Золемеда

Золемеда

Золедрон қышқылы

Инфузия үшін ерітінді дайындауға арналған концентрат 4 мг/5 мл

1 құтының ішінде

белсенді зат – золедрон қышқылы моногидраты (сусыз золедрон қышқылына баламалы) 4.264мг (4.000 мг);

қосымша заттар: маннитол 220.00 мг, натрий цитраты 24.00 мг, инъекцияға арналған су 5 мл дейін, азот**.

**Ерітінді дайындауда инертті газ ретінде пайдаланылады.

Мөлдір түссіз ерітінді.

Сүйек ауруларын емдеуге арналған препараттар. Сүйектің құрылымы мен минералдануына әсер ететін препараттар. Бисфосфонаттар. Золедрон қышқылы.

АТХ коды М05ВА08

Фармакокинетикасы

Золедрон қышқылының фармакокинетикалық көрсеткіштерінің мәндері дозасына тәуелді емес. Золедрон қышқылы Р450 ферментін in vitro тежемейді және биоөзгеріске ұшырамайды. Золедрон қышқылы өзгеріссіз күйде бүйрек арқылы шығарылады. Бауыр функциясының жағдайы золедрон қышқылының фармакокинетикасына айтарлықтай әсер етпейді.

Золедрон қышқылының инфузиясы басталғаннан кейін, препараттың плазмадағы концентрациялары жылдам жоғарылап, инфузия кезеңінің соңына қарай ең жоғарғы шыңына жетеді, содан кейін концентрациясының 4 сағаттан соң ең жоғарғы шыңының < 10%-ына дейін және 24 сағаттан соң < 1%-ға дейін жылдам азаюы, ары қарай препараттың 28-ші күнгі екінші инфузиясына дейін өте төмен, бірақ ең жоғарғы шыңының 0,1%-ынан аспайтын концентрацияларының ұзақ кезеңімен жүреді.

Таралуы

Золедрон қышқылының қанның жасушалық компоненттерімен тектестігі төмен, қандағы және плазмадағы концентрациясының орташа арақатынасы 30 нг/мл-ден 5000 нг/мл дейінгі концентрациялары ауқымында 0,59 құрайды. Плазма ақуыздарымен байланысуы төмен, байланыспаған фракциясы 2 нг/мл золедрон қышқылы кезіндегі 60%-дан 2000 нг/мл кезіндегі 77%-ға дейін ауытқып тұрады.

Вена ішіне енгізілген золедрон қышқылы бүйрекпен үш сатыда шығарылады: препараттың жүйелі айналымнан жартылай шығарылуының 0,24 сағаттық және 1,87 сағаттық кезеңдерімен екі фазалы жылдам шығарылуы және жартылай шығарылуының 146 сағатты құрайтын ақырғы кезеңімен ұзақ фазасы. Золедрон қышқылы метаболизмге ұшырамайды және бүйрекпен өзгеріссіз күйде шығарылады.

Алғашқы 24 сағат ішінде несепте енгізілген дозасының 39±16%-ы анықталады. Препараттың қалған мөлшері негізінен сүйек тінімен байланысады. Содан соң золедрон қышқылының сүйек тінінен жүйені айналымға баяу, кері босап шығуы және оның бүйрекпен шығарылуы жүреді.

Препараттың жалпы плазмалық клиренсі 5,04±2,5 л/сағатты құрайды. Ол препараттың дозасына, пациенттің жынысына, жас шамасына, нәсілдік ерекшелігіне және дене салмағына тәуелді емес. Инфузия ұзақтығының 5 минуттан 15 минутқа дейін арттырылуы инфузия соңында қандағы золедрон қышқылы концентрациясының 30%-ға төмендеуіне алып келеді, бірақ «концентрация-уақыт» қисығы астындағы ауданының (AUC) шамасына ешқандай әсер етпейді.

Золедрон қышқылының бүйректік клиренсі креатинин клиренсімен тікелей байланысты. Золедрон қышқылының креатинин клиренсінің 75±33 %-ын құрайтын бүйректік клиренсі орташа алғанда 84±29 мл/минутты (22-ден 143 мл/минутқа дейінгі ауқым) құрады. Креатинин клиренсі 20 мл/минуттан (бүйректің ауыр жеткіліксіздігі) 50 мл/минутқа дейінгі (бүйректің орташа жеткіліксіздігі) науқастарда, золедрон қышқылының салыстырмалы клиренсі пациенттің 84 мл/мин креатинин клиренсімен салыстырғанда сәйкесінше 37 % немесе 72 % болады.

Бүйректің жедел жеткіліксіздігі бар (креатинин клиренсі < 30 мл/мин) пациенттердегі фармакокинетикасы туралы деректер шектеулі. Золемеда препаратын бүйректің жедел жеткіліксіздігі бар пациенттерде қолдану ұсынылмайды.

Фармакодинамикасы

Золедрон қышқылы сүйекке іріктеп әсер ететін бисфосфонаттардың жаңа класына жатады, және сүйек тіні резорбциясының тежегіші болып табылады.

Бисфосфонаттардың сүйекке іріктеп әсер етуі олардың минералданған сүйекпен тектестігінің жоғарылығымен байланысты, алайда остеокластар белсенділігінің тежелуін қамтамасыз ететін нақты молекулалық механизмі әлі анықталмаған күйі қалып отыр. Золедрон қышқылы сүйек резорбциясын тежейді, сонымен қатар сүйектің қалыптасуына, минералдануына және механикалық қасиеттеріне жағымсыз әсер етпейді.

Остеокластық сүйек резорбциясын тежеуден басқа, золедрон қышқылы тікелей ісікке қарсы әсер етеді, бұл сүйектің метастаздық ісіктерін емдеу тиімділігінің артуына ықпал етуі мүмкін.

Ісіктен туындаған гиперкальциемиясы бар пациенттерде золедрон қышқылының әсері сарысудағы кальций концентрациясының төмендеуімен және оның несеппен шығарылуының азаюымен сипатталады.

– қатерлі ісіктен туындаған гиперкальциемияда

– сүйек тінінің патологиясымен (патологиялық сынулар, омыртқа бағанының компрессиясы, сүйекке жасалған хирургиялық араласымдар мен сәулемен емдеуден кейінгі асқынулар, ісікпен астасқан индукцияланған гиперкальциемия) байланысты симптомдардың профилактикасы үшін, сүйектегі метастаздарымен қатар жүретін қатерлі жаңа түізілімдері бар пациенттерде

Золемеда препаратын тек, бисфосфонаттарды вена ішіне енгізуде тәжірибесі бар денсаулық сақтау саласының қызметкерлері тағайындауы және енгізуі тиіс. Золемедамен емделу курсынан өтіп жүрген пациенттің қолында дәрілік затты медициналық қолдану жөніндегі нұсқаулық болуы тиіс.

Сүйек тінінің патологиясымен байланысты симптомдардың профилактикасы (патологиялық сынулар, омыртқа бағанының компрессиясы, сүйектерге жасалған хирургиялық араласымдардан және сәулемен емдеуден кейінгі асқынулар, ісік индукциялаған гиперкальциемия), сүйекке метастаздарымен қатар жүретін қатерлі жаңа түзілімдері бар пациенттерде

Ересектер мен егде жастағылар

Ұсынылатын дозасы әр 3 - 4 апта сайын 4 мг золедрон қышқылын құрайды.

Сонымен қатар, пациенттер ішу арқылы 500 мг кальций және 400 ХБ D дәрумені енгізілуі тиіс. 

Емдеуді бастау туралы шешім қабылдай отырып, емнің әсерінің басталу уақыты - 2-3 ай екенін ескеру керек.

Қатерлі ісіктен туындаған гиперкальциемияны емдеу

Ересектер мен егде жастағылар

Гиперкальциемия (қан сарысуының альбуминмен түзетілген кальцийі ≥ 12,0 мг/дл немесе 3,0 ммоль/л) кезінде ұсынылатын дозасы - золедрон қышқылының бір реттік 4 мг дозасы.

Бүйрек жеткіліксіздігі

Қатерлі ісіктен туындаған гиперкальциемия:

Қатерлі ісіктен туындаған, бүйрек функциясының ауыр бұзылуларымен қатар жүретін гиперкальциемия кезінде пациенттерді Золемедамен емдеуді тек, емдеудің қауіптері мен пайдасына баға бергеннен кейін ғана қарастыру керек. Клиникалық зерттеулерге креатинин деңгейі > 400 мкмоль/л немесе > 4,5 мг/дл пациенттер қатыстырылған жоқ. Ісіктен индукцияланған гиперкальциемиясы бар, креатинин деңгейі < 400 мкмоль/л немесе < 4,5 мг/дл пациенттерде дозасын түзету қажет емес.

Сүйек тінінің патологиясымен (патологиялық сынулар, омыртқа бағанының компрессиясы, сүйектерге жасалған хирургиялық араласымдардан және сәулемен емдеуден кейінгі асқынулар, ісік индукциялаған гиперкальциемия) байланысты симптомдардың профилактикасы, сүйекке метастаздарымен қатар жүретін қатерлі жаңа түзілімдері бар пациенттерде

Золемедамен емдеуді бастар алдында көптүрлі миеломасы немесе ауқымды ісіктердің сүйекті метастаздық зақымдауы бар пациенттерде сарысу креатинині мен креатинин клиренсі (Клкр) анықталуы тиіс. Клкр сарысу креатининіне байланысты, Кокрофт-Голт формуласын пайдаланып есептеп шығарылады. Золемеданы бүйрек функциясының ауыр бұзылулары бар пациенттерде, халықтың осы тобы үшін Клкр< 30 мл/мин ретінде белгіленген емдеу басталғанша қолдану ұсынылмайды. Золедрон қышқылының клиникалық сынақтарына креатинин деңгейі > 265 мкмоль/л және > 3,0 мг/дл пациенттер қатыстырылған жоқ. 

Сүйекте метастаздары бар, бүйректің жеңіл және орташа жеткіліксіздігімен пациенттерде, халықтың осы тобы үшін Клкр 30-60 мл/мин ретінде анықталған ем басталғанша, Золемеданың келесі дозалары ұсынылады:

* Дозалары 0,66 (мг сағ/л) (креатинин клиренсі = 75 мл/мин) құрайтын мақсаттық AUC негізінде есептеп шығарылды. Бүйрек жеткіліксіздігіне байланысты дозасын түзету, креатинин клиренсі 75 мл/мин пациенттерде де AUC дәл сондай мәндеріне қол жеткізуді қамтамасыз ететінін шамаланады.

Емдеу басталғаннан кейін сарысу креатинині Золемеданың әрбір дозасын енгізер алдында өлшенуі тиіс және егер, бүйрек функциясы нашарлап кетсе, емдеу кейінге қалдырылуы тиіс. Клиникалық сынақтарда бүйрек функциясының нашарлауы келесі жолмен анықталды:

- Сарысу креатининінің бастапқы деңгейі қалыпты (< 1,4 мг/дл немесе < 124 мкмоль/л) пациенттер үшін 0,5 мг/дл немесе 44 мкмоль/л-ге арттыру;

- Сарысу креатининінің бастапқы деңгейі атипиялық пациенттер үшін (> 1,4 мг/дл немесе > 124 мкмоль/л) 1,0 мг/дл немесе 88 мкмоль/л-ге арттыру.

Клиникалық зерттеулерде золедрон қышқылымен емдеу тек, креатинин деңгейі бастапқы деңгейінің 10%-дық шегіне қайтып келгеннен кейін ғана қайта басталған. Золемедамен емдеу, тура емдеу тоқтатылғанға дейінгі дозасында жалғастырылуы тиіс.

Дайындау тәсілі

Вена ішіне. Тек бір рет пайдалануға арналған.

Енгізер алдында Золемеда қосымша 100 мл 0,9% натрий хлориді немесе 5% глюкоза ерітіндісінде сұйылтылады және 15 минут бойы бір реттік венаішілік инфузия ретінде қолданылады.

Бүйректің жеңіл және орташа жеткіліксіздігі бар пациенттерде, золедрон қышқылының дозасын төмендету ұсынылады.

Золемеданың азайтылған дозаларын дайындау жөніндегі нұсқаулар

Концентраттың сәйкесінше көлемін (жоғарыдағы кестені қараңыз) келесі жолмен сорып алу қажет:

- 3,5 мг дозасы үшін 4,4 мл

- 3,3 мг дозасы үшін 4,1 мл

- 3,0 мг дозасы үшін 3,8 мл

Концентраттың сорып алынған мөлшері қосымша 100 мл стерильді 0,9% натрий хлориді немесе 5% глюкоза ерітіндісімен сұйылтылуы тиіс. Дозасы бір реттік венаішілік инфузия түрінде кемінде 15 минут бойы енгізілуі тиіс.

Золедрон қышқылын енгізгеннен кейін үш күн ішінде әдетте, сүйектердің ауыруын, қызбаны, шаршауды, буындардың ауыруы, миалгияны, қалтырау мен қатарлас ісінумен жүретін артритті қамтитын симптомдармен жүретін жедел фазалы реакция туралы хабарланған; ол симптомдар әдетте, бірнеше күннен кейін жоғалады.

Өте жиі (≥1/10)

• гипофосфатемия

Жиі (≥1/100 <1/10)

• анемия

• бас ауыруы

• конъюнктивит

• жүрек айнуы, құсу, тәбеттің кемуі

• сүйектердің ауыруы, миалгия, артралгия, денеге жайылған ауыру

• бүйрек жеткіліксіздігі

• қызба, тұмаутәрізді синдром (шаршауды, қалтырауды, дімкәстану мен ысынуларды қоса)

• қандағы креатинин мен мочевина деңгейінің жоғарылауы, гипокальциемия

Жиі емес (≥1/1,000 <1/100)

• тромбоцитопения, лейкопения

• аса жоғары сезімталдық реакциясы

• бас айналуы, парэстезия, дәм сезулердің бұзылуы, гипостезия, гиперстезия, тремор, ұйқышылдық

• мазасыздық, ұйқының бұзылуы

• анық көрмеу

• склерит және орбитаның қабынуы

• диарея, іш қатуы, абдоминальді ауыру, диспепсия, стоматит, ауыздың құрғауы

• гипергидроз

• диспноэ, жөтел, бронх түйілуі

• қышыну, бөртпе (эритематоздық және макулалық бөртпені қоса), жақсүйек остеонекрозы, бұлшықет түйілулері

• гипертензия, гипотензия, жүрекшелердің фибрилляциясы

• естен тану мен тамыр жеткіліксіздігіне алып келетін гипотензия

• бүйректің жедел жеткіліксіздігі, гематурия, протеинурия

• астения, шеткері ісінулер

• инъекция орнындағы реакциялар (ауыруды, тітіркенуді, іштің кебуін, тығыздануды, қызаруды қоса)

• кеуденің ауыруы

• дене салмағының артуы

• анафилаксиялық реакциялар/шок, есекжем

• гипомагниемия, гипокалиемия

Сирек (≥1/10,000 <1/1,000)

• панцитопения

• ангионевроздық ісіну

• сананың шатасуы

• увеит

• өкпенің интерстициальді ауруы

• брадикардия, жүрек аритмиясы (гипокальциемия аясында)

• артрит және буындардың ісінуі (жедел фазалы реакцияның симптомы ретінде)

• гиперкалиемия, гипернатриемия

Өте сирек (<1/10,000)

• құрысулар, гипестезия және тетания (гипокальциемия аясында)

• эписклерит

Жекелеген жағымсыз әсерлерінің сипаттамасы

Бүйрек жеткіліксіздігі

Золедрон қышқылымен емдеу барсында бүйрек жеткіліксіздігі туралы хабарламалар алынған. Сүйектердің асқынған ісіктері бар пациенттерде сүйек асқынуларының профилактикасы үшін жүргізілген тіркеу алдындағы зерттеулердегі золедрон қышқылының қауіпсіздігі туралы деректердің қорытынды талдауында, бүйрек жеткіліксіздігінің жағымсыз құбылыстарының жиілігі, золедрон қышқылымен байланысты болуы мүмкін және олар келесілер болып табылды: көптүрлі миеломалар (3,2%), қуықасты безінің обыры (3,1%), сүт безінің обыры (4,3%), өкпе обыры және басқа ауқымды ісіктер (3,2%). Бүйрек функциясы нашарлауының ықтималдылығын арттыруы мүмкін факторларға сусыздану, бүйрек функциясының бұрыннан бар бұзылулары, золедрон қышқылының немесе басқа бисфосфонаттардың көптеген циклдары, сондай-ақ, нефроуытты дәрілік заттарды қатарлас пайдалану немесе ұсынылғанынан қысқарақ мерзім ішіндегі инфузиялары кіреді. Бүйрек функциясының нашарлауы, бүйрек жеткіліксіздігі мен диализдің үдеуі пациенттерде золедрон қышқылының бастапқы дозасынан немесе бір реттік 4 мг дозасынан кейін тіркелген.

Жақсүйек остеонекрозы

Остеонекроздар (ең алдымен, жақтардың) жағдайлары негізінен, золедрон қышқылы сияқты сүйек резорбциясына кедергі келтіретін дәрілік заттарды қабылдап жүрген онкологиялық науқастарда тіркелген. Сонымен қатар, бұл пациенттердің көпшілігі химиотерапия және кортикостероидтарды қабылдаған және остеомиелитті қоса, жергілікті инфекция белгілері болған. Есептердің көпшілігінде тіс жұлдырғаннан немесе басқа стоматологиялық операциялардан кейінгі онкологиялық науқастар туралы да айтылады.

Жақтан тыс остеонекроз: асептикалық некроз және бітпей қалатын сынулар немесе бітпей қалатын ұзаққа созылатын сынулар

Бисфосфонаттарды пайдаланумен байланысты асептикалық некроз бен бітпей қалатын сынулардың немесе ұзаққа созылатын бітпей қалатын сынулар қаупінің қарама-қайшы нәтижелері түрлі зерттеулерде байқалды.

Жыпылықтағыш аритмия

Бір 3 жылдық, рандомизацияланған, салыстырмалы жасырын, бақыланатын, золедрон қышқылын менопаузадан кейінгі остеопорозды (MКO) емдеуде жылына бір рет 5 мг қолданудың плацебомен салыстырғандағы тиімділігі мен қауіпсіздігі бағаланған зерттеуде жыпылықтағыш аритмияға шалдығудың жалпы коэффициенті 5 мг золедрон қышқылын және плацебо қабылдап жүрген пациенттерде 2,5% (3862-нің 96-сы) және 1,9% (3852-нің 75-і) құрады. Жыпылықтағыш аритмия кезіндегі күрделі жағымсыз құбылыстардың деңгейі 5 мг золедрон қышқылын және плацебо қабылдаған пациенттерде сәйкесінше 1,3% (3862-нің 51-і) және 0,6% (3852-нің 22-сі) құрады. Бұл зерттеуде байқалған теңгерімсіздік золедрон қышқылының, соның ішінде әр 3-4 апта сайынғы 4 мг золедрон қышқылының онкологиялық науқастардағы басқа зерттеулерінде байқалған жоқ. Бұл клиникалық сынақта жыпылықтағыш аритмия жағдайларының артуына жауап беретін механизмдер белгісіз.

Жедел фазалы реакция

Препаратқа бұл жағымсыз реакция қызбаны, миалгияны, бас ауыруын, аяқ-қолдардың ауруын, жүрек айнуын, құсуды, іш өтуін, ісінудің салдарларынан буындардың ауыруын қамтитын симптомдардың жиынтығынан тұрады. Золедрон қышқылының инфузиясынан кейінгі ≤ 3 күнде реакция басталғанға дейінгі уақыт "тұмаутәрізді" реакция немесе "препаратты пайдаланғаннан кейін" терминдерін пайдаланумен де айтылады.

Ортан жілік сүйегінің атипиялық сынулары

Тіркеуден кейінгі қолданылу кезеңінде келесі жағымсыз реакциялар (жиілігі: сирек) тіркелген: Ортан жілік сүйегінің атипиялық ұршықасты және диафизарлық сынықтары (бисфосфонаттар класының жағымсыз реакциялары).

Гипокальциемиямен байланысты жағымсыз әсерлері

Гипокальциемия золедрон қышқылының идентификацияланған маңызды қаупі болып табылады. Клиникалық зерттеулердің мәліметтері мен маркетингтен кейінгі жағдайларды шолудың негізінде, золедрон қышқылымен емдеу мен тіркелген гипокальциемия және жүрек аритмиясының қайта дамуының арасындағы байланысты растайтын дәлелдер жеткілікті. Бұдан өзге, гипокальциемия және құрысуларды, ұю мен тетанияны қоса, аталған жағдайларда тіркелген салдарлы неврологиялық асқынулар арасындағы байланысқа дәлелдер бар.

• золедрон қышқылына, басқа бисфосфонаттарға немесе препараттың құрамына кіретін кез келген басқа компоненттерге жоғары сезімталдық

• жүктілік және лактация кезеңі

• балалар мен 18 жасқа дейінгі жасөспірімдерге

Клиникалық зерттеулерде золедрон қышқылы әдетте пайдаланылып жүрген обырға қарсы дәрілермен, диуретиктермен, антибиотиктермен, анальгетиктермен бір мезгілде, клиникалық тұрғыдан айқын өзара байланыссыз енгізілген. Золедрон қышқылы in vitro зерттеулерде плазма ақуыздарымен елеулі дәрежеде байланыспайды және адамның P450 ферменттерін тежемейді, бірақ, өзара әрекеттесуіне ешқандай ресми клиникалық зерттеулер жүргізілген жоқ.

Бисфосфонаттарды аминогликозидтермен, кальцитонинмен, ілмектік диуретиктермен енгізгенде сақтық таныту қажет, өйткені препараттар аддитивтік әсер беруі мүмкін, соның нәтижесінде кальций деңгейі қажеттісінен ұзағырақ уақыт бойы сақталып тұрады.

Золемеданы басқа ықтимал нефроуытты дәрілік препараттармен пайдаланғанда сақ болу қажет. Емдеу кезінде гипомагниемияның дамуы мүмкіндігіне көңіл бөлінуі тиіс.

Көптүрлі миеломасы бар пациенттерде бүйрек дисфункциясының қаупі Золемеданы талидомидпен біріктіріп пайдаланған кезде артуы мүмкін.

Золемеданы антиангиогендік дәрілік заттармен сақ болып енгізу керек, өйткені аталған дәрілік препараттарды бір мезгілде қабылдаған пациенттерде ЖОН дамыған жағдайлар санының артқаны байқалады.

Инфузияны жүргізу үшін ішінде көзге көрінетін бөлшектер жоқ және түсі өзгермеген мөлдір ерітінді ғана пайдаланылуы тиіс. Инфузияға дайындық кезінде асептика шараларын қатаң сақтау қажет. Препараттың пайдаланылмаған ерітіндісін тұрмыстық кәріз жүйелері арқылы жоюға болмайды. Кез келген пайдаланылмаған дәрілік препараттар мен қалдықтары жергілікті талаптарға сәйкес жойылуы тиіс.

Золемеданы кальциймен немесе басқа, Рингер ерітіндісі сияқты еківалентті, құрамында катион бар инфузиялық ерітінділермен араластырмау керек. Золемеда инфузияға арналған бөлек желіде, біркомпонентті венаішілік ерітінді түрінде енгізілуі тиіс.

Пациенттерде организмдегі сұйықтықтың жақсы деңгейін Золемеданы енгізгенге дейін де, енгізгеннен кейін де демеп отыру қажет. Жүрек жеткіліксіздігінің даму қаупі бар пациенттерде шамадан тыс гидратацияны болдырмау керек.

Альбумин деңгейі бойынша түзетілген қан сарысуындағы кальций, фосфат және магний, сондай-ақ сарысудағы креатинин деңгейлері сияқты гиперкальциемиямен байланысты стандартты метаболизмдік параметрлері, Золемеда препаратымен емдеу басталғаннан кейін мұқият тексерілуі тиіс. Гипокальциемия, гипофосфатемия немесе гипомагниемия кезінде қысқамерзімді қосымша ем қажет болуы мүмкін. Гиперкальциемиясы бар, ем қабылдамаған пациенттерде бүйрек функциясы бұзылуының кейбір дәрежелері болады, сондықтан, бүйрек функциясының көрсеткіштеріне мұқият мониторинг қажет.

Золемеда препаратымен ем қабылдап жүрген пациенттерге, құрамында золедрон қышқылы немесе басқа бисфосфонаттар бар препараттарды бір мезгілде тағайындамау керек, өйткені біріктіріп емдеу кезндегі әсерлері белгісіз.

Бүйрек жеткіліксіздігі

Қатерлі ісіктен туындаған гиперкальциемиясы және бүйрек функциясы нашарлауының симптомдары бар пациенттерде пайда/қауіп арақатынасын бағалау жүргізілуі тиіс.

Сүйекте метастаздары бар пациенттерді емдеу жөнінде шешім қабылдағанда, сүйек тінінің зақымдануымен байланысты симптомдарды болдырмау үшін, емнің әсерінің басталуы 2-3 айдан соң басталатынын ескеру керек.

Золемеданы қолданғанда бүйрек функциясы нашарлағаны туралы хабарламалар орын алды. Бүйрек функциясының бұзылуы мүмкіндігін арттыратын факторларға дегидратация, бүйрек функциясының бұрыннан бар бұзылуы, Золемеда препаратының немесе басқа бисфосфонаттардың бірнеше реттік циклдары, сондай-ақ, нефроуытты дәрілерді қолдану кіреді. Золемеда препаратын 4 мг дозада кемінде 15 минут бойы енгізген кезде қауіп азаятын болса да, бүйрек функциясы нашарлауы мүмкін.

Бүйрек функциясының нашарлауы, бүйрек жеткіліксіздігінің үдеуі мен диализ пациенттерде бастапқы дозасынан кейін немесе бір реттік 4 мг дозасы кезінде тіркелген. Креатинин деңгейінің жоғарылауы да кейбір пациенттерде золедрон қышқылын қаңқамен байланысты оқиғалардың профилактикасы үшін ұсынылған дозаларында ұзақ уақыт қолданғаннан кейін аздап болса да туындады.

Сарысу креатининінің деңгейі Золемеданы әр енгізер алдында бақылануы тиіс. Емдеуді бастағаннан кейін сүйекте метастаздары бар, бүйректің жеңіл және орташа жеткіліксіздігі бар науқастарға золедрон қышқылының төменірек дозалары ұсынылады. Емдеу кезіндегі бүйрек функциясының нашарлауы бар пациенттерде Золемедамен емдеуді кейінге қалдыру қажет. Золемедамен емдеу тек, сарысу креатинині бастапқысының 10%-ы шегіндегі деңгейіне жеткен кезде ғана қайта басталуы тиіс. Золемедамен емдеу, дәл емдеу тоқтатылғанға дейінгі дозада жалғастырылуы тиіс.

Золедрон қышқылының бүйрек функциясына әсер ету ықтималдығын, бастапқы деңгейдегі бүйректің ауыр жеткіліксіздігі бар (клиникалық сынақтарда креатинин деңгейі ісік индукциялаған гиперкальциемиясы бар пациенттер үшін ≥ 400 мкмоль/л немесе ≥ 4,5 мг/дл және обыры және сүйекте метастаздары бар пациенттер үшін сәйкесінше ≥ 265 мкмоль/л немесе ≥ 3,0 мг/дл) пациенттердегі қауіпсіздігі жөніндегі клиникалық мәліметтердің жоқтығын және бүйректің ауыр жеткіліксіздігі болған (креатинин клиренсі <30 мл/мин) науқастарда фармакокинетикалық деректердің шектеулілігін ескерсек , бүйректің ауыр жеткіліксіздігі бар науқастарда Золемеданы пайдалану ұсынылмайды.

Бауыр жеткіліксіздігі

Бауырдың ауыр жеткіліксіздігі бар пациенттер туралы клиникалық мәліметтер шектеулі болғандықтан, пациенттердің осы популяциясы үшін нақты ұсынымдар жоқ.

Жақсүйек остеонекрозы

Жақсүйек остеонекрозы (ЖОН) клиникалық зерттеулер барысында және маректингтен кейінгі золедрон қышқылымен емдеу кезеңіндегі аса жиі емес жағымсыз реакция болды. Ауыз қуысының жұмсақ тіндерінің жазылып болмайтын ашық зақымданулары бар пациенттерде аса шұғыл жағдайлар болмаса, емдеудің басталуы немесе жаңа емдеу курсы кейінге қалдырылуы тиіс. Қатарлас қауіп факторлары бар пациенттерде стоматологиялық тексеру жүргізу және бисфосфонаттармен емдеу басталғанға дейін пайда-қауіп арақатынасын бағалау ұсынылады.

Келесі қауіп факторлары ЖОН дамуының жекелей қаупін бағалау кезінде ескерілуі тиіс:

- Бисфосфонаттардың (әсері күшті заттар үшін қауіп жоғары), енгізу жолдарының (парентеральді енгізу үшін қауіп жоғары) және бисфосфонаттардың жиынтық дозасының тиімділігі.

- Обыр, химиотерапия (анемия, коагулопатия, инфекциялар), шылым шегу.

- Қатарлас ем: химиотерапия, ангиогенез тежегіштері, мойын мен арқаны сәулемен емдеу, кортикостероидтар.

- Анамнездегі тіс аурулары, ауыз қуысы гигиенасының нашарлығы, пародонт аурулары, инвазивтік стоматологиялық емшаралар (мысалы, тіс жұлу) және протездердің шақтап келтірілуінің нашарлығы.

Пациенттерге ауыз қуысының гигиенасын мұқият қадағалау, дағдылы медициналық тексерулерден өту, Золемедамен емдеу кезіндегі орнықсыздық, ауыру немесе ісіктер, жазылмайтын ойық жаралар сияқты кез келген симптомдар туралы дереу хабарлап отыру ұсынылуы тиіс. Емделіп жүрген пациенттерде инвазивтік стоматологиялық емшаралар тек мұқият зерттеуден кейін ғана жүргізілуі тиіс және золедрон қышқылының соңғы енгізілген күніне тікелей жақын жүргізілмеуі тиіс.

Бисфосфонаттармен емдеу кезінде жақсүйек остеонекрозы дамып келе жатқан пациенттерде, стоматологиялық хирургия жағдайды ушықтыруы мүмкін. Стоматологиялық емшараларды қажет ететін пациенттер үшін, бисфосфонаттармен емдеудің мерзімінен бұрын аяқталуы жақсүйек остеонекрозының қаупін төмендететін-төмендетпейтіндігі туралы ешқандай мәлімет жоқ.

ЖОН зардап шегіп жүрген пациенттер үшін, емдеуші дәрігер мен стоматологтың немесе операция жасайтын стоматологтың ЖОН-мен жұмыс жасау тәжірибесіндегі өзара байланысының жоспары әзірленуі тиіс.

Золедрон қышқылымен емдеуді уақытша үзе тұру аталған жағдай шешімін тапқан сәтке дейін қолданылуы және симптомдарының барынша төмендетілуіне ықпал етуі тиіс.

Қаңқа-бұлшықет ауыруы

Тіркеуден кейінгі қолдану тәжірибесінде күшті, кейде тіпті мүгедектікке шалдықтыратын сүйек, буын және/немесе бұлшықет ауыруы золедрон қышқылын қабылдап жүрген пациенттерде тіркелген. Дегенмен, ондай хабарламалар жиі болған жоқ. Симптомдардың басталу уақыты емдеу басталғаннан кейінгі бір күннен бірнеше айға дейін ауытқып отырды. Пациенттердің көпшілігінде емдеуді тоқтатқаннан кейін симптомдардың жеңілдегені байқалған. Пациенттердің көпшілігінде золедрон қышқылымен немесе басқа бисфосфонаттармен қайталап емдеу кезінде симптомдардың қайталануы орын алды.

Ортан жілік сүйегінің атипиялық сынулары

Ортан жілік сүйегінің атипиялық ұршықасты және диафизарлық сынулары бисфосфонаттармен емдеу кезінде, бірінші кезекте, остеопороз кезіндегі ұзақ уақыт бойы ем қабылдап жүрген пациенттерде тіркелді. Бұл көлденеңінен немесе қысқа қиғаш сынулар жамбастың ұзына бойына, кіші ұршықтан сәл төмен жерден бастап айдаршықүсті кеңістіктен сәл жоғары жерге дейін кез келген жерде орын алуы мүмкін. Бұл сынулар аздаған жарақаттан кейін немесе оларсыз-ақ орын алады, ал кейбір пациенттер сан немесе шаптың ауыруын сезінеді, бұл көбінесе стрестік сыну функцияларын көріністелуімен астасады, ортан жілік сүйегінің толық сынуына дейін апталар немесе айлар өтеді. Сынулар көбінесе екіжақты болады, сондықтан ортан жілік сүйегінің сынуын бастан өткерген, ем қабылдап жүрген пациенттерде санның қарама-қарсы бөлігі тексерілуі тиіс. Сонымен қатар, бұл сынулардың нашар жазылғаны туралы хабарламалар болды. Ортан жілік сүйегінің атипиялық сынуына күдік бар пациенттерде бисфосфонаттармен емдеуді аяқтауды, емдеудің қаупін/пайдасын жекелей бағалауға негізделген пациент жауабын күте отырып қарастыру керек.

Бисфосфонаттармен емдеу кезінде пациенттерге ортан жілік, ұршық буынындағы немесе шаптағы кез келген ауырулар туралы хабарлап отыру ұсынылады, және ондай симптомдары бар барлық пациенттер ортан жілік сүйегінің толық емес сынуының бар-жоқтығына қатысты тексеруден өтуі тиіс.

Гипокальциемия

Гипокальциемия золедрон қышқылын қабылдаған пациенттерде тіркелді. Ауыр гипокальциемияның асқынулары ретінде жүрек ырғағының бұзылулары мен неврологиялық жағымсыз құбылыстар (құрысулар, ұю және тетания) туралы хабарланған. Ауруханаға жатқызуды қажет ететін ауыр гипокальциемия жағдайлары тіркелген. Кей жағдайларда өмірге қауіп төндіретін гипокальциемия дамуы мүмкін. Золедрон қышқылымен гипокальциемияны туғызуға қабілетті препараттармен емдеу кезінде сақтық шараларын қадағалау қажет, өйткені олардың әсері күшеюі және елеулі гипокальциемияға алып келуі мүмкін. Қан плазмасындағы кальций деңгейін бақылау қажет. Анықталған гипокальциемия золедрон қышқылымен емдеу басталғанға дейін түзетілуі тиіс. Пациенттер кальций мен Д дәруменін жеткілікті мөлшерде қабылдауы тиіс.

Золемеданың құрамында натрий бар

Золемеданың құрамында бір дозасында 1 ммольден аз натрий (23 мг) бар.

Жүктілік және лактация кезеңі

Бала туатын жастағы әйелдерге жүктіліктен сақтану ұсынылуы тиіс.

Дәрілерді қабылдау кезіндегі қателер

Атаулары ұқсас, құрамында золедрон қышқылы бар, бірақ көрсетілімдері мен дозалары әр түрлі препараттардың болуына айланысты, емдеуде қателіктер болуы мүмкін.

Дәрілік заттың автокөлік немесе қауіптілігі зор механизмдерді басқару қабілетіне әсер ету ерекшеліктері

Бас айналуы және ұйқышылдық сияқты ұнамсыз реакциялар автомобиль немесе қауіптілігі зор механизмдерді басқару қабілетіне әсер етуі мүмкін. Золемеданы автомобиль жүргізу және механизмдерді басқару кезінде пайдаланғанда сақтық таныту керек.

Золедрон қышқылының артық дозалануы кезіндегі жедел уыттану туралы клиникалық деректер шектеулі.

Золедрон қышқылының 48 мг дейінгі дозаларының қателесіп енгізілгендігі туралы хабарлама келіп түсті.

Симптомдары: препараттың ұсынылғанынан артық дозаларын қабылдап жүрген пациенттер мұқият қадағалауда болуы тиіс, өйткені бүйрек функциясының бұзылғаны (бүйрек жеткіліксіздігін қоса) мен сарысу электролиттері деңгейлерінің бұзылулары (кальций, фосфор және магнийді қоса) туралы хабарланған.

Емі: клиникалық тұрғыдан елеулі гипокальциемияны кальций глюконатының инфузиясы арқылы бейтараптандыруға болады.

Шығарылу түрі және қаптамасы

5 мл препараттан мөлдір, түссіз пластиктен жасалып, резеңке тығындармен тығындалған, алюминий қалпақшалармен және пластик қақпақтармен қаусырылған құтыларға құйылады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

Түпнұсқалық қаптамада 300С-ден аспайтын температурада сақтау керек. Сұйылтқаннан кейін препаратты бөлме температурасында немесе 2 оС-ден 8 оС-ге дейінгі температурада 24 сағаттан асырмай сақтау керек. Микробиологиялық тұрғыдан препарат сұйылтқаннан кейін дереу пайдаланылуы тиіс.

Балалардың қолы жетпейтін жерде сақтау керек.

3 жыл

Қаптамасында көрсетілген жарамдылық мерзімі өткеннен кейін қолдануға болмайды

Дәріханадан босатылу шарттары

Рецепт арқылы

Өндіруші

Актавис Италия С.п.А., Нервиано, Милан, Италия

Тіркеу куәлігінің ұстаушысы

Альмеда Фармасьютикалс АГ, Цуг, Швейцария

Қазақстан Республикасы аумағында тұтынушылардан дәрілік заттардың сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

Альмеда Фармасьютикалс АГ компаниясының Қазақстан Республикасы аумағындағы сенімді өкілі, Алматы қ., 3 ықшамаудан, 47 үй, тел. +7 (727) 276 35 61, adevents.kz@gmail.com.