Зорника-4

Зорника-4

Лорноксикам

Үлбірлі қабықпен қапталған таблеткалар, 4 мг

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Оксикамдар. Лорноксикам.

АТХ коды М01АС05

- шығу тегі әртүрлі ауыру синдромының қысқа мерзімді емі үшін

- остеоартрит кезіндегі ауыру мен қабынудың симптоматикалық емі үшін

- ревматоидтық артрит кезіндегі ауыру мен қабынудың симптоматикалық емі үшін

Қолдануды бастағанға дейін қажетті мәліметтер тізбесі

- лорноксикамға, ацетилсалицил қышқылына немесе басқа ҚҚСП және қосымша заттарына жоғары сезімталдық

- анамнезде бронх демікпесінің, есекжемнің және риниттің болғаны көрсетілуі

- тромбоцитопения

- жүректің ауыр жеткіліксіздігі

- асқазан-ішектік, цереброваскулярлық және басқа қан кетулер немесе қан кетуге күдіктену, қан ұюының бұзылуы

- асқазан мен он екі елі ішектің өршу фазасындағы ойық жара ауруы, анамнездегі ҚҚСП қабылдаумен байланысты АІЖ қан кетулері

- бауырдың айқын жеткіліксіздігі

- бүйректің айқын жеткіліксіздігі (сарысудағы креатинин деңгейі >700 мкмоль/л)

- 18 жасқа дейінгі балаларға

- жүктілік және лактация кезеңі

- туа біткен фруктоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

Қолдану кезінде қажетті сақтық шаралары

Анамнезінде артериялық гипертензия және/немесе жүрек жеткіліксіздігі болған пациенттер препаратты ұзақ уақыт қабылдағанда сақтық танытуы қажет.

Басқа дәрілік препараттармен өзара әрекеттесуі

Зорника-4 препараты мен келесілерді:

• циметидинді бір мезгілде қолданғанда, қан плазмасындағы лорноксикам концентрациясы жоғарылайды; ранитидинмен және антацидтік препараттармен өзара әрекеттесулері анықталмаған

• антикоагулянттарды немесе тромбоциттер агрегациясының тежегіштерін бір мезгілде қолданғанда - қан кету уақыты ұзаруы және қан кетудің даму қаупі жоғарылауы мүмкін (ХҚҚ - халықаралық қалыптасқан қатынасты бақылау қажет)

• фенпрокумонды бір мезгілде қолданғанда (фенпрокумонмен емдеудің әсері төмендейді)

• гепаринді бір мезгілде қолданғанда, жұлын немесе эпидуральді анестезиясымен байланысты гепаринмен бірге енгізгенде, қан кетулер мен жұлын немесе эпидуральді гематомалар қаупін арттырады

• β-адреноблокаторлармен, ангиотензин II рецепторларының бөгегіштері және АӨФ тежегіштерімен бір мезгілде қолданғанда, олардың гипотензиялық әсерін азайтуы мүмкін;

• диуретиктерді бір мезгілде қолданғанда – несеп айдайтын әсері мен гипотензиялық әсері төмендейді (гиперкалиемия және нефроуыттылық қаупі жоғарылайды)

• дигоксинмен бір мезгілде қолданғанда – дигоксиннің бүйректік клиренсін төмендетеді, бұл дигоксиннің уыттылық қаупін арттырады

• хинолондық антибиотиктермен бір мезгілде қолданғанда, құрысу синдромының даму қаупі жоғарылайды

• қабынуға қарсы стероидты емес басқа дәрілермен және глюкокортикоидтармен бір мезгілде қолданғанда (АІЖ қан кетулер қаупі артады)

• метотрексатпен бір мезгілде қолданғанда, метотрексаттың қандағы концентрациясы жоғарылайды, бұл уыттылығының жоғарылауына алып келуі мүмкін

• серотонинді кері қармайтын селективті тежегіштермен (мысалы, циталопрам, флуоксетин, пароксетин, сертралин) бір мезгілде қолданғанда, АІЖ қан кетулер қаупін арттырады

• литий тұздарымен бір мезгілде қолданғанда, литийдің плазмадағы ең жоғары концентрациясының артуын және сол арқылы литийдің белгілі жағымсыз әсерлерінің күшеюін туғызуы мүмкін

• циклоспоринмен бір мезгілде қолданғанда, циклоспориннің нефроуыттылығы артады

• сульфонилмочевина туындыларымен бір мезгілде қолданғанда, гипогликемиялық әсері күшеюі мүмкін

• CYP2C9 изоферменттерінің индукторларымен және тежегіштерімен

• такролимуспен бір мезгілде қолданғанда, нефроуыттылық қаупі жоғарылайды

• пеметрекседпен бір мезгілде қолданғанда (пеметрекседтің клиренсін төмендетіп, сол арқылы бүйрекке және асқазан-ішекке уыттылығын арттыруы мүмкін);

• алкогольді, кортикотропинді, калий препараттарын бір мезгілде қолданғанда, АІЖ тарапынан жағымсыз құбылыстар қаупі арта түсуі мүмкін;

• цефамандолды, цефоперазонды, цефотетанды, вальпрой қышқылын бір мезгілде қолданғанда, қан кету қаупі артады

• ас ішумен бір мезгілде қолданғанда, препараттың сіңірілуін шамамен 20% төмендетуі мүмкін, препаратты тамақпен бірге қабылдамаған дұрыс, өйткені оның әсерінің тиімділігі төмендейді.

Арнайы ескертулер

Лорноксикам тромбоциттер агрегациясын азайтады және қан кету ұзақтығын арттырады. Сондықтан қан кетуге бейімділігі жоғары пациенттерді емдегенде сақтық таныту керек.

Лорноксикамды келесі пациенттер үшін қауіптілігін мұқият бағалаудан кейін ғана қолдану керек:

- бауыр жеткіліксіздігі (мысалы, бауыр циррозы) бар пациенттер.

Бауыр жеткіліксіздігі бар пациенттерде препаратты тәулігіне 12-16 мг дозада қолданғаннан кейін, организмде лорноксикамның жинақталуы (AUC артуы) мүмкіндігіне байланысты, клиникалық бақылау және зертханалық көрсеткіштерді жүйелі түрде бағалауды жүргізу ұсынылады. Қалған жағдайларда, дені сау пациенттермен салыстырғанда, бауыр жеткіліксіздігі бар пациенттерде фармакокинетикалық параметрлердің ауытқулары анықталған жоқ.

- бүйрек жеткіліксіздігі бар пациенттер: бүйректік қан ағымын ұстап тұруда бүйрек простагландиндерінің тәуелділігіне байланысты, Зорника-4 препаратын жеңіл түрінен (қан сарысуындағы креатинин деңгейі 150-300 мкмоль/л) орташа дәрежеге дейінгі бүйрек жеткіліксіздігі (плазмалық креатинин деңгейі 300-700 мкмоль/л) бар пациенттерге сақтықпен пайдалану керек. Егер емдеу кезінде бүйрек функциясы нашарласа, лорноксикаммен емдеуді тоқтату керек.

Келесі: маңызды операция алдындағы, жүрек-қантамыры жеткіліксіздігі бар, диуретиктермен немесе бүйректі зақымдайтыны белгілі немесе болжамды дәрілік заттармен қатарлас ем қабылдап жүрген пациенттерде бүйрек функциясын бақылауда ұстау қажет.

Қан ұюының бұзылулары бар пациенттер үшін мұқият клиникалық және зертханалық бақылау жүргізу ұсынылады.

65 жастан асқан егде жастағы пациенттерде бүйрек және бауыр функциясына мониторинг жүргізу ұсынылады. Операциядан кейінгі егде жастағы пациенттерде сақтық таныту керек.

Қабынуға қарсы стероидты емес препараттарды (ҚҚСП) бір мезгілде қолдану

Лорноксикамды ҚҚСП-мен (циклооксигеназа-2 селективті тежегіштерін қоса) бір мезгілде пайдаланбаған дұрыс.

Күтілмеген жағымсыз әсерлерін азайту

Жағымсыз әсерлерін симптомдарды бақылауда ұстауға қол жеткізу үшін қажетті ең қысқа уақыт мерзімі ішінде ең төменгі тиімді дозасын қабылдау арқылы азайтуға болады.

Асқазан-ішектен қан кетулер, ойық жаралар және перфорация

ҚҚСП қолданғанда асқазан-ішектен қан кетулер, ойық жаралар және тесілулердің өлімге соқтыруы мүмкін және емдеу кезінде кез келген сәтте білінген, ескертпе симптомдарымен немесе онсыз, немесе анамнезде АІЖ тарапынан елеулі жағымсыз әсерлер болған жағдайлары байқалған.

Асқазан-ішектен қан кетудің, ойық жараның және тесілудің туындау қаупі анамнезінде ойық жара болған, атап айтқанда, қан кетумен немесе тесілумен асқынған пациенттерде және егде жастағы адамдарда ҚҚСП дозаларын арттырған сайын жоғарылай түседі. Ондай пациенттерде емдеуді ең төменгі дозасынан бастау керек. Мұндай біріктірілген емді қажет ететін пациенттер үшін, сондай-ақ, ацетилсалицил қышқылының немесе басқа белсенді заттардың АІЖ тарапынан жағымсыз әсерлердің туындау қаупін арттыруы мүмкін қатарлас төмен дозасы қажет болатын пациенттер үшін емдеуді қорғағыш агенттерді (мысалы, мизопростол немесе протондық помпа тежегіштері) бір мезгілде қабылдау аясында жүргізуге болады. Жүйелі түрде клиникалық қадағалау ұсынылады.

Анамнезінде асқазан-ішектен қан кетулер болған пациенттерге, әсіресе, егде жастағы пациенттерге, әсіресе, емдеудің бастапқы кезеңдерінде әдеттен тыс кез келген симптомдар (ең алдымен, асқазан-ішектің ойық жаралануы және қан кету) туралы хабарлап отыруға нұсқау берілуі тиіс. Оральді кортикостероидтар сияқты ойық жаралардың немесе қан кетулердің қаупін арттыруы мүмкін қатарлас дәрілік заттарды, варфарин сияқты антикоагулянттарды, серотонинді кері қармаудың селективті тежегіштерін немесе ацетилсалицил қышқылы сияқты антиагреганттарды қатар қабылдап жүрген пациенттерде сақтық таныту керек.

Егер лорноксикамды қабылдап жүрген пациенттерде асқазан-ішектен қан кету немесе ойық жара туындаса, емдеуді тоқтатыңыз.

Егде жастағы пациенттер

Егде жастағы пациенттерде ҚҚСП-ға жағымсыз реакциялар, әсіресе асқазан-ішектен қан кетулер мен тесілу жиірек кездеседі, олар өлімге әкеп соқтыруы мүмкін.

Жүрек-қантамырлық және цереброваскулярлық әсерлері

Препаратты анамнезінде артериялық гипертензия және(немесе) жүрек жеткіліксіздігі болған пациенттерде сақтықпен қолдану керек, өйткені ҚҚСП қабылдаудың салдарынан организмде ісінулер мен сұйықтық іркілуі туындаған жағдайлар туралы хабарланған.

Анамнезінде гипертензия және/немесе жүректің жеңіл дәрежеден бірқалыпты дәрежеге дейінг іркілісті жеткіліксіздігі болған пациенттер жағдайында тиісінше бақылау және кеңес беру қажет, өйткені ҚҚСП қабылдаудың салдарынан организмде ісінулер мен сұйықтық іркілуі туындаған жағдайлар туралы хабарланған.

Кейбір ҚҚСП (әсіресе, жоғары дозаларында және ұзақ уақыт емдегенде) артериялық тромбоз асқынуларының туындау қаупінің жоғарылауымен (мысалы, миокард инфарктісі немесе инсульт) астасуы мүмкін. Деректердің жеткіліксіздігі лорноксикамға қатысты мұндай қауіпті жоққа шығаруға мүмкіндік бермейді.

Бақыланбайтын артериялық гипертензиясы, жүректің іркілісті жеткіліксіздігі, ЖИА, шеткері артериялардың атеросклерозы және(немесе) цереброваскулярлық бұзылулары бар пациенттерде, сондай-ақ жүрек-қантамыр аурулары (мысалы, гипертензия, гиперлипидемия, қант диабеті, шылым шегу) дамуының қаупі факторлары бар науқастарда ұзақ уақыт қолданар алдында емдеуді мұқият талдаудан кейін бастаған жөн.

ҚҚСП және гепаринді қатарлас қолдану жұлынға жасалатын немесе эпидуральді анестезия кезінде жұлын-ми/эпидуральді гематоманың туындау қаупін арттырады.

Тері аурулары

ҚҚСП пайдаланумен байланысты, эксфолиативті дерматитті, Стивенс-Джонсон синдромын және уытты эпидермалық некролизді қоса, терінің ауыр кейде өлімге соқтырған, реакциялары болуы мүмкін. Ондай реакциялардың ең жоғарғы қаупі емнің басында, және көпшілігі қолданудың алғашқы айында орын алады. Тері бөртпесі, шырышты қабықтың зақымдануы немесе аса жоғары сезімталдықтың басқа да белгілері алғаш пайда болған жағдайда, лорноксикамды қолдануды тоқтату керек.

Респираторлық аурулар

Бронх демікпесі бар, соның ішінде анамнезінде болған пациенттерде ҚҚСП сақтықпен қолдану керек, өйткені, бронх түйілуі дамыған жағдайлар байқалған.

Жүйелі жегі және дәнекер тіннің аралас аурулары

Жүйелі қызыл жегі және дәнекер тіннің аралас аурулары бар пациенттерде асептикалық менингиттің даму қаупі жоғарылайды.

Нефроуыттылық

ҚҚСП және такролимуспен қатарлас қолдану бүйректегі простациклин синтезінің төмендеуі салдарынан нефроуыттылық қаупін арттыруы мүмкін. Демек, мұндай біріктірілген емді қабылдап жүрген пациенттерде бүйрек функциясын мұқият бақылау керек.

Зертханалық көрсеткіштер

Басқа ҚҚСП көпшілігімен жағдайдағы сияқты, лорноксикамды қабылдаған кезде қан сарысуындағы трансаминазалар, билирубин деңгейінің немесе бауыр функциясының басқа да көрсеткіштерінің көріністік жоғарылауы, сондай-ақ қан сарысуындағы креатинин деңгейінің және қандағы мочевина азоты деңгейінің жоғарылауы және зертханалық көрсеткіштердің басқа да ауытқулары байқалды. Егер зертханалық көрсеткіштердің ауытқуы елеулі болса немесе ол ұзақ уақыт сақталса, емдеуді тоқтату және қажетті зерттеу жүргізу керек.

Лактоза

Дәрілік препараттың құрамында лактоза бар. Галактоза жақпаушылығының сирек тұқым қуалайтын қиындықтары, лактаза тапшылығы немесе глюкоза-галактоза сіңірілуінің бұзылулары бар пациенттер бұл дәрілік затты қабылдамауы тиіс.

Фертильділік

Лорноксикам, ЦОГ / простагландин синтезін бәсеңдететін басқа препараттар сияқты, фертильділікті әлсіретуі мүмкін, жүктілікті жоспарлап жүрген әйелдерде қолдану ұсынылмайды. Бала көтеруде қиындықтары бар немесе фертильділікке тексеруден өтіп жүрген әйелдер үшін лорноксикамды тоқтатуды қарастырған жөн.

Желшешек

Препаратты желшешек ауруы бар пациентерде қолданбаған дұрыс, өйткені бұл ауру тері мен жұмсақ тіндердің ауыр инфекциялық асқынуларын тудыруы мүмкін.

Педиатрияда қолданылуы

18 жасқа дейінгі балаларда қолданылмайды.

Жүктілік және лактация кезеңі

Лорноксикамды жүктіліктің үшінші триместрінде қодануға болмайды және жүктіліктің бірінші және екінші триместрі мен босану кезінде пайдаланылмауы тиіс, өйткені жүктілік кезінде емдеу туралы клиникалық деректер жоқ.

Лорноксикамның жүкті әйелдерде қолданылуы жөніндегі деректер жеткіліксіз.

Простагландин синтезінің тежелуі жүктілікке және / немесе эмбрионның дамуына әсер етуі мүмкін. Простагландин синтезінің тежегішін жүктіліктің бастапқы мерзімінде қолданғаннан кейін түсік тастау және жүрек дамуындағы ақаулар қаупінің жоғарылағанын көрсететін деректер бар. Қауіп дозасын арттырған сайын және емдеу ұзаққа созылған сайын арта түседі деп есептеледі.

Егер бұл аса қажет болмаса, жүктіліктің бірінші және екінші триместрі кезінде пайдаланбау керек.

Жүктіліктің үшінші триместрінде простагландин синтезінің тежегіштері шаранада жүрек-өкпе уыттылығын (артериялық қан ағымының мерзімінен бұрын жабылып қалуымен және өкпе гипертензиясын) туғызуы және бүйрек функциясының бұзылуын туғызуы мүмкін, ол олигогидрамниоз жағдайындағы бүйрек жеткіліксіздігіне дейін үдеуі мүмкін. Ана мен жаңа туылған нәрестеде жүктіліктің соңында қан кету, сондай-ақ жатыр жиырылуының тежелуі орын алуы мүмкін, бұл босану үдерісінің кешігуіне немесе ұзаққа созылуына алып келуі мүмкін.

Лорноксикам емшек сүтіне салыстырмалы түрде жоғары концентрацияларда енеді, дәрілік препаратты бала емізіп жүрген әйелдерге қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналуы мен ұйқышылдықтың ықтималдығына орай, көлік құралдарын және зейін қоюды талап ететін басқа механизмдерді басқарудан бас тарту керек.

Қолдану жөніндегі нұсқаулар

Дозалау режимі

Пациенттердің барлығында дозасы емге жеке жауапқа тәуелді болуы тиіс. Ең төменгі тиімді дозасын, барынша қысқа курс ішінде қолдану арқылы жағымсыз реакциялардың туындауын азайтуға болады.

Бірқалыпты және айқын ауырсыну синдромы кезінде ішке, тәулігіне 2 – 3 қабылдауға бөлінген 8 – 16 мг дозасы ұсынылады. Ең жоғары тәуліктік дозасы – 16 мг.

Остеоартрит және ревматоидтық артрит кезінде ұсынылатын бастапқы дозасы тәулігіне 2 – 3 қабылдауға бөлінген 12 мг. Ең жоғары тәуліктік дозасы – 16 мг.

Енгізу әдісі және жолы

Ішке қабылдауға арналған.

Сұйықтықтың жеткілікті мөлшерімен іше отырып, тұтастай жұту керек.

Емдеу ұзақтығы

Емдеу ұзақтығы әр адамда жекеше. Қан жағдайын (гемоглобин), бүйрек функциясын (креатинин) және бауыр ферменттерін бағалауды ұдайы жүргізіп отыру ұсынылады.

Зорника-4 препаратын ұзақ уақыт қолданған кезде шеткері қан көрінісін, сондай-ақ бауыр және бүйрек функциясының көрсеткіштерін бақылауда ұстау қажет.

Артық дозаланған жағдайда қолдану қажет шаралар

Симптомдары: жүрек айнуы және құсу, церебральді симптомдар (бас айналуы, комаға және құрысуларға ұласатын атаксия). Бауыр және бүйрек функциясының өзгерістері, қан ұюының бұзылулары болуы мүмкін.

Емі: дәріні қабылдауды тоқтату керек, емі симптоматикалық. Жартылай шығарылуы кезеңінің қысқалығы арқасында, лорноксикам организмнен жылдам шығарылады. Лорноксикам диализ арқылы шығарылмайды. Қазіргі уақытқа дейін арнайы антидоты белгісіз. Зорника-4 препаратын қабылдағаннан кейін бірден белсендірілген көмірді қабылдау бұл препараттың сіңуінің төмендеуіне ықпал етуі мүмкін. Зорника-4 препараты туғызған асқазан-ішек бұзылуларын жою үшін, простагландин аналогын немесе ранитидинді пайдалануға болады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі нұсқаулар

Дәрілік препаратты қолдану тәсілін түсіндіру үшін медицина қызметкерінің кеңесіне жүгініңіз

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Жиі:

- жеңіл және өтпелі бас ауыруы, бас айналуы

- жүрек айнуы, іш ауыруы, диспепсия, диарея, құсу

Жиі емес:

- анорексия, салмақ өзгерісі

- ұйқысыздық, депрессия

- бас айналуы (вертиго), құлақтағы шуыл

- жүрек соғуын сезіну, тахикардия, жүрек жеткіліксіздігі, ісінулер (шеткері және жайылған)

- қан тебулер, ісінулер

- ринит

- іш қату, метеоризм, кекіру, ауыздың құрғауы, гастрит, асқазанның ойық жарасы, эпигастрийдің ауыруы, он екі елі ішектің ойық жара ауруы

- бауыр трансаминазалары деңгейінің жоғарылауы, бауыр функциясының бұзылуы

- бөртпе, қышыну, эритемалық бөртпе, есекжем және Квинке ісінуі, алопеция, тершеңдік, гипертермия

- артралгия

- конъюнктивит

- дімкәстану, беттің ісінуі

Сирек:

- фарингит

- анемия, тромбоцитопения, лейкопения, қан кету уақытының ұзаруы

- анафилактоидтық реакциялар мен анафилаксияны қоса, аса жоғары жоғары сезімталдық реакциялары

- абыржу, күйгелектік, қозу

- ұйқышылдық, парестезия, дисгевзия, тремор, бас сақинасы

- гипертония, қан тебулер, қан кету, гематома

- ентігу, жөтел, бронх түйілуі

- мелена, қан аралас құсу, стоматит, глоссит, эзофагит, гастрит, гастроэзофагеальді рефлюкс, дисфагия, асқазан мен он екі елі ішектің шырышты қабығының эрозиялы-ойық жаралы, соның ішінде тесілумен және қан кетумен жүретін зақымданулары

- дерматит, экзема, пурпура

- сүйектердің ауыруы, бұлшықеттердің түйілуі, миалгия

- никтурия, несеп шығарудың бұзылуы, қан сарысуындағы креатинин және мочевина азоты деңгейінің жоғарылауы

- астения

Өте сирек:

- экхимоздар (теріге немесе шырышты қабыққа кан құйылулар), нейтропения, агранулоцитоз, аплазиялық және гемолиздік анемия сияқты ауыр гематологиялық бұзылулар

- көбінесе жүйелі қызыл жегісі немесе дәнекер тіннің аралас аурулары бар пациенттерде туындайтын асептикалық менингит

- көру қабілетінің бұзылуы

- бауыр жеткіліксіздігі, гепатит, сарғаю, холестаз

- ісіну және буллездік реакциялар, Стивенс-Джонсон синдромы, уытты эпидермалық некролиз

- бүйректің жедел жеткіліксіздігі, интерстициальді нефрит, нефроздық синдром

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

«Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – лорноксикам, 4.000 мг

қосымша заттар: лактоза моногидраты, натрий кроскармеллозасы (Праймеллоза), повидон К-30, микрокристалды целлюлоза (Авицел РН-102), магний стеараты

қабығының құрамы: гипромелоза (НРМС 15 СРs), титанның қостотығы (Е 171), тальк, хинолинді сары лак (Е 104), полиэтиленгликоль 6000, 2-пропанол, метиленхлорид

Сыртқы түрінің иісінің, дәмінің сипаттамасы

Дөңгелек пішінді, екі беті дөңес, сары түсті үлбірлі қабықпен қапталған таблеткалар.

Шығарылу түрі және қаптамасы

Поливинилхлоридті үлбір мен алюминий фольгадан жасалған пішінді ұяшықты қаптамаға 10 таблеткадан салынған.

3 немесе 10 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

3 жыл.

Жарамдылық мерзімі өткеннен кейін қолдануға болмайды!

30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Микро Лабс Лимитед

92, Sipcot, Хосур – 635 126, Үндістан.

Тел: +91-4344-276618/277261

Факс: + 91(0) 4344-277261

Электронды пошта: banojbal@microlabs.in

Тіркеу куәлігінің ұстаушысы

Микро Лабс Лимитед

92, Sipcot, Хосур – 635 126, Үндістан.

Тел: +91-4344-276618/277261

Факс: + 91(0) 4344-277261

Электронды пошта: banojbal@microlabs.in

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):

«Микро Лабс Лимитед» компаниясының өкілдігі

мекенжайы: Алматы қ., Әуэзов к-сі 14А,

"Берекет" БО, 9 қабат.

тел. 8 (727) 341 -05-66.

е-mail: synergy.ethicals@mail.ru

Қазақстан Республикасы аумағында дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

ConsultAsia ЖШС

050061, Алматы, Қазақстан,

Шевченко к-сі 165 Б

тел./факс: +7(727) 379 42 58

ұялы тел. +7 705 170 88 76

e-mail: pv@consultingasia.kz