Иммунорм-Тева (Таблетки 100мг)

Иммунорм-Тева

Жоқ

Дәрілік түрі, дозалануы

Таблеткалар, 100 мг

Антинеопластикалық және иммуномодуляциялайтын препараттар. Иммуностимуляторлар. Басқа иммуностимуляторлар

АТХ коды L03AX

• суық тию аурулары кезінде бастапқы симптомдардың профилактикасы және емдеу

Қолдануды бастағанға дейін қажетті мәліметтер тізбесі

• препарат компоненттеріне және күрделігүлділер тұқымдас өсімдіктерге жоғары сезімталдық

• үдемелі жүйелі аурулар (туберкулез, саркоидоз)

• аутоиммундық аурулар (коллагеноз, жайылған склероз)

• иммун тапшылығы жағдайлары (АИТВ-инфекция, ЖИТС)

• иммуносупрессиялар (онкологиялық цитостатикалық ем, анамнездегі ағзалар трансплантациясы немесе сүйек кемігі трансплантациясы)

• агранулоцитоз, лейкоз

• аллергиялық реакцияларға тұқым қуалайтын бейімділігі бар пациенттерге (есекжем, атопиялық дерматит, демікпе)

• тұқым қуалайтын фруктоза көтере алмаушылығы

• 6 жасқа дейінгі балалар

Қолдану кезіндегі қажетті сақтандыру шаралары

Басқа дәрілік препараттармен  өзара әрекеттесуі

Күрең қызыл эхинацея шырынының басқа дәрілік заттармен қандай болмасын өзара әрекеттесуі туралы хабарлар жоқ. Дегенмен, иммунодепрессанттармен (циклоспоринмен және метотрексатпен) бір мезгілде қолдану ұсынылмайды.

Арнайы ескертулер

Егер препаратты қолданғанда пациенттің жағдайы нашарласа немесе температураның жоғарылауы байқалса, емдеуші дәрігермен кеңесу қажет.

Аллергиялық реакцияларға тұқым қуалайтын бейімділігі бар пациенттер (атопиялық дерматиті бар пациенттер) аса сақ болуы керек,  салдарынан анафилаксиялық  реакция даму қаупі болуы мүмкін.

Тыныс алу жолдарының қайталанатын инфекциялық ауруларында шағымдардың, ентігу, дене температурасының жоғарылауы немесе іріңді, болмаса қанды қақырық ұзақ уақыт сақталған жағдайда дәрігерден кеңес алу қажет. Препаратты қабылдаудың әсері болмағанда және несеп шығару жолдары ауруларының белгілері қайта пайда болғанда дәрігердің зерттеуі қажет.

Қант диабетімен ауыратын науқастарға арналған нұсқаулар

Бір таблетканың құрамында  570 мг сорбитол бар, бұл 0,05 НБ сәйкес.

Туа біткен фруктоза көтере алмаушылығы бар науқастар емді тек дәрігермен кеңесуден кейін ғана бастауы мүмкін.

Препаратта натрий жоқ дерлік, өйткені оның құрамында бір реттік дозада 1 ммоль-ден (23 мг) аз натрий бар.

Жүктілік және лактация кезеңі

Жүктілік және емшек емізу кезеңінде препараттың зиянды әсер етуі туралы хабарлар жоқ. Препаратты жүктілік және лактация кезінде дәрігердің кеңесінсіз және препаратты қолдануған кезде қауіп пайдасынан асып түссе, қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Ересектер мен 12 жастан асқан балалар күніне 3-4 рет 1 таблеткадан қабылдайды.

6-дан 11 жасқа дейінгі балалар – күніне 2-3 рет 1 таблеткадан.

Енгізу әдісі мен жолы

Таблеткаларды соруға, шайнауға немесе сумен ішуге болады. Таблеткаларды тамақ ішу уақытына  байланыссыз қабылдай береді.

Емдеу ұзақтығы

Үздіксіз қолдану ұзақтығы 2 аптадан аспауы тиіс.

Дәрілік препаратты қолдану тәсілін түсіндіру үшін медицина

қызметкеріне кеңес алу үшін жүгіну жөніндегі ұсынымдар

Әрқашан препаратты қосымша параққа немесе емдеуші дәрігердің

ұсыныстарына сәйкес қабылдаңыз. Күмән пайда болған кезде, емдеуші

дәрігермен кеңесіңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Сирек (≥ 1/10,000 - < 1/1,000):

• терінің аса жоғары сезімталдық реакциялары (қышыну, тері бөртпесі, есекжем)

• Стивенс-Джонсон синдромы

Өте сирек (<1/10000)

• обструкциямен бронх түйілуі

• аса жоғары сезімталдық салдарынан болатын демікпе

• ангионевроздық ісіну

• Квинке ісінуі

• анафилаксиялық шок

• аутоиммундық аурулар (жайылған энцефалит, түйінді эритема, аутоиммундық тромбоцитопения, тубулярлы бүйрек дисфункциясымен Шегрен синдромы)

• ұзақ қолданған  кездегі лейкопения (8 аптадан астам)

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетін «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - 100,0 мг күрең қызыл эхинацея жаңа гүлдеген шөбінің құрғақ экстрактісі,

қосымша заттар: коллоидты кремнийдің қостотығы, сорбитол, натрий цикламаты, магний стеараты.

Сыртқы түрінің, иісінің, дәмінің сипаттамасы

Дөңгелек пішінді, екі беті дөңес, таралуы азды-көпті біркелкі емес түсі қоңыр немесе қою қоңыр теңбілдері бар сарғыш түсті таблеткалар.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада. 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл

Жарамдылық мерзімі өткеннен кейін қолдануға болмайды.

25℃-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Меркле ГмбХ, Блаубойрен, Германия

Ludwig-Mercle-Str. 3, 89143, Blauberen, Germany

+4931 4027487, +49 31 4027344

www.kaz.teva

Тіркеу куәлігінің ұстаушысы

ратиофарм ГмбХ, Ульм, Германия

Graf-Arco-Str.3 89079, Ulm, Germany

+4931 4027487, +49 31 4027344

www.kaz.teva

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ., 17/1, Нұрлы-Тау БО, 5б, 6 қабат.

Телефон: +7 (727) 3251615,

e-mail: info.tevakz@tevapharm.com;

веб сайт: www.kaz.teva