және қан плазмасының ақуыздарымен төмен байланысуының нәтижесінде төмен. Ламивудиннің фармакокинетикалық көрсеткіштері бауыр жеткіліксіздігі кезінде өзгермейді. Бүйрек жеткіліксіздігінде ламивудиннің шығарылуы бұзылады.

Ставудин асқазан-ішек жолынан жылдам сіңеді. Қан плазмасында ставудин жоғары шекті концентрацияларына қабылдағаннан кейін 1 сағаттан соң жетеді. Нақтылы биожетімділігі 86,4 ± 18,2% құрайды. Ставудиннің жинақталуы анықталмаған. Жартылай шығарылу кезеңі 1,3 ± 0,2 сағат құрайды. Ставудиннің 40% дерлік қабылданған дозасы несеппен өзгермеген күйде шығарылады, қалғаны метаболиттер түрінде бөлінеді. Ставудиннің бауыр қызметі бұзылған емделушілердегі фармакокинетикасы бауыр қызметі қалыпты емделушілердегіден елеулі ерекшеленбейді. Ставудин клиренсі бүйрек жеткіліксіздігі бар емделушілерде креатинин клиренсі төмендегенде кемиді.

Фармакодинамикасы

Ламистар-30 – бұл құрамында ламивудин мен ставудин бар біріктірілген препарат. Ламивудин белсенді 5'-трифосфаттық метаболит – ламивудин трифосфатының түзілуімен жасушаішілік фосфорланады. Ламивудин трифосфаты ДНҚ вирусы тізбегінің үзілу жолымен адамдағы иммундық тапшылық вирусының кері транскриптазасын бәсеңдетеді.

Ставудин адам жасушаларында АИВ репликациясын in vitro бәсеңдетеді.

Жасушалық киназалармен вирусқа қарсы белсенділігі бар ставудин трифосфатына дейін фосфорланады. Ставудин трифосфаты екі белгілі механизммен АИВ репликациясын бәсеңдетеді: (1) – табиғи субстрат - деокситимидин трифосфатымен бәсекелесе отырып, АИВ кері транскриптазасын бәсеңдетеді; (2) – ДНҚ вирусы тізбегінің үзілуін туындата отырып, вирустық ДНҚ синтезін бәсеңдетеді.

Ламивудин мен ставудиннің синергиялық белсенділігі дәлелденген.

Қолдануға болмайтын жағдайлар

- АИВ жұқпасының 1 Типін (АИВ-1) басқа антиретровирустық препараттармен біріктіріп емдеу

Қолдану тәсілі және дозалары

Ламистар-30 ас ішуге байланыссыз қабылданады. Препаратты қабылдаулар арасындағы аралық 12 сағат құрауға тиіс. Дене салмағы 60 кг-ден аз ересектерге ұсынылатын препарат дозасы күніне 2 рет 1 таблетка Ламистар-30 құрайды.

Емдеу ұзақтығын емдеуші дәрігер белгілейді.

Жағымсыз әсерлері

Өте жиі

- жүрек айну, құсу, диарея, іштің ауыруы

- қатты шаршағыштық, бас ауыру, ұйқышылдық, ұйқысыздық, тершеңдік, депрессия, ақыл-ой белсенділігінің төмендеуі, парестезия, құрысулар, үрейлену сезімі

Жиі

- анемия, нейтропения, тромбоцитопения

- қан сарысуында амилаза деңгейінің жоғарылауы, лактатацидоз

- макулопапулездік эритематоздық бөртпе, қышыма, есекжем

- қызба

- артралгиялар, миалгиялар, рабдомиолиз, жайылған ауырулар

- панкреатит

- лимфаденопатия

- кардиомиопатия

- конъюнктивит

- гамма-глутамилтрансфераза, аланинаминотрансаминаза, аспартатаминотрансфераза, сілтілі фосфатаза белсенділігінің және жалпы билирубин деңгейінің жоғарылауы

- гранулоцитопения

- бүйрек қызметінің бұзылулары, жиі несеп шығару

- бауыр қызметінің бұзылулары, гепатомегалия, стеатоз

- алопеция, тырнақтар мен терінің, ауыз қуысы шырышты қабығының пигментациясы

Сирек

- тәбетті жоғалту, метеоризм

- гипоксия жоқ кездегі сүтқышқылды ацидоз

- жөтел, респираторлы синдром, ринорея, ентігу

- мазасыздық сезімі, кеуденің ауыруы, эмоциялық орнықсыздық

- көпформалы эритема, Стивенс-Джонсон синдромы, уытты эпидермальді некролиз

- тыныс алу жеткіліксіздігі

Өте сирек

- шын мәніндегі эритроцитарлық аплазия, панцитопения

- сарғаю, ауыр гепатоуытты реакциялар, панкреатит, гепатит

- ауыз қуысының шырышты қабығының зақымданулары, дәм сезудің бұзылуы

- гинекомастия

- кератининфосфокиназа белсенділігінің жоғарылауы, қан сарысуында кератининнің жоғарылауы

Қолдануға болмайтын жағдайлар

- препараттың кез келген ингредиентіне және зидовудинге жоғары сезімталдық

- бүйрек жеткіліксіздігі (< 50 мл/мин креатинин клиренсі)

- нейтропения (нейтрофильдік лейкоциттер саны 75 х 109/л төмен)

- айқын анемия

- бауыр қызметінің ауыр бұзылулары

- тұқым қуалаған фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы

- жүктілік және лактация кезеңі

- 18 жасқа дейінгі балалық және жасөспірімдік кезең

Дәрілермен өзара әрекеттесуі

Зидовудин мен эмтрицитабин ламивудиннің жасушаішілік фосфорлануын бәсекелі тежеуі мүмкін, сондықтан Ламистарды-30 зидовудинмен немесе эмтрицитабинмен бір мезгілде қолдану ұсынылмаған. Ламистар-30 бен доксорубицинді бір мезгілде қолданғанда ставудиннің фармакологиялық белсенділігі бәсеңдейді. Триметоприм қан плазмасындағы ламивудин деңгейін 40%-ға арттырады. Ламистар-30 диданозинмен бір мезгілде қолданғанда панкреатиттің, шеткергі нейропатияның даму қаупі жоғарылайды, сондықтан оларды бірге қолдану ұсынылмайды.

Айрықша нұсқаулар

Егде жастағы емделушілерге препарат дозасын реттеу жүргізілмейді. Бауыр қызметі бұзылған емделушілерге препарат дозасын реттеу керек емес, бірақ мұндай емделушілерді емдеуді үнемі қадағалаумен жүргізген жөн. Емдеу кезінде бүйрек қызметін бақылау қажет.

Дәрілік заттың көлік құралдарын және қауіптілігі зор механизмдерді басқару қабілетіне ықпал ету ерекшеліктері

Ұйқышылдық пайда болғанда, Ламистар-30 қабылдайтын емделушілерге автокөлік және мәшине құрылғысын басқарудан бас тарту керек.

Артық дозалануы

Симптомдары: жағымсыз әсерлердің күшеюі.

Емі: белгісіне қарай және демеуші емдеу, гемодиализ сеансын жүргізген жөн. Арнайы у қайтарғысы жоқ.

Шығарылу түрі және қаптамасы

60 таблеткадан алғашқы ашылуы бақыланатын пластик қақпақтармен тығындалған тығыздығы жоғары полиэтиленнен жасалған құтыларға салады.

Құтыға заттаңбалық қағаздан дайындалған заттаңбаны жапсырады.

Құтыны медицинада қолданылуы жөніндегі мемлекеттік және орыс тілдеріндегі нұсқаулықтармен бірге картон қорапқа орналастырады.

Сақтау шарттары

Түпнұсқалық қаптамасында 25 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші

Хетеро Лабс Лимитед, Үндістан,

III блок, 22-110, IDA, Джейдиметла, Хидерабад 500 055 НВ Холдинг үшін, Гонконг, Шатин, 6 Он Пинг Стрит, Нью Трейд Плаза, А ғимараты,  604 кеңсе 

Қаптаушы ұйымның атауы және елі

Хетеро Лабс Лимитед, Үндістан НВ Холдинг үшін, Гонконг

Тіркеу куәлігі иесінің атауы және елі

«Глобал Холдинг» ЖШС, Қазақстан

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы:

«Глобал Холдинг» ЖШС

Мекенжайы: 0500004, Алматы қ., Желтоқсан к-сі, 59, Қазақстан Республикасы

Телефон нөмірі +7 (727) 2581086

Факс +7 (727) 2599756