Лаеннек

Лаеннек

Дәрілік түрі, дозалануы

Бұлшықет ішіне және тері астына енгізуге арналған ерітінді, 112 мг/2 мл

Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар.

АТХ коды А05ВА

Бауырдың созылмалы ауруларында көрсетілген.

Ересек адамдарда (18 жастан бастап) қолдануға көрсетілген.

Қолдануды бастағанға дейін қажетті мәліметтер тізбесі

- әсер ететін затқа немесе препараттың қосымша заттарының кез келгеніне аса жоғары сезімталдық

- жүктілік және емшек емізу кезеңі

- балалар мен 18 жасқа дейінгі жасөспірімдер

Қолдану кезінде қажетті сақтық шаралары

Сақтық шаралары:

Бірінші кезекте пациенттерге бұл препарат емдеу кезінде қажет екенін, сондай-ақ препараттың өндірісі кезінде инфекцияның таралуының алдын алу қауіпсіздігі бойынша барлық шаралар қолданылатынын хабарлау керек.

Енгізу орнында немесе енгізу орнының айналасында:

Лаеннек препаратын тері астына немесе бұлшықет ішіне енгізген кезде тіндер мен жүйке ұштарының артық зақымдануын болдырмау үшін келесі сақтық шараларын сақтау керек:

а) енгізу кезінде жүйке ұштарына тигізуден аулақ болуға тырысу керек, препаратты сақтықпен енгізу керек.

в) көп реттік инъекция кезінде бір орынға инъекция жасаудан аулақ болу керек, мысалы, оң және сол жақты кезекпен пайдаланған жөн.

с) инені енгізген кезде егер тоқтамайтын ауыру немесе қан кету байқалса, инені дереу шығарып, инъекция үшін басқа орынды таңдау керек.

Ампуланың ұшын алып тастаған кезде:

этил спиртіне салынған мақтаны пайдаланған жөн, онымен ампула мойнының айналасындағы жерді ашар алдында сүрту керек.

Басқа дәрілік препараттармен өзара әрекеттесуі

Лаеннекті күшті негіздеме болып табылатын (pH 8.5 жоғары) басқа препараттармен араластыру кезінде фармацевтикалық өзара әрекеттесу нәтижесінде оның белсенділігі төмендейді.

Лаеннектің қандай да бір басқа клиникалық елеулі өзара әеркеттесуі туралы мәліметтер қазіргі уақытқа дейін жоқ.

Арнайы ескертулер

Препаратты егде жастағы тұлғалардың қолдануы

Егде жастағы адамдардың физиологиялық функцияларының төмендеуінің жалпыға мәлім фактісіне байланысты, осы препаратты егде жастағы адамдар қолданған кезде әрдайым сақтық шараларын қолдану керек.

Педиатрияда қолданылуы

Шала туған, жаңа туған нәрестелер, емшектегі балалар және кәмелетке толмағандар арасында Лаеннек препаратын қолдану қауіпсіздігі бойынша зерттеулер жүргізілген жоқ (шектеулі клиникалық тәжірибе).

Жүктілік немесе лактация кезінде қолданылуы

Лаеннекті эксперименталды зерттеу оның уытты және тератогендік әсерін анықтамады. Адамдарға зерттеу жүргізілген жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын немесе қауіптілігі зор механизмдерді басқару қабілетіне әсері анықталмаған.

Қолдану жөніндегі нұсқаулар

Дозалану режимі

Ересектерге препаратты тері астына немесе бұлшықет ішіне енгізу керек: тәулігіне 2 мл-ден (112 мг плацента гидролизаты).

Енгізу әдісі және жолы

Тері астына немесе бұлшықет ішіне енгізу керек.

Қабылдау уақытын көрсетумен қолдану жиілігі

Аурудың ауырлығына байланысты инъекцияның жиілігі тәулігіне 2 ретке дейін арттырылуы мүмкін, қолдану ұзақтығын емдеуші дәрігер анықтайды.

Емдеу ұзақтығы

Аурудың ауырлығына байланысты қолдану ұзақтығын емдеуші дәрігер анықтайды.

Артық дозалану жағдайында қабылдануы қажетті шаралар

Қазіргі уақытта дәрілік заттың артық дозалану жағдайлары туралы хабарланған жоқ.

Тоқтату симптомы қаупінің болуына нұсқау

Қазіргі уақытта дәрілік заттың тоқтату симптомдары туралы хабарланған жоқ.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі: инъекция орнындағы ауыру.

Инені енгізген кезде егер тоқтамайтын ауыру немесе қан кету байқалса, инені дереу шығарып, инъекция үшін басқа орынды таңдау керек.

Өте сирек: препаратқа жоғары сезімталдық/аллергиялық реакция (қызару, терінің қышынуы), енгізу орнының тығыздалуы.

Енгізу кезінде жүйке ұштарына тигізуден аулақ болуға тырысу керек, препаратты сақтықпен енгізу керек.

Белгісіз: гинекомастия (гинекомастияның препаратты қабылдаумен себеп-салдарлық байланысы анықталмаған); бауыр жеткіліксіздігі (АСТ, АЛТ және т.б. белсенжілігінің өсуі) жиілігі белгісіз; бас ауыру жиілігі белгісіз.

Клиникалық елеулі жағымсыз реакциялар: аллергиялық реакциялар, оның ішінде анафилаксиялық шок болуы мүмкін. Мұндай жағдай дамыған кезде препаратты тоқтату және тиісті шараларды қолдану керек.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

2 мл бір ампуланың құрамында

белсенді зат – адам плацентасының гидролизаты*, 112 мг,

қосымша заттар: хлорсутек қышқылы рН дейін, натрий гидроксиді рН дейін, инъекцияға арналған су 2 мл дейін

*Құрамында пепсин, лактоза бар

Сыртқы түрінің, иісінің, дәмінің сипаттамасы

Ашық-қоңырдан сарғыш-қоңыр түске дейінгі сұйықтық.

Шығарылу түрі және қаптамасы

2 мл-ден қоңыр түсті шыны ампулаларда, әр ампуланың ампуланы сындыру орнын білдіретін ақ түсті дағы бар.

10 немесе 50 ампуладан медициналық қолдану жөніндегі қазақ және орыс тілдеріндегі нұсқаулықпен бірге картон қалқасы бар картон қорапшаға салынған.

3 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Қолдануға жарамайды:

- ампуланың тұтастығы бұзылған препарат (ампуласы шытынаған немесе ашылған);

- жарамдылық мерзімі өткен препарат немесе оны тиісті шарттарда сақтамаған жағдайда.

Рецепт арқылы

Өндіруші туралы мәліметтер

«Джапан Био Продактс Ко., Лтд.», 1-44-4, Томигая, Шибуя-ку, Токио, 151-0063, Жапония.

Тел.: +81-3-6804-9639

Факс: +81-3-3468-4045

E-mail : laennec@placenta-jbp.co.jp

Тіркеу куәлігінің ұстаушысы

«РАНА» медициналық корпорациясы ЖШҚ, Ресей, 123242, Мәскеу қ., Зоологическая к-сі, 22-үй, тел.: +7(499) 766-27-27

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«РАНА» медициналық корпорациясы ЖШҚ, Ресей, 123242, Мәскеу қ., Зоологическая к-сі, 22-үй, тел.: +7(499) 766-27-27