КОЛИКИД® (суспензия оральная)
Инструкция
-
русский
-
қазақша
Саудалық атауы
КОЛИКИД®
Халықаралық патенттелмеген атауы
Симетикон
Дәрілік түрі
Ішуге арналған суспензия, 40 мг/мл
Құрамы
1 мл суспензияның құрамында
белсенді зат: 40 мг симетиконға баламалы симетикон эмульсиясы
қосымша заттар: полисорбат 80, карбомер, натрий сахарині, глицерин, натрий бензоаты (Е 211), бұрыш жалбызы дәмдік қоспасы, тәтті ананас дәмдік қоспасы, натрий гидроксиді, тазартылған су.
Сипаттамасы
Спецификалық иісі бар ақ түсті суспензия.
Фармакотерапиялық тобы
Ас қорыту жолы және зат алмасу. АІЖ қызметінің бұзылыстарын емдеуге арналған препараттар. Ішек қызметінің бұзылыстарын емдеуге арналған басқа да препараттар. Силикондар.
АТХ коды А03АХ13
Фармакологиялық қасиеттері
Фармакодинамикасы
Симетикон газ көпіршіктері бетіне ғана әсер етеді және ас қорыту жолының шырышты қабығы арқылы сіңірілмейді. Симетикон ас қорыту жолының шырышты қабығы арқылы сіңірілмейді және ішу арқылы қабылдағаннан кейін өзгермеген түрде шығарылады. Симетикон орталықтық әсер көрсетпейді.
Фармакодинамикасы
Симетикон – құрамында кремний бар, беткейлік белсенділігі және көбікті басатын қасиеті бар қосылыс болып табылады. Өзінің физикалық-химиялық қасиеттерінің арқасында, симетикон химиялық және физиологиялық инертті зат, уыттылығы жоқ және асқазан-ішек жолының шырышты қабықтарының жасуша жарғақшаларынан сіңбейтін зат болып табылады. Симетикон газ көпіршіктерін олардың беткейлік тартылуын өзгерте және сол арқылы оларды шөгуге мәжбүр ете отырып, физикалық жолмен бұзады. Симетикон аталған қасиеттеріне байланысты асқазан-ішек жолы аймағында артық газ түзілуін симптоматикалық емдеуге пайдаланылады. Босап шыққан газ содан кейін табиғи тәсілмен шығарылады.
Қолданылуы
Газ түзумен байланысты асқазан-ішек жолы тарапынан бұзылуларды, мысалы, метеоризм, оның ішінде операциядан кейінгі кезеңде, нәрестелердегі шаншуды симптоматикалық емдеуде
Құрсақ қуысы ағзаларына диагностикалық зерттеулер жүргізу кезінде (рентгенография, ультрадыбыстық зерттеу) және гастродуоденоскопияға әзірлікте қосымша зат ретінде
Қолдану тәсілі және дозалары
Газ түзумен байланысты асқазан-ішек жолы тарапынан бұзылуларда
|
Жасы |
Дозалануы |
Қолдану жиілігі |
|
|
1 жасқа дейінгі балалар |
0,5–1 мл |
КОЛИКИД® әрбір қоректендіру кезінде балалар тағамы бар бөтелкеге қосады немесе кішкентай қасықпен, емшек емізуге дейін немесе одан кейін береді. |
|
|
1–6 жастағы балалар |
1 мл |
Препаратты тамақ ішу кезінде немесе тамақтан кейін әрбір 4–6 сағат сайын қолдану керек. |
|
|
6–14 жастағы балалар |
1–2 мл |
||
|
14 жастан асқан балалар және ересектер |
2 мл |
||
Құрсақ қуысына диагностикалық зерттеулер жүргізуге дайындау үшін
Рентгенологиялық зерттеулер, ультрадыбыстық диагностика
|
Жасы |
Дозалануы және қолдану жиілігі |
|
|
Зерттеу жүргізуден бір тәулік бұрын |
Зерттеу жүргізетін күні таңертең |
|
|
Балалар |
Тәулігіне 3 рет 1 мл-ден |
1 мл бір рет |
|
Ересектер |
Тәулігіне 3 рет 2 мл-ден |
2 мл бір рет |
Гастродуоденоскопияға дайындау үшін
|
Жасы |
Дозалануы және қолдану жиілігі |
|
|
Эндоскопия жүргізер алдында |
Эндоскопия жүргізу кезінде |
|
|
Ересектер |
4–8 мл бір рет |
Қажет болған жағдайда зерттеу жүргізуге кедергі жасайтын газ көпіршіктерін жою үшін бірнеше миллилитр суспензияны эндоскоп каналы арқылы енгізу керек. |
КОЛИКИД® препаратын операциядан кейінгі кезеңде де қолдануға болады.
Қолданар алдында банканың ішіндегісін жақсылап шайқау керек. Дозаларды өлшеу үшін көлемі 2 мл инесіз бір реттік пластик шприцті пайдалануға болады. Препаратты тамақ ішу кезінде немесе тамақтан кейін, ал қажет болса – ұйықтар алдында қабылдау керек.
Емдеу ұзақтығы шағымның болуына байланысты және дәрігер әркімге жеке шешім қабылдайды.
Қажет болса КОЛИКИД® препаратын ұзақ уақыт бойы қабылдауға болады.
Ас қорыту жолы тарапынан бұзылыстар қайта пайда болғанда және/немесе олардың сипаты ұзаққа созылғанда клиникалық тексеру жүргізу қажет.
Балалар.
Препаратты балаларға туғаннан бастап қолданады.
Жағымсыз әсерлері
Иммундық жүйе тарапынан: аллергиялық көріністер, қышынуды, тері бөртпесін, есекжемді қоса, аса жоғары сезімталдық реакциялары.
Қолдануға болмайтын жағдайлар
Препаратқа және оның компоненттеріне жоғары сезімталдықта.
Ішек бітелісінде.
Ас қорыту жолдарының обструкциялық ауруларында
Дәрілермен өзара әрекеттесуі
Левотироксин симетиконмен байланыса алады. Симетиконмен бір мезгілде қолданғанда ішектегі левотироксиннің сіңірілуі бұзылуы мүмкін.
Айрықша нұсқаулар
Шағымдар қайта туындағанда немесе ас қорыту жолдары тарапынан ұзаққа созылған шағымдар кезінде дәрігерге қаралу керек.
Жүктілік және лактация кезеңі
КОЛИКИД® препаратын қолдануға қатысты клиникалық деректер жоқ. Себебі белсенді компоненті ас қорыту жолдарының шырышты қабығынан сіңірілмейді, дәрілік препараттың шаранаға қандай да бір әсері немесе препараттың ана сүтіне жинақталуы күтілмейді.
КОЛИКИД® препаратын жүктілік немесе бала емізу кезінде тек ана үшін күтілетін пайда шаранаға немесе нәрестеге төнетін қауіптен жоғары болған жағдайларда ғана қолдануға болады.
Препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері
Симетикон сіңірілмейтін инертті зат болғандықтан, автокөлік немесе басқа механизмдерді басқаруға іс жүзінде ықпал етпейді.
Артық дозалануы
Осы уақытқа дейін артық дозалану жағдайлары белгісіз. Симетикон химиялық және физиологиялық жағынан да инертті болғандықтан, уыттану іс жүзінде болмайды. Ұсынылғаннан жоғары дозаларды қолданған жағдайда дәрігерге қаралу керек.
Шығарылу түрі және қаптамасы
30 мл препараттан өлшегіш қасығы бар банкаға салынған.
1 банкадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
Құрғақ, жарықтан қорғалған жерде, 25ºС-ден аспайтын температурада. Банканы алғаш ашқаннан кейін препаратты 4 аптадан асырмай сақтау керек.
Балалардың қолы жетпейтін жерде сақтау керек!
Сақтау мерзімі
3 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз.
Өндіруші
«КУСУМ ФАРМ» ЖШҚ
40020, Украина, Сумы облысы, Сумы қ., Скрябин к-сі., 54.
Тіркеу куәлігінің иесі
«КУСУМ ФАРМ» ЖШҚ, Украина
Қазақстан Республикасы аумағында тұтынушылардан дәрілік заттың сапасы бойынша шағымдарды (ұсыныстарды) қабылдайтын ұйымның атауы, мекенжайы және байланыс деректері:
«Дәрі-Фарм (Қазақстан)» ЖШС, Алматы қ., Достық даңғ. 117/6, «Хан-Тәңірі» БО,
Телефон/факс: 8(727) 295-26-50
E-mail: claims@kusum.kz
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
«Дәрі-Фарм (Қазақстан)» ЖШС, Алматы қ., Достық даңғ. 117/6, «Хан-Тәңірі» БО,
Телефон/факс: 8(727) 295-26-50
Электронды поштасы:phv@kusum.kz