Кофанол

• русский
• қазақша

• Скачать инструкцию медикамента

Саудалық атауы

Кофанол

Халықаралық патенттелмеген атауы

Жоқ

Дәрілік түрі

Шәрбат

Құрамы

5 мл препараттың құрамында:

белсенді заттар: дифенгидрамин гидрохлориді 14.08 мг

аммоний хлориді 138.0 мг

натрий цитраты 57.03 мг

ментол 1,14 мг,

қосымша заттар: натрий метилпарагидроксибензоат, натрий пропилпарагидроксибензоат, натрий бензоаты, сұйық глюкоза, лимон қышқылы, сахароза, сорбитол 70 %, пропиленгликоль, динатрий эдетаты, тазартылған су, Понсо 4R Супра бояғышы, таңқурай хош иістендіргіші.

Сипаттамасы

Мөлдір, өзіне тән иісі бар, қызғылт түсті тұтқыр сұйықтық.

Фармакотерапиялық тобы

Жүйелі әсер ететін антигистаминдік препараттар. Дифенгидрамин басқа препараттармен біріктірілімде.

АТЖ коды R06AA52

Фармакологиялық қасиеттері

Фармакокинетикасы

Препараттың әсері оның компоненттерінің бірлескен әсері болып табылады, сондықтан фармакокинетикалық бақылау жасау мүмкін емес, барлық компоненттердің динамикасы маркерлер немесе биологиялық әдістер көмегімен зерттеле бермейді.

Дифенгидрамин гидрохлориді ішке қабылдағанда жақсы сіңеді. Гематоэнцефалдық тосқауыл арқылы өтеді. Несеппен шығарылады.

Аммоний хлориді асқазан-ішек жолынан 3-6 сағат бойына сіңеді. Аммоний иондары бауырда мочевинаға айналады. Метаболизм бауырда жүреді, ағзадан несеппен шығарылады.

Натрий цитраты метаболикалық ацидозды бәсеңсітеді. Натрий цитратының 95 % жуығы несеппен шығарылады, қалған 5 % - өзгермеген түрде шығарылады.

Ментол бауырда микросомальді ферменттермен глюкуронды қышқылмен байланысатын п-метан-3,8 диолға дейін гидроксилденеді, глюкуронид түрінде несеппен және өтпен бөлінеді.

Фармакодинамикасы

Кофанол препаратының басты компоненті - дифенгидрамин гистаминді Н1-рецепторлардың бөгегіші болып табылады. Аллергияға қарсы белсенділігі бар, жергілікті жансыздандырады, спазмолитикалық және орташа ганглиобөгегіш әсер береді. Ішке қабылдағанда седативті және ұйықтатын әсер береді, құсуға қарсы орташа әсер етеді, сондай-ақ орталықтық холинолитикалық белсенділігі бар.

Аммоний хлоридінің секретомоторлық белсенділігі бар – бронхтардың шырышты қабығының жыпылықтағыш эпителийінің қызметін көтермелейді және қақырық шығуын жеңілдетеді. Тыныс алу орталығына аздаған көтермелейтін әсер етеді.

Натрий цитраты натрий бикарбонатына дейін метаболизденеді, қақырық түсіретін дәрі ретінде әсер етеді, сондай-ақ жүйелі сілтілік агент болып табылады.

Ментолдың жергілікті жансыздандыратын орташа әсері және антисептикалық қасиеті бар.

Қолданылуы

- жедел және созылмалы аллергиялық бронхит

- қақырықты жөтелмен қатар жүретін жоғары тыныс алу жолдарының аурулары, оның ішінде этиологиясы аллергиялық ауруларында

Қолдану тәсілі және дозалары

Ересектерге: 10 мл-ден күніне 2 - 3 рет.

Емдеу курсының орташа ұзақтығы 5 - 7 күн.

Жағымсыз әсерлері

Жиі

- ауыздың құрғауы, ауыз қуысының шырышты қабығының ұюы

-жалпы әлсіздік, шаршағыштық, ұйқышылдық

-бөртпе, есекжем

Сирек

- зейін шоғырландырудың төмендеуі, бас айналуы, бас ауыруы

- мазасыздық, жоғары қозғыштық (әсіресе балаларда), ұйқысыздық,

тітіркенгіштік, ашушаңдық

- гипотензия, жүрек қағуы, тахикардия

- тромбоцитопения, агранулоцитоз, гемолитикалық анемия

- несепті жиі және/немесе қиналып шығару

Мүмкін болатын

- қозғалыс координациясының бұзылуы

- діріл, құрысулар

- көрудің бұзылуы (жоғары дозаларда), диплопия

Қолдануға болмайтын жағдайлар

- препарат компоненттеріне жоғары сезімталдық

- бронхиалдық демікпенің жедел ұстамалары

- артериялық гипертензия

- айқын атеросклероз

- жабық бұрышты глаукома

- 18 жасқа дейінгі балалық және жасөспірімдік жас

- жүктілік және лактация кезеңі

Дәрілермен өзара әрекеттесуі

Кофанол апиындардың әсерін күшейтіп және ұзартады, фенобарбиталдың және бензодиазепин қатары препараттарының әсерін күшейтеді.

Алкогольмен және құрамында спирт бар препараттарды бір уақытта қолданғанда олардың әсерін күшейтеді.

Айрықша нұсқаулар

Егер жөтел тоқтамаса, дәрігермен кеңесу керек.

Бауыр циррозы бар немесе бауырдың басқа аурулары бар емделушілерге сақтықпен тағайындайды.

60 жастағы немесе одан асқан емделушілерге бас айналуы және гипотензия дамуы мүмкіндігіне байланысты сақтықпен тағайындайды.

Емдеу кезеңінде алкоголь ішімдіктерін пайдаланудан бас тарту керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат құрамында ұйықтататын әсері бар дифенгидрамин гидрохлориді болуына байланысты ұсынылмайды.

Артық дозалануы

Симптомдары: ауыз құрғауы, тыныс алудың қиындауы, тұрақты мидриаз, беттің қызаруы, ОЖЖ бәсеңсуі немесе қозуы, сананың шатасуы.

Емі: асқазанды шаю, белсенділендірілген көмір тағайындау; тыныс алуды және артериялық қысым деңгейін мұқият бақылау аясындағы симптоматикалық және демеуші ем.

Шығарылу түрі және қаптамасы

Бұралып бекітілетін пластмасса қақпақпен тығындалған күңгірт шыныдан жасалған құтыда 100 мл препараттан.

Құтыға заттаңбалық қағаздан жасалған заттаңба жапсырылады.

Құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші

Наброс Фарма Пвт Лтд, Үндістан

National highway 8 Kajizipura, Kheda.

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

Қазақстан Республикасындағы «Наброс Фарма Пвт Лтд» өкілдігі,

Мамыр 3 ы/а, 3А үй, 050036, Алматы қ., Қазақстан Республикасы

тел.: +7 (727) 226 13 14, e-mail: nabros.almaty@gmail.com