Калквенс (100 Миллиграмм) (Акалабрутиниб)

Калквенс®

Акалабрутиниб

Үлбірлі қабықпен қапталған таблеткалар, 100 мг

Антинеопластикалық және иммуномодуляциялайтын препараттар. Антинеопластикалық препараттар. Протеинкиназа тежегіштері. Брутон тирозинкиназа (БТК) тежегіштері. Акалабрутиниб.

ATХ коды L01EL02

• Калквенс® препараты алдыңғы емнің кем дегенде бір желісін алған мантия жасушалы лимфомасы бар пациенттерді емдеу үшін көрсетілген.

• Калквенс® препараты созылмалы лимфоциттік лейкозы (СЛЛ)/ұсақ жасушалы лимфоциттік лимфомасы (ҰЛЛ) бар пациенттерді емдеу үшін көрсетілген.

Қолдануды бастағанға дейін қажетті мәліметтер тізбесі

• белсенді затқа немесе қосымша заттардың кез келгеніне аса жоғары сезімталдық

Қолдану кезінде қажетті сақтық шаралары

Препарат дәрігердің нұсқауымен ғана қолданылады. Келесі жағдайларда емдеуге дейін және емдеу кезінде дәрігеріңізге хабарлаңыз және кеңесіңіз:

• ерекше қанталау немесе қан кету кезінде; симптомдарға мыналар кіруі мүмкін: нәжістің қараюы немесе қанды нәжіс, қызғылт немесе қоңыр түсті несеп, мұрыннан қан кету, көгеру, өздігінен қан кету, құсу немесе қан жөтелу, бас айналуы, әлсіздік, сананың шатасуы.

• қан кету қаупін арттыратын басқа дәрілік препараттарды, соның ішінде ацетилсалицил қышқылы және клопидогрел сияқты тромбоциттерге қарсы препараттарды (қанның ұюына кедергі келтіретін препараттар) қабылдағанда; варфарин немесе эноксапарин сияқты антикоагулянттар (қанды сұйылтатын препараттар).

• инфекция дамыған кезде (белгілерге қызба, қалтырау, әлсіздік немесе сананың шатасуы, жөтел, ентігу кіруі мүмкін).

• егер жақында хирургиялық араласу жасалса немесе жоспарланса. Емдеуші дәрігер медициналық, хирургиялық немесе стоматологиялық процедурадан бұрын және кейін Калквенс® препаратымен емдеуді тоқтата алады.

• егер қазіргі уақытта В гепатиті (бауырдың жұқпалы ауруы) болса немесе бұрын болған болса, өйткені Калквенс® препараты В гепатитінің қайта пайда болуына әкелуі мүмкін; емдеуші дәрігерге пациентте осы инфекция белгілерінің дамуын бақылау ұсынылады.

• егер қазіргі уақытта немесе бұрын жүрек ырғағының бұзылуы байқалса.

• жүректің қатты соғуы, тұрақты емес жүрек соғысы, әлсіз немесеитақты емес импульс, бас айналуы, синкоп, кеудедегі жайсыздық немесе ентігу (жүрекшелер фибрилляциясы/жыпылықтауы деп аталатын жүрек жүрек ырғағы бұзылуының белгілері).

• қызба, қалтырау, жүрек айнуы, құсу, сананың шатасуы, ентігу, құрысулар, жүректің жүйесіз соғуы, несептің қараюы немесе бұлыңғырлығы, ерекше шаршау, бұлшықет немесе буын ауыруы. Бұл ісік лизисі синдромының (ІЛС) симптомдары болуы мүмкін – бұл обыр жасушаларының тез қырылуынан туындаған жағдай.

• қазіргі уақытта немесе бұрын қабылдаған кезде немесе егер мына дәрілік препараттарды қабылдау жоспарланса,: бактериялық инфекцияларды емдеуге арналған антибиотиктер (мысалы, кларитромицин); зеңдік инфекцияларды емдеуге арналған препараттар (мысалы, позаконазол, итраконазол, вориконазол); кетоконазол – Кушинг синдромын емдеуге арналған препарат (кортизол гормонының шамадан тыс түзілуі болатын жағдай); АИТВ-инфекцияны емдеуге арналған препараттар (мысалы, индинавир және ритонавир); С гепатитін емдеуге арналған препараттар (мысалы, телапревир); рифампицин – бактериялық инфекцияларды (туберкулез) емдеуге арналған антибиотик; бас сақинасын емдеуге арналған препараттар (эрготамин); қан сарысуындағы натрийдің төмен мөлшерін емдеуге арналған препараттар (кониваптан); қандағы қанттың жоғары деңгейін емдеуге арналған препараттар (метформин); трансплантацияланған ағзалардың қабылданбай ажырауын алдын алуға арналған препараттар (циклоспорин); ұстамалардың алдын алуға немесе эпилепсияны емдеуге арналған препараттар (мысалы, карбамазепин, фенитоин); пимозид – Туретта синдромында қолданылатын препарат (бақыланбайтын қимылдар мен сөздердің және дыбыстардың еріксіз айтылуын тудыратын ауру); шайқурай препараты – депрессияны емдеуге арналған дәрілік өсімдік препараты; теофиллин – ышқынып тыныс алу, ентігу және кеуденің қысылуы кезінде қолданылатын препарат; метотрексат – иммундық бұзылудан туындаған ревматоидты артрит, псориаз және ойық жаралы колит сияқты ауруларды емдеуге арналған препарат (бұл препаратты Калквенс® препаратын қабылдаудан кемінде 6 сағат бұрын немесе кейін қабылдау керек).

Калквенс® препаратының таблеткаларымен бірге антацидтер (кальций карбонаты), гистамин-2 рецепторларының антагонистері (ранитидин және фамотидин) және протонды сорғы тежегіштері (омепразол) сияқты асқазан сөлінің қышқылдығын төмендететін препараттарды қабылдауға болады.

Пациенттер емдеуші дәрігерге жаңа зақымданудың пайда болуы немесе терінің кез-келген аймағының сыртқы түрінің өзгеруі туралы хабарлауы керек, өйткені препаратты қабылдаған кезде тері обырының даму қаупі артады. Пациенттер күннен қорғайтын дәрілерді қолданып, теріні үнемі тексеріп отыруы керек.

Емдеуші дәрігер емдеу кезінде қажет болса қан таладуын тағайындай алады.

Басқа дәрілік препараттармен өзара әрекеттесуі

CYP3A тежегіштерімен немесе индукторларымен өзара әрекеттесуі

Клиникалық әсер етуі, сондай-ақ CYP3A тежегіштерімен немесе индукторларымен өзара әрекеттесудің профилактикасы немесе бақылау туралы ақпарат төменде 1-кестеде келтірілген.

1-кесте. Басқа дәрілік препараттармен өзара әрекеттесуі - CYP3A тежегіштері мен индукторлары

Акалабрутиниб пен оның ACP-5862 белсенді метаболитінің CYP450 және UGT ферменттеріне әсер етуі

Акалабрутинибпен немесе оның емдік концентрациялардағы ACP-5862 белсенді метаболитімен CYP1A2, CYP2B6, CYP2C8, CYP2C9, CYP2C19, CYP2D6, CYP3A4/5, UGT1A2 және UGT2B7 елеулі тежелуінің жоқтығы туралы деректер бар. Акалабрутиниб CYP1A2, CYP2B6 және CYP3A4 әлсіз индукторы болып табылады, ал оның АСР-5862 белсенді метаболиті CYP3A4 әлсіз индукторы болып табылады.

Акалабрутиниб пен оның ACP-5862 белсенді метаболитінің дәрілік препараттардың тасымалдағыш ақуыздары жүйесіне әсері

Акалабрутиниб ВСRР (Breast Cancer Resistance Protein, сүт безі обырының резистенттілік ақуызы) ақуызының бірге қолданылатын субстраттарының (мысалы, метотрексат) экспозициясын ішекте BCRP тежеу арқылы арттыруы мүмкін.

ACP-5862 MATE1 тежеу есебінен MATE1 ақуызының (Multidrug And Toxin Extrusion Protein 1, дәрілік препараттар мен токсиндердің экструзия ақуызы) (мысалы, метформин) бірге қабылданған субстраттарының экспозициясын арттыра алады.

Акалабрутиниб және оның белсенді метаболиті АСР-5862 P-гликопротеин (P-gp) және сүт безі обырының төзімділігі ақуызының (BCRP) субстраттары болып табылады. Акалабрутиниб ОАТ1, ОАТЗ және ОСТ2 бүйректі қармаудың тасымалдағыш ақуыздарының, сондай-ақ ОАТР1В1 және ОАТР1ВЗ бауыр қармауының тасымалдағыш ақуыздарының субстраты емес. АСР-5862 белсенді метаболиті ОАТР1В1 және ОАТР1В3 субстраты емес. Акалабрутиниб және АСР-5862 клиникалық елеулі концентрацияларда P-gp, ОАТ1, ОАТ3, ОСТ2, ОАТР1В1, ОАТР1В3 және МАТЕ2-К тежемейді.

Тамақтың акалабрутинибке әсері

Таблетка түріндегі 100 мг акалабрутинибтің бір реттік дозасын майлар мен калориялары жоғары тағаммен (шамамен 918 ккал, 59 г көмірсулар, 59 г май және 39 г ақуыз) қабылдау препаратты аш қарынға қабылдаумен салыстырғанда AUC орташа мәніне әсер етпейтіні дәлелденген.

Асқазан қышқылын төмендететін препараттар

Акалабрутиниб таблеткаларын асқазан сөлінің қышқылдығын төмендететін препараттармен (протонды сорғы тежегіштері, H2-рецептор антагонистері, антацидтер) бірге қабылдауға болады.

Арнайы ескертулер

Геморрагиялық құбылыстар

Калквенс® препаратымен монотерапия алған онкогематологиялық аурулары бар пациенттерде ауыр геморрагиялық құбылыстардың, оның ішінде өліммен аяқталатын құбылыстардың даму жағдайлары байқалды. Пациенттерде жаппай қан кету (3 және одан жоғары дәрежедегі қан кетулер, күрделі қан кетулер немесе орталық жүйке жүйесінің қатысуымен кез келген қан кетулер), соның ішінде өліммен аяқталды. Жалпы, онкогематологиялық аурулары бар пациенттерде геморрагиялық құбылыстар, оған қоса кез-келген дәрежедегі қанталау мен петехиялар байқалды.

Қан кетудің даму механизмі толық зерттелмеген. Тромбозға қарсы препараттарды Калквенс® препаратымен бірге қолдану қан кету қаупін арттыруы мүмкін. Тромбозға қарсы дәрілерді Калквенс® препаратымен бірге қолданған кезде пайда мен қауіптің арақатынасын қарастырған жөн. Қан кету белгілерін анықтау үшін пациенттер медициналық бақылауда болуы тиіс. Калквенс® препаратын қабылдауды уақытша тоқтатудың пайдасы мен қаупінің арақатынасын хирургиялық араласудан 3-7 күн бұрын және одан кейін араласу түріне және қан кету қаупіне байланысты қарастыру керек.

Инфекциялар

Калквенс® препаратымен монотерапия алған онкогематологиялық аурулары бар пациенттерде ауыр инфекциялардың (бактериялық, вирустық немесе зеңдік), оның ішінде өліммен аяқталатын даму жағдайлары байқалды. Оппортунистік инфекциялардың даму қаупі жоғары пациенттерде профилактикалық ем жүргізу мүмкіндігін қарастыру қажет.

3 және одан жоғары дәрежедегі ең жиі хабарланған инфекция пневмония болды. В гепатиті вирусының реактивациясымен (ВГВ), аспергиллезден туындаған инфекциялар, сондай-ақ үдемелі мультифокальды лейкоэнцефалопатия (ҮМЛ) жағдайлары тіркелген. Инфекцияның белгілері мен симптомдарының пайда болуына мұқият бақылау жүргізу және қабылданған практикаға сәйкес қажетті емді жүргізу керек.

Цитопения

Калквенс® препаратымен монотерапия алған онкогематологиялық аурулары бар пациенттерде зертханалық талдау нәтижелеріне сәйкес нейтропения, анемия және тромбоцитопенияны қоса, 3 және 4 дәрежедегі цитопенияның даму жағдайлары байқалды. Емдеу кезінде қабылданған тәжірибеге сәйкес жалпы қан талдауының параметрлеріне мұқият мониторинг жүргізу керек.

Екінші бастапқы қатерлі жаңа түзілім

Калквенс®препаратымен монотерапия алған онкогематологиялық аурулары бар пациенттерде екінші бастапқы қатерлі жаңа түзілімдердің даму жағдайлары, оған қоса тері обырының даму жағдайлары байқалды. Ең жиі тіркелген екінші негізгі қатерлі ауру тері обыры болды. Тері обырының даму белгілерін анықтау үшін пациенттерді мұқият бақылау керек. Пациенттерге күн сәулесінің теріге түсуінен аулақ болу ұсынылады.

Жүрекше фибрилляциясы мен жыпылықтауы

Калквенс® препаратымен монотерапия алған онкогематологиялық аурулары бар пациенттерде жүрекшелер фибрилляциясы/жыпылықтауы байқалды. Жүрекше фибрилляциясы/жыпылықтау симптомдарын анықтау үшін пациенттерді мұқият бақылау ұсынылады (мысалы, қатты жүрек қағуы, бас айналуы, естен тану, кеуде қуысының ауыруы, ентігу) және қажет болғанда ЭКГ жүргізу ұсынылады.

Егде жастағы пациенттер

65 жастан асқан пациенттерде жас пациенттермен салыстырғанда препараттың қауіпсіздігі мен тиімділігінде клиникалық маңызды айырмашылықтар байқалмады.

Балалар

Балалар мен 18 жасқа дейінгі жасөспірімдерде Калквенс® препаратын қолдану қауіпсіздігі мен тиімділігі анықталмаған.

Зертханалық талдау нәтижелеріне әсері

Деректер жоқ.

Натрий мөлшері

Бұл дәрілік препараттың құрамындағы натрий дозасына 1 ммоль (23 мг) кем, яғни іс жүзінде натрий жоқ.

Жүктілік немесе лактация кезінде қолдану

Жүктілік

Жүктілік кезінде Калквенс® препаратын қолдану шаранаға зиян тигізуі мүмкін. Жүкті әйелдерде препаратты қабылдаумен байланысты қауіпті бағалауға мүмкіндік беретін деректер жоқ. Жүкті әйелдерге шарана үшін ықтимал қауіп туралы ескерту керек.

Бала емізу

Акалабрутинибтің немесе оның белсенді метаболитінің емшек сүтінде болуы және оның емшек еметін нәрестелерге немесе емшек сүтін өндіруге әсері туралы деректер жоқ. Емшек еметін балаларда Калквенс® препаратымен байланысты жағымсыз реакциялар дамуы мүмкін болғандықтан, бала емізетін әйелдерге Калквенс® препаратын қабылдау кезеңінде және препараттың соңғы дозасын қабылдағаннан кейін кемінде 2 апта бойы емшек емізуді тоқтату ұсынылады.

Фертильділік

акалабрутинибтің адам фертильділігіне әсер ететіні туралы деректер жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Калквенс® препараты көлік құралдарын және механизмдерді басқару қабілетіне әсер етпейді немесе мардымсыз әсер етеді. Алайда, акалабрутинибпен ем кезінде қажығыштық пен бас айналу пайда болуы мүмкін және осы симптомдар болған кезде пациенттер көлік құралдары мен механизмдерді басқару кезінде сақ болу керек.

Қолдану жөніндегі нұсқаулар

Калквенс® препаратымен емді ісікке қарсы емді қолдану тәжірибесі бар дәрігердің бақылауымен бастаған және жүргізген жөн.

Дозалау режимі

Дозалануы (18 жастан жоғары)

Мантия жасушалы лимфома (МЖЛ)

МЖЛ емдеу үшін Калквенс® препаратының ұсынылатын дозасы тәулігіне екі рет 100 мг (1 таблетка) құрайды.

Созылмалы лимфоциттік лейкоз (СЛЛ)

СЛЛ емдеу үшін Калквенс® препаратының ұсынылатын дозасы тәулігіне екі рет монотерапияда немесе обинутузумабпен біріктірілімде 100 мг (1 таблетка) құрайды. Калквенс® препаратын, егер оларды енгізу күндері сәйкес келсе, обинутузумабты енгізер алдында қабылдаған жөн. Көрсетілген біріктірілім жағдайында, сондай-ақ обинутузумаб дәрілік препаратын қолдану жөніндегі нұсқаулықта келтірілген обинутузумабты дозалау туралы ақпаратпен танысу қажет.

Дозалар арасындағы аралық шамамен 12 сағатты құрауы керек.

Калквенс® препаратымен емдеуді ауру үдегенге немесе қолайсыз уыттылықтың дамуына дейін жалғастыру керек.

Дозаны түзету

3 немесе одан жоғары дәрежедегі жағымсыз реакциялар кезінде Калквенс® препаратының дозасын түзету жөніндегі ұсынымдар 2-кестеде ұсынылған.

2-кесте. Жағымсыз реакциялар кезінде дозаны түзету бойынша ұсынымдар

CYP3A тежегіштерімен немесе индукторларымен қолданғанда препарат дозасын түзету

Дозаны түзету жөніндегі ұсынымдар 3-кестеде келтірілген.

3-кесте. CYP3A тежегіштерімен немесе индукторларымен қолдану

Пациенттердің ерекше топтары

Бүйрек функциясы бұзылған пациенттер

Бүйрек функциясының бұзылуы жеңілден орташа дәрежеге дейінгі пациенттерде (шумақтық сүзілістің есептік жылдамдығы (еШСЖ) MDRD (бүйрек ауруларында диетаны модификациялау формуласы) сәйкес ≥30 мл/мин/1.73 м2) дозаны түзетуді қажеті жоқ. Бүйрек функциясы ауыр дәрежеде бұзылған (еШСЖ <29 мл/мин/1.73 м2) пациенттерде, сондай-ақ бүйрек жеткіліксіздігі терминальді сатыдағы пациенттерде Калквенс® препаратының фармакокинетикасы мен қауіпсіздігі зерттелмеген.

Бауыр функциясы бұзылған пациенттер

Бауыр функциясының бұзылуы жеңілден орташа дәрежеге дейінгі (Чайлд-Пью шкаласы бойынша А немесе В дәрежесі немесе АСТ кез келген белсенділігінде қалыптың жоғарғы шегінен (ҚЖШ) 1.5-3 есе жоғары жалпы билирубин концентрациясы) пациенттерде дозаны түзету талап етілмейді. Калквенс® препаратын бауыр функциясы ауыр дәрежеде бұзылған пациенттерде (Чайлд-Пью шкаласы бойынша С дәрежесі немесе жалпы билирубин концентрациясы АСТ кез келген белсенділігінде ҚЖШ 3 есе жоғары) қолдану ұсынылмайды.

Ауыр жүрек-қантамыр аурулары

Ауыр жүрек-қантамыр аурулары бар пациенттерде Калквенс® препаратын қолдану туралы деректер жоқ.

Егде жастағы пациенттер

Жасына байланысты дозаны түзету қажет емес.

Балалар

Балалар мен 18 жасқа дейінгі жасөспірімдерде Калквенс® препаратының қауіпсіздігі мен тиімділігі анықталмаған.

Енгізу жолы және тәсілі

Таблеткаларды тамақ ішуге қарамастан, тәуліктің шамамен бір мезгілінде сумен іше отырып, тұтастай жұту керек. Таблеткаларды шайнауға, ұсақтауға, ерітуге немесе бөлуге болмайды.

Артық дозалану жағдайында қабылдануы қажет шаралар

Акалабрутинибпен артық дозаланудың спецификалық емі жоқ, артық дозалану симптомдары анықталмаған. Артық дозаланған жағдайда пациенттер жағымсыз реакциялардың ықтимал белгілері мен симптомдарын анықтау және тиісті симптоматикалық ем алу үшін мұқият медициналық бақылауда болуы керек.

Дәрілік препараттың бір немесе бірнеше дозасын жіберіп алған кезде қажетті шаралар

Калквенс® препаратының дозасын қабылдауды 3 сағаттан артық өткізіп алған жағдайда, әдеттегі жоспарланған уақытта препараттың келесі дозасын қабылдау қажет. Жіберіп алған дозаны өтеу үшін қосымша капсуланы қабылдамаған жөн.

Дәрілік препаратты стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Кез келген дәреже (мантия жасушалы лимфомасы бар пациенттерде)

• бас ауыруы

• диарея, жүрек айнуы, іштің ауыруы, іш қату, құсу

• қатты қажу

• миалгия

• қанталау, бөртпе

• қан кету/гематома

• мұрыннан қан кету

• гемоглобин концентрациясының төмендеуі, тромбоциттер санының төмендеуі, нейтрофилдер санының төмендеуі

Кез келген дәреже (созылмалы лимфоциттік лейкемияға шалдыққан пациенттерде)

• лейкопения

• бас ауыруы, бас айналуы

• диарея, жүрек айнуы, іш қату, құсу, іштің ауыруы

• қатты қажу, астения

• қаңқа-бұлшықеттің ауыруы, артралгия

• инфекция

• екінші бастапқы қатерлі жаңа түзілімдер; меланомалық емес тері обырынан басқа екінші бастапқы қатерлі жаңа түзілімдер; меланомалық емес тері обыры

• қанталау, бөртпе

• қан кету/гематома

• нейтрофилдердің абсолютті санының төмендеуі, гемоглобин концентрациясының төмендеуі, тромбоциттер санының төмендеуі

• ісік лизисі синдромы (Калквенс® препараты + обинутузумаб; немесе Калквенс® және иделалисиб + ритуксимаб біріктірілімін қолданғанда)

• жүрекшелер фибрилляциясы/жыпылықтауы (Калквенс® препараты + обинутузумаб біріктірілімін немесе Калквенс® препаратымен монотерапияны қолданғанда)

• инфузиялық реакция (Калквенс® препараты + обинутузумаб біріктірілімін немесе обинутузумаб + хлорамбукил біріктірілімін қолданғанда)

Белгісіз

• артериялық гипертензия

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Үлбірлі қабықпен қапталған бір таблетканың құрамында

белсенді зат – 129 мг акалабрутиниб малеаты, 100 мг акалабрутинибке баламалы.

қосымша заттар – маннитол, микрокристалды целлюлоза, орын басуы төмен гидроксипропилцеллюлоза, натрий стеарилфумараты

таблетка қабығы –гипромеллоза, коповидон, титанның қостотығы (Е171), макрогол 3350, орта тізбекті триглицеридтер, темірдің сары тотығы (Е172), темірдің қызыл тотығы (Е172), тазартылған су

Сыртқы түрінің, иісінің, дәмінің сипаттамасы

Бір жағында «АСА 100» өрнегі бар қызғылт сары түсті үлбірлі қабықпен қапталған сопақша екі беті дөңес таблеткалар.

Шығарылу түрі және қаптамасы

8 немесе 10 таблеткадан ламинатталған алюминий төсемеден және лакталған алюминий фольгадан жасалған пішінді ұяшықты қаптамаға салынады.

7 (№56) немесе 6 (№60) пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге алғашқы ашылуы бақыланатын немесе онсыз картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

30 С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

AstraZeneca AB, 152 57, Сёдерталье, Швеция

Тел.: +46 8 553 260 00

Факс: +46 8 553 290 00

e-mail: ProductQuality.kz@astrazeneca.com

Тіркеу куәлігінің ұстаушысы

Австралия

AstraZeneca Pty. Ltd., Маккуори Парк, Жаңа Оңтүстік Уэльс 2113

Тел.: +1800 805 342

e-mail: adverse.events.kz@astrazeneca.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

"АстраЗенека Ю-Кей Лимитед” ЖАК өкілдігі

Қазақстан Республикасы, Алматы қ., 050000

Қонаев к-сі, 77 үй, 101 кеңсе

Тел.: +7 727 232 14 15

e-mail: adverse.events.kz@astrazeneca.com