Коакт

Коакт

Жоқ

Дәрілік түрі, дозалануы

Пероральді суспензия дайындауға арналған ұнтақ, 156.25 мг/5 мл және 312.5 мг/5мл

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы бета-лактамды препараттар, пенициллиндер. Бета-лактамаза тежегіштерімен біріктірілген пенициллиндер. Амоксициллин және бета-лактамаза тежегіші.

ATХ коды J01CR02

- жедел бактериялық синуситте (диагнозы айғақталғанда)

- жедел ортаңғы отитте

- созылмалы бронхиттің өршуі (диагнозы айғақталғанда)

- ауруханадан тыс пневмонияда

- циститте

- пиелонефритте

- терінің және жұмсақ тіндердің инфекцияларында (атап айтқанда, теріасты шелінің қабынуы – целлюлит, жануарлардың тістеуі, жедел абсцестер және жақсүйек-бет аймағының флегмоналары)

- сүйектердің және буындардың инфекцияларында (атап айтқанда, остеомиелитте)

Бактерияларға қарсы заттарды тиісінше қолдану жөнінде ресми нұсқауларға назар аудару керек.

Қолдануды бастағанға дейінгі қажетті мәліметтер тізімі

- әсер етуші заттарға, пенициллиндерге немесе қосымша заттардың кез келгеніне аса жоғары сезімталдық

- басқа бета-лактамдық антибиотиктерге (цефалоспориндерге, карбапенемдерге, монобактамдарға) белгілі аса жоғары сезімталдық

- амоксициллин/клавулан қышқылының біріктірілімін қабылдау аясында дамитын сарғаю немесе бауыр функциясының бұзылуы

- фенилкетонурия (препарат құрамында аспартамның болуына байланысты)

Қолдану кезіндегі қажетті сақтық шаралары

• амоксициллинмен/клавулан қышқылымен емдеуді бастар алдында мұның алдында пенициллиндерге, цефалоспориндерге немесе басқа да бета-лактамды антибиотиктерге аса жоғары сезімталдық реакцияларының болған-болмағанын мұқият зерттеу қажет. Пенициллин қабылдаған пациенттерде ауыр және кейде өлімге ұшырататын аса жоғары сезімталдық (анафилактоидтық) реакциялары тіркелді. Бұл реакциялар анамнезінде пенициллинге аса жоғары сезімталдық реакциялары және атопиясы бар адамдарда жиі кездеседі. Амоксициллинге/клавулан қышқылына аллергиялық дамыған жағдайда, осы препаратпен емдеуді тоқтату және басқа баламалы емге көшу керек.

• препаратты бүйрек функциясының жеткіліксіздігі бар пациенттерге абайлап тағайындау керек.

Басқа дәрілік препараттармен өзара әрекеттесуі

Пероральді антикоагулянттар

Пероральді антикоагулянттар және пенициллин тобының антибиотиктері өзара әрекеттесу туралы мәлімдемелерсіз іс жүзінде кеңінен пайдаланылады. Алайда оқулықтарда аценокумаролды немесе варфаринді амоксициллинмен бірге қабылдаған пациенттерде халықаралық қалыптасқан қатынастың артқаны білінді. курсы тағайындалған пациенттерде халықаралық қалыптасқан арақатынастың жоғарылау жағдайлары кездеседі. Егер препараттарды бір мезгілде қолдану қажет болса, протромбин уақытын немесе халықаралық қалыптасқан қатынасты амоксициллинді тағайындағанда немесе тоқтатқанда мұқият бақылау керек. Бұдан басқа, пероральді антикоагулянттардың дозасын өзгерту қажет болуы мүмкін.

Метотрексат

Пенициллиндер тобының препараттары метотрексаттың шығарылуын азайтуы мүмкін, ол уыттылықтың потенциалды ұлғаюын туындатады.

Пробенецид

Пробенецидпен бір мезгілде пайдалану ұсынылмайды. Пробенецид амоксициллиннің өзекшелік секрециясын азайтады.

Коакт препаратымен бірге пайдалану қандағы амоксициллин деңгейінің, клавулан қышқылының емес, артуына әкелуі мүмкін.

Мофетил микофенолатын қабылдап жүрген пациенттерде Коакт препаратымен бірге қолданғанда микофенол қышқылының белсенді метаболитінің концентрациясы бастапқы дозаны тағайындаған кезде шамамен 50%-ға төмендейді. Бастапқы доза концентрациясы микофенол қышқылының жиынтық концентрациясының өзгеруіне сәйкес келмеуі мүмкін. Сондықтан трансплантат дисфункциясының клиникалық белгілері болмаған кезде мофетил микофенолатының дозасын өзгертудің әдетте қажеті жоқ. Дегенмен, біріктірілімді қабылдау кезінде және антибиотиктермен емдеуден кейін тез арада мұқият клиникалық мониторинг жүргізу қажет.

Арнайы ескерулер

Пенициллинмен ем қабылдап жүрген пациенттерде аса жоғары сезімталдықтың ауыр, кейде өліммен аяқталатын реакцияларының (анафилактоидтық және терінің ауыр жағымсыз реакцияларын қоса) дамығаны туралы мәлімдемелер алынды.

Қоздырғыштардың бета-лактамдық антибиотиктерге төзімділігінің қаупі жоғары болғанда Коакт препаратын қолданбау керек. Пенициллинге төзімді S.pneumoniae-ні емдеу үшін препаратты қолдану ұсынылмайды.

Егер инфекция амоксициллинге төзімді болса, амоксициллинді/клавулан қышқылын амоксициллиннің орнына пайдалану мүмкіндігін қарастыру керек.

Бүйрек функциясы бұзылған және препараттың жоғары дозаларын қабылдап жүрген пациенттерде құрысулар дамуы мүмкін.

Инфекциялық мононуклеозде амоксициллинді/клавулан қышқылын тағайындамау керек, өйткені қызылшаға ұқсас бөртпелер (амоксициллинге) пайда болуы мүмкін.

Амоксициллинмен емдеу кезінде аллопуринолды бір мезгілде қолдану терінің аллергиялық реакцияларының дамуы ықтималдылығын арттыруы мүмкін.

Ұзақ қолдану кейде сезімтал емес организмдерді шамадан тыс өсуіне әкелуі мүмкін.

Емдеудің бас кезінде пустулезді бөртпелері бар және қызба пайда болған жайылған эритема жайылған жедел экзантематозды пустулездің даму симптомы болуы мүмкін. Осы реакциялар дамыған кезде препарат қабылдауды тоқтату және алда амоксициллинді пайдаланбау қажет болады.

Бауыр функциясы бұзылуларының пайда болу жағдайлары негізінен препаратты ұзақ уақыт кезеңі бойы қабылдаған бойы еркектерде және егде жастағы пациенттерде тіркелді. Бұл жайттар балаларда өте сирек кездесті. Белгілері және симптомдар әдетте емдеу кезінде немесе емдеуді бастағаннан кейін бірден дамиды, бірақ кейбір жағдайларда емдеуді тоқтатқаннан кейін бірнеше аптадан соң ғана көрініс беруі мүмкін. Бұл симптомдар әдетте қайтымды. Бауыр тарапынан асқынулар ауыр түрде білінуі мүмкін және өте сирек жағдайларда өліммен аяқталумен өтуі мүмкін. Олар қатар жүретін ауыр аурулары бар пациенттерде немесе бауырға әсер ететін басқа препараттарды қабылдап жүрген пациенттерде әрдайым дерлік дамиды.

Антибиотикпен астасқан колиттің дамуы, амоксициллинді қоса, бактерияларға қарсы кез келген препараттарға тән, және айқындылық дәрежесіне қарай орташадан өмірге қауіп төндіруге дейін өзгеруі мүмкін. Сондықтан препаратты кез келген антибиотикті қолдану кезінде және қолданудан кейін препаратты диареядан зардап шегіп жүрген пациенттерге тағайындаған кезде ескеру маңызды.

Антибиотикпен астасқан колит туындаған кезде Коакт препаратын пайдалануды дереу тоқтату керек. Дәрігердің кеңесінен кейін тиісті ем тағайындалуы тиіс. Мұндай жағдайларда перистальтиканы төмендететін препараттарды қолдануға болмайды.

Ұзақ емдеген кезде ағзалар жүйелеріне, соның ішінде бүйрек, бауыр және қан түзу функцияларына ұдайы баға беру ұсынылады.

Қан ұюдың қалаған деңгейін демеу үшін пероральді антикоагулянттардың дозасын түзету қажет.

Бүйрек функциясы бұзылған пациенттерде бұзылу айқындылығының дәрежесіне байланысты, дозаны түзетуді қажет етеді.

Диурездің бұзылулары бар пациенттерде көбіне парентеральді емдеу кезінде кристаллурия өте сирек білінді. Емдеу кезінде кристаллурияның ықтимал дамуына жол бермеу үшін сусынды мол етіп ішуге кеңес беріледі. Амоксициллин қуықтың катетерлеріне шөгеді (көбіне үлкен дозаларды вена ішіне енгізген кезде), мұндай жағдайда катетердің өткізгіштігін ұдайы бақылау қажет.

Амоксициллинді қолданып ем жүргізу кезінде несептегі глюкозаның бар-жоқтығына талдау жүргізгенде глюкозооксидазаның ферментативтік әдістерін пайдалану керек, өйткені ферментативтік әдістерді пайдаланбағанда жалғаноң нәтижелер болуы мүмкін.

Препараттың құрамында клавулан қышқылының бар болуы G иммуноглобулиннің және альбуминнің эритроциттердің жарғақшаларымен спецификалық емес байланысуына және Кумбс сынамасының жалғаноң нәтижелеріне әкелуі мүмкін.

Амоксициллин / клавулан қышқылын қабылдаған, соңында Aspergillus инфекциясымен инфекцияланбаған болып шыққан пациенттерде EIA Platelia Aspergillus Bio-Rad талдаудың оң нәтижелері туралы деректер алынды, бірақ non-Aspergillus полисахаридтер және полифураноздар қолданылған айқаспалы реакциялар туралы деректер жоқ. Сондықтан амоксициллин / клавулан қышқылын қабылдаған пациенттерде талдаудың оң нәтижелерін абайлап түсіндіру және диагностиканың басқа әдістерімен айғақтау керек.

Амоксициллиннің жартылай шығарылу кезеңі жасы 3 айлыққа жуықтан 2 жасқа дейін және үлкен жастағы балаларда және ересектерде ұқсас.

Өте кішкентай балаларда (соның ішінде шала туған нәрестелерде) өмірінің алғашқы аптасында дәрілік затты тағайындағанда, препаратты тәулігіне екі реттен артық енгізбеу керек, бұл балаларда бүйректік шығарылу жолының жетілмегендігімен байланысты.

Егде жастағы пациенттер бүйрек дифункциясынан жиі зардап шегетін болғандықтан, пациенттердің осы тобына препаратты абайлап тағайындау керек, бірақ бұл қажет болса, бүйрек функциясына мониторинг жүргізу қажет.

Бүйрек функциясының жеткіліксіздігі

Амоксициллиннің / клавулан қышқылының жалпы клиренсі бүйрек функциясының төмендеуімен пропорционалды түрде азаяды. Амоксициллин клиренсінің төмендеуі, клавулан қышқылымен салыстырғанда, айқынырақ, өйткені амоксициллиннің үлкен бөлігі бүйрек арқылы шығарылады. Демек, препаратты бүйрек функциясының жеткіліксіздігі бар пациенттерге тағайындағанда, амоксициллиннің шамадан тыс жиналуына жол бермеу үшін және клавулан қышқылының қажетті деңгейін сақтау үшін, дозаны түзету қажет.

Бауыр функциясының жеткіліксіздігі

Препаратты бауыр функциясының жеткіліксіздігі бар пациенттерге тағайындағанда дозаны таңдаған кезде сақ болу және бауыр функциясынң ұдайы бақылау керек.

Препараттың құрамында фенилаланиннің көзі аспартам бар. Коакт 156.25 мг/5 мл препаратының құрамында дайындалған суспензияның мл-не шаққанда 1 мг бар (сәйкесінше, Коакт 312.5 мг/5 мл препаратының құрамында мл суспензияға шаққанда 2 мг аспартам бар), сондықтан препаратты фенилкетонуриясы бар пациенттерге абайлап пайдалану керек.

Коакт препаратының құрамында мальтодекстрин (гуарананың құлпынай хош иісі) бар, сондықтан сирек глюкоза-галактоза мальабсорбциясы бар пациенттер осы препаратты қабылдамауы тиіс.

Жүктілік немесе лактация кезінде

Жүктілік

Қазіргі таңда адамда жүктілік кезінде амоксициллин / клавулан қышқылын қолдану туралы шектеулі деректер бар. Жүктілік кезінде амоксициллинді / клавулан қышқылын пайдалану ұсынылмайды, тек аса қажет болғанда дәрігердің тағайындауымен ғана қолданылуы мүмкін.

Лактация

Екі зат та емшек сүтімен шығарылады (емшек емізуге клавулан қышқылының ықпалы туралы деректер жоқ). Демек, емшек ему кезінде диарея және шырышты қабықтардың зеңдік инфекциялары пайда болуы мүмкін, мұндай жағдайларда емшек емізуді тоқтату керек. Амоксициллинді / клавулан қышқылын, емдеуші дәрігер пайда/қаупіне баға бергеннен кейін ғана, емшек емізу кезінде пайдалануға рұқсат етіледі.

Көлік құралын немесе потенциалды қауіпті механизмдерді басқару қабілетіне препараттың ықпал ету ерекшеліктері

Автомобильді және техниканы басқару мүмкіндігіне ықпал ететін препараттар әсерін анықтауға зерттеулер жүргізілген жоқ. Дегенмен, Коакт аллергиялық реакциялар, бас айналу, құрысулар сияқты жағымсыз әсерлерді туындатуы мүмкін, олар автомобильді және қозғалыстағы механизмдерді басқару мүмкіндігіне ықпалын тигізуі мүмкін.

Қолдану жөніндегі нұсқаулар

Дозалау режимі

Дозалар құрамындағы амоксициллиннің / клавулан қышқылының мөлшерін ескеріп есептеледі. Жекелей инфекцияларды емдеу үшін Коакт препаратының дозасын тағайындағанда мыналарды ескеру керек:

• күтілетін патогендер және олардың бактерияларға қарсы дәрілерге ықтимал сезімталдығы

• инфекциялардың ауырлығы және орналасуы

• төменде көрсетілгендей, пациенттің жасы, салмағы және бүйрек функциясы.

Коакт препаратын қолданудың басқа тәсілдерін ескеру қажет, мысалы, амоксициллиннің өте жоғары дозалары және/немесе амоксициллинді және клавулан қышқылын әртүрлі арақатынаста тағайындау керек.

Ересектер және салмағы 40 кг-ден көбірек балалар үшін жалпы тәуліктік доза, төменде берілген нұсқауларға сәйкес, 1500 мг амоксициллинді/375 мг клавулан қышқылын құрайды.  

Амоксациллиннің өте жоғары тәуліктік дозасы қажет болған кезде, клавулан қышқылының шамадан тыс қолдануға жол бермеу үшін, Коакт препаратының өте жоғары дозадағы басқа түрлерін қабылдау ұсынылады.

Ересектер және салмағы ≥ 40 кг балалар

Күніне үш рет 500 мг амоксициллин/125 мг клавулан қышқылы қабылданады.

Салмағы 40 кг-ден азырақ балалар

Доза тәулігіне 20 мг/5 мг/кг-ден тәулігіне 60 мг/15 мг/кг дейін (ең жоғары доза ауыр жағдайларда тағайындалады), үш қабылдауға бөлінген.

2 жастан кіші балаларға тәулігіне 40 мг/10 мг/кг-ден жоғары 156,25 мг/5 мл Коакт препаратын қолданудың клиникалық деректері жоқ. жеткілікті клиникалық деректер жоқ:

6 жастағы және одан кіші балаларға суспензия берген дұрыс.

Балаларда нақты дозалар дене салмағының негізінде есептеледі.

Егде жастағы пациенттер

Дозаны түзетудің қажеті жоқ.

Бүйрек функциясының жеткіліксіздігі

Дозаны түзету амоксициллиннің ұсынылған ең жоғары дозасына негізделеді.

Креатинин клиренсі минутына 30 мл-ден көп пациенттерге препаратты тағайындағанда дозаны түзетудің қажеті болмайды.

Ересектер және салмағы ≥ 40 кг балалар

40 кг-ге дейінгі балалар

Бауыр функциясының жеткіліксіздігі

Абайлап қолдану керек. Бауыр функциясын ұдайы тексеру қажет.

Суспензияны дайындау тәсілі

Ұнтақтың қопсуы үшін ішінде ұнтағы бар құтыны жақсылап сілкілеу керек. Құтының ішіндегіге қайнап, салқындатылған суды белгіден төменге (қалпына келтіру үшін судың жалпы көлемінің 2/3 бөлігіне) дейін қосады, жабады, түбін жоғары қаратып төңкереді, сілкілейді және толық дисперсияланғанға дейін 5 минутқа қойып қояды. Суды құтының белгісіне дейін қосып, көлемі 100 мл гомогенді суспензия алынғанға дейін қайтадан сілкілейді. Препаратты әрбір қабылдау алдында құтыны сілкілеу ұсынылады.

Енгізу әдісі және жолы

Асқазан-ішекке ықтимал бұзылуын азайту және амоксициллин /клавулан қышқылының сіңуін арттыру үшін, суспензияны тамақтанар алдында пероральді түрде қабылдау керек. оңтайлы болуын барынша ең азға төмендету үшін, оны тамақпен бірге қабылдау керек.

Емдеу ұзақтығы

Емдеу ұзақтығы пациенттің реакциясына байланысты. Кейбір инфекциялар (мысалы, остеомиелит) ұзағырақ емдеу кезеңін қажет етеді. Ең жоғары емдеу уақыты емдеу нәтижелерін қайта қараусыз 14 күннен аспауы тиіс.

Артық дозалану жағдайында қабылдау қажет шаралар

Симптомдары: асқазан-ішектік бұзылыстар және су-электролиттік теңгерімнің бұзылулары болуы мүмкін.

Кейбір жағдайларда амоксициллиннің кристаллуриясы бүйрек функциясының жеткіліксіздігіне әкеледі. Құрысулар бүйрек функциясы төмендеген пациенттерге тағайындағанда немесе жоғары дозаларды пайдаланғанда дамуы мүмкін.

Амоксициллин қуықтың катетерлерінде көбіне үлкен дозаларды вена ішіне енгізгеннен кейін шөгуі мүмкін. Олардың өткізгіштігін ұдайы тексеру керек.

Емі: симптоматикалық ем жүргізу, су-электролиттік теңгерімді түзету керек. Амоксициллин/клавулан қышқылы организмнен гемодиализдің көмегімен шығарылуы мүмкін.

Дәрілік препаратты қолдану тәсілін түсіндіру үшін медициналық қызметкерден кеңес алуға бару ұсынылады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болғанда)

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (10-нан ≥ 1), жиі (100-ден ≥ 1 және 10-нан < 1), жиі емес (1000-нан ≥ 1 және 100-ден < 1), сирек (10000-нан ≥ 1 және 1000-нан < 1), өте сирек (10000-нан < 1), белгісіз (қолда бар деректер негізінде баға беру мүмкін емес)

Жиі

- тері және шырышты қабықтардың кандидозы

- жүректің айнуы, құсу, диарея

Жүректің айнуы препараттың жоғары дозаларын қолданған кезде жиі кездеседі. Көрініс беру дәріжесін төмендету үшін суспензияны тамақ ішуді бастаған кезде қабылдау ұсынылады.

Жиі емес:

- бас айналу, бас ауыру

- диспепсия

- бауырдың АЛТ/АСТ ферменттері деңгейлерінің орташа жоғарылауы

- тері бөртпесі, қышыну, есекжем

Сирек

- қайтымды лейкопения (нейтропенияны қоса), тромбоцитопения

- мультиформалы эритема

Өте сирек

- антибиотикпен астасқан колит (жалған жарғақшалы және геморрагиялық колитті қоса)

- қара түкті тіл (тілдің жіп тәріздес емізікшелерінің созылмалы гиперплазиясы)

- балаларда тіс эмалінің беткейлік қайтымды боялуы (щеткамен тазалаған кезде оңай кетеді). Ауыз қуысының тазалығын сақтау тіс эмалінің боялуын болдырмауға көмектеседі.

- эозинофилияда және жүйелік симптомдарда (DRESS-синдром) дәрілік затқа реакция

Белгісіз

- сезімтал емес организмдердің тез өсуі

- қайтымды агранулоцитоз және гемолиздік анемия

- қан кету уақытының және протромбин уақыты индексінің артуы

- ангионевроздық ісіну, анафилаксия; сарысулық ауруға ұқсас синдром, аллергиялық васкулит

- асептикалық менингит

- қайтымды жоғары белсенділік және құрысулар

- гепатит, холестаздық сарғаю

- Стивенс-Джонсон синдромы

- уытты эпидермальді некролиз

- буллёзді эксфолиативті дерматит, жайылған жедел экзантематозды пустулёз. Осы симптомдар дамыған кезде препаратты қабылдау тоқтатылуы тиіс

- интерстициальді нефрит, кристаллурия

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 дозаның (5 мл суспензия) құрамында

белсенді заттар: амоксициллин тригидраты - 143.350 мг және 286.70 мг

(125.000 мг және 250.00 мг амоксициллинге баламалы),

калий клавуланаты сусыз коллоидты кремнийдің қостотығымен (1 : 1) арақатынаста сұйылтылған - 76.390 мг және 152.78 мг (31.25 мг және 62.50 мг клавулан қышқылына баламалы)

қосымша заттар: сусыз коллоидты кремнийдің қостотығы, янтарь қышқылы, гипромеллоза, ксантан шайыры, гуарананың құлпынай хош иісі, аспартам, кремнийдің қостотығы (Syloid – AL-1-FP).

Сыртқы түрінің, иісінің, дәмінің сипаттамасы

Ақтан ақшыл дерлік түске дейінгі түйіршіктелген ұнтақ.

Дайындалған суспензия: құлпынайдың дәмі бар, ақтан ақ дерлік түске дейінгі суспензия.

Шығарылу түрі және қаптамасы

Препарат алғаш ашылғаны бақыланатын, полиэтиленнен жасалған бұралатын күңгірт қақпақпен бекітілген, сыйымдылығы 150 мл, тығыздығы жоғары полиэтиленнен жасалған жартылай мөлдір құтыға салынған.

1 құты медицинада қолданылуы жөнінде қазақ және орыс тілдеріндегі нұсқаулықпен бірге картон қорапшаға салынған.

Сақтау мерзім 18 ай.Дайындалған суспензия: 7 күннен аспайды.

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 30°С-ден аспайтын температурада сақтау керек.

Дайындалған суспензия: тоңазытқышта 2°С-ден 8°С-ге дейінгі температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Aurobindo Pharma Limited», Үндістан

Заңды мекенжайы: Plot No. 2, Maitrivihar, Ameerpet, Hyderabad – 500 038 T.S. India.

Нақты мекенжайы: Unit – XII, Survey Number 314, Bachupally, Bachupally Mandal, Medchal-Malkajgiri District, Telangana State, India

Телефон: +91 40 67074059, факс: + 91 40 2374 6833,

Электронды пошта: info@aurobindo.com

Тіркеу куәлігінің ұстаушысы

«Aurobindo Pharma Limited», Үндістан

Заңды мекенжайы: Plot No. 2, Maitrivihar, Ameerpet, Hyderabad – 500 038 T.S. India.

Нақты мекенжайы: Unit – XII, Survey Number 314, Bachupally, Bachupally Mandal, Medchal-Malkajgiri District, Telangana State, India

Телефон: +91 40 67074059, факс: + 91 40 2374 6833,

Электронды пошта: info@aurobindo.com

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):

«AVCARE LTD» (АВКЕЙР ЛТД) ЖШС,

Қазақстан Республикасы, Алматы қ., Орманов к-сі, 47 т.е. 2

Тел.: 8-727-223-87-97, 8-727-385-37-26

Эл.пошта: avcare_kz@mail.ru

Қазақстан Республикасы аумағында тіркеуден кейінгі дәрілік заттың қауіпсіздігін бақылауға жауапты ұйымның атауы, мекенжайы және байланыс деректері (телефон, факс, электронды пошта)

ЖК Бектаева Г.П.

Қазақстан Республикасы, 050050, Алматы қ., Рысқұлов к-сі, 62 үй, 11 пәтер.

Тел.: +7(727) 397-31-51, 8-777-273-33-84,

Эл.пошта: avcare_kz@mail.ru, 87772733384@mail.ru